鳴門魚市場居酒屋 (已結業)

同班FRIEND放工後, 諗住獎勵吓自己, 故即使有D唔舒服, 都照食日本嘢. 點知果然有驚喜. 食物除了好味, 更是感受到抵食. 單是個炸蠔, 我和朋友們已前後ORDER了2客, 簡直是超美味!

「開OT的日子要對自己好一點」，憑著如此的格言，我走進居酒屋裡邊。朋友說要再多一陣子才到，LUNCH HOUR時間緊逼，我吃在前頭，當然很沒義氣的先點了：打開MENU，很多不同的選擇，今天正好想吃刺身，就點一個壽司刺身拼烏冬，再加一個$5的日式蒸蛋（我的最愛）。東西漸漸到了，讓人一見傾心的壽司刺身拼盆，很多啊，而且件件肉質鮮美，工夫絕不馬虎，讚喔！小小碗的烏冬，除了那幾片烏冬稍為遜色之外，烏冬的質地也是一級棒，彈牙得黎又有少少黏質，喔頁！朋友姍姍來遲，看見如此畫面說：「咦，你叫埋我個份啊？」「冇啊，你自己睇MENU啦，呢D都係我架！」朋友的反應蒸蛋是一貫的水準，但加上沙律，壽司，刺身，烏冬，一個午餐吃得如此豪華，才六十多七十塊，實在太幸福！朋友叫咗個鯖魚定食（抱歉忙緊食野冇影相），鯖魚也是燒得恰到好處，好好味～荃新天地黎佢價錢一般，但水準真係超班，俾個GOOD你，繼續保持水準，下次再黎幫襯！

新春放數天假期, 實在用不盡來拜年, 所以一家人相約當天在荃新天地看3D青蜂俠, 一早便在網上預訂戲票。開場時間8.20pm, 所以我們便早早6時到達找找吃。 知道這裡有一間鳴門聽說海產類比較好, 因為時間還早, 不用等待便被即時安排入座。 剌身真的比較新鮮! 很甜美! 而那個石頭窩蕃茄烏冬也有驚喜。

　原本我們是到另一日本餐廳進餐，但因該店已爆場，故和友人試試鳴門。　位於荃灣荃新天地的鳴門居酒屋 ，要走到這兒吃飯 ，我覺得不就腳，地鐵站下車後要走十五分鐘，是故商場餐廳頗冷清。是夜九時，我和友人一行三人要了壽司,刺身,鍋物和沙律，鍋物和沙律做的不合格。壽司份量少，比一般迴轉壽司更少，但味道鮮美，如蟹籽甜蝦沙律壽司，左口裙邊壽司和黑魚籽牡丹蝦壽司。這兒九時後的刺身有半價優惠，但每人限點一款，我們要了兩客三文魚刺身,一客吉列廣島蠔，三文魚刺身鮮美，催促了兩次才到的吉列廣島蠔是熱騰騰的，味道尚算滿意。個人認為壽司和刺身是店裏做的較好的,壽司和刺身賣相精緻。　日式炒飯不划算，普通一碗小小的蛋炒飯要三十五元！　我們想要海鮮鍋，但店員告知已售罄，唯有改選辣泡菜黑豚大蜆雜菜鍋，大蜆只有兩只，鍋內只有大量辣味湯底和雜菜，泡菜味道，不特別好吃。　那個松葉蟹肉蟹籽沙律，碗內都是青瓜和蟹柳絲，那來的松葉蟹肉？這又索價五十大元！　比較讓人高興的是居酒屋人少，環境靜，大家可暢談用膳。三人行也吃了近五百元，以此價錢我認為有更好選擇。

又係日本嘢~~好老實講,香港真係好多日本嘢... 拉麵、壽司、居酒屋... 以前被標籤為高級嘅日式食品,而家已經變得極平民化了.午飯時候,到了荃新天地,問問友人想食咩, 他沒意見,那我便選了鳴門~ 因食過好幾家,未試過鳴門,所以試一試.一到步,不用等.. 三個人坐在六位用的長枱,幾好.. hehe.. 看餐牌,有個午市石的烏冬餐,就試下啦... 叫咗個人氣の選嘅<石鍋蕃茄湯極上牛肉讚歧烏冬>...有沙律,有三文魚刺生,有杯嘢飲跟餐... 都幾好...友人們都叫咗刺生飯... 他們說ok 啦... 不過不失...我們烏冬呢... 個鍋勁熱,上枱時重滾的... 真係ok 喎... 但個賣相就一般啦..1:蕃茄湯: 好熱,好蕃茄... 滾到最後都唔會好濃,ok..2:極上牛肉: 唔知點極上,同一般肥牛差不多3:讚岐烏冬: 唔知係唔係我唔識,讚岐烏冬唔係應該纖細D咩? 不過都好食嘅...以後午飯有多個去處...

因為有一張烏冬贈券，話價值$58，所以咁短期內再嚟幫襯鳴門一次，諗住唔好嘥張贈券丫嘛！荃新天地俾我嘅感覺係旺星期六、日，平日嚟都幾靜吓，由於依次志在用咗張贈券，所以只係平平哋食個晏，定食一般四、五十就有交易，貴啲嘅就七、八十，由於都有個免費烏冬，而太太又鍾意食燒銀雪魚，所以揀咗個貴嘅「汁燒銀雪魚定食」$78，再加埋個「溫泉玉子冷稻庭烏冬」$58，諗住都夠，點知……係唔太夠！汁燒銀雪魚定食個定食好快就到，包埋味噌湯、沙律、白飯同餐飲。味噌湯麵豉味頗濃，算係有個好開始；而沙律只係普通貨色，沙律菜、蕃茄粒配啲日本油醋；白飯，日本珍珠米，飯粒軟熟而帶少少粘糯，有米飯香，幾對胃口。講到主菜汁燒銀雪魚，睇賣相燒得甘香幾靚，食落魚油十足，肉質細嫩，但舊魚嘅尺碼真係有啲細，得一件，夾幾啖就食晒，送飯勉強夠。溫泉玉子冷稻庭烏冬個烏冬唔知點解等咗好耐，同老婆一齊食住個銀雪魚邊食邊等，有少少尷尬，因為差唔多個定食都食完，個烏冬都未到，搞到好似兩個人慳到要叫一個餐兩份食！結果，都係食完晒個定食，個烏冬先到，唉，估唔到仲要係咁細碗添，出乎意料之外，又係得幾啖咮咮聲食鬼完嘅份量，唔知佢正常嘅份量都係咁丫？定因為我

之前食過幾次午餐，都覺得幾抵食。今次特登去試下佢涸晚市得吾得。坐低後，發現冇咗Ｄ午市套餐，晚餐主要做二人套餐。價錢同食材成正比，貴Ｄ但高級Ｄ。我想多Ｄ吾同野，所以散叫。胡麻醬中華冷麵。味道吾錯，用料足。５８元抵食１２款推介壽司，我點咗三文魚（有醬個種）、左口魚裙邊、蟹棒。幾鮮味。泡菜啄肉煱。少少酸辣，不油。正燒飯團。一般，可以不叫。食完仲有抽獎，我勁好彩，抽到多謝惠顧，姐姐俾我抽多次，就抽到支清酒。ＰＳ：９：００ｐｍ後，剌身半價，可惜我吾太好，如果吾係一定試下。

有朋自遠方來，當然要去大刷一餐！新界西區真係比較難搵好食嘅日本嘢，今次試下荃灣Citywalk嘅"鳴門"。我地一去到Service都唔錯，本來想食池魚刺身，但咁arm無貨，咁Waitress姐姐介紹左我地食佢話好正嘅秋刀魚刺身。咁大個仔都未試過，一於試下！秋刀魚刺身$148 (後炸魚骨+$20) - 一個字"鮮"！入口甘香無腥味，之後仲有好香嘅秋刀魚油香味擁上黎！Wasabe 都無用過! 大池魚刺身 $98 - 有D似油金魚+章紅魚，好新鮮，好滑。酸汁鯛魚白子 $9x - 滑豆腐一樣。waitress 介紹新貨到港，就順便試試。不過我自己覺得一般。12款特價壽司各一件 ($1xx) - Ok 啦，不過不失泡菜件豆腐鍋 ($78) - 細! 燒三文魚頭 $50山葵沙律醬冷烏冬 ($xx) - 又出奇地大份同好食喎！什錦天婦羅 $xx - 都 OK, 有6-7件！半價清酒 - ($200)埋單 3個人 $1050，會再黎！

我同家人1:45pm到達,當日仲要星期日,以為都幾多人...點知我地1入去餐廳,得1千零1張桌係有客人only....明明鋪位都幾大,但估唔到係完全無客人可言..仲要對正個天橋入口的鋪位....... 我見waiter非常清閑就真...主菜menu的設計太過簡潔吧..完全一點兒色彩也沒有,只係A4紙上印住清清楚楚的食物中,英,日文 名稱+價錢.....即使用彩色的紙印menu也比較好看了點兒吧???? 一點兒的吸引之處也沒有........好難想像那個食物名字的食物賣相,到底是怎麼樣呢????好暗的燈光,而且椅子(一個深沉棕色的長形立體箱...)+桌子非常深沉的啡木色.......令我的家人一眼望落去,就好似大大個棺材似的,仲要每一張桌子都係咁大張,連2人桌也沒有...這是此餐廳的style????難度預算每桌的客人一定會叫勁多 日式料理???講返set lunch,有好多款式,我揀左滑蛋豬扒飯 $42------配前菜,麵豉湯,沙律但飲品需要另加5蚊~上菜時,係成份set lunch連托盤上菜,幾有日本的風味~滑蛋豬扒飯的賣相全是金黃色的~約8件吉烈豬扒,但食吉烈的部份軟身左d呀.

食嘢更係揀食材最好狀態啦，不時不食丫嘛，依趟晌鳴門出席咗個秋刀全魚宴試食會，不單只食到好嘢，仲有學到好多嘢，因為負責人蔡生同大廚明哥不時走過哩教我哋嘢，點睇好唔好食，煮法有咩特別……。秋刀魚盛產晌太平洋北部，其實一年四季都有，不過佢本身肉質較粗糙、幼骨又多、腥味較重，但一去到每年9月到11月盛夏至初秋依段時間，為準備迎接冬季來臨，需要儲存大量養分晌體內，就係秋刀肉質最肥美嘅當造期，魚身變得油脂豐厚，肉質軟滑，鮮甜而不腥，大自然就係咁神奇！題外話，因為魚肚位一片銀光，身型修長得似把利刀，而且只有秋季最正，所以叫佢做秋刀！上網睇番資料，原來秋刀營養價值幾高，含豐富蛋白質，容易消化及被人體吸收，仲有含大量不飽和脂肪酸，甚麼DHA及EPA我都唔多識嘅東東，話有效預防心臟病及腦血管等疾病，聽落總之有益就OK啦！ 師傅話一般秋刀魚料理多數都係用炭燒或蒲燒嘅方式，然後配上白飯和味噌湯哩食。但今次搞得秋刀全魚宴，點可以凈係得個燒字，用咗唔同方法哩炮製，有啲皆屬驚喜菜式！仲有，有啲菜式係特製，專為今晚而設，連餐牌都無，聽到都好想快啲有得食。未食前，負責人蔡生仲整多一個驚喜俾我哋，就係拎出自家釀製梅酒共諸

中秋諗住搵間新野試, 平時見到都少少貴, 所以特別日子諗住去試下. 但係有d 失望... 蟹肉沙津 - 真係"多到"呢.... 兩啖冇左....雜錦魚生飯 - d 魚唔新鮮, 唔夠凍, 再食d 飯果時, d 飯淋bebe 咁帶子壽司 - 一般, 因為唔夠大o既關係, 食落冇咩口感. 加上都係唔夠凍極上牛肉烏冬 - 牛肉還可以, 烏冬就似係浸左好耐, 冇晒口感

又同老婆去四圍食，見好評唔少，於是就黎試下。一早訂左檯，但黎到要坐門口第一張，其實walk-in都有位，早知唔訂仲好。睇餐牌叫左個蟹肉沙律、一個鍋燒烏冬、壽司叫左三文魚、劍魚腩、海膽、饅魚同帶子，另外串燒叫左雞腎同牛利，一個燒牛仔骨。。蟹肉沙律：好少蟹肉、青瓜幾爽口，不過味道比較淡。烏冬：呢個完全唔掂，烏冬好糊，無煙奀口感，個湯漿糊咁，差！壽司：海膽老婆話唔得、三文魚只普通超市質素、劍魚腩無味、鰻魚OK、帶子有陣知唔係好新鮮。串燒：呢兩個就唔錯，幾爽口。燒牛仔骨：不過不失。整體食物質素唔可以話好、環境尚可，服務就唔錯，識不停加茶同收野。埋單四舊幾，唔算經濟，無必要再黎。

店內陳設OK，乾淨整齊。侍應算主動有禮招呼，但可能晚飯時段較多人，因為有兩碟ORDER要催單才有。剌身 – 帆立貝、牡丹蝦：新鮮有光澤，望埋去已經好吸引。前者鮮甜厚肉，後者蝦味濃郁，份量也剛好，不錯不錯。串燒 – 羊仔腩、黑豚肉：前者尚可，羊味不是很重，味道較淡。後者則肉質鮮嫩，油份分佈豐富，不會燒太久而變乾，依然濕潤有肉汁。大toro：有點失望，其一大TORO切片太薄鬆開，而且肥肉位過多，有點膩的感覺。其二壽司飯不夠黏，用筷子夾起時，已散開兩邊…要改善一下吧！牛油果卷 、 鰻魚壽司：前者新鮮爽口，鋪面的沙律醬跟卷物很配，味道很好之外，賣相也很吸引。鰻魚壽司賣相不太吸引，可能是燒汁不久，或是用了別款的燒汁，看上去比較淡色，味道亦比一般的鰻魚淡。黑豚肉軟骨蕃茄湯烏冬：滾熱辣的蕃茄湯底頗鮮甜，唯一不太夠濃郁，可再濃點味道更好。襯托烏冬和黑豚肉軟骨一起吃，味道香滑，烏冬入味有嚼頭，黑豚軟骨香軟滑溜，會令人吃完再想多吃一碗呢！甜品 – 柚子雪葩、奶凍：沒什麼裝飾，略為有點”信識”，不過在味道上而言，前者柚子味勁香濃，像是在吃真的柚子一樣，非常清新消暑。後者是用北海道3.6牛奶所製成的奶凍，香軟

這間日本餐廳之前曾光顧過,覺得它的食物水準相當高,舊同事生日,相約跟她慶祝,自然選了這間食肆開餐.我們原本叫了一個蕃茄湯底的吉列豬扒烏冬set lunch,但落單的侍應搞錯了燒雞,既然來了,我們亦沒有堅持要換.燒雞沒有甚麼特別,但烏冬很煙韌,蕃茄湯偏甜,雖然味道不俗,但卻少了蕃茄的酸味,若果你不介意的話,亦可以一試.套餐有六件迷你的三文魚巻,普普通通,可以接受燒軟骨:說真的,很小型,但十分美味雜錦刺身:有三文魚,劍魚腩,甜蝦,八爪魚,用料尚算新鮮.三文魚壽司巻:味道尚可.兩人用餐447元.

9月8日（星期三）晚，之前看了食友Yan的食評後對此店甚感興趣，是晚和女友逛完商場後便來試試，來到後才知道九時後有優惠，所以等到過了九時才入座。我和女友來到時店子約一半滿，但女侍應們卻看似忙得不可開交，此店的食物選擇很多，就算祇看推介和特價的餐牌然後點菜也足夠。三文魚刺身和豚骨湯煮日本大蜆都是九時後的半價優惠，因一人限點一款，所以點了這兩種。前者雖祇得四片，切得頗厚身，入口軟滑且頗有質感，足可彌補鮮味不足的缺點；後者的蜆約祇有十隻左右，未能細嚐箇中滋味，湯底加了少許黑胡椒，相信是用來辟去醒味，但同時也搶走了豚骨湯的鮮甜味；鰻魚穴子孖寶大板燒被大量的木魚絲遮蓋，鰻魚和穴子亦祇是鋪在大板燒餅上，幸好燒餅煎得不油膩，內有大量菜絲而沒有太多粉，尚算不錯。我們還點了湯霜鯛魚壽司、海鰻壽司、帆立貝壽司和吉列蝦壽司各兩件，湯霜鯛魚壽司並沒有給我留下很深的印象，祇覺肉質有點韌，帆立貝尚算肥大肉厚，鮮味稍欠，不過這兩款的壽司握功不錯；海鰻壽司肉質幼細味濃，吉列蝦壽司則香脆夠熱，可惜兩者都有一樣的問題，都是將配料放上壽司飯上而已，特別是吉列蝦壽司的飯糰非常鬆散，幾乎不能用筷子把飯團夾起。是晚和以往有點不同