麗江雲南米線

營業中

休息中

好耐之前朋友外賣過呢間米線畀我食，非常重口味，一試難忘，今日經過附近，一於食多次！位於位之間得好少空間，坐得非常迫，如果有潔癖或者擔心疫情，建議外賣。麻辣米線 \ $30 * 每個餸+$7 /加咗豬肚、紅腸同埋炸雞翼，非常足料，可以一啖餸一啖麵食到最尾。不過佢哋個奶茶就好淡啦，唔建議嗌。

麗江雲南米線門口長期好多人每次經過見到咁多人都唔想排隊 寧願食格離米線關注組有推介 睇圖都幾正 紅紅辣辣滿心期待 今日就試下佢米線 $28 加餸每款 $6  價錢幾實惠聽講一定要試麻辣湯底我叫左兩款送 豬肚、豬紅基本配菜有腐皮、炸醬、芫荽、青蔥、芽菜、酸菜豬紅好滑 可以一試豬肚  無奇怪既味麻辣味幾香口 總結黎講係好味

恭喜大家捱過星期一了🥳今日介紹我最愛最愛的米線店 已經食左無數次🤍相信無咩天水圍人會唔識 鋪面好細坐得好逼 但長期都要排隊🤫- 雲南麻辣米線 $28 加餸每款 $6黎呢度一定要試麻辣湯底！🌶如果比較食得辣會建議試返中/大辣 （圖2）個湯底會麻好多😆成日都同朋友講笑話佢湯底係咪落左啲鷹粟粉因為佢既麻辣係有層次的 個湯愈飲愈上癮 跟住再飲一下凍飲 個麻痹感會更加明顯好滿足🤤米線方面唔洗多講 夠爽口份量又多！本身都有唔少配菜 包括炸醬、芫荽、青蔥、芽菜、酸菜同腐皮 基本上我每次都係叫呢三樣：豬肚、豬紅同雞翼 豬肚絲好有咬口 豬紅好滑好入味 😍雞翼炸到好香好脆 係細隻左啲 有時都會忍唔住當小食再加！另外小食都可以試下炸酥肉（限時供應）同埋蒜泥白肉🤤溫馨提示：唔想等咁耐位就記得打電話攞定位先啦📞

麗江係我暫時食過最好食嘅麻辣米線🍜由4年前食過第一次，辣到流哂眼淚鼻涕之後，發現耐唔耐都會有種心思思想再食既感覺。食完佢嘅麻辣湯，再飲一啖凍飲感受條脷嘅麻痺感係好爽🤪佢全年任何時段門口都係排滿人，等唔切嘅人一般會叫外賣，但堂食係好食好多，所以想試嘅話可以打電話去拎張飛，到時到候就去堂食堂食推薦：麻辣豬肚絲麻辣湯底米線(加$2茜將湯底發揮到極緻好味)餸：肥腸（麻辣湯底必點）、酥肉（指定時段先有）、其他就一般米線配菜

🍜 雲南麻辣米線 💵45🍀🍀🍀🍀🍀🍀🍀🍀🍀🍀🍜麵底$28+2款餸（每款$6）+🥤凍飲$5，大頭大我就唔歡喜食酸菜，第一時間走酸菜😂而我嗌左墨丸同豬肚，墨丸有啲腍，唔夠彈牙，而豬肚量多，切成絲狀，好有咬口👍🏻雖然嗌小麻辣湯底，但又麻又辣好夠味，啲米線太多，食極都仲有🤣凍飲就嗌左華田～🍜雲南麻辣米線💵47🍀🍀🍀🍀🍀🍀🍀🍀🍀🍀🍜麵底$28+2款餸（每款$6）+🥤汽水$7，我個朋友嗌左肥腸同豬肚，小麻辣，嗌左罐肥仔水😂聽聞走芽菜啲米線會多啲，所以依碗走左芽菜😂肥腸好腍好入味，豬肚都好多～🐷蒜泥白肉💵32🍀🍀🍀🍀🍀🍀🍀🍀🍀 小食就嗌左蒜泥白肉🤤啲肉好大塊又多蒜，食落啲肉質口感都ok ，帶有甜甜既味，而蒜泥帶出少許辣味，食完第日會好口臭🤣🍀🍀🍀🍀🍀🍀🍀🍀🍀☀️整體而言，最好打定電話攞飛先，唔係有排等位，以前成日食，大左就少入天水圍😂座位狹窄，坐得唔方便，麗江雖然好食但好多味精，食完勁口渴～

住左天水圍10幾年，次次去到新不江都見到麗江雲南米線門口好多人，見到咁多人都煩，直至到琴晚，見人少少，買個大大碗既過橋米線$50咩配料都有，買番屋企同老公食，一打開個蓋已經流晒口水，一陣陣酸辣味🤤d湯飲完又飲，好正價錢味道環境回頭

今日去天水圍，老公話呢間餐廳係米線關注組嘅number one😲緊係即刻要試😎好彩間餐廳有得電話落單，如果唔係等到佛誕都未有得食😥大概半個鐘就去拎，喺出面已經見到間餐廳坐滿人，係好多好多人， 再加有唔少人喺出面排隊😥心諗好彩一早落訂單。滿心期待咁買外賣去朋友屋企一齊試下究竟佢幾好食😎好彩佢既湯同麵都分開啲麵應該就唔會浸冧👍🏻但第一印象即刻扣分，因為朋友個碗畀漏咗一個餸😥但因為買外賣所以費時返去問佢拎返了😑試下個湯底， 由於我嗌咗辣，所以個湯底好紅，睇落去仲有啲油佢係雲南米線，所以個湯食落去有少少似譚仔既香麻，味道第一下都有啲似譚仔，但佢個湯底應該有更多唔同香料，所以味道比譚仔都複雜但係對我嚟講，唔係幾特別，只係覺得越食越油😂米線方面比較冧，有時大力啲夾佢都斷😣可能食開譚仔覺得麵質應該係要有少少咬口之餘又唔易斷而且佢既麵唔掛湯，所以無咩味，要連湯食😥餸方面就冇乜特別，我覺得最好味係佢粒墨丸，豬皮都唔錯爽口又大塊，其他無特別所以無印象😥我哋三個人一路食，一路都諗唔明點解佢係 關注組第一位😵食譚仔好過🤡

如果要我評選全港最好食既米線，非麗江莫屬！先評論下佢個米線麵質，佢個口感超爽口彈牙。唔會有over cook 既感覺。另外，個麵底一啲都唔散。食米線最驚就係個麵底散到食到好唔連貫，食得一個字可以形容食落口個感覺，就係爽。而佢個湯底都好出色。個日我叫左麻辣中辣湯底。佢個辣係好有層次，並唔係一下子爆曬出黎既辣，而係遞進式既越比越多你既感覺。佢個麻都好出，同辣互相輝映，唔會話邊個搶左邊個。即使食到後尾個嘴麻曬，都係食完最後一啖先肯停手。

開左好耐好耐,次次經過都排哂隊,證明品質有返咁上下,食過之後都覺得的而且確係幾好食,而且份量都唔少,除左米線之外,佢地既口水雞其實都好出色,而且雖然多人,但服務態度唔錯,難怪咁好生意

千里迢迢黎到天水圍緊係要食下朋友介紹既麻辣米線啦🍜朋友仔由中學食到依加都仲係咁多人等 咁好食🤤係北江咁多年屹立不到當然有佢原因啦😚·炸雞翼·麻辣米線小辣($28) 麻香味好重 湯底唔會好鹹👍🏻•麻辣雞（小辣）

Finally!!!終於等到位喇!!!!!!🤣今次閒日晏晝去到都要等大約20分鐘😵之前個個都話好食🙌🏻越講我越期待👀但期望越大失望越大🤥小編覺得好普通喎😵‍💫——————————————————————————————🍜雲南酸辣雞翼蘿蔔米線 $40唔酸嘅😭叫小辣~成個湯就係有微微嘅辣味😛湯底非常普通🤷🏻‍♀️米線質地彈牙 煮得啱啱好👍🏻配料正常~腐竹係硬身嘅👅 雞翼係不過不失嘅炸雞翼🍗 蘿蔔又甜又無渣😋正!!!同埋最抵讚嘅就係碗米線 好夠熱🔥食到最尾都仲熱辣辣💫🤌🏻6/10——————————————————————————————#為食tips👻 我個frd嗌咗腩肉同豬耳🥩小編覺得呢2樣好味好多😂大家去的話可以試吓😚可能係我嗰次唔好彩 冇咁好味🤣仲有！好似可以打電話去攞飛㗎！大家都可以咁做！⭐️

咁啱要入天水圍 順便試下朝下聖嗰日晏就4點到 都等咗20分鐘但食完覺得?????🤡係咩事🤍雲南麻辣米線 | Rating: 6.8/10叫咗小辣 加豬耳同炸醬 正常嘅餸 米線口感係適中偏稔 唔算太有咬口湯底ok香 但比較淡味 係特登嗌多份炸醬撈落去都唔夠重口味表示唔太滿意🤍雲南小鍋米線 | Rating: 4.5/10我諗應該係我第一次喺呢個社交平台比fail嘅分想像下一碗落咗辣椒粉嘅水 完全唔香Yes就係咁喇！已經唔想多講男朋友對食冇乜要求都覺得唔好食🤍麻辣雞($36) | Rating: 5/10想像得好美好佢應該似係口水雞啲fd冇花生芝麻蔥花唔緊要 應該有汁掛Er 但如圖佢係一碟搽滿辣醬嘅雞雞太肥 唔入味 脂肪同皮已經佔咗半碟 /本身都懶得打食評但諗諗下好唔憤氣 點解咁樣會排第一🥲作為荃灣長大嘅人我基本上係米線養大的求其入一間都好食過呢間好多🥲心目中嘅排行榜仍然係雲貴川風味(唯一)第一如果我係特登走入嚟食嘅話應該會嬲咗😀

朋友話呢間係天水圍名物鋪面細細 但勁多人排隊好彩朋友打咗電話去拎飛叫咗雞翼腩肉酸辣米線加蒜泥白肉兩隻雞翼會另上朋友話雞翼係必食的確係好香 又入味 皮又脆😋😋腩肉同米線都好食嘅同埋好足料不過個人覺得佢嘅白肉好瘦所以食落有d乾同un🙈除咗好快上菜之外佢服務都唔錯 做街坊生意 鋪細人多但個姐姐都好體貼朋友唔小心跌咗條匙羹落地下我地都未開口 個姐姐已經拎咗條新嘅黎🥰因為地方細 真係坐得有d逼客咁多 姐姐都幾忙 但都咁體貼 真係好好👍🏻

大部分天水圍居民有去過新北江商場都會聽過「麗江雲南米線」呢個名🤤筆者平時食米線都係去開譚仔多，但去到「麗江雲南米線」好多人等外賣等堂食，所以坐低試試佢😂睇睇餐牌先一坐低見到個價錢相宜，覺得叫多啲都唔肉痛，不過今次就叫兩碗米線，一碗小辣嘅雲南米線，一碗清湯加炸魚片同豬潤，叫多左個蒜泥白肉。✔️店面人手足，落單快✔️店面姐姐服務有禮✔️食物夠熱！✔️米線份量充足✔️米線夠滑✔️米線有本身都有唔少配菜，包括少量炸醬🥲友人聲稱碗小辣唔辣sosad 🥲白肉份量少，肉未算軟，蒜泥份量不足🥲小店環境逼總括之言，食物水平中規中矩，服務幾好，價錢中道，但坐位擠迫。

全全全世界最好食既米線😍我係好鐘意食米線既人 成日會跟住米線群組介紹去試唔同既米線而依一間係我由中學到依加都仲食緊食左好多年無論佢有幾逼夏天有時食到流哂汗無論佢等位要等粒幾兩粒鐘我都無辦法戒甩佢😚🧚🏻‍♀️ 肥腸豬肚雞亦米線 $44我叫左大麻辣～佢湯底係勁濃同夠麻 但又唔會食到口乾以前細個食酸辣都一樣好好味份量好足～中學時友人教我走芽菜會比多啲米線😂依個理論唔知堅定流不過我每次都叫走芽菜 哈哈！大腸係我最愛既配菜 一黎洗得乾淨二黎夠入味個湯真係好出色 愛米線既一定要食！評分：10/10😍🧚🏻‍♀️蒜泥白肉 $35又係每次必食小食！蒜夠重 個汁又夠味我慣左會用啲汁撈面食真係超級正😍 佢唔能夠無左個汁佢唔同譚仔個種得口臭蒜味係蒜得黎有⋯⋯唔識講總之好有層次試過外賣無左個神汁 即刻變左烚肉評分：10/10🧚🏻‍♀️雞亦其實係跟米線但佢個皮炸得好好食 所以補一張相真係世界上最好味既米線食左好多年都唔會厭😍😍