鴻昌茶餐廳

營業中

休息中

老板娘好好傾～而老細就喺廚房好忙，每次嚟親都見到老細忙緊，希望下次有機會可以打招呼！之前食過幾次老細整嘅魚好好食！！！而且有好多種魚可以揀～之前食過鮮茄黃花魚、涼瓜倉魚、檸檬烏頭、果皮泥鯭，但影相技術唔太好，下次影靚啲po上先！

今天,在深水埗,華x冰室客人太多,行多幾步,找間舊款茶記,食過下午茶.近來,有個群組,post咗某茶餐廳,义燒湯意粉只有兩片义燒,議論紛紛.今次我唔要沙爹牛,要义燒意.义燒意,圖內大家見到6小薄片义燒,义燒正常數量,味道一般的冇味,柴皮口感,意料中事. 火腿奄列,牛油多士,一般的水準.茶走,順滑,有茶味,有奶香,順滑,好飲. 印象中,和華x冰室既茶走很相似,都好好飲.員工態度很好,有禮貌.下次,會來試其他款式食物.

住附近街坊有福了 有誠意嘅茶餐廳 高手廚師在民間 試左 豉椒班腩炒麵 雪菜肉絲炆米 同西多士 配埋有茶味凍檸茶 食物超級出色有驚喜 食慣華麗裝修環境會失望 位置離旺區遠左少少 🤏真心只追求食物質素 行遠少少都值得一黎👍🏻

帶咗幾位同事去依間深水埗餐廳人，第一次去依間餐廳食下午茶叫咗個咖哩雞翼飯 .牛腩飯 (牛腩飯分量好足啲牛腩超好食)同埋叫左常餐.價錢平 ,味道唔錯幾好食嘅 .有機會下次都會再過嚟試下.

見近日新開張，又喺屋企附近，就落咗去食咗個下午茶餐，點知發現有驚喜！嘢食包埋嘢飲都係30幾蚊～食物分量大😋味道唔錯，價錢亦都唔貴👍🏻好抵食👍🏻一定會再幫襯！

一直幫襯咗好多年，以前喺大角咀成日食開呢間茶餐廳，知道轉左過嚟深水埗之後即刻跟過嚟😋早兩日同朋友去叫咗乾炒牛河同福建炒飯，同以前一樣都係咁有水準😻福建炒飯🤤配料真係好多，裏面嘅蛋炒飯底最吸引👍🏻乾炒牛河🤤嗰日朝早去到牛肉未ready🤣，老闆即刻安排轉餐，但係朋友都照樣叫咗乾炒牛河轉用叉燒炒，都好好食，叉燒好大片🤩價錢：一個午餐大概40至50幾蚊左右，超大碟！（聽老闆講起之前街坊反映話唔夠食，所以而家每個飯都加大左份量，嗰日同朋友叫咗兩個餐加一個西多士，真係飽到食唔晒😂）完全唔使多講，一定會再嚟😚

午飯時段黎食，叫咗碟乾炒肉片食落好有鑊氣，好好食。(本來已經跟老闆娘講份量少些，驚食唔哂，但最後嗰份量都係比平時岀面食嘅多)。然後佢啲叉燒好好食，好嫩好香好惹味，肉的份量好多。另外亦叫了厚多士吃，好味。因為食完厚多士，再吃乾炒肉片，吃到一半有少許飽因為份量超多，打算停手，但傾傾吓計又不知不覺咁食曬成碟大滿足。可以試吓叉燒。同埋茶餐廳伙記都很好服務態度又抵食，價錢平，份量又多，環境乾淨。見呢間鋪好似係搬咗地址黎深水埗，有唔少熟客都專程黎幫襯。