鳴門魚市場居酒屋 (已結業)

晚餐因價錢不平，始終冇試過。今天朋友比了他們上次送的現金卷我們。。。。。。gogogo.吃200減100,点可不吃。沒有錢的壓力。吃得開心又放心。我們今次冇吃魚生，但其他食物已好正。下次再試魚生。吃了800，只需付款4xx.重要再送新現金卷400。想点

原本黎商場諗住食炸雞, 點知好多人所以放棄. 睇下水牌見有另一間人氣店, 所以又睇下洗唔洗排隊先, 都要排不過無咁多人, 接受.最簡單要左2件三文魚壽司, 夠新鮮, 肉質軟滑, 而且肥美. 飯夠鬆軟, 口感不錯. 不過盛惠$28/2件, 食開平民野總覺有點貴. 另有雜錦天婦羅(3蝦4菜), 盛惠$78, 即係每舊10蚊. 炸粉唔厚但唔算太脆口, 蝦新鮮夾口, 不過蝦SIZE較細. 野菜類都新鮮, 食落仲保持到野菜既水份, 無咁肥膩.食物味道新鮮的, 不過價格稍貴, 唔可以成日黎.

這裏的午餐有很多選擇但我每次來都是叫豐盛壽司定食，原因是試過一次之後就好食得令我不想食其他餐了。*吞拿魚腩蓉細卷有很香吞拿魚腩的香味，最難得的是師父把腩切得很蓉，吃下去很滑，不是每間都能做到的*三文腩的部位很好，脂肪分怖得很完美，配上壽司酸酸的飯非常可口。*甜蝦也是吃得出很新鮮，比一般的甜蝦大一點點。*油甘魚與海謄都是新鮮，質素很不錯的。*相比起其他，帶子可以說是比較遜色，沒什麼特別了。$98加一可以吃到這個質素的壽司我覺得值得，相比熟食，這家嗚門的壽司更為優勝

自從早輪朋友post左堆到滿既海膽飯, 開始留意呢間日式食肆. 今日睇完戲, 呢個商場原來都有呢間鋪, 不過就無海膽飯既, 但一於都黎試下其他野食.石窩芝士焗黑豚軟骨飯, 石窩好夠熱, 撈完個飯仲有"吱吱"聲, 可能太熱, 飯有D乾, 而且底部變左飯焦. 汁唔多, 靠芝士調味, 但芝士味唔算太濃郁, 淡口一點. 豬軟骨唔錯, 腍身而嫩滑, 而且幾入味, 唔會太咸, 膠質仲幾豐富.

上星期朋友給了一疊鳴門的現金卷我，見快要到期便約家人去食。現金卷只限平日晚市使用，每吃夠$200便可用一張$100。星期一晚上八時多去到鳴門，不用等位。剌身選擇眾多，用現金卷的話會計回原價, 都比特價便宜。問店員有什麼好介紹，他推介原條魴鮄魚剌身，這款魚比較小有，今晚只剰一條。我們立即先order一條，另再加兩客牡丹蝦。一上台，魚的樣子趣怪，有點像卡通人物，吃入口肉味重，新鮮彈牙，點日本酸醋吃一流帆立貝海膽炒飯: 好足料非常多帆立貝，飯炒得干身，味道不錯，但略嚴海膽較小。泡菜豬肉shabu shabu: 本人強烈推介！Shabushabu份量好夠，湯是由魚骨淆制的麵鼓湯，入口清甜而不'漏'，越食越好味，最後連湯也喝完

突然想吃日本菜，便駕車去荃灣鳴門。和荃灣的朋友說起鳴門，應該無人不曉，原因是此店在荃新天地坐落了不下五年，算是區內少數的高質素日本料理星期六晚上8點半來到，等了大約30分鐘左右便入座。等候時無意中發現鳴門在招募vip, 只需付$600便可即時入會，有$500 cash coupon, 生日月7折券和剌身酒類有50%折扣。跟朋友商量一會便決定入會，原因是我倆也是嗜酒之徒，入會後比較化算。店舖裝修很有feel,像置身於沖繩一樣。最近是沖繩料理推廣。豪華剌身拼盆，魚生新鮮，海膽鮮甜，可惜牡丹蝦開始變壞，蝦頭有異味。對於我來說，吃日本料理，清酒是必需的。我們點了路上有花。它名字優雅，喝下去甜而甘口，且有淡淡的花香味。赤貝新鮮弾牙沖繩之寶Aku豬，建議大家一定要嚐嚐。牠的香滑口感跟普通豬不一樣燒三文魚頭，外層燒得香脆，送酒皆品也。日本燒蕃薯，甜而不膩。

極上刺身拼盤用了vip card之後，由menu原價的$638減至半價$319。另外地酒及海松貝都有半價，覺得都幾抵食。刺身拼盤裝飾及新鮮程度有水準。清酒在這家店常見可以優惠價格享用，覺得幾抵。今次刺身配了凍飲的富久良地酒，應該只是一般的本釀造，但與刺身搭配更顯其清新，亦減褪了酒的辛澀，令鮮魚旨味更甘香。個人我好鍾意油甘魚，切得夠厚身而且味濃，金目鯛（貌似大眼雞那種）魚脂與魚肉的旨味恰好，釣池魚配酒一流，能各顯其色。刺身會配備上有點醋酸的豉油，整件事幾夾。讚岐烏冬是我歲半女兒必食之選，黑豚軟骨不會只是軟骨，每次叫都會有豐盈豚肉切件，而且炆到好鬆軟。蕃茄湯汁相當濃稠絕不欺場。燒蟶子的醬汁蓋過了蟶子的味道。鹽燒虎蝦不過不失。

呢一日係愛麗絲爹啲生日👨🏽 我地一家人去左嗚門食生日飯慶祝🍰❣🙆🏽👨‍👩‍👧都有幾年冇泥食野喇，難得生日，媽咪都好豪爽，嗌左好多道菜慶祝👩🏽 先要介紹既係魴鮄魚剌身，賣相十分吸引，魚生一片片咁擺係冰上，旁邊放住個魚頭，十分精緻🐠 食落都好爽，點啲酸酸地既汁一齊食，都幾開胃。其實呢到既刺身好新鮮，店内有魚缸，可以見到好多魚游泥游去😂 店員亦都會強調佢地既海鮮係搭飛機新鮮運番泥既😂 所以質素係有保證既👍🏻之後就係一系列既串燒喇，呢到串燒有7折，所以我地都嗌左啲泥送酒。有沙律燒皇帝蟹棒丶汁燒豚肉年糕卷、燒菠蘿丶日本磯燒蕃薯串燒等。推介汁燒豚肉年糕卷😍 佢係一片豚肉包住一舊年糕，豚肉煎得好脆，連埋in in un un既年糕一齊食真係好正呀😍👏🏼 而另一個推介既係燒菠蘿😂 咪睇少佢，酸酸甜甜既菠蘿，燒得焦香，又帶少少鹹，菠蘿又好juicy，食落去真係好惹味好正😂😍🍍講完剌身同串燒就到炸物喇，我地點左個吉列炸蠔同蕃薯南瓜天婦羅。吉列炸蠔有四件，都好脆好好味，有個酸酸地好似沙律醬既汁同菜沙律伴碟既😁其餘既野食就係汁燒魷魚筒丶蒜香雞軟骨粒丶芝士年糕同石鍋韓風沙律醬牛仔骨飯。芝士年糕係好正😍 首先佢賣

今日去左呢間好出名既餐廳食曰本野，叫左拖羅定食，原來都幾大份。拖羅好新鮮，啖啖肉，仲有一碗飯，烏冬又彈牙，蒸蛋好滑，小食冇特別。全部都above average, 可以再黎。唯一缺點係貴左小小。

近期最鐘意去既餐廳，係居酒屋。兩個人坐得舒服，一班人食得開心，有空間俾你坐耐D，傾下偈輕鬆下。但係居酒屋一般都偏貴……又係土地問題，坐得咁耐自然要俾番場租。當然，有D居酒屋極高質素，自然收費就更貴，無話岩唔岩，只係我食唔起。今次係一個月內第二次黎到鳴門魚市場居酒屋，咁短時間去而復返，唔係試過好多次。但係呢間居酒屋係幾唔錯－我好直接咁講－價錢唔平，但係相比起其他居酒屋唔算貴，再加上近來做緊推廣，令再黎既成本低好多，下文再詳講；另外，食物質素唔差，其實幾ok；三黎環境、服務真係幾好，幾舒服……近年食野都好講求服務質素，不食嗟來之食，環境好的先叫「放鬆一下」，如果唔係就真係純粹「搵食」……之類之類……話休絮煩，首先入到門口，就見到用東亞咭賣單，叫野飲可以半價，包括有酒精野飲，睇到呢度真係身心開朗；仲未夠！要夠兩杯仲會送多個蟹肉蟹籽沙律，雖然唔係咩貴野，但其實係開心既！各資深食家應該好熟悉，如果係銀行同餐廳做呢D Joint promotion，通常都係咁意送杯無酒精飲品就算，唔會有咁多野送，仲包括埋D Sake啊咁，都可以半價。所以就叫左呢兩杯：Orion 啤酒柚子蜜送既蟹肉蟹籽沙律，無咩特

雖然經常出沒荃灣，平時逛街總有機會與鳴門魚市場居酒屋「刷身而過」，但說到進這間和食居酒屋用餐，還是頭一次呢！店內環境偏暗，是要模仿居酒屋的氣氛吧？我點了燒雞扒胡麻醬冷稻庭烏冬定食 $68。定食同時配有壽司及沙律，飲品則另外加選了潤喉的熱柚子蜜。夏天接近尾聲，很想吃冷烏冬配胡麻醬，烏冬質地滑溜，配上香口的胡麻醬格外清爽，雞扒的份量適中，整體不算有驚喜。他則吃了是日日替的鹽燒黑豚腩飯 $68。定食配有日式蒸蛋、前菜、中華沙律及迷你湯烏冬，十分豐富。食物仍有改善空間，不過在缺乏日本料理餐廳的荃灣，偶然可以一試～

肚子很餓…又想吃日本料理…但是時間很晚…就在openrice搜尋附近還在開的日本料理餐廳…找到這一間鳴門魚市場居酒屋我很愛吃枝豆…吃日本料理都會點一份…不過香港很多店都做得不好吃…這裡也不錯呀！我整份吃光光呢～～再來是玉子燒…有明太子／櫻花蝦可選…我後悔沒點明太子了！其實玉子燒做得很好吃！只是櫻花蝦太搶味道…整個被淹沒～所以我沒有很喜歡櫻花蝦…覺得下次要明太子會更好！刺身飯的刺身全都是厚切的！料也很豐富很多不同的刺身！沒想到連玉子燒都有…早知道我就不用另外點囉～～刺身也很新鮮！很不錯！本來是我點錯了…但是因為我真的真的很想吃饅魚飯…後來經理也幫我換…真的太好了！超感謝！畢竟不是他們錯呀！真的很不好意思～～可能是吃過刺身飯…比較下來…我是覺得刺身飯比較出色～～饅魚飯就略嫌普通囉～

因為朋友有coupon,夜晚黎左鳴門食。餐廳嘢食比較貴，主打係新鮮刺身。不過同行人士唔鍾意食生冷野，所以最後淨係叫咗壽司食。好新鮮好好食，賣相也不錯。之後叫左石窩日本咖喱烏冬，咖喱冇乜特別好似食緊咖喱味合味道杯面咁。烏冬係讚岐烏冬，不過太熟冇乜口感。小食叫咗雜錦天婦羅，天婦羅好香脆，脆漿夠薄，不過油溢味太重。總括來講，如果唔係有coupon，都唔會過嚟食。

早幾年行荃新天地既時候，經常都經過這間店，但一直都無食試，今日因為有人想食鰻魚飯，行左幾間日本餐廳都無，之後見到呢間有，就即刻入去試啦！ 定食有烏冬、蒸蛋、沙律等配菜呢個定食有好多配菜，好豐富吉列豬扒唔勒， 好鬆軟，好味蒸蛋好滑，熱辣辣，不錯鰻魚燒到皮有D脆，成個定食都好好味餐廳環境都不錯，坐位唔會太迫，內有卡位，店員服務都幾好，食物價錢雖然較貴，但食物味道都不錯，總算值得一試，下次會再去幫襯的。

出黎荃灣食日本野。。。揀左呢間。。。其實大致上所有野都好好味。。。最好味係個三文魚腩刺身。。。鰻魚飯都好好味，，，價錢貴但味道加分。。。只是服務員上菜時的態度不太好。。。好多時都好似好趕咁。。。掉底碟菜一路行一路講菜名。。。有點像在茶餐廳。。。