麗江雲南米線

營業中

休息中

呢間天水圍米線，已經食左十幾年，由佢岩岩開到之後排到痴線，正因為果個位實在太窄，所以後期我每次都外賣自取算。------------------------------🔴我最鍾意食中翼大麻辣，其實成日都好想食酥肉，但係我都撞唔岩佢出貨既時間，今次好彩叫到， 叫左一大袋， 好酥好食😚 而佢地既米線果種辣係有種會上癮既感覺，又夠麻。真心話：因為佢係屋企附近所以先食足咁多年，如果要我特登入黎天水圍食就唔會了。唔想為左食米線排餐死😂😂

一直好鍾意食米線咁啱見到有人介紹所以專登港島過嚟食~當日係星期六嘅下晝等位大概10張飛不過半個鐘內就入座，可以接受嘅講返環境先，新北江係類似葵廣嘅商場所以唔可以expect好乾淨好闊落等位嘅時候都人來人往，要企喺無開嘅舖前面喺香港慣咗去唔同地區食嘢，所以個人而言冇乜問題今次嗌咗碗三餸米線，湯底係小麻辣蘿蔔: 好淋又甜，令湯底好入味👍🏻豬腸: 見好多人推薦所以嗌，係唔錯嘅不過冇驚喜腩肉: 厚身，但唔難咬，個人認為必嗌❤️米線: 軟硬適中湯底: 平時食開譚仔麻辣五小，呢個小麻辣湯底對我嚟講太辣，當然味道真心唔錯嘅雖然好忙，店面姐姐們態度都好niceOverall覺得不枉此行😊

相信喜愛米線而且居於天水圍的朋友對麗江定必不陌生,  朋友非常鐘情這家米線我吃了一次、兩次, 依然覺得普通, 而且需要等位, 座位亦很窄, 坐得很不舒服有一次, 侍應姐姐推介我吃多麻便一試愛上, 味道真的昇華不少今次叫了豬紅, 蘿白, 腩肉, 大麻中辣, 湯底濃而不膩, 而且吃完不會口乾, 蘿白非常淋甜入味, 腩肉也不錯, 豬紅很普通叫了多芽菜, 果然姐姐給了巨量芽菜令我這個芽菜愛好者非常開心, 在此答謝小食叫了蒜泥白肉和麻辣雞, 蒜泥白肉較咸, 而且較瘦, 麻辣雞沒有什麼雞味, 雞亦沒有特別入味, 兩款都普普通通, 不試也可.

返學Lunch time 來到麗江雲南米線，聽聞是天水圍必食，咁就一於去試吓！ 算是又便又飽肚的快餐之選。餐廳環境方面就麻麻哋，迫夾狹窄，衛生環境方面需要改善。份量不算少，賣相睇落都吸引，白蘿蔔幾入味，整體上米線普普通通。

買了兩碗米線，一碗中辣辣酸辣，一碗大辣麻辣。飲咗一啖湯，完全冇味，好似溝咗無限碗水落去咁算啦。叫咗腩肉，豬腸，肉燥。啲豬全部有豬肉燥味，真係難食到一個點，呢碗係近年食過最難食嘅米線

其實好耐之前食過一次 覺得呢間嘢嘅米線冇乜味 冇乜特別 （健康版嘅麻辣米線）隔咗我諗起碼兩三年 諗住俾多次機會佢 試多一次 打定電話外賣 去到拎 （$39）叫咗個炸雞翼麻辣中辣 返到屋企打開米線分量超多～但係呢間配菜就比較少 食第一啖 個感覺又翻返嚟 味道比較淡唔算好辣 麻感覺多少少 炸雞翼正常 唯一覺得係米線都有啲滑口嘅 同埋湯底冇乜味 但健康啲😆總括嚟講下次唔會再食真心唔明點解啲人會覺得好食 要排隊堂食更加不了😂可能鍾意食嗰啲係鍾意食「情懷」

每次經過都好多人等位，今次親自試一試，大概等半小時便有位，環境比較擠擁座位少加冷氣唔夠，見外賣的多過堂食。食物的確好味，小麻辣都辣到整個嘴麻左，蘿蔔又夠入味，肥腸夠淋，米線夠滑。

天水圍人冇可能唔識😛✨開咗好多年嘅終極人龍黃店！冇見過有一次出邊冇人排隊，如果唔想等，建議打定電話去叫外賣🥡（其實大部份人都係咁xdd）但就算忙，店員全部都好nice，係一間好有人情味嘅小店💗老闆娘好搞笑又好好傾！同個個客人都可以吹到水咁😂ps佢喺度笑我同🐯爭比錢，然後扮唔收我張100，淨係收🐯嗰張，好fun～-<湯底>麻辣可以叫「多麻小辣」，酸辣米線又可以叫「多酸少辣」，大家可以揀最貼近個人口味嘅味道👍🏻👍🏻👍🏻麻辣👉🏻條脷會感覺好麻痹咁，但係又好爽！酸辣👉🏻好開胃，食極都唔厭想一啖接一啖咁！麻辣同酸辣我次次都揀唔到，所以次次都係同🐯一個叫麻辣一個叫酸辣咁樣share食🤣兩隻辣都超級超級超級順喉，辣得好舒服，唔係「那」喉嚨嗰隻！😭👍🏻唔係好食得辣嘅朋友（例如食開清湯嘅我）都會食得好開心好爽😭👍🏻👍🏻👍🏻-<配菜>一般米線店嘅選擇佢都有，但我每次都係叫雞翼腩肉✨性價比最高，極力推介呢兩款俾大家！雞翼👉🏻雖然細細隻，但係炸到好香脆，同埋好抵食！腩肉👉🏻偏瘦嘅，有啲人好可能唔鍾意，但呢隻就係exactly我一直搵緊嘅腩肉🥰仲要比得算幾多！如果淨係可以嗌一個餸

新北江哩間米線店一向好多人等，店面面積不大，可以容納唔多人。今次係打電話黎拎飛，去到唔係等好耐就可以入坐。要贊吓哩度d姐姐係超級好服務態度，EQ好高，即使多人等一樣好有耐性，有講有笑超有人情味。食物價錢唔貴，大大碗份量多，味道不過不失，熱辣辣唔錯

🍾環境🍾每一次去到麗江都係會排長龍㗎🧚‍♀️就算今次小編3點幾去依然都係要等位🥹因為店面嘅位置比較少 所以等候嘅時間都比較長⏳另外位同位之間嘅位置都比較窄 所以有機會會唔小心掂到隔離位🤥但係小編覺得堂食係好食過外賣好多㗎!🥰🥰所以就算環境唔洗特別舒服都會揀堂食!😎🤓服務🤓麗江嘅姐姐都好親切㗎 同埋所有嘢都好快手😍😍有時候傾傾下計佢地會一齊傾賣一份🤣除此之外姐姐平時嘅互動都好搞笑 所以成個氣氛都好輕鬆😇😋食物😋🌟呢度有唔同種類嘅米線 包括過橋米線、豬骨清湯米線、小鍋米線、麻辣米線、酸辣米線等等🍜🌟每款米線都會有芽菜、腐竹、酸菜、韭菜、炸醬同埋荽茜咗配料🌱🌟每款配菜各+$7、熱飲+$3、凍飲+$6、汽水+$8🥤🥤🌟仲有好多款小食 小編推介炸酥肉、蒜泥白肉同埋香辣雞中翼!🐤🐤 但是今次小編3點幾去已經賣曬啲小食了😭🤍 豬紅 紅燒肥腸 貢丸 中麻小辣 $51(🌕🌕🌕🌗/5)🌶記得如果叫咗麻辣米線可以自己選擇麻同辣度 小辣嘅話大約同譚仔嘅10少差唔多 🌶🌶小編通常會叫中麻 因為好enjoy食完仲有痹痹地嘅感覺😙米線最重要嘅係佢嘅湯底 如標題所講 佢地嘅湯底真係好出色 當中炸醬同碎肉真係湯底嘅點綴🥹

☀️雲南過橋米線（清湯口味） $54這間位於天水圍的雲南米線，很多YouTuber都拍過，米線關注組十分有名，號稱全香港數一數二的米線舖👍🏻第一次嘗試清湯底的雲南米線，有另一番滋味😆碗米線的餸菜好多，有雞丁、蟹柳、鵪鶉蛋、豬潤、白肉、火腿、芫荽、榨菜等，兩至三個人食都可以！正😝

好耐之前朋友外賣過呢間米線畀我食，非常重口味，一試難忘，今日經過附近，一於食多次！位於位之間得好少空間，坐得非常迫，如果有潔癖或者擔心疫情，建議外賣。麻辣米線 \ $30 * 每個餸+$7 /加咗豬肚、紅腸同埋炸雞翼，非常足料，可以一啖餸一啖麵食到最尾。不過佢哋個奶茶就好淡啦，唔建議嗌。

麗江雲南米線門口長期好多人每次經過見到咁多人都唔想排隊 寧願食格離米線關注組有推介 睇圖都幾正 紅紅辣辣滿心期待 今日就試下佢米線 $28 加餸每款 $6  價錢幾實惠聽講一定要試麻辣湯底我叫左兩款送 豬肚、豬紅基本配菜有腐皮、炸醬、芫荽、青蔥、芽菜、酸菜豬紅好滑 可以一試豬肚  無奇怪既味麻辣味幾香口 總結黎講係好味

恭喜大家捱過星期一了🥳今日介紹我最愛最愛的米線店 已經食左無數次🤍相信無咩天水圍人會唔識 鋪面好細坐得好逼 但長期都要排隊🤫- 雲南麻辣米線 $28 加餸每款 $6黎呢度一定要試麻辣湯底！🌶如果比較食得辣會建議試返中/大辣 （圖2）個湯底會麻好多😆成日都同朋友講笑話佢湯底係咪落左啲鷹粟粉因為佢既麻辣係有層次的 個湯愈飲愈上癮 跟住再飲一下凍飲 個麻痹感會更加明顯好滿足🤤米線方面唔洗多講 夠爽口份量又多！本身都有唔少配菜 包括炸醬、芫荽、青蔥、芽菜、酸菜同腐皮 基本上我每次都係叫呢三樣：豬肚、豬紅同雞翼 豬肚絲好有咬口 豬紅好滑好入味 😍雞翼炸到好香好脆 係細隻左啲 有時都會忍唔住當小食再加！另外小食都可以試下炸酥肉（限時供應）同埋蒜泥白肉🤤溫馨提示：唔想等咁耐位就記得打電話攞定位先啦📞

麗江係我暫時食過最好食嘅麻辣米線🍜由4年前食過第一次，辣到流哂眼淚鼻涕之後，發現耐唔耐都會有種心思思想再食既感覺。食完佢嘅麻辣湯，再飲一啖凍飲感受條脷嘅麻痺感係好爽🤪佢全年任何時段門口都係排滿人，等唔切嘅人一般會叫外賣，但堂食係好食好多，所以想試嘅話可以打電話去拎張飛，到時到候就去堂食堂食推薦：麻辣豬肚絲麻辣湯底米線(加$2茜將湯底發揮到極緻好味)餸：肥腸（麻辣湯底必點）、酥肉（指定時段先有）、其他就一般米線配菜