鹿角巷

營業中

休息中

香港年中新開既奶茶舖都有好多間, 每間都有新屎坑,多排隊.  而呢間日日都係咁多人排隊！ 而我都拍過好幾次！ 都係飲佢個招牌黑糖珍鹿丸鮮奶.其實我因為鍾意食佢個黑糖珍珠， 先排隊！ 因為平時飲黑糖茶都係熱熱的,而凍飲都可以食到黑糖那個甜味. 我上次係台灣飲過一杯, 一直念念不忘. 而香港奶茶舖, 暫時除jor 佢, 都係搵唔到其他有. 呢杯賣點係, 凍熱雙重享受, 鮮奶都凍的, 而黑糖珍珠係熱既, 先要你吸一啖暖暖的黑糖珍珠, 之後再加埋鮮奶. 大大力飲幾啖, 唔錯！ 不過時間真係對大家好寶貴, 而佢條隊真係好長, 一排都要半個鐘多d！ 大家衡量下！

今晚和太太嚮尖沙咀食完拉麵之後，她說起尖沙咀有一家新開的台灣奶茶，要排一個多小時才能買到，她說她很想試一試。我心想，好吧，反正有點時間，而且我也不太相信在香港，會有一家台式珍珠奶茶要排一個多小時也會有人排。可是有趣的是，她居然不知道這店叫什麼名字。呀！那…怎樣找？還好，她說店門是掛著一個鹿的模型，像打獵的那種。那她便試試Google找找，居然給她找到。知道名字後就在OpenRice這裡找它的地址。走到 iSquare ，就是這店的對面，已經看到真的有一條龍，呀！香港也真的有這樣的一家台式珍珠奶茶，有這樣的長龍也會排隊去買？好吧，唯有我們也排隊試試。在排隊的同時，我們分別走到店門前，看看有什麼喝，看看準備要點什麼。走到門前，就看到它的招牌奶茶，主打有4種，分別是 "黑糖鹿丸鮮奶"、"小確幸奶茶"、"檸檬蜜香蘆薈"、和 "皇家9號奶茶"。而 "黑糖鹿丸鮮奶" 也限定每人只可買2杯。我和太太最後決定點 "黑糖鹿丸鮮奶" 和 "皇家9號奶茶" 加珍珠。二杯飲料分別是 $28 ("黑糖鹿丸鮮奶") 和$22 ( "皇家9號奶茶" )+$4 (加珍珠)。我太太就覺得她的 "黑糖鹿丸鮮奶" 超好喝，

就係普通台式飲品，點解香港人可以排咁耐去飲? 黑糖沒有炒香，不過是用正常黑糖去煲珍珠，然後加呢普通奶，因為真係冇咩奶香味，不過冇奶精味都算有良心了。 so sad 愈開愈多台飲，愈來愈人劣貨當好野。

除左買來係打卡一用😕真係唔知仲有咩用👋冇茶味，得奶味，仲要係三鹿奶粉既淡味版飲落真心想嘔😦滑係滑，但絕對唔係香港人口味排咗一個鐘全部大陸人，都話好飲╮(￣⊿￣)╭黑糖珍珠好吃，彈牙，唔會好膠好硬但係浸多兩浸就完全冇曬黑糖味，得翻普通既珍珠味，淡口唔好吃，奶味亦變得更難飲😞可以話係我飲過咁多珍珠奶茶來講最難飲的一間了“網紅奶茶”真心不推薦，$28唔值🙄

行經過iquare, 見到對面有條長龍，就即係睇下掛緊咩，原來係台灣黎既奶茶店。見咁多人排，我又排埋一份，咁排一排就排左半個鐘。同朋友每人買左一杯黑糖鹿丸鮮奶。黑糖珍珠味道好特別，鮮奶味唔濃，同埋無得轉甜度，覺得甜左少少。下次會試埋另一款奶茶，等無咁多人排隊既時候🤣P.s 唔好太貪心，睇落細細杯，飲落都幾多下

The Alley 雖然已開業一段時間，但依舊繼續在ig story 洗版。適逢當天是閒日非繁忙時段，便打算來一嘗傳聞中的黑糖鹿丸黑糖鹿丸鮮奶顧名思意只有黑糖味珍珠和鮮奶作底，如果比較喜歡茶底的可能會感到失望。但如果你喜歡QQ口感，黑糖珍珠絕對有驚喜!! 珍珠口感非常煙韌! 而且咬下去有濃濃的黑糖味滲出來鮮奶雖然不算特別，但尚算香濃，可中和一下偏甜的珍珠。 對於甜食控來說珍珠一定越咬越上癮但如果本身喜歡較清淡味道可能會覺得過甜。

終於終於，前兩個星期經過尖沙咀，就被友人拉左去試。第一下比條隊嚇左一大跳，長到去轉彎，然後去得好慢好慢。啲人一路等，一路光顧隔離個雪糕車（係我就以後係到做生意）登登登登！我地等左大概半個鐘，點知想飲嘅野煮緊，問我地等唔等多15分鐘，咁我地食完飯冇野做，就等啦順便係附近行下成日飲嘅友人話，一定要試嘅係黑糖鹿丸鮮奶！ 半信半疑咁去試，但聽到店員話我地係最後一批嘅鹿丸就知好受歡迎！果然！係值得試。一開始唔好攪拌，第一淡熱住咁食啲珠係最濃醇最香。之後先攪到凍啲咁飲不過明顯係食啲珠，因為鮮奶冇乜味，顯得黑糖珍珠好入味。我會稱之為好食，不過黑好食都好，我應該都唔會花另一小時去排隊了

🍎👧🏽【網紅台式飲品店】@鹿角巷The Alley.每次經過都會見到長長既人龍 聽聞最少要排成半個鐘🧐難得今次有人陪我飲 當然要試下佢地既招牌鹿丸啦👅.黑糖鹿丸鮮奶⚫️🦌🥛 ($28) ✨不能選甜度冰度喔✨.拎到飲品個陣 杯底微燙 珍珠感覺好新鮮趁佢個layer仲係度 影番幾張寫真先📷🤣入口覺得黑糖⚫️+牛奶🥛的味道挺配 不會太甜珍珠是很有咬口 而且有濃香黑糖味 但係越飲就覺得越甜☹️ 對於平時飲開微甜 甚至無糖嘅我嚟講 飲完呢杯野要係咁飲水先搞得掂🙊.－－－－－－－－－－－總結👉🏼個杯係幾靚💕而且唔算排好耐 拎埋嘢飲大概20分鐘左右 味道會比較適合唔怕甜嘅人🙈🤓 🍎👧🏽試過一次就夠了😬

呢間鹿角巷真係多人到好誇張，朋友之前話排咗半個鐘，嗰日去到見到條龍唔算好長，咪同朋友唔信邪走去排下，但結果點等左成半個鐘至九個字，我覺得佢係特登放慢收錢要咁多人喺度排隊！雖然佢杯野係幾靚，但個人覺得唔值得排咁耐，味道唔係難飲，但我覺得佢只係靚在未將d 黑糖搖勻，等人可以打卡，其實可能坊間任何一杯珍珠奶茶未搖均之前都可以做到呢個效果！總結，如果冇人排隊，呢間係可以買嘅，但如果多人到咁就真係唔使特登去排嘞！

鹿角巷開左都有一段時間，我一直都非常想試，但每次去到尖沙咀見到條咁長嘅人龍都會打退堂鼓。今次難得有朋友話陪我一齊排，就緊係唔可以錯過喇😆我地去果日係星期四嘅放工時間，但條龍依然好長 ，我諗應該有十幾二十人，排左大概半個鐘先到我地。買嘅時候皇排奶茶已經冇晒，不過我地本身都係想飲黑糖鹿丸鮮奶，所以都冇受到影響。店員態度唔算好好，而且做野比較慢，唔知條人龍係咪因為咁所以先咁長等左5分鐘左右就有野飲喇，我地叫嘅黑糖鹿丸鮮奶要$28，而且都幾細杯，但係味道真係非常唔錯!上面嘅鮮奶係凍嘅，而下面黑黑糖鹿丸係熱嘅，凍同熱撞埋一齊嘅感覺非常特別!鮮奶並冇加糖，令下面嘅黑糖珍珠甜味更突出，溝埋一齊甜度適中，個人覺得非常唔錯，應該都會再買!

琴日六點放工，行到過去已經排隊排到去藥房再後啲，好彩朋友一早排定隊，最後連埋羅野飲朋友足足排左45分鐘排到去有啲都已經賣晒，唔係好大杯但28蚊都可以接受黑糖鹿丸鮮奶杯野好靚😍，design唔錯，一飲落去同花奶冇咩分別，但啲珍珠都幾甜幾好食，飲完一杯都幾濟架，但我本身幾中意飲花奶，所以覺得好正😂😂會再幫襯，但希望唔洗再排咁耐隊啦

鹿角巷一開店已引起廣大迴響，本想已過了一陣子，熱潮會減退，那知道排隊的人還是這麼多。我去買時是晚上8點左右，排了大約25分鐘才有得買，本來最想試小鹿出抹，因為本身喜歡抹茶，但見到寫住售罄，所以點了鹿丸可可鮮奶。它的鹿丸的確有過人之處，夠大粒又非常煙韌，正是我喜歡的質感。鹿丸的味道又有濃濃的黑糖味，是比坊間一般的出色。本身我是很怕甜的，一向喝珍珠奶茶都要走糖，這個鹿丸系列是不可以更改甜度的，我一開始怕它會好甜，但居然也不是，它的可可並不是甜的那一種，而是走濃厚路線及帶朱古力香，要我說，我會覺得有點像瑞士小姐即沖朱古力那一種。味道雖好，但說到價錢要28元一杯，分量也少，重點是實在要等太久，整體性價比反而被拉低了。將來如果沒有人潮的時候，可能我才會去再試。

平時見呢間都好多人排隊，傳聞啲茶味不錯，仲有有日同朋友早食完飯，見有時間就排下隊打卡。冇諗到星期一，平日都可以禁多人。我地都要排半粒鐘先到。 我地排左冇幾耐就有職員截龍，岩岩好 ～～去到本身想飲最普通珍珠鮮奶茶，不過賣唒紅茶。最後決定個個一樣，鐵觀音鮮奶茶 少甜少冰($28）加珍珠 ($4)，有一杯微甜。茶味真係不錯，我覺得如果唔好甜嘅朋友叫微甜係最好，因為少甜都好甜同遮掩左啲茶味。至於珍珠就一般。。。下次經過唔使禁長隊都會再光顧嘅～～想試下佢另一款黑糖珍珠。

鹿角巷的而且確好飲 珍珠夠Q 但每次想買都要排45分鐘以上 留心看清楚 就會覺得咁等絕對唔值得我明白每杯飲品奶同糖嘅比例好重要 但量珍珠那工作人員已經因份量唔啱 不斷再量度重量 相反量度奶嘅嗰位同事因為有刻度非常容易已經量好 量珍珠嗰同事仲要轉動杯身 將黑糖顏色掛到膠杯上我亦唔否認呢個視覺效果係好好多但如果呢個步驟可以轉到量奶嘅嗰位同事做 咁就會解決左個樽頸位 改善排隊時間 亦減少阻街嘅情況如果一間公司係有實力嘅 根本唔需要借一條長龍黎吸引客人 否則呢一刻拖慢黎做嘅策略只會令人覺得低賤

考試那天提早交卷了，行過見到呢間網上好紅既飲品店，見排隊人數唔多，就決定試下。講真買完有少少後悔...唔係話杯野唔好飲，而係等候時間....我排隊個陣目測10多人排緊，但我足足排佐30分鐘🤔🤔🤔俾個錢要咁耐既咩？當就到我個陣...見到店員小姐收佐錢，貼label上去隻杯度....但需要每個客人3分鐘咩😒😒到我個陣話我要黑糖鹿丸鮮奶要再等多10-15分鐘...我都排佐咁耐啦，點都等埋去。終於叫我號碼個陣真係超感動...可能因為咁我對佢期望過高啦，加上呢款係冇得揀甜度...飲到底個陣好甜....糖都未溶哂...建議大家飲前攪一攪勻。如果下次再試，我絕對揀冇人先買，同埋想試試佢綠茶個隻，可惜排隊前已經賣哂。總括黎講，不過不失，有時間可以試下，但未去到非試不可既地步