鳴門魚市場居酒屋 (已結業)

昨晩第一次去，環境不算很滿意，主要是好多座位都無椅背，似公園長櫈仔。正面睇係別有風味，負面睇係坐得唔舒服，特別是不宜久坐。食物質素幾好。三文魚生幾新鮮，夠大舊又有味道（其他刺生就不知道，本人只對三文魚生有興趣）。珍寶牡丹蝦都唔錯，好過上次係尖沙咀某間高檔料理食的。燒珍寶蠔每隻48，買二送一，麻麻地，唔係好值。如果不是無蠔不歡，可以不試。軟殼蟹天婦羅一件有成隻，炸得剛剛好，炸漿鬆脆，味稍鹹但可接受。煎鵝肝三文魚籽飯48碗，本來沒什麼期望，不過有意外驚喜。雖說那片鵝肝味道不算很甘香，不是靚貨色。不過都有足成片，加上三文魚籽都係$48，算交足貨啦。枝豆是我必食，不過唔係好得，三分一都係每莢只得一粒的頭頭尾尾，豆比較瘦。服務OK啦，經常嚟添茶，一叫就有人到。

I've been to this restaurant for so many time as I'm always impressed by their consistantly high quality food and services! And I keep bringing new diners to the restaurant and they love it!Everytime I go there I order the 1.8L sake which is the cheapest one in the drinks menu but it is very nice, and if you are unable to finish the whole bottle they can keep it for your next visit, which I\'ve never done it coz its irresistable! It is not as good as the 大吟釀 however, opening a 1.8L sake in a res

上星期因為朋友轉咗一張九折Coupon,所以便去嗚門食番一餐! 其實我已食過幾次啦!不過今日真係值得一贊~ 最後先講下點解要贊呀...今次我地食咗4樣野:北海道牛乳廣島蠔 --->本人覺得如果喜歡飲北海道牛奶既話,都可以一試牛舌炒雜菜-->好味豬扒滑蛋飯-->味道十足,豬扒新鮮香脆帶子刺身壽司-->刺身好新鮮,我第2次食都可以保存到鮮味最後想講一次,原來現存在網上流傳九折Coupon並不是荃灣呢間~因為我今次我比左張九折Coupon找數時..原來唔係荃灣呢間..但值得一讚係個員工都照比九折我,真係好好人呀~服務態度一流~衛生情況都好~因此大家可以去試下啦!

今日約左我fd系荃灣打機 打打下.我fd話去食嘢 我問我fd食咩 我fd話鳴門 我以為我fd講笑 我就問我fd 有冇間嘢叫佐助? 我fd話講真ga 跟住我就同我fd一齊去左荃新天地 一到佢地門口我就俾佢地門口既佈置吸引住 佢地門口擺住2張好有日本風味既臺 一入到去佢地既佈置更加吸引我 睇上去好優雅大方 好似真系到左日本食嘢 當我同我fd一坐低 就有一個帶住好溫柔笑容既侍應比左2杯綠茶我地 跟住我同我fd叫左2樣野 一個系薄燒鰻魚飯 一個系咖喱豬扒飯 佢地整嘢速度真系好快 我同我fd個2樣野 唔到10分鐘就有啦個鰻魚飯好好食又多汁 我fd話個咖喱唔辣 好好食 當我們食個陣 特然間傳出一陣香味 但我唔知系咩 我一聞到 我就即刻問侍應 咩嘢咁香 個侍應答我系石鍋咩咩香蔥牛肉飯 我同我fd講我下次一定要黎食呢個飯 真系太香喇!!! 我今日介紹薄燒鰻魚飯比大家 真系好好味 天日我食埋個個石鍋咩咩香蔥牛肉飯 再介紹比大家 今次唔記得影相 唔好意思 天日一定有相睇 大家去試下喇~~一定冇介紹錯

搞某些事總要買野，飲完茶仲未係好飽，不如試下新野。叫左三樣野都係豬。滑蛋豬扒飯蛋係滑同醬汁味OK既，不過擺到黎細碗我就嫌唔夠熱啦。咖喱豬扒飯同上述問題差唔多，最大件事係豬扒太硬有ｄ渣。豬類野算最好既係叉燒拉麵，有別於其他鋪既瘦叉燒，呢度肥瘦均勻。佢本身又送蔥花魚腩卷又送蕃茄湯拉麵，其實都好夠。食左咁多三件頭先二百零七，都算抵既。

鳴門魚市場.居酒屋---黑豚軟骨蔥油拉麵日期：2009-09-08在"鳴門魚市場.居酒屋"(荃灣)買了"黑豚軟骨蔥油拉麵"($48)。黑豚軟骨蔥油拉麵和豚骨湯是由一個"雙層層疊膠碗"分開盛載的。黑豚軟骨蔥油拉麵---內有拉麵、黑豚軟骨、蔥粒、粟米粒、昆布、菜、鳴門卷、溏心蛋、辣味黑芝麻大蔥絲、竹筍和豚骨湯。湯頭豬骨味濃郁，帶點蒜頭及蔥味，鹹味適中。麵質略為腍身，不算彈牙。黑豚軟骨肉質嫩腍鬆化，軟骨微脆彈牙，醬油味十足，帶點甜味。溏心蛋柔軟嫩滑，蛋味夠香。辣味黑芝麻大蔥絲，蔥味濃烈帶微辣，香口惹味。整體水準很好。鳴門集團:http://www.naruto.com.hk/

知道荃新天地開咗間「鳴門」叫NARUTO，個名幾得意因為就係我平時睇開嗰套「火影忍者」個主角嘅名。同d friend 傾開就 book 位試吓。入到去，間舖嘅格局好似居食屋，深啡色嘅顏色襯托著堅木製的檯櫈；牆壁貼滿用手寫的日文餸菜名字，像揮春一般好有home feeling；很特別嘅係佢地有幾個好似中式酒家嗰d大魚缸，但係裡面游水嘅應該係日本游水魚而唔係香港常見嘅海產。我地前後有八個人，都叫咗成六、七種午餐，最抵食係新張期內有八折。我覺得最好味都係日式咖哩豬飯─咖哩好香好味！　佢地亦有日式「稻庭」烏冬─滑得不得了！　天婦羅唔會太多粉─好味！ 欣賞呢家「鳴門」係因為佢地好有心思加咗Ｄ了「日本元素」响店及食品入面，唔似香港好多所謂「日式」食店已經被本地化了；例如「鳴門」會從日本進口的海鮮、日式小店的設計、純日本咖哩、甚至乎有响日本特別進口嘅綠茶鹽！　呢Ｄ另人感覺間舖都好認真要分別出黎，話比人聽係幾正中日本菜囉。Anyway，呢間係籍得一試嘅居食屋！自己去試試啦！

荃新天地又新食肆進駐 - 鳴門! 前身石鍋品題, 地點不是太多人流, 始終近快餐店會較多人認識, 今天老公放假, 藉機找他陪試新口味! 下午剛開市...沒有人, 侍應不是太有笑容, 但仍可接受, 店內私人空間亦夠, 深棕色木枱, 格局幽雅, 可惜座位真的太不舒服, 沒有椅背, 實是敗筆! 新張期內, 正推廣優惠, 我們選了兩個套餐 :一. 刺身飯 + 蕃茄湯拉麵 (兩份前菜) , $58 (原價 $108):　兩份前者是炸菜牛舌及生菜沙律, 前者全部切絲, 沒有什麼特別, 生菜沙律內有些少芒果及蕃茄, 不甜, 沒有吸引之處! 刺身飯有三文魚, 甜蝦, 帶子, 北寄貝, 舌拿魚等等...款式多, 但不是太有鮮味, 飯也不黏口! 蕃茄拉麵量不算少, 蕃茄湯底有花生香味, 我一個人吃不完一整個餐! 二.香蔥吞拿魚碎飯 + 冷烏冬沙律 (兩份前菜), $78 (原價 $98), 好吃的吞拿魚碎應是怎樣的? 我只覺自己在吃一堆切碎了的肉, 香蔥味也不濃, 冷烏冬很冷, 烏冬是煙韌的, 但 Over 了一點點, 吃在口有點咬不開的感覺!這個月份正是推廣月, 大家有興趣試新日式店, 餐牌上還有串燒,