鴻運食菜館

營業中

休息中

今日去左旺角行街順便搵食，見到有間食酸菜魚，大熱天時最啱啦，聞到都開胃，就入去試下。酸菜魚小份（bb辣）🅰️🅰️🅰️🅰️🅰️一上枱就哇左出聲，勁大份。我地三個人見到都驚食唔哂（最後真係要打包一碗走😂）講講味道先，金湯夠哂濃味，酸味都正常，鱸魚好滑，有魚味。下面有d米粉墊底，索哂d湯汁好正。老闆娘好好人，知道我地有人唔太食得辣，專登幫我地bb辣再低一級😝咁唔太食得辣嘅朋友都食得好開心。三色椒炒米粉🅰️🅰️🅰️🅰️🅰️同樣好大份🤣米粉炒到好乾身，醬汁味都算係炒哂入去個粉到。呢個菜式係唔辣嘅，用嚟中和個辣度啱啱好。川味凍粉🅰️🅰️🅰️🅰️個凍粉幾特別，似食緊蒟蒻咁，我地都係貪新鮮試下，估唔到都係一個幾好嘅前菜。呢個麻多過辣，唔算辣，食得幾過癮。總括嚟講，係旺角區有間小店，份量多、老婆娘又nice，好好照顧我地未必食得辣嘅朋友，價錢除開真係好抵，尤其個酸菜魚我諗四個人食都夠，再叫其他菜式同啤酒啤啤佢就一晚🍻推介大家嚟試！

熟我既朋友都知我最近愛上吃魚，烤魚同酸菜魚都是我的心頭好，今日就專登過旺角試下呢間隱世既酸菜魚🐟呢間鋪頭位於通菜街，平時夜晚可能會俾d排檔遮住留意唔到。門面同內部裝修都非常簡單但整潔，有一種家庭經營既小店感覺。菜式上面，我當然揀左我最愛既酸菜魚，魚肉大大塊，有魚味，而且都幾嫩滑，只係生魚本身比較多細骨，食既時候要比較小心，而湯入面既粉絲，充分吸收左湯既味道，所以特別好味❤️另外仲叫左碟口水雞，由於我只係嗌左小辣，所以唔算好辣，味道幾好，下次嗌中辣可能更岩我。而主食方面，我同朋友就嗌左個三絲炒米粉，呢碟炒米粉有驚喜，鑊氣夠，好惹味，係我喜歡既炒米粉味道💯整體黎講，食物份量同質素都算高，而價錢亦比較平民，性價比算係非常高，下次可能會想試埋個酸湯檸檬魚。

農家小炒肉(88hkd) 賣相很有食慾，肉量算多，對得住個價錢，豬肉帶少少軟骨，好有咬口，小辣都辣勁十足🥵酸辣土豆絲(68hkd) 加入辣椒🌶️、泡辣、蒜蓉🧄翻炒，先酸後回辣，土豆絲🥔仍然保留到爽脆，即刻食多兩碗飯🍚🥢薑蔥炒雞(108hkd) 雞肉用的是帶骨雞件，不是冰鮮雞排，雞肉不乾柴，薑🫚蔥爆炒有鑊氣，份量都足～Ps.檸🍋茶茶底幾重，叫少甜剛剛好仲要不收加一服務費，都幾抵食！#foodiblum中式

Happy Friday 梗係要同朋友鬆一鬆，我話近排好想食酸菜🐟，朋友就話試過一間酸菜魚正宗又好味😋（朋友媽咪係成都人，佢話食過最正宗嘅一間），就帶左我黎呢間旺角女人街裡面嘅一間叫鴻運食菜館。開頭搵唔到位置，打比老闆又細心教你搵路，入到去坐，坐位闊落。老闆又會推介新鮮時令食物，老闆話如果有想食嘅嘢，預早一日同佢講，佢買到材料都可以幫手煮架，真係友善老闆第一名坐低2話不說就點個酸菜魚先啦梗係，點左個桂花魚🐟，個魚一黎到就嘩左一聲，好大碗，魚肉大大塊，啖啖肉，完全冇骨，肉質又嫰又滑，辣度又唔會太搶喉，讚！

TGIF終於都考哂試🥹勁耐無update，因為真係超級忙😵‍💫😵‍💫😵‍💫一交完功課就同肥仔男友岀街飲飲食食✌🏻又去左食我最愛既酸菜魚明明就唔食得辣🌶️好彩有得揀BB辣🖤老壇酸菜魚細份生魚都只係$168BB辣得黎仲有少少麻，正🤤魚既份量還好，魚片厚身不過有少少碎骨，食既時候要小心👀雖然有粉絲做配菜，但白飯撈汁還是必須的😎🖤口水雞 $78調味十足，啲雞索哂汁雞肉都好嫩滑😗值得讚既係呢度啲野飲幾抵😂其次係食完一啲都唔渴👍🏻👍🏻👍🏻

很久沒有在旺角出沒了，店鋪換了又換，面目全非的；食肆依舊琳立，隨選了鴻運，希望自己也可鴻運當頭，圖點運氣 😂😂😂😂環境企理新簇，老闆健談，滿有一貫小店的親和感！點了人氣招牌老壇酸菜魚，小份 $168，超抵食！賣相氣勢，不遜大飯店的出品 👍👍魚肉爽滑鮮嫩大塊頭，用了天然的魚骨湯，湯底味道濃郁，認真夠味！加上份量十足，性價比甚高的菜式！再來一份三絲炒米粉 $58，是夜主食！炒米粉材料豐富，有蛋絲、肉絲、椰菜絲、甘荀絲、洋蔥🧅絲及蔥花等；這裏的米粉原來是粉絲，有特式！最後來份蒜蓉炒油麥菜 $68油麥菜新鮮爽脆，蒜蓉清炒，原汁原味！凍檸茶還是少不了，是最熟悉、最平凡又最不可缺的 😋平靚正的大滿足！

天氣熱食酸菜魚聽落好似好瘋狂，但食落原來幾岩feel唔會食到成身熱辣辣，食完仲有種refresh嘅感覺酸湯檸檬魚$198餐牌上有四款酸菜魚湯底簡，叫左平時較少見的酸湯檸檬魚湯底酸酸地，加左檸檬食落更加醒神，檸檬嘅酸味吊到條魚嘅鮮味鱸魚啲肉質勁嫩，冇骨食落好方便，湯汁可以撈飯食清炒番薯葉$68好耐冇食過番薯葉，平時好少喺其他餐廳個菜單見到，所以就叫黎試吓炒番薯葉個時間要控制得好好，唔可以煮得太短會唔夠熟，太長又會腍曬唔好食佢個炒番薯葉真係好好食嘅，熱油落去兜兩兜，又鑊氣熱辣辣檸檬茶$10 & 凍奶茶$16飲品嘅價錢中規中矩，不過食酸菜魚點都要飲吓嘢先夠爽

好耐冇食過酸菜魚啦 喺旺角行完街 搵咗一下附近 有咩餐廳係食酸菜魚 最後見到依間餐廳未試過就決定試吓🤣🍀老壇酸菜魚我哋揀咗鱸魚 煮嘅時間恰到好處 魚質嫩滑🐟 我哋叫咗小份 但其實魚片嘅份量都幾多 兩個人食啱啱好☺️ 酸菜味道偏偏清 唔會太過酸😗 🍀夫妻肺片有牛心同埋牛舌 份量幾多 兩個人食嘅話都足夠😝 牛心口感有嚼勁 點埋啲辣汁食好過癮 而我就叫埋一碗飯 啲辣汁配飯好正 吸晒啲辣油😎 牛舌有咬口 同樣都係吸晒啲辣汁好滿足😚🍀尖椒皮蛋賣相好吸引 皮蛋大小亦都切得好平均 吸晒辣油好好食😉

到旺角行完街搵到間川菜小店，想輕輕鬆鬆咁食番餐~ 店主非常熱情好客，氣氛非常融洽，個個都有講有笑～ 仲發現到好多其實都係熟客仔～ 🥢江湖烤魚今次揀咗海鱸魚，海鱸魚肉質比較細嫩，無乜骨就會非常易食。原條魚肉配上微微辣香的川式調料，口感相當出色。老闆介紹，如果食得辣，呢排可以做到不只辣，係更辣嘅川味辣😍川菜烤魚獨特的風味～ 揀咗BB 微辣的感覺在舌尖慢慢蔓延，但又唔係太辣刺激，反而帶給人一種回甘的餘韻。最好味就緊係用黎餸飯😆🥢姜蔥炒雞店員介紹是功夫茶之一。師傅明顯選用了新鮮優質的食材～ 雞肉肉質緊實飽滿，沒多發現冰凍過的痕跡。而姜和蔥都散發著濃郁的香氣。雞件比較多肉～ 每一塊雞肉都被炒得剛剛好熟，嫩滑非常，沒有過火而感到柴口。總括黎講，又真係食得出功架～ 味道幾好又夠餸飯。

終於捱到星期五晚 🤩🤩🤩 相約好友喺旺角搵食 😜 好耐冇去過女人街了～ 呢邊好多食肆 選擇非常多 👍🏻👍🏻👍🏻 最後揀咗食辣嘢～ 飲啤酒 🍻🍻🍻 呢間嘅酸菜魚已經食過幾次了 所以今次決定試吓藤椒魚 果然有驚喜 😍 可以揀大、中、小辣～ 藤椒魚裏面有新鮮嘅胡椒 青辣椒 紅辣椒～ 個湯底亦都好鮮甜👍🏻 我哋叫咗一份例牌鱸魚 份量好多，我哋兩個人都食唔晒 😅 真係平靚正好抵食👍🏻 下次要試吓其他小炒～ 例如炒土豆絲，椒鹽酥肉，肥腸乾鍋，辣子雞，串燒等等 叫多幾個人就可以食多幾樣嘢～店子需小 裝修簡約 但味道真係一流 👍🏻👍🏻👍🏻

週五晚上走到女人街食宵夜！挑了一家款式多樣的中菜館小店主打烤魚、鷄煲、酸菜魚等湘川滬菜式晚上九點後更有燒烤供應，夜消磨歡聚好去處頭牌必點金湯肥牛酸爽辛辣，清爽不膩，非常開胃乾鍋肥腸柔嫩入味不膩口，令人「飯」癮的香、麻、辣風味涼菜燒椒皮蛋香味比辣味重，鹹甜微酸，柔軟多汁口水雞醬汁味道層次豐富，辣中帶香、香中帶麻涼拌魚皮有飽滿的膠質，彈實爽脆，不破不腥，晶莹剔透退火涼茶始祖加多寶配方傳承170餘年，預防上火

通菜街原來有間平靚正川菜小店，主打雞煲同酸菜魚我哋唔算太食得辣叫咗酸湯檸檬魚，有得揀生魚或者鱸魚，生魚$198/例牌，兩人食夠晒飽，生魚比較平，但魚肉都好鮮甜好滑又唔算多骨，性價比好高， 但鱸魚一定更正下次可以試吓平時食嘅酸菜魚都好辣，佢用檸檬整好清新，除咗酸菜仲有檸檬嘅酸味，酸中帶微辣，個湯唔會好油，有埋粉絲喺入面撈飯食超正山藥炒木耳 $78另外叫個清清地嘅小菜，青得來夠鑊氣，山藥同木耳都好健康又夠正氣白飯 $10/碗 真係算幾抵，而家去間打冷都要$15/碗🥹 呢間餐廳有麥茶飲，仲要免加一茶芥

是日約咗嚟香港旅行嘅朋友行街～嚟到女人街觀光買吓到此一遊嘅香港紀念品👣行行吓佢話見到呢間川菜好想試吓品嚐就衝咗入去坐啦～見到餐牌上餐廳標榜所有菜品均不含添加劑及防腐劑🙂一於叫幾款食物同佢分享體驗吓先～.✨老壇酸菜魚 揀選咗生魚～以古法炮製🤝🏻配以天然魚骨湯～魚肉食落軟嫩無骨～酸爽惹味係啱哂夏天時享用嘅開胃菜式哦☺️☺️.✨手拍黄瓜非常清爽脆口🥒新鮮度十足!!一口接一口都毫無負擔感👏🏻👏🏻.✨涼拌魚皮好耐無食過魚皮啦～越嚟少地方可以食到呢😌爽口又彈牙嘅質感～加上🌶️麻麻辣辣嘅汁料～令人食上癮！！.✨乾煸四季豆以花椒乾,辣椒,咸肉粒,味菜配襯四季豆炒成～鑊氣夠之餘～味道亦好好🤗.✨可樂✨茶芥

踏入5月，天氣漸熱，胃口都無咁好～所以呢日決定同朋友去食啲可以刺激味蕾同胃口既野😆😆我哋去左間主打川菜烤魚既小店呢日得兩個人就唔嗌烤魚～點返啲涼拌同熱菜share share先😚😚✨涼拌魚皮✨調味香香辣辣，魚皮爽口Q脆加埋清爽既青瓜絲一齊食就更為醒胃！！✨紅燒肥腸✨以微辣既川式豆瓣醬為汁醬既基底，肥腸同薯仔粒都煮至入味，送飯一絕～✨糖醋裹脊✨雖然糖醋裹脊一啲都唔辣，但味道酸酸甜甜咁，啖啖肉得嚟又無肥肉，亦係開胃伴飯既佳品🤤🤤唔飲啤酒既可以好似我地咁飲汽水可樂爽下仲有檸茶檸水可以選擇添～～～

【🔥鴻運食菜館｜川辣在旺角】想食正宗川菜，旺角就有啦！要我北上食餐飯，我真係做唔到呀！今晚食咗咩？😋老壇酸菜魚份量超大，魚滑，湯底好好味，娃娃菜索晒魚嘅鮮甜。😋紫薑鴨老闆說是限量供應，今日咁啱有，覺得幾特別。果然特別辣，鴨好香酥感覺。😋鹵水鵝掌呢度嘅鵝掌超推介呀，好軟好腍，味道仲好入味。叫埋兩枝啤酒🍻真係完美嘅晚餐同場仲有隻小貓咪菲菲，會路過迎賓，好可愛😍仲有一樣野好好，就係佢嘅營業時間到成12點🏠鴻運食菜館 (旺角)📍旺角通菜街2A-2P號鴻光大廈地下P號舖#旺角美食 #好食 #大碟