影片
營業時間
今日營業
10:00 - 23:00
星期一至日
10:00 - 23:00
以上資料只供參考, 請與餐廳確認詳情
兩天前，我們一家帶着小朋友，喺銅鑼灣想搵間「快靚正」嘅餐館，便入去麥奀食碗雲吞麵。點了一碗牛腩牛筋麵，牛腩和牛筋水準幾好，滿意，值9 分。另外點了一碟油菜，叫了「全走」，佢就係唔記得全走，加咗蠔油，不過唔緊要，做人唔好咁腌尖…最後，當然有叫咗雲吞麵，麵同湯係OK嘅，起碼啲麵係有彈性，冇乜鹼水味。重點係雲吞：非常、非常重嘅胡椒粉味，比起正常多了最少四至五倍！究竟係錯手落多咗，還是食材唔新鮮用調味料遮蓋住？無論係點，都不合格，非常失望。我希望佢個雲吞只係一時失準。
繼續閱讀
銅鑼灣嘅麥奀記，我試過佢嘅牛腩撈面。價錢有啲貴，要$72，份量都唔太多。不過佢嘅牛腩好入味，味道唔錯，肉質都幾腍軟，有啲嚼勁。撈面亦都幾彈牙。不過，個湯底就有啲問題。飲落去嘅感覺好似加咗好多味精，冇大地魚香味，飲落去個湯感覺好似好多味精咁，有啲失望。另外韭黃份量都唔多。雖然味道唔錯，但對於食量大嘅朋友黎講，要多啲麵先夠飽。如果你注重味道而唔介意份量少嘅話，可以試下。不過如果你食得多，可能要考慮揾其他選擇啦。
繼續閱讀
行路經過，見店面裝修得精緻典雅，又是各種排名，就像入來試下。餐牌在桌下的小抽屜裡，揀了招牌的世家雲吞面（49），看openrice上之前的菜單，漲價好多😂等待上菜時，先上了熱茶，碗筷都精緻的。但這碗麵實在是太小了，和茶杯差不多大，幾乎幾口便可吃完。面是很細很勁道的，讚！雲吞內有整只蝦，但不知為何有些發苦的味道。服務態度都好好，茶喝完了有過來幫添茶水。但雲吞面的cp值不算高，全港分店都多，不必特意來打卡
繼續閱讀
今天幫襯銅鑼灣店有不愉快經歷。首先，進店要求一杯茶，但一位男樓面說水煲壞了，叫我可以點收費飲品。但稍後另一位女樓面說水只是未滾，之後送上兩杯熱水。另外，我點了加底薑䓤撈，但來了一碟未加底的，詢問下，煮麵的說已加一大一細。在我堅持下，同一女樓面幫我換了。很多謝她。好明顯事件中的男樓面及煮麵的都說了慌。今時今日，他們的服務都差強人意。希望管理層留意事件，以免影響麥奀記長久建立的聲譽。謝謝。
繼續閱讀
佬伙記倒米，晚上9點入到去，雖然多人，但見無人等位，同佬伙記講3位，個佬伙記好大聲咁叫：無位呀！無位呀！最慶個老伙記重用手背做手出叫客走手勢！當時以為麥奀禮頓店收9點，所以都廢時勞氣！同行友人就話禮頓道店係服務最差的一間，所以平時都唔會來食，無服務，重要受氣！麥奀佬細呀！你有咁嘅伙記，真係替你惋惜，老字號係咪代表無服務？代表可任由伙記同你倒米？成日話要香港人留港消費，但店舖真係要檢討吓！真係唔想見到又多一間香港老字號敗壞在伙記手中！(陸羽茶室就係例子)
繼續閱讀
您可能會有興趣的...