麗都餐廳

營業中

休息中

最近都在中港城工作，尖沙咀出名多人，平民化餐聽也不多，加上上班族多，餐廳午飯必定人山人海。中港城走過一條行人隧道就到佐敦，有不少茶餐廳，好適合下午吃飯。見到一間人數頗多的，試一試，結果滿意。每日有不同餐，不會太多選擇，花多眼亂，今日叫了個肉鬆蒸水蛋，配一個白飯。未上飯，先來一碗例湯，例湯足料濃香，不是加水再滾的。本來以為是蒸水蛋上再放肉鬆，其實就是肉碎蒸水蛋，出來效果都不錯，味道好鮮甜，又有蛋香，上面倒了些豉油。再將水蛋搞一搞勻，倒落白飯，再搞一搞，非常開胃。餐廳整齊清潔，坐位舒服，好適合午飯。

通常出道佐敦食早餐，啲人通常去左澳洲牛牛公司。但佢實在要排太長隊同埋飛一般服務態度，所以我係極少去。而我就會通常走咗嚟呢度食蕃茄牛肉通配火腿多士做早餐。佢呢度嘅蕃茄湯真材實料，牛肉嫩口又有牛肉味，好多時早餐叫沙嗲牛肉，或者番茄牛肉，我都唔係食啲牛肉。但去到呢度，我次次都食曬😬

隨便入了此間茶記，因朋友未到，我先到，伙記已不停問我幾位，我答2位，之後隔2-3分鐘又再問（真的有10幾次），伙記態度已經不友善，朋友塞車仍未到，伙記再問我幾位，無何奈何地叫了個餐，之後伙記又再問我幾位，不停催我......最後我連餐也沒有食，付款離開.......😖令人好大壓力！！！

下午茶44蚊但份量不算多。侍應態度惡劣，我地望著佢上錯我地個餐去人地張枱走咗，但人地搞完我哋個麵，發現錯左先同個侍應講，後來個侍應check返張單，先發現係我哋，直接將個麵俾返我哋就算。我老公問人哋有冇食過，佢話放低左後人哋冇掂過，跟著走左⋯

轉咗做"美都"之後第一次來食。餐廳間隔同以前差唔多一樣, 餐牌唔同咗。價錢仍然算係大眾化, 幾多選擇。宵夜套餐同下午茶一樣。<xo醬厚切豬扒炒公仔麵> 豬扒真係厚少少, 份量充足, 味道濃沃。豬扒是由一塊分砌成四塊。調味方面, 除咗加入xo醬外, 廚師另外加入咗一啲新鮮辣椒, 所以比想像中辣。而公仔麵麵質方面亦彈牙, 啱口味。<咖哩牛腩炒麵> 好多牛腩(有牛筋), 食唔曬; 咖哩味道柔順唔辣, 但保持香料味道, 好香口。炒麵脆卜卜, 夠火候。<熱奶茶>都好味嘅。<凍檸茶>亦唔錯。招呼方面: 有待改善

真係嬲到要打負評，因為老闆態度真係惡劣到極致。今日叫外賣早餐，老闆聽既電話，話外賣加一，因為之前有叫開外賣，亦知道呢兩日開始外賣盒加價，要俾2蚊，所以不疑有他，以為老闆係指外賣要加多1蚊，就同老闆講，知道了，點知外賣送到來，見到收費多了，就打去問老闆，點解有一項叫其他什項既收費，老闆態度勁惡劣甘講，話頭先講左，外賣要加1囉，原來佢口中所講既加1係要加1%服務費，我地都未講完要講嘅嘢，佢就收在我地線。原本2份早餐外賣只要68蚊，外賣盒加咗價，都係要70蚊，再來多個加1%服務費，成個早餐變左77蚊，簡單地來講，成個早餐變相加價加左11蚊，我地話唔要呢個早餐，佢老闆就落來吵，話要報警，我就同老闆講，你頭先係電話度冇講係要加1%服務費，老闆仲要大聲夾惡甘講，我係冇講啊，甘又點啊，因為當時舗頭有客人在，所以就選擇俾錢了事，佢老闆仲要話，你地可以唔洗再幫襯，真係第一次見到有老闆叫人唔好再幫襯，真心講過句，其實你講句唔好意思，原來大家溝通有錯，真係甘難咩。如果一開始你講句唔好意思，就唔會發生呢d令人不愉快既事情。依家真係覺的呢間茶記認真特別，外賣係要加1%服務費既。大家叫外賣過陣要小心啦。

今日同呀女黎佐敦睇醫生，因為要等一個鐘先有得睇，所以決定等既期間搵間餐廳食下野。帶住呀女，一定要坐得舒服小小左搵右搵，比呢間麗都餐廳個大大招牌吸引住，二話不就入左去了。餐廳唔算好大間，但坐位亦都唔會太迫，坐落去都好舒服😌食物款類唔算話好多，但種類非常集中。例如有泡飯，或者十大皇牌美食，精算午餐等。我叫左特濃番茄肥牛泡飯。番茄味好香濃，而且好多肥。呢碗泡飯好足料，番茄、肥牛既份料都好多，仲有冬菇。我諗飯唔止有一碗，因為我食到飽都仲有成碗飯淨。碗泡飯入面亦都有好多薑絲，令到番茄味相對地無咁濃

平時訓到無中午都唔會起身，今日突然要返早班，迫於無奈要早起，見難得早起就去食早餐，本身諗住食澳牛但要排勁耐隊就去咗呢間，一坐底就好快鎖定要食早餐b，多士好香脆，個炒滑蛋又估佢唔到咁滑，加埋一起勁好食，而個沙嗲麵啲牛肉都幾香沙嗲味，牛肉質地都不錯，個麵軟度剛好，吸哂啲沙嗲好香好濃郁，而個湯底鹹度適中，不過杯凍檸茶就差一點了，茶香唔夠有啲偏淡，好在檸檬都夠多都幾清新，甜度都剛剛好，不過個早餐要$40算貴了一點

跟女友游水過後，經過餐廳門口，眼見裝修光鮮價位中等，於是便進去試新餐廳。沒想到，竟然大失所望。女友叫了一份海南雞套餐（例牌）$68，我則叫了牛柳絲炒烏冬 $72。 等了十多分鐘後，第一碟來牛柳絲烏冬。肉質尚可。 不過烏冬全是碎的。每條不長過手指長度。 似是用其他客人吃剩的烏冬炒出來。之後女友的海南雞餐到了，一望就發現有欺詐成份。 來了是蒸白切雞而不是海南雞。 飯亦是白飯。 如果是白飯切雞， 那麼它便應該一早講沒有海南雞餐。 亦不能收海南雞餐的價錢!

昨夜跟女友游水過後，經過餐廳門口，眼見裝修光鮮價位中等，於是便進去試新餐廳。沒想到，竟然走進了無良食店!!女友隨即叫了一份海南雞套餐（例牌）$68，我則叫了牛柳絲炒烏冬 $72。 等了十多分鐘後，第一碟來牛柳絲烏冬。雖然肉質尚可, 但是烏冬全是碎的。每條不長過手指長度。 似是用其他客人吃剩的烏冬炒出來。之後女友叫的海南雞餐到了，一望就發現有欺詐成份。 來了是蒸白切雞而不是海南雞。 飯亦是白飯。 如果是白飯切雞， 那麼它便應該一早講沒有海南雞餐。 亦不能收海南雞餐的價錢! 由於此餐廳的職員惡形惡相，時段亦在半夜時段，基於女友安全為由，我們沒有多作投訴，選擇在這裡把事實告知其他人，讓大眾不會被無良食店以假食材欺騙. 

今日lunch 經過佐敦，見到呢間茶記新開冇耐，便入去試下。lunch 時間都好full 下。我叫咗個特餐A-沙嗲牛肉麵配火腿牛乳炒蛋拼厚切多士，再加杯熱奶茶。上餐好快，落完單唔使幾分鐘就送齊哂食物同餐飲。賣相ok,但味道一般。麵太淋，唔係公仔麵或出前一丁，牛肉普通，沙嗲牛麵最重要的沙嗲汁竟然唔夠味，有點失色。反而個炒蛋同厚多士好味。蛋夠滑，多士夠脆夠厚，食落有口感，唔錯。杯奶茶不過不失，如果再濃D茶味就更好。不過勝在價錢合理，43蚊來講算抵食！

一早去吃早餐，經過佐敦麗都，見剛開張便進去試。由於人多須搭枱，這個情況在香港實屬正常，但麗都的枱太細了，四人枱剛好放下四份早餐密鋪平面。最令本人感到失望的是早餐叫了豬潤麵，結果變成碎潤麵。

由於工作關係，屋企成日都唔會煮飯，基本上每餐都係出街食，今日放工經過，見到有間新餐廳就入來試吓，今次叫咗個中式牛柳，入去坐低左成3分鐘都仲未有人幫我落單，唔知係唔係佢新開張嘅原因，好似唔夠侍應咁，不過佢個收銀見到我想落單，都好快叫咗個侍應過來幫我落單，上菜速度都算很快的，個人比較唔鍾意坐圓枱，因為我好多衫都係牌子，好驚啲侍應喺後邊攞住碟餸行來行去，好彩呢度大部份都係卡位，算係坐得好舒服，中式牛柳，以茶餐廳質素，都算比一般茶餐廳水準高，同埋餐廳裏面望返出去，可以好清楚望到條街，下次揸架車泊喺度都唔洗再怕俾人抄牌，食物價錢仲要咁平，俾個讚你

一開頭見佢啲牛扒都幾抵食所以嗌咗menu最貴嘅牛扒嚟食， 點知仲難食過惠康買嗰啲， 嗰個侍應 衰到冇朋友， 我搵唔到嘢飲嗰版menu 就問下個侍應係邊度 ，佢問我有冇讀書連飲品menu都搵唔到呀。 原本喺廟街嗰陣我都係麗都嘅捧場客，你老闆我保證以後唔會再幫襯呢間餐廳。

多日沒有喝奶茶，今日癮起，便在白加士街找間茶記搵食。本想試美新茶餐廳，但見到openrice的網友食評，評價頗差。實在無謂摶，便又到隔離的麗都，最少我自己幫趁過。今次點了特餐B（$40），有叉燒湯意粉+火腿奄列+厚多士，熱飲叫了茶走。叉燒湯意粉的叉燒賣相不錯，是厚切的，味道不錯。不似有些茶記的叉燒，又乾又瘦色澤又差。要讚的是湯底燙口地熱，極怕吃到溫吞水般的湯水，可惜味道稍淡。意粉的質地亦有彈性，軟硬適中，很多湯意粉都會煮得過軟。厚多士烘得也好，我沒加牛油，吃起來亦香脆。火腿奄列的味道尚可，但是太油了，如果是炒滑蛋就會為這個特餐加分。茶走的味道比奶茶好，多了煉奶的香味，甜度亦剛好，完全滿足了我的茶癮！