鴻福堂

營業中

休息中

最近多數喺屋企做嘢冇乜運動個身體真係幾能好差要食下龜苓膏補下平時買一送一我先食㗎咋原價50蚊我都覺得有啲貴 最近行過見到一百蚊四個喎好平所以買多咗幾個嚟食下最近好多優惠呀次次行過都會大手幫襯好多買一送一呀另外懶得煲湯都係買個湯包線呀佢啱我呢 懶人

今朝經香港大學站C出口出閘，發現開左一間鴻福堂，就行入去睇下有咩岩食做早餐。呢間分店雖然無煮食器材提供熱食，但係原來每日朝早都會有包裝好既熟食運到，倒如燒賣、腸粉、飯糰，再放入保溫櫃，都算幾有誠意。今次揀左個日式櫻花蝦三文魚飯糰做早餐，打開之後仲係熱騰騰，份量算係幾足，不過早餐黎講有啲太飽肚，飯糰入面係熟三文魚，連埋飯食口感偏乾，建議買定野飲送飯糰，除左熟三文魚仲有櫻花蝦，份量都唔算少，櫻花蝦偏硬身，但味道唔錯，算係呢個飯糰既亮點。

新店開張一直都有食鴻福堂嘅龜苓膏今次係香港大學站新開咗鴻福堂， 以後買龜苓膏會方便好多。 鴻福堂依家做緊嘅優惠其實都幾平，而且一直欣賞佢嘅功效顯著，好多時候生暗瘡食完之後都可以消到，所以基本上每一個禮拜都會食一次， 今次就買咗佢嘅靈芝龜苓膏， 味道其實同普通龜苓膏係有分別嘅， 不過係咪靈芝味就不得而知啦。 加咗靈芝龜苓膏要比平時普通的貴十蚊， 功效係咪更好要試多一排先知。 因為之前新年嘅時候食咗好多熱氣嘢，所以自覺需要即時食番一樽，清一清熱氣， 新開的店舖服務不錯，而且裝修很舒服，以後應該會一直幫襯。