麗香園冰室 (興華廣場)

營業中

休息中

冰室嘢食選擇多，而且款款都好吸引，揀咗好耐終於決定食海南雞飯，果然無失望🐽❣️啖啖無骨海南雞配油飯、餐湯及熱飲 $65+3海南雞冇骨，啖啖肉，有雞味🤣，重點係個油飯，絕無馬虎，雞油味好香，而且大大碗，中湯係蓮藕湯，飲得出係老火湯，唔係味精好重嘅湯，凍飲加3蚊，叫咗杯凍檸茶，茶底香濃，喺呢個夏天飲特別爽🤪👅好味度：8.5（10分滿分）推介嘅冰室，價錢可接受，環境乾淨，嘢食高質👍🏻，會再encore嘅餐廳🙋🏻‍♀️🙋🏻‍♀️

因為今日工作比較勞動，和同事在柴灣工作完後決定立即一起醫肚。 在不太熟悉的興華廣場見到多人幫襯的麗香園， 決定湊熱鬧一試。勞動後當然需要有所補充， 於是叫了家鄉鹽焗雞， 咖哩牛腩飯， 金銀蛋肉碎浸時蔬和生炸雞髀配沙律。家鄉鹽焗雞除了有鹽焗的香氣， 這裏的做法會再加上沙薑汁， 所以可以同時吃到濃濃的沙薑味， 雙重享受。 雞肉新鮮嫩滑， 沒有雪藏味。 就算例牌的分量依然相當足夠。咖哩牛腩飯喜歡這裏比較帶印度色彩的咖哩， 薑味非常香濃而且充滿椰汁香， 送飯一流（ 如果再辣點更好：））。 薯仔經輕微炸後， 再放入咖哩， 所以外面依然有點香口，內裏軟綿。 牛腩已經炆得非常軟淋， 入口不用多咬已經化開， 再配上一點筋和肥的部分， 非常甘香。金銀蛋肉碎浸時蔬蔬菜非常新鮮清脆。 浸著蔬菜的湯因為吸收了金銀蛋和肉碎的甘香， 湯頭非常鮮甜， 重點是應該沒有加味精， 喝過後都不會覺得口乾。生炸雞髀配沙律就算晚飯時間依然可以叫到我的下午茶最愛之一。薯仔沙律非常綿滑， 用上的比較像蛋黃醬， 不會過甜， 有着濃濃蛋香。 炸雞髀依然保留充足肉汁， 外層只是簡單的用鹽和少量香料調味， 已經非常止癮。下個星期好似都有兩

星期日去左附近拜山後就去左呢度麗香園食野，排左一陣隊都好快入得，睇睇門口個餐牌都有好多野選擇，呢個位置都幾方便係柴灣地鐵站經過過商場就到。冰室門口有多款新鮮出爐雞尾包、蛋撻、吞拿魚包、腸仔包、菠蘿包等等鐵板美式雜扒跟薯菜 ( 蒜茸汁)  HK$95即點即整來到塊鐵版燒得非常熱，又熱又香就食得最滋味份量十足既雜扒餐主要肉多又抵食， 有牛扒、雞扒、豬扒、腸仔同煙肉 配上了蒜蓉汁，配有薯條。炸雞髀配沙律 HK$38下午茶時段點都要叫份炸脾沙律先知緊TEA食落啖啖肉，炸得黃金色既外皮又脆口，而入面肉質好滑 無骨海南雞油飯套餐 HK62海南雞食落口最方便就係冇骨，每一件都係啖啖肉，雞件幾嫩又滑同埋唔會太油，而油飯香噴噴。乾炒豬扒烏冬 HK$45烏冬炒得好香好夠鑊氣，味道好鮮香味入口特別惹味家鄉鹽焗雞 (例牌) HK$58  鹽焗雞香味滲透鮮雞，配埋白飯仲好開胃咬下落去雞肉有鮮味更富彈性又滑凍檸茶味道茶香順口店內地方都多枱都算比較忙碌，服務算還可以都有的甩漏，店員態度保持得唔錯。食物水準都幾好，落單到上菜都好快。麗香園冰室 (興華廣場)麗香冰室 (興華廣場)柴灣環翠道11號興華廣場一期1樓115-

今日收工出街食飯，約左一個好耐無見既大學同學畢業後大家都忙緊番工和番學，約食飯變得更加困難，今晚難得有時間，就約埋食晚餐聚舊。柴灣有間茶餐廳，經常都會去食tea，第一次食晚餐感覺都幾好我叫左扒餐餐湯是羅宋湯，蔬菜份量非常多，入口香甜！餐飲加錢叫左椰汁紅豆冰，懷舊飲品特別有味道，椰香清甜，奶味唔會太膩，紅豆豆豆綿密軟糯！主菜叫左海陸空配意粉雜扒餐夠風味！叫左黑椒汁！魚柳香口完全無雪味，肉扒入口香嫩肉汁豐富，加上醬汁夠哂惹味！意粉用茄膏炒香，有咬口！

星期日，行龍脊，終點柴灣，斜路落完便看見這個商場，要揾食，例牌看一看OpenRice的附近餐廳揾食，見這間好評都多，就選定麗香園了。這茶餐廳可以用QR code 自助點餐，好方便。等了一會，飲品先上，凍檸茶檸檬片都多，有少冰，茶味足。熱鴛鴦就比較淡。炸雞髀是新鮮即炸，熱辣辣，熟得剛好，不會生不會硬，係調味較輕手，我下了少少鹽和胡椒粉。友人口味較清淡不用再加。沙律太多薯仔，西多士就太油。看看支糖膠，好乾淨，好企理，加分！

好多朋友都同我講柴灣哩間冰室，性價比高又好好食，所以就中午同埋同事一齊黎試下佢！好濃味既羅宋湯，酸酸辣辣既口味，好開胃咖喱雞扒飯  辣中帶點甜既咖喱，很開胃又唔會話太辣雞扒都好嫩滑，不錯鐵板海陸空和美式雜扒 哩間有個好處係，你可以選擇係鐵板上定碟上唔想俾油彈到既朋友，就可以選碟上而且，份量好多，兩個人食都可以家鄉鹽焗雞雞件好軟腍，又入哂鹽焗味，超好送飯！口水雞都OK，雞件一樣好食，調味就正正常常炸雞髀配沙律份量好大份，大份到夠哂兩個人食，炸雞髀又新鮮炸起！

今日來到柴灣工作,被麗香園冰室裝修吸引就同埋同事一齊黎食!地方闊大坐得舒服!我地好肚餓..叫左好多野食!酸辣肥牛米線（小辣) $42酸酸辣辣越食越開胃!深海吉列魚柳配沙律 $50大大塊魚柳要開心share咸魚雞粒炒飯 $55好野味,我叫要求少油,都整得好好食蝦仁炒蛋飯 $58超爽口,飯餸平均地道霸王雞（例牌）$57兩碗飯啦...唔該凍檸檬可樂（少冰少甜）$13熱朱古力 $11全部都好港式,岩曬我地香港人口味,而且價錢貼地!第日都要叫朋友黎食下野先!

今日朋友帶我去食午餐，我地仲買外賣回家🤭，咁就有埋晚餐食，唔駛煮啦 酸辣肥牛米線(小辣，麵質爽D) $42酸酸辣辣爽口米線，肥牛肉質嫩滑，好好味 凍檸檬可樂(少冰少甜) $13 - 半價飲品半價價錢就飲到 深海吉列魚柳配沙律 $50勁大塊吉列魚柳，大過塊面，魚柳肉質香滑，外層勁香脆；仲配埋個沙律，沙律好正好多水果 熱朱古力 $11- 半價飲品半價價錢就飲到 咸魚雞粒炒飯(多底少油) $55勁好食，又勁香，配料真係好多，好夠火喉，粒粒飯分明 蝦仁炒蛋飯 $55大大隻爽脆蝦仁，炒蛋仲好滑，粒粒飯分明 地道霸王雞(例牌)$58雞肉嫩滑，又夠香，好味道 麗香園冰室 (興華廣場)柴灣環翠道11號興華廣場一期1樓115-116號舖

麗香園冰室 - 醒神早餐今日和朋友到了柴灣的戲院睇戲，因為柴灣的早場是港島最平的，睇戲之前，就在附近的一間冰室醫肚，難得假期早起，當然要記錄一下這個醒神早餐。招牌鮮豬潤米粉早餐少見的豬潤，新鮮切片的豬潤，爽口之餘，加上蔥花、薑絲和辣椒粒，份外惹味。沙嗲牛肉即食麵超濃郁的沙嗲醬汁加上軟腍牛肉片，套餐還包括香滑炒蛋配牛油多士。五香肉丁米粉冰室茶記當然要點五香肉丁，辣油辣汁滲到米粉湯之中，套餐還包括港式雙腸配餐包。原條深海吉列魚柳名副其實的原條魚柳，長度有手臂般大小，外脆鬆化，魚肉嫩滑不鬆散。牛油皮蛋撻、酥皮蛋撻經典蛋撻，兩款款式各一個。

我和一眾同事走錯了路，然後誤打誤撞的來到了興華商場，因為走到很累的關係，我們就在興華商場選了這一家吃午餐（為什麼我們會選擇這家的原因是：我們是被門口蛋撻的香味吸引進去的）很足料的羅宋湯，而且酸辣味十足，開胃又好喝咖喱雞扒飯 $55咖喱是那種辣中帶甜的咖喱調味的很適宜，不會說椰香味很重，重到蓋過咖哩味和辣味整體上很好吃又不會太辣（但是雞扒的SIZE有點太小）鐵板海陸空和美式雜扒 $88 / $95可以選擇鐵板上和碟上份量真的很多，性價比很高的鐵板餐最給我驚喜的是 家鄉鹽焗雞$58很入味的鹽焗雞，鹹中帶一點甘甜味，很好下飯！最重要的是雞件很鮮滑軟腍口水雞$62 也很不錯，只是相較鹽焗雞就比較失色，但是雞件一樣很純滑和鬆軟這兩樣則不過不失，但是值得一提的是炸雞髀配沙律的份量很大份，大份到足夠兩人吃的份量這家的家鄉鹽焗雞真的很不錯，而且價錢也合理，我們會再去吃午餐的！！

前幾日懶煮飯，就一家三口落樓下嘅麗香園 冰室食晚飯。晚飯時間餐廳都好多等緊外賣，好彩有位，可以即刻入座。見呢度成日都人頭湧湧，今次第一次食， 覺得食物幾好味，吾怪之咁多人。囡囡食得唔多，所以我哋叫咗兩個餐share，有老公鍾意嘅鐵板西冷扒配飯及蒜蓉汁。 西冷都算大塊，老公好滿意。佢個餐仲跟一個羅宋湯，味道唔錯。我同囡囡就鍾意無骨海南雞配油飯，海南雞好滑，飯夠香，水準幾高。 飲品就叫咗凍檸茶同熱西洋菜蜜，飲品都👌。價錢不貴，近近哋可以再嚟。

有日買左個蕃茄芝士焗豬排飯配熱谷古。☕️可能我對熱谷古有所誤會啦，我以為係熱朱古力味，點知原來係水+苦味🤮🤮🤮🤮我唔知飲緊咩入口係淡淡苦味，我以為自己飲緊中藥。到焗豬扒飯，一打開見有d位係燶到黑左，係黑色一舊舊😢都四個角都有黑左明顯係焗得太耐。避開唔係咪得，舊豬扒都大塊，但好咸同un，又係煮太耐🙈🙈咸就唯有同飯一齊食。個飯又係經典，類似炒飯底但又唔係咁，淋patpat,食落唔係飯又唔係粥咁，個口感係唔好。

麗香園冰室 - 價廉物美冰室今天因為工作關係過了港島東那邊，和同事放工後，就在附近的商場逛逛，因為是小商場關係，就隨意找一間茶記冰室吃晚飯，想不到有驚喜的價廉物美。淡啖無骨海南雞非常多的海南雞件，選用雞髀的位置，而且去了骨，雞皮脂肪香加上雞肉的滑溜，配上甜豉油、蒜蓉，名副其實的啖啖肉，套餐還包括老火例湯和飲品。鮮茄焗炸雞脾飯熱辣辣的炸雞脾，外皮炸得香脆，內裏雞肉嫩滑多汁，配上鮮茄焗飯，濃郁的蕃茄醬汁加上芝士，完美的配搭。法蘭西多士金黃色的西多士夾着粗粒花生醬，再配上牛油和糖漿，簡單又美味的港式美食。熱奶茶香濃茶香加上幼滑牛奶沖制而成的奶茶。

大大只米奇老鼠食完先見到有隻老鼠唔知係邊度走咗出嚟想影相都攞唔切手機出嚟其他人都尖叫但係啲員工好似見慣左冇走去捉佢啱啱返到屋企依家肚瀉緊希望唔使睇醫生唔會再幫襯冇下次

已經叫左2次外賣，真係出乎意料，兩次的水準都高，上次叫焗肉醬意粉，意粉夠淋，醬汁多味道亦香，好食。朋友叫咖喱和牛河亦好評。今次叫海鮮炒烏冬，有青口和蜆，海鮮雖然細粒好味，烏冬夠味，都好食。