鳴越 Pho (已結業)

經過中環街市見到依間新開嘅越南Pho，晚市套餐$63-$82不等，奉送熱飲無加一，中環價嚟講都算合理。坐低同店員傾兩句，原來餐廳係同區同名「鳴越越式料理」嘅分店，過往評價都好高，相信分店食物質素都唔會差。嗌咗最經典嘅越南生牛肉檬粉－檬粉幼身易夾，湯頭夠清甜，有九層搭、洋蔥同葱花令味道更濃，再按自己口味加上辣椒粒同青檸汁；牛肉被熱湯輕灼仍然非常粉嫩，份量亦都好多。越池豬扒本身跟飯，店員表示亦可以隨意配搭粉麵，所以揀埋金邊粉試試。金邊粉烹煮時間剛好唔會太腍，豬扒外表好吸引，食落juicy唔乾柴，調味足夠唔洗點辣醬已經好好味。安南手作粉卷第一次食，粉皮好似薄身嘅腸粉，入面包裹住甘筍、沙葛、木耳絲同豬肉粒，口感豐富，面頭更有惹味嘅葱油同炸蒜令粉卷食落更香口。跟餐嘅香滑奶茶同平時茶記嘅差唔多，順滑帶啲苦澀，係香港人嘅口味。

行過中環 來到呢一間新開嘅越南餐廳鋪頭門面大裏面座位有卡位寬敞 卡位坐得舒服 侍應非常有禮貌招呼周到下午茶時間唔係咁多人都會下晝都有下午茶食五六十蚊食咗個高質嘅越南菜真係好開心 叫咗一個#軟殼蟹米紙卷軟殼蟹 蟹肉多鬆脆米紙卷包得好精緻感覺健康令我叫咗個越南春捲裏麵包住一啲米粉呀肉鬆咁樣香口有趣 可以建議係包住啲生菜嚟食感覺係健康啲 另外叫咗個佢哋出名嘅#名越綜合河粉 裏面有牛腩蘿蔔葉 牛腩嫩滑大件百葉就好爽湯底 好清甜 感覺好大碗回本抵食 慢慢食嘢都真係週末晚會嘅一種享受 佢夜晚仲會有一啲唔同嘅菜式係羊腩煲呀咁下午茶仲會有飯呀阿同其他唔同嘅嘢食好想試埋佢個咖哩飯 另外小食都好多款有牛油蒜香雞翼呀咁一次過我都食唔曬咁多嘢下次要去再試去其他嘢食先餐廳食物高質價錢唔該喺中環嚟講真係好難得

夜晚放工與同事一起于中環附近覓食，見到租庇利街有間新開嘅越南菜決定一試！近排天氣轉凍梗係要食個小火鍋先！裝修都幾有特色餐牌仲有其他選擇～🍲冬日小火鍋我哋選咗蕃茄湯同清湯，配料都算丰富，肥牛份量都几多，連湯都可以飲埋！🐷香茅豬頸肉&清素米紙卷👏🏻豬頸肉烤得火候剛好，相對比較薄身，但咬落去都feel到肉嘅質素唔錯～米紙卷total六個相當于食盘菜，好健康！配埋特色蘸料口感層次更加丰富！🍋咸檸蘇打都大大杯好好飲！整體來講性價比高，與同類型嘅餐廳相較亦都算唔錯

今日工作太忙了，所以午餐時間都變了下午茶時間。最近在翠華後面新開了一間越南菜，見到亦有下午茶套餐就光顧了。位置：非常方便，正在公司樓下，不用五分鐘就到了。環境：寬敞、很乾淨，牆上畫有越南的山河圖。下午茶套餐鳴越綜合粉$60+熱檸檬水(送)其實這個也是越南火車頭，不過配菜有少許不同。傳統的火車頭粉應該有：牛肉切片、牛丸、肥牛和蔬菜。而這個綜合粉則改了其中兩款：生牛肉和牛坑腩，蔬菜換成了九層塔、香蔥和芽菜，感覺提高了品質。還有一小碟配料，有檸檬和切碎的紅辣椒。湯頭的味道還不錯，如果是正宗的，湯應該是牛骨高湯，但喝起來不多有牛味，將配料倒入碗裏，味道即時提升。我覺得河粉的份量算多，若是當午餐也是能吃飽。生牛肉片的肉質還蠻嫩的，最好吃的配菜當然是牛坑腩片，肫瘦均勻，而且還有一大塊牛的骨膠原，好吃。牛丸相當結實彈牙，整體配搭都不錯。不過是我自己不太喜歡九層塔的味道。瑯南塔炸蝦餅$28表面舖上炸蒜和香蔥，旁邊有甜酸醬可點。表皮炸得不夠脆，軟霖霖的。蝦餅是用麵團與少許蝦肉和雜菜搓成，感覺與越南扎肉餅差不多，味道一般，蝦的味道也不突出。幸好有炸蒜來和甜酸醬提升味道。

星期六晚一支公食咩好呢，喺中環街市附近呢條街充滿着經濟實惠嘅晚餐選擇，比我見到新開左一間越南野，個名好熟口面，叫鳴越，問吓門口個侍應原來係上環總店嘅第一間分店。咁啱俾我見到呢度除咗傳統嘅越南食物之外，仲有羊腩煲！咁特別點可以唔試吓呢。羊腩煲餐（ $108 ），係熱辣辣嘅鍋仔上，仲包左生菜籃，一碗白飯。羊腩熱辣辣好暖身，又唔算好肥，配白飯都好唔錯呀。飲品方面，食越南野又點少得滴滴咖啡呢，加$20就可以試到啦。滴滴咖啡係用咗煉奶係底，當咖啡喺上面滴晒落嚟，就可以攪勻佢啦。滴滴咖啡嘅味道貼近茶餐廳嘅茶走，但又冇咁甜，充滿越南風味。

今日返半日，收工去食晏，見到附近開咗間新嘅越南餐廳，所以入去試吓新野。舖頭細細，我諗閒日嘅話應該都會坐爆棚，不過因為今日星期六，所以好舒服。佢嘅lunch都幾多選擇，湯粉撈粉或者飯都有。食得越南嘢，梗係要試吓生牛肉粉啦。佢個湯底似乎係用牛骨淆，所以甜甜地。但係加咗青靈同埋辣椒之後更加好飲。至於佢啲牛都幾有牛味，同埋都夠薄，真係遇到湯先至熟。至於朋友就嗌左碗雞絲札肉粉，呢碗個湯底就清啲，但係味道都唔錯。最後我哋仲叫咗個無骨鳳爪，都幾辣幾惹味。不過可能魚露落多咗少少比較鹹。

下午茶時間來到中環呢間新開鳴越分店，店內有不少客人，餐牌所見價錢不算貴，基地點又不錯，難怪吸引不少客人 。入店前先量度體溫，每枱配有醬料同紙巾。原來鳴越綜合粉即是火車頭，入面有牛肉、牛柏葉、牛丸、牛腩、牛筋等，材料豐富。上枱時分量不少，上面既牛肉微生，用熱湯慢慢再燜熱，入口軟甜蘿蔔，湯底盡顯蘿蔔牛肉鮮甜咸香。吱上少許隨碟之青檸檬汁、辣椒粒，更顯惹味！入面越南版芽菜較為圓潤短小，仲有香料葉，而河粉香滑。炸春卷香脆，餡料惹味，點上少許是拉差醬，別有風味！椰青極之大隻，椰青水好清甜，仲備有匙羹去刮入面好多椰青肉。另外，店舖服務不錯，男店員體貼禮貌地在食物上枱時預先提點客人，避免專心客人會被嚇到，小小舉動確是貼心！