鳴越越式料理

營業中

休息中

After an afternoon of walking around the Cenral/Sheung Wan area to view galleries, it started to get late and time for dinner. We wanted something casual and came upon 鳴越越式料理 (English name: Ming Viet Vietnamese Cuisine). It started to rain and pressed for options, we went in.The actual restaurant is found downstairs.It had a general Vietnamese decor. There weren't a lot of people at night but there were enough to not feel empty.They offered a hot pot set that was very inexpensive. They also had

經過前幾日吃了些不太好吃的越南菜今日星期五要對自己好啲 食番間真係好食嘅越南菜呢間越南菜喺上環附近 一出地鐵站行5分鐘就到夜晚有個set Menu 有唔同嘅餐可以揀 跟嘢飲我哋叫咗個越式火車頭 $78香茅豬扒拼雞扒飯 $75+3隻香茅雞中翼 $20同埋薏米水火車頭嚟到勁大碗 湯底濃味 好重牛味 配上好多唔同種類嘅配料 有生牛肉 牛丸 牛筋 九層塔等等非常滿足!!香茅豬扒同雞扒煎得好香 配埋一啲炸洋蔥食 再加上額外甜豉油 忍唔住一啖又一啖咁食雞翼都煎得好好食 薏米水亦好好飲最後埋單亦都唔使$100一個人 性價比甚高臨走前發現原來仲有越式火鍋 一於下次試吓先!!

在中上環番工既上班一族食個lunch閒閒地都百零二百蚊，冇一百蚊都落唔到樓。如果下次煩惱緊去邊度食飯，不坊試下呢間位於中上環寫字樓區既越南🇻🇳餐廳！以晚餐黎講，價錢十分實惠。50-70幾蚊已有一碟飯/越式湯粉包一杯熱飲，凍飲/特飲都係加幾蚊。跟餐加20-30蚊仲有各款小食如香茅雞翼、越式烤春卷、越式蒸粉卷等任均選擇豬排拼雞排飯：雞排同豬排都煎得幾香口，有肉汁，唔錯！一人份量火車頭：有齊生牛肉、牛柏葉、牛腩同埋牛丸同牛根，一次過滿足幾個願望。河粉份量超多！湯充滿住濃濃既牛骨味，忍唔住飲番幾啖我地跟餐加左越式炸春卷同埋越式粉卷，好有水準餐飲叫左椰汁珍多冰同埋青檸薏米水，唔會太甜清清地好解渴，正！餐廳空間感較大，而且好多梳化卡位。

行過中環🏦俾個門口吸引左，間野係樓下，係中環地區，真心唔算貴。餐廳四周都掛左不少畫，有點藝術氣息。《越式火鍋》 $68越式火鍋🥘一人一鍋好抵食，叫左酸辣湯底，唔算好辣，而且有點冬陰公既感覺。另外，侍應俾左碟辣椒同甜豉油，不過本人覺得已經好夠味，肥牛好薄身好快熟，肉質較軟，除左肥牛，仲有金菇，蟹柳，扎肉同生菜🥬《魚皮餃》 $8另外添加魚皮餃，有三粒，個豬肉調味得幾好。《香茅串燒雞肉》$36宜款小食🍡好出色，燒到外脆內軟，香茅味雞肉點埋沙爹醬，真惹味《下龍灣海鮮炒金邊粉》 $80金邊粉用豉油皇炒，有點似干炒牛河咁，而海鮮就包羅萬有，有蝦，帶子，青口，蟹柳。《熱菊蜜》餐飲叫左熱菊蜜🍯，打邊爐怕熱氣，叫宜個就岩喇！《凍青檸薏米水》 $8青檸薏米水🍸意外地覺得幾好飲，無諗過青檸薏米咁夾，酸酸甜甜咁

晚餐時間同朋友路經上環，肚仔餓沿途都唔見有咩食，無意中發現一間唔覺眼食越南菜既食店，看價錢不貴就決定入去試試。門面雖然細小，落一層地庫之後發現店鋪地方很大，坐位寬鬆舒適裝修新淨，牆上掛了很多帶有藝術色彩嘅壁畫。朋友三人都點了套餐，C1,C2和C10.這個越式生牛河，牛肉鮮甜美味，湯底濃香，河粉夠滑，相比同店之上，值得再食。這個香茅豬排雞排飯，肉排和香茅既味道混成一起，應該是經過長時間既醃製，非常入味，皮脆肉嫩不干還帶有肉汁。這個馬拉盞炒豬爽肉，鑊氣十足廚師功架，個汁剛剛好炒到差不多收就上碟，要來撈飯超正，白飯就是我們香港人喜歡既泰國米。這餐埋單都係二百幾蚊，超抵食，會再來。

上環呢帶食晚飯想食得平D選擇唔算好多，咁o岩行過見到呢間餐廳比起附近嘅算幾平，於是簡左來呢間食。呢間餐廳係地庫下面，地方幾大，座位闊落，坐得好舒服。我叫左個馬拉盞芥蘭炒豬爽肉配白飯，另外加$10叫左杯越式特飲。金桔青檸梳打原來係分開梳打水同金桔上。將梳打水倒落去個杯之後，同底下嘅金桔一齊攪勻，金桔味好濃，鹹鹹地又有D甜，幾開胃，但青檸味就比金桔蓋過，個味唔係太出到。馬拉盞芥蘭炒豬爽肉配白飯一上檯熱辣辣，而且好香，炒得好夠鑊氣，個汁好惹味，完全融入芥蘭加豬肉裡面。芥蘭唔老，豬肉好爽口。由於加左好多香料，所以呢個菜比較濃味，配埋白飯食就o岩曬。

中環難得有一間越南菜， 價錢大眾化 味道中上， 今晚 放工我們試了幾款推介菜 ，包括 豬頸肉濱海 ，越南大拼盤 ，牛油雞翼 等等 。豬頸肉濱海 米粉 煮得過熟 太淋 不能用筷子夾起， 豬頸肉是應該經油炸過，但是分量還是足夠的但不爽口， 拼盤不過不失， 牛油雞翼大件味道不濃 沒有牛油味， 肉質好似雪藏沒有彈性.值得一提是，當點菜的時候， 說出菜名還不夠， 服務員一定要我們找出菜式的編碼否則她便不能入單 ， 這方面我覺得比較不專業。 有心做的應該把編碼自己記好又 或者走回櫃檯自已慢慢查找。

約咗好耐終於約到好朋友食飯， 佢特別鍾意食越南嘢，所以特登選擇咗呢間位於中環嘅 鳴越越式料理。 絕對冇選擇錯，非常之好食。越式海鮮炒金邊粉用料十足而且晚上都好靚，重點係非常之好味。鳴越春卷拼盤呢間舖頭好細心，有菜畀我哋包住啲春卷， 食落口冇咁油膩 。特色腐乳炒通菜唔該唔會太鹹好好味。題外話點解會叫做賞心越目因為除咗嘢食好味啦 我發現老闆係裝修上都有落咗心機， 牆壁上有好多唔同嘅食物相， 睇到已經令人食指大動。 而且場內都好多卡位， 坐得好舒服。

喺港島呢啲地方，要搵間價錢合理啲嘅餐廳都唔係一件容易嘅事..是日去左上環，想平平地搵間餐廳食下，就搵到呢間食越南粉嘅地下鋪～餐牌選擇都幾多，我同朋友想食得清啲，一人嗌左一碗湯麵，其中一碗轉左做套餐（包一杯野飲+小食）生牛肉湯河—超級大碗，非常足料！牛肉呈粉嫩色，口感軟腍；再配埋新鮮嘅蔥粒，令整碗麵嘅香味提升🆙雞絲湯檬— 好欣賞佢地嘅湯底，飲得出唔係用盒裝雞湯，唔油膩，十分清甜。雞絲份量亦好多，雖然碗麵望落平平無奇，但都幾有驚喜架✔️小食嗌左越南春卷，炸得幾香口，裏面仲有啲蘿蔔絲，味道不錯～估唔到喺上環都會搵到間平價又好味嘅餐廳，lunch hour諗唔到食咩 去食佢就啱哂喇～👍🏼

‪今晚要加班, 放工之後同事提議一齊食埋晚飯先返屋企, 於是係公司附近試間越南野, 平時午餐少出街食, 同事話午巿有時黎食都唔錯~‬‪ ‬‪入門口已經比d裝修吸引到我, 牆兩邊掛左幾幅畫都幾有藝術感覺, 估唔到食越南野會有呢d裝修~‬‪坐低左之後牆上都有掛畫, 但坐位有茶餐廳感覺, 不過係坐得舒服同好靜既~ 餐牌裡面都係同其他越南食巿差不多, 我地每人叫左一碗粉麵再加左個菜同小食~‬‪同事叫左生牛肉湯河, 賣相好似唔錯, 原來食落真係好好味, 湯底清得黎好有牛肉味道, 而牛肉都好滑身同切得好薄, 而且份量都幾大, 之後決定大家share食~‬‪ ‬‪我叫左個雞扒撈檬, 撈檬精髓來自個汁, 酸酸地好開胃, 雞扒亦都好大塊, 煎得好香脆~‬‪小食叫左個越式春卷, 熱辣辣炸得好脆, 入面餡料有芋頭絲, 紅蘿蔔絲, 肉絲, 味道係好味而且唔會太咸, 而馬拉盏炒通菜反而有點咸, 所以比晒同事食~‬

今天放工便跟女友在附近覓食，找了很久也没有頭緒，唯有打開OpenRice 搜尋附近餐廳，發現有家評分頗高的越式餐館，我們便一致同意走過去嚐嚐鮮。餐廳位置没有很難找，在上環與中環之間，內裡佈置也是一般餐館的裝潢，没有什麼驚喜，但燈線光亮，給人暖暖的感覺。食物我們點了蝦頭膏酸辣湯河粉、火車頭湯河粉、越式春卷、香矛雞翼，及飲品越式龍眼冰。没有等很久，食物便分別上枱了。蝦頭膏酸辣湯河，入口酸辣有餘，但蝦膏味没有很凸出，但值得一讚是湯與河的比例適中，河粉煮得剛好，味道鮮甜。火車頭湯河，份量超足，上枱時便被其份量及材料給驚訝到，湯入口鮮甜，是真正越式湯河的味道，絕對有驚喜。至於春卷及雞翼，我相信是吃越南菜的標準配置，這次也没有讓我失望，特別是香矛雞翼，皮脆肉嫩，每一口肉汁也是滿滿的。雖然飲品比較一般，但總括而言，食物質素是有的，如果把地點位置計算在內，更是性價比高之選。

收咗工好攰都係出街食，同朋友放工後經過呢間越式料理，見佢價錢幾經濟實惠， 一試無妨。晚市有主餐牌散叫及晚市套餐。晚市套餐開頭我哋一睇以為係午市黎，因為價錢相當之抵 價錢由60蚊至80蚊左右，而且仲包一杯餐飲，可以以優惠價加唔同小食係好難相信咁抵食我哋叫咗兩個晚餐，一個香茅豬扒拼魚露雞扒飯，另外叫左海鮮炒金邊粉香茅豬扒及魚露雞扒飯黎到，雞扒同豬扒份量都非常之多，而且充滿香茅味。面上仲有炸蒜，味道唔錯，而且仲有啲少配菜例如紅蘿蔔絲、青瓜及車厘茄不過飯就有點偏淋。海鮮炒金邊粉都係好大碟，配料有蟹柳、 青口蝦等等。 都幾豐富但係炒金邊粉味道比較特別， 食落同平時嘅唔同，可能係越式。晚餐加25蚊可以加配越式春卷，春卷一共有四條，配埋生菜，春卷炸得幾香脆。晚市呢個價錢真係非常之抵食，仲包埋飲品， 真係窮人恩物

前幾天因為有點事情要辦，所以到了中環走了一趟，也是跟想像中的一樣，有大量的名牌店和高級餐廳，而且自己也不是在這一區上班，真的很少來中環。眾所周知，中環是一個消費高的地方，辦完自己要辦的事情，又不知道要吃什麼，很多餐廳的消費都很高，剛好看到了一間越南餐廳，又記起自己很久沒有吃越南菜，於是便進去了。一進去了，是令我感到驚訝的環境，看看門面還以為會是很普通的越式餐廳，但一進去就看見很多相架，裏面還有特色的照片，有的則是唯美的，第一感覺已不錯。下了不知多少層樓梯，就正式進去了餐廳範圍，餐廳內的設計也是有格調的，跟下樓梯的時候一樣，有不同的相架在牆身，二人座位也軟綿綿的，桌面也是雲石做的，更添美感。餐牌的食物種類很多，有炸物、粉麵、串燒等種類，整體來說還不錯，但我會建議餐牌分成不同的食物類別，並以圖片來區分，這樣必然會令人能看得更加清晰。第一道點的菜是生牛肉湯河粉，牛肉呈半生熟，所以算易咬，牛肉軟軟的，亦帶嫩滑的質感，喜歡半生熟牛肉的人一定會喜歡生牛肉湯河。湯底則濃郁非常，但同時亦會令人感到有點兒過鹹，能不能接受要看個人。第二個菜點了香茅豬扒湯金邊粉，原本是香茅豬扒湯檬，但我素來在越南菜中都喜歡

作為鍾意周圍覓食嘅我，今次嚟到中環食越南野，小編特登揀星期六日去食，因為我知道一至五一定勁多人，等勁耐位，所以就揀咗週末同埋紅日去食，首先一入到去就梗係Order一碗生牛肉金邊粉，個湯裏面有點鹹，但係牛肉就好正，另外亦都帶咗蝦餅春卷，佢呢個餐廳應該有個特點就係全部都偏鹹再加上帶咗兩杯嘢飲都係偏甜嘅我會建議佢哋可以將個味道稍為調整少少，另外我都帶咗個香茅豬扒金邊粉味道都係偏鹹嘅，但係總體來講係中環區可以食到呢個價錢嘅越南野真係唔多。

👁‍🗨越式火車頭湯河(7/10)💲 72叫左碗火車頭湯河，貪佢咩都有🤡牛柏葉，生牛肉，牛筋，牛丸，牛𦟌等通通齊哂，湯底雖然吾係果隻濃九層塔香料既湯底，但味道吾錯，係好香既牛骨湯😬而且啲牛柏葉爽口，牛丸彈牙，整體吾差👁‍🗨香茅串燒雞肉(3串) (7/10)💲36以呢個價錢食倒三串串燒，都真係算抵食😈香茅味吾會話太濃，雞肉食落腍身，但係個人覺得好似油膩左些少，有點膩👁‍🗨馬拉盞炒通菜 (7/10)💲68呢個馬拉盞炒通菜正正常常，冇咩特別😂通菜吾會老，味道亦都岩岩好，吾會話過咸或太濃味👁‍🗨青檸薏米水 (7/10)💲28叫左杯青檸薏米水，飲落幾清新，青檸味都突出，岩哂食完比較油膩既串燒之後飲，fresh一fresh🤠🔛 整體評分（7/10)