麗都餐廳

營業中

休息中

不是第一次嚟食，每次嚟食都好期待佢個雪菜肉絲米粉啲，雪菜食落好新鮮（雖然醃製過，但係感覺沒有放很久）似係自家製的個煎蛋就煎得樣貌不好，但味道還好平時多數食炒蛋嘅今日就是煎蛋咁腸仔就油咗少少我就健康為主就要方包走油佢平時餐是跟多士凍奶茶好好飲茶底OK 沒有怪味（有時有啲茶記有怪味）成份餐都係一個齊全，我需要嘅完整早餐元素都10分飽肚可以滿足一日嘅需要夜晚先食晚餐今次加咗凍飲，咁就盛惠$42都大滿足嘅，咁我再放埋佢嘅Menu俾大家睇

用餐日期：2024/02/28用餐時段：午餐 用餐費用(每人）：$60餐廳環境：室內不少座位 檯與檯之間較近 人多時可能要搭檯 服務：服務員服務態度正常 點菜上菜都快味道：點了咖喱魚柳飯+熱檸水1-咖喱魚柳飯$60: 份量足 咖喱汁香濃微辣但有點偏咸 咖喱汁內有約6塊的炸魚柳+薯仔 這家的咖喱魚柳雖淋了咖喱汁但魚柳表皮還是脆的 魚柳外皮粉不多肉質厚實彈牙 說明魚柳是新鮮炸起再淋上咖喱汁 淋完汁即上檯 這是食物和服務加分的地方 薯仔和飯也夠稔不乾硬 整體味道好 如咖喱汁減咸些味道更好 2-熱檸水$0: 這個午餐包的餐飲 有2片檸檬片 味道正常 推薦總結：這家茶餐廳已開了很多年 午市套餐價錢合理 這家的咖喱魚柳飯味道不錯 如咖喱汁可減咸些更好 整體是值得推薦的本地傳統茶餐廳

入去叫咗個蔥花滑蛋蝦仁叉燒飯，本來都無期望特別好食，唸住醫下肚唔難食就算，點知⋯份量：隻碟就大喇，但份量好少，正餐嚟講，女士食得哂就剛剛好，但男士就建議問下有無得加底 材料： 叉燒同蝦仁少得可憐味道： 唔知係咪落錯咗生抽，個豉油咸到趴咗喺度，我期望呢款餸係落甜豉油，而家真係好咸 蔥花滑蛋排除豉油影響味道都還可以，但加咗豉油就搞唔掂總結：由於因為太咸，有豉油既部份我都無食，所以食完要去隔離補買少少小食填肚，飯$63+小食$3X Total要成舊水，同價錢唔成正比No next time

午餐時間,叫個咖哩海鮮飯快餐,海鮮有蝦,鮮魷,蟹柳，蝦唔新鮮就預咗,連鮮魷都有腥味，最好食竟然係蟹柳,但最慘仲要煮得唔夠熱，唯有杯奶茶尚算合格.咁嘅質素,真係唔會再來幫襯

下單時，我要求要雞胸，我明白不是必然有，所以給不到也不要緊。不過，最後只給了雞背。$46一個下午茶餐，不算便宜，但雞背真的沒甚麼肉可以吃到。而且湯面很多油。這個價錢，只有這個質素，有點強差人意。

我平時就唔係好去佐敦🥹，咁啱嗰日就要去嗰度睇醫生，睇完醫生就諗住求其食一間。我見門口招牌乾乾淨淨，又幾靚就諗住入去食🍽️。食完我覺得嘅感想係......第一，環境係茶餐廳水平算係幾乾淨同舒服，當然餐具一定有少少茶漬㗎啦，而都多卡位。第二，員工水平中規中矩，不過難忘嘅係我唔小心跌錢係俾錢嘅時候，雖然好多人，但收錢嗰個姨姨無不耐煩的樣子，而係好耐心等我🥹🥹🥹第三，我覺得食物好好味尤其是茄汁大蝦🍤四季黃金鮮魷同水煮酸菜肥牛🥩，如果下次再去嗰度附近，我一定會再幫襯，十卜十卜🤍🤍🤍

陪朋友去伊院覆診，佢話以前係佐敦做野，白加士街有唔少好野食，聽佢推介就入左呢間叫麗都既茶記滿心期待諗住食個靚港早先去覆診。雖然餐牌選擇都幾行貨，見間餐廳都幾多人幫襯，諗住都應該ok。我叫左個最行既雪菜米搭煎蛋腸仔多士加奶茶。朋大食最港式既沙嗲牛麵。多士涷既，可能因為生意太好，一早整定，腸仔太咸，奶茶ok，米粉正常，但又唔算好味。見朋友個麵一睇唔食就知又係浸到淋晒唔好食，所以分左D 米粉比個朋友食，一分驚嚇場面就出現。一只超大昆蟲，好嘔心，即刻話比職員聽，佢話換個碗比我地，但恐怖感令我地唔敢再叫有汁既麵，所以換左碗煎豬扒麵。等左20分鐘後...........唔知點解一上到黎舊豬扒中間比人切走左既，食落一陣怪味，雖然一定係雪豬，但呢陣怪味加消失左既一角都令我地胃口全消，最後都放棄舊豬扒，惟一興幸既係今次既麵底唔係淋晒，入得口果只，叫做一餐劣食，填飽個肚後埋單7x蚊。出門懷疑點解呢間野咁好生意既時候，朋友好唔好意思咁話原來係想帶我試隔離間麗莎餐廳而唔係麗都，真係想打死佢。總之呢間野，無下次

做野做到十點先收工見呢間野燈光夠幾吸引咪行入去叫左兩個小菜囉第一碟蝦仁炒蛋 水到完全夾唔起咩事呀大佬 成碟水蛋夾埋都唔知有無兩隻蛋第二碟中式牛柳咬入口就已經唔對路 中間生嘅？食到一半職員叫埋單我咪同佢講囉 佢問我仲要唔要煮下佢？唔好意思都無句 唔通仲食埋佢咩？做生意做到咁都仲咁多人嘅？啲人咩事？

今朝同男朋友要出佐敦上堂，所以約埋一齊食早餐。本身諗住食澳牛，但估唔到朝早都大排長龍。於是就轉戰其他餐廳。行到隔離街口見到呢間麗都，門口位置已經放左大餐牌，都係一般茶記既早餐，價錢都差唔多，就入左去食。奶油脆豬包 + 熱奶茶 ($32)餐廳如果有奶油豬既話，我都會叫。即管試下同我平時食開果間餐廳有咩分別。豬仔包方面的確唔錯，成個包連埋包底都脆卜卜👍🏻 不過面頭既牛油🧈無同個包一齊焗，所以無咁香。而且佢同煉奶一樣野係亂pat上去😅 有少少扣分🤏🏻餐飲叫左熱奶茶，好耐無飲過茶記既熱奶茶了，白糖係自己落的，味道依然好正😌招牌沙爹牛肉麵 + 牛油厚多士 + 餐肉炒蛋 + 熱奶茶 ($39)男朋友叫果個招牌沙爹牛肉麵好好食，果然係招牌👍🏻 跟餐本來係牛奶炒滑蛋，但店員話可以轉其他，都幾flexible。於是男朋友就轉左餐肉同埋炒蛋，味道正常。

中午同班同事一起去食呢間茶餐廳，其實附近都好多類似餐廳，不過呢間既鋪面算企理，光線足，對比附近餐廳算係一個優點。不過點講都係一間茶餐廳，茶餐廳咁大眾化既野味道同質素都應該知係咁上下，唔可以expect太高。我同另一個同事都揀左豬扒不過一個係飯一個係公仔麵，豬扒真係好大舊好厚，表面好脆，溫度都夠熱，但裡面好似有少少未煮熟，味道OK，份量好足。同埋仲有香蔥醬汁，絕對夠味唔會淡，但就比較油膩。另外仲會附送例湯，都幾好飲而且仲有少少肉。總而言之其實水準就係一般茶餐廳，油脂同鈉一定比較高，但味道唔錯，間中食一次都無妨。

離晒譜！中午多人係人都知，又係你叫我坐呢個位，到多人來嘅時候二話不說將我碟飯攞咗去第個位！我幫你打工㗎！你鍾意擺我去邊就去邊安心出行記錄左我都係坐咗17分鐘咋No next time

好很耐無上過post今日去開嗰頭，坐低食個下午茶又係”Do Do Do”⋯⋯🤦坐低叫咗隻冰鎮菠蘿油加奶荼個包無「叮」過唔熱唔暖⋯室溫啦⋯⋯嚿牛油無乜油味整體一般之後上埋杯奶茶茶葉味好出⋯出到有啲「刧」但無乜奶味⋯🙄一般⋯一般⋯🙄

同屋企人行完M+，行返去佐敦，有D攰就入去一間茶餐廳食，不過不失的茶記~賣相都OK，份量也還好，叫左麻辣雞煲，味道surprise，好入味，食落真係平時食開麻辣火鍋嘅味道，熱上，雞都入味的~另外叫蝦仁炒蛋，蝦係爽口~回鍋肉飯，個味道比較濃，可以用黎送飯食。皇牌豬扒蛋飯，豬扒有炸過，香口，非常熱，唔錯！豬扒亦大大塊咁，好飽肚。芙蓉蛋飯，好似同蝦仁炒蛋差唔多

要在佐敦找坐得舒服的茶餐廳，真是有點困難😅。今次試試這間，被早餐有意粉的餐牌吸引，就叫來試試。意粉ok但湯底唔得，掛唔到意粉，有點失望。牛肉也有點老和鞋口。沙牛穩定，不過不失。多士好味，暖暖的，外脆內軟，牛油足夠。炒蛋唔老。奶茶質素穩守，同一般的偏甜。咖啡滑，滿意。價錢合理，茶餐廳沒服務可言，不過不失，坐位舒適，空間感足夠。

今日行過佐孰下大雨，亂打亂撞入去避下雨順便食個早餐。我叫咗個沙嗲牛麵，我個仔叫雪菜肉絲米。講返我個牛麵，好香沙嗲味，麵質也不錯。跟炒蛋多士。全部喜出望外。凍O茶有水準。地方坐得舒服，環境在茶餐廳算由上。