鴻圖樓茶餐廳

營業中

休息中

疫情持續升溫，見到這間位於牛頭角的茶餐廳，便決定買個三餸飯回家慢慢吃😋這間茶餐廳門面闊落，外賣飯盒區啲餸都選擇幾多，樣樣餸都想食，最終我選擇了咕嚕肉，豬扒及蒸肉餅這三樣餸😋仲送埋例湯或者飲品，好優惠😋個餐我要咗例湯，粉葛豬骨湯幾清，果皮味都幾香😋咕嚕肉大概有六七件，肉唔會韌，酸酸甜甜幾開胃😋豬扒有三件，肉質幾鬆軟，冇骨更方便進食😋蒸肉餅一件略為細塊，但肉汁美味😋在家食飯一邊慢慢進食，一邊慢慢睇電影，真是賞心樂事😋

鴻圖道有好多茶餐廳，鴻圖樓起正大街轉角位，大大個門面，食晏時坐滿晒人。但係收工後佢就會變成一個可以坐得舒服，食個平平地簡單嘅快餐嘅地方。佢夠哂大間，仲有D防真植物裝飾，坐低放鬆一下緊張嘅生活。佢個午餐可以食到晚飯都有茶餐廳咖哩牛腩飯，最緊要入味夠淋又大碟，佢滿足晒依D要求。叉燒白切雞雙拼飯仲有幾條菜心，最緊要快，點完餐就上菜，唔使等。凍奶茶夠香濃，食咖喱牛腩配返杯爽口凍檸茶，咁就係完美嘅頹飯，簡簡單單嘅溫飽。

係附近做嘢，唔想食food court 就入左茶餐廳唸住食常餐（點知係無嘅）入到去 空枱大把 但第一張枱 抹左但仲係污糟嘅 第二，三張都係，去到第四張終於正常…枱嘅污糟程度係，用塊布抹咗一下，有油油的痕，但係都仲係有食物殘渣遺留…去到叫餐，個啲呀姐掛住傾計，直程係望到你都唔過來，語氣再重啲叫，先至慢慢來，但係企係度繼續傾，即係拎住本簿，企你隔離，但望住啲同事傾計，唔落單又係要：唔該！！！落單！！！先理你等餐時見佢哋送餐，兩碗，係碗/碟底放係另一碗飯上更加唔使諗啲餐具係幾乾淨啦平時都食開茶記，接受程度高，但係呢間嘅衛生同服務真係即刻想走！好在食物份量同味道都正常，呢一間免費都唔再入。

就嚟糧尾，但係都阻止唔到我食好西既慾望。呢間茶餐廳，質素亦相當穩定，打工仔恩物！咖哩牛腩飯 55元咖哩汁好香，有椰香味， 牛筋好腍牛腩質感有少少似巴東牛肉薯仔係屬於好林果種，都幾特別茄汁西式四寶飯 49元茄汁有蕃茄味甜酸平衡，夏天食唔錯因為漢堡扒和火腿味道較為出，所以個汁可以平衡番味蕾 凍檸檬茶+3元茶底唔澀，冇叫少甜都唔會太甜 熱奶茶 特別欣賞你杯熱奶茶既茶香，奶味不太濃比例唔錯隔離位食叉燒飯半肥瘦，睇落好好食，可惜我哋得兩個人，下次再嚟試

簡單茶餐廳，位於牛頭角一個轉角處見到餐牌都有啲海鮮可以食吓🤤咁我地坐定定就叫咗一份咖喱牛腩飯—好香嘅咖喱味道，辣度剛剛好，夠晒惹味！而牛腩嘅口感同香味都非常吸引！🫶🏼另外就揀咗燒肉同切雞，燒肉皮夠脆卜卜；切雞又夠晒香滑：雞件又夠肉地，有埋薑蓉同黃芥末醬汁，一流！其實真係無諗過普通嘅茶餐廳嘅質素都幾高！開心嘅一餐🤭另外唔少得就係凍奶茶同埋凍檸茶☺️☺️☺️茶底夠香，奶味夠香滑茶底正嘅話凍檸茶都係好解渴😎

屋企係有飯一族長期keep住煮飯就連返工都會幫我準備飯盒平時好少有機會去茶餐廳食飯係咁啱我最近放工去做義工先經過呢頭見呢間茶餐廳咁近打算快手快脚食個餐拿拿臨去做義工茶餐廳門面裝修好得意個招牌同裝飾係宜家買少見少ge傳統霓虹燈招牌老土得黎又有特色夜晚好sharp 好囂張甘企起條大街度茶餐廳好大間 裏面超多卡位 單憑出面外觀同個名（鴻圖）感覺呢間應該都有甘上下歷史餐廳門面、design係舊年代Feel好重估唔到茶餐廳裏面新净又企理裏面就好現代茶餐廳風格又有插座比客人充電實在睇唔透呢一茶餐廳有幾耐歷史姐姐好快手同我落單我同阿妹2個人要左個雙拼燒味飯同乾炒牛河雙拼燒味飯 $55 包野飲平時燒味飯都多組合㗎啦呢度仲多除咗大路貨，仲有乳豬、燒骨、燻蹄比你組合既然甘耐無食就打算叫個炭燒燒鵝飯但係阿妹話鵝毒所以要左燻蹄同鷄(我地從來無係茶餐廳食過燻蹄 覺得好特別 一定要試下)個飯份量驚人雙拼有成8舊燻蹄咁多如果單單叫燻蹄咪超多每一淡骨膠原滿滿  肥膩個鷄算ok大件又滑雙拼真係好抵 感覺上係差唔多單點ge份量乾炒牛河 $49 包野飲呢個都正 我夾起D牛河係會出煙熱辣辣！成碟都好大碟，牛肉都算大塊個牛河調

過開牛頭角，近海那邊，想搵間大少少，唔怕坐多陣都被側目既茶記食個飯，鴻圖樓茶餐廳係一個唔錯既選擇， 餐廳坐落於離大街不太遠， 食完行返出去坐巴士都好快， 最重要係間餐廳夠大，唔駛枱貼枱，坐卡位得， 圓枱又得， 食物種類又多， 本餐牌好厚，諗得到既基本上都會有， 上至小菜下至快飯， 一眾服務員姐姐手腳勁快， 燒味部勁大，而家真係愈來愈少呢啲大茶記今次就食返個經典茶記雜扒洋蔥汁飯呢個真係童年回憶，豬雞腸腿一應俱全，再加埋濃濃味道既洋蔥🧅洋，撈飯一流！豬扒同雞扒都夠肉汁，唔鞋口，係唔錯既， 火腿同腸仔就係傳統茶記味

平時趕時間多數會食茶餐廳，貪佢快靚正，價錢又夠平民，唔洗等好耐就有位座。鴻圖樓茶餐廳之前都幫襯過，覺得佢D燒味水準都唔錯，想再食多次😊叫左個雙拼燒味（叉燒、燒肉），燒肉肥瘦適中，個皮仲卜卜脆，又唔會醃到好咸，點埋個芥末醬真係一流🤤叉燒都唔會太肥同太瘦，所以食落唔會柴，跟餐送熱飲，加3蚊叫左杯凍奶茶，茶味香濃😋另一個餐叫左咖喱牛腩飯，牛腩軟腍，仲有薯仔，咖喱微辣，撈飯食好惹味😜，凍鴦咖啡同奶茶好岩比例，幾好飲☺️有茶記水準👍🏻

香港出名嘅係咩？就係👉茶餐廳當你諗唔到食咩嘢？茶餐廳總有你嘅心水，因為茶餐廳好多選擇。無論燒臘、炒小菜、西餐、下午茶、碟頭飯、蒸海鮮、炒粉麵，連點心，鴻圖茶餐廳都有。鴻圖嘅碟頭飯最抵食黑椒豬扒拼餐肉飯$49黑椒汁唔辣，加埋呢塊厚切豬扒，重有塊午餐肉，你真係要好肚餓先食得晒。咖哩牛腩飯$55牛腩炆得好淋，唔會咬唔開，咖哩汁有少少辣，汁好多又夠味，撈飯一流。我唔飲餐茶轉飲湯配是日老火靚湯👉加$8蚊南北杏霸王花煲唐排，本人鐘意飲老火湯，唔得閒煲湯嘅你就黎飲啦⋯⋯

今晚約了朋友一起看迪士尼演奏會，先在觀塘吃晚飯，再去九龍灣。位置：在創紀之城後面，其實是近牛頭角地鐵站B6出口，大約走五六分鐘就到了。環境：只有地下一層是餐廳，2樓不是。門面是霓虹燈招牌，室內如地道的茶餐廳，面積頗大，大部分是卡座，也有圓枱。出菜位有兩邊，一邊是斬料部，另一邊是水吧位，牆上也掛有兩部電視機，可以一邊吃飯，一邊看電視，是傳統的茶餐廳格局，整體環境寬敞舒適。服務：提供多元化的平價飯餐，很適合附近的上班一族，有堂食，也有外賣。晚市：🥢雙拼燒味飯餐 $55 + 🍋檸檬水🥤(熱)我們選擇了叉燒和油雞，配了香蔥油，我最喜歡香蔥不是用來點雞吃🤣，而是拌飯吃☺️，真是一流🥰！叉燒瘦肉較多，沒那麼肥膩，雞肉很嫩身，二者都淋上很棒的醬油，增添風味，我們都清了碟😌。🥢馬蹄土魷蒸肉餅飯 $56 + 🍋檸檬茶🥤(凍) $3即點即蒸，所以都等了一會兒，新鮮及熱辣辣呈上一份肉餅和一碗白飯🍚，肉餅蒸得剛好熟透🤩，但肉不會糙口，並有少許馬蹄絲灑在肉餅上面，增加口感，不過最棒當然是肉汁，😙又是拌飯一流的最佳醬汁，所以我們不知不覺就清了碗飯。總結，不一定只是去咖啡店吃飯，有時地道的港式風味都不錯👍🏻。

平日觀塘午飯時候，周圍都要等位，今日星期日就冇咁多人，剛上完堂，就喺附近找地方食埋午餐先回家，餐廳環境闊落，坐得幾舒服，樓面招呼不錯，坐低一陣就過嚟同我哋落單😘諗唔到鴻圖樓的中西餐及燒味下午茶做得到$28起，真係好平又低食，今日唔等下午茶啦，食住過西式快餐：燴汁雞翼拼漢堡飯$49學生時代經常食漢堡扒，炸雞翼，茄汁燴飯，好懷舊嘅味道。午餐精選：咖喱牛腩飯$55，炆牛腩薯仔又腍又入味配埋香濃咖喱汁撈飯，好正👍跟餐凍奶茶+$3，凍咖啡+$3。

今晚睇完鴻圖道嘅盤順便係附近揾嘢食，平時經過都見過呢間鴻圖樓茶餐廳，午餐時段都有一定人流，之前仲好似係24小時營業，勁方便附近返工人士，而今次我哋就係比門口嘅貓貓吸引左入去。有大卡、細卡位同圓枱，一人定一班同事都可以一齊食，而且枱同枱之間有一定距離，坐得都算舒服，感覺幾乾淨！瑞士雞髀拼煙肉紅腸飯（$）午餐精選！好豐富蛋白質，有雞髀、煙肉同紅腸三款肉，個人最鍾意嘅係紅腸，雞髀肉都幾軟滑，瑞士汁味唔會太重太甜。咖哩牛腩飯（$55）屬於唔辣嘅港式咖哩，牛腩牛筋煮到好腍，咖哩汁夠多撈飯好正，飯嘅份量好多，實夠飽，而且係乾身飯，有口感！飲品正常發揮，檸蜜幾足料！唔想飲普通飲品可以轉老火靚湯，但有機會沽清，想飲記得早啲黎！另外其實本身諗住食燒味，點知我哋太遲黎食，部分燒味沽清。總括嚟講，呢間餐廳適合附近鐘意快有效率嘅朋友，午餐仲有點心，自家製燒味都值得試！

去觀塘做完facial出到嚟有小小肚餓，喺附近搵左間茶餐廳坐低。呢間茶餐廳有幾層樓，坐位闊落。一入去就見到下午茶個餐牌，$28！今時今日居然仲有廿幾蚊嘅茶餐食！仲要係唔同款式嘅燒味飯呀！真係勁抵食！不過我今日唔係好肚餓，天氣又熱，想食小小野飲杯凍檸茶❤️我就叫左個冇咁heavy 嘅茶餐，奶油豬配凍檸茶。香脆的豬仔包，橫切一開二，塗上牛油和煉奶，外脆內軟，簡直就係茶記的招牌美食。加埋杯凍檸茶係絕配，檸檬味和茶味突出，帶少許檸檬澀味。

鴻圖樓茶餐廳 (觀塘)同屋企人食快餐⭐️⭐️茶餐廳快靚正👍👍黑椒牛扒雙腿飯$49好大份，有牛扒、火腿🥩，仲有滿滿黑椒汁，加埋飯一齊食，抵食🥰🥰咖喱牛腩飯$55薯仔、牛腩、牛筋，份量十足🍽，咖哩汁幾好味😗😗咖喱唔係好辣，有滿滿椰汁味🤩🤩飲品：🥤🍹凍好立克+$3落咗好多好立克粉，正😘😘凍檸水+$3凍檸水個甜度啱啱好，檸檬好新鮮🍋🍋地址：觀塘鴻圖道30號2至3樓整體評分：5/5味道：5/5環境：5/5抵食：5/5

餐廳門面很光猛，店內地方頗大，唔似一般茶餐廳，環境非常乾淨，寬敞開揚，加上座位闊落，坐得十分舒服。燒味飯我哋就叫左燒肉同燒油鷄雙拼🤤🤤燒肉份量都幾多，燒肉皮非常脆口，肉質亦很好嫩滑。雞味道都唔錯，雞味夠濃，雞肉軟滑，醬汁都好送飯。另外一份係是日快餐：豬扒紅腸煙肉飯豬扒超大塊，軟腍入味，有咬口得嚟又唔會覺得乾。#foodie #foodiehk #foodblogger #food #yummy #yummyfood #hkig #hkfood #hkfoodbloggers #hkkol #hkig #hkfood #hkfoodie #hkgirl