麥理浩餐廳

營業中

休息中

麥理浩餐廳是我們經常光顧的餐廳之一！裡面尚算寬敞闊落，中午陽光明媚，膠枱膠櫈，自助形式，意思是自己落單，然後等響機，自己取餐，食後也自己收拾！我們叫了兩個不同的午餐，一個是「午市扒餐」HK$48.00，另一個是「啱心水套餐」HK$65.00。不僅如此，我們更按各自需要稍稍提出修改：「走汁」、「走沙律醬」、「多菜」、「走薯蓉」。大多時候，餐廳有都是求必應，這樣服務質素不錯！這塊牛扒的長度長過我的手掌，這隻煎蛋的蛋黃，靚到不得了，會員九折後 HK$46.00 超值！這塊雞扒，實在又大又厚又好味！連沙律菜、甘筍、西蘭花、湯和熱飲，會員九折後 HK$62.00 抵食！

We always come to this restaurant after doing exercise at church in Kwai Chung.There are many Christian & bible messages and decoration all around the restaurant. And they also offer discounts for everyone who join their membership. They would also tailor made for each of us about the portion of the vegetables or sources. This meat is without source and with ONLY green veget but NO potato. It only costs HK$49.00 with a little salad and a drink. Super worthy!!!

下午茶，抵食夾大件，under $30乾淨企理雖然味道未算出色，絕對合格，誠意可加！在旁邊中心活動，一定到此一遊！食物：炸雞髀配帶子，竟然仲有沙律送，凍飲加$3。

走到這邊已身水身汗，我需然補充精力 (>﹏<)在這區裏有最平靚正的社區餐廳，在這時代居然還有$20的一份早餐！雖然都是那些A餐B餐，最貴的那一份都是賣$26。我點了份$20的腸仔煎蛋+沙爹牛肉公仔麵，另加$1牛油麵包及凍奶茶加$2麵包鬆軟兼濕潤，煎蛋是全熟蛋，腸仔白烚，公仔麵還有彈性，沙爹牛肉只得三片，肉味是還有一些，反而吃著似咖喱醬的味道。

有些餐廳所賣的食品可能會做到價錢較為平實, 但都不一定可以吸引到客人, 尤其是這兒麥理浩餐廳的旁邊有一座熟食市場, 午餐可以是二十多元便有交易, 相比下來麥理浩餐廳的午餐是賣$32起, 又有點貴!午餐有8款再配冷熱飲品, 由$32至$45一客。飯堂式裝修的餐廳, 叫得做餐廳當然會有點餐、送餐的款侍(雖然侍應姐姐的說話模式是欠缺平滑)我點的是越式三寶飯 $36 ... 寬口碗把飯與菜完全盛著, 要了照燒汁撈飯, 味道卻似甜豉油般可口。  越式三寶是兩薄片扎肉、兩支蔗蝦、一件蔥油豬扒, 豬扒肉質並不鬆死, 既腍帶軟也調好味, 蔥油帶鹹亦有青蔥香, 撈飯同時一流。  蔗蝦雖然只是一層薄薄的蝦膠卻包裹著圓滾滾的青蔗並拿去炸, 蔗的味道滲入了蝦膠內, 又香又甜, 而吃完蝦肉又可以咬蔗, 蔗汁多到滿口皆是。  總之是非常滿意這碗越式三寶飯。點了杯熱杏霜在飯後嚐, 調得不稀也不杰, 甜得味道剛好, 夠潤喉!餐廳不需要加一, 但都歡迎貼士支持。

我成日以為會員先有得吃，門口有個招牌「只招待會員」，原來唔係，任何人都入得去吃，呃了不少人，每次經過都發現坐滿了老人，正所謂「家有一老，如有一寶」，咁尼度可能是一個寶藏。大家看圖吧！吃完都唔覺吃了野，一般食物配一般服務質素，環境…氣氛沈重，唔知點解。

今天同事提議去麥理浩食lunch, 說很久沒有去了, 回想上一次是一年前...於是我們一行四人便決定向這家店出發~去到見到差不多滿座, 店員見我們進入立即安排位置給我們坐接著我點了一客文昌雞配湯米粉午餐, 其他三位同事點了焗意粉...等了十分鐘...我的湯米粉到了...但只見米粉沒有雞, 還以為轉頭就來, 一等又等了十分鐘, 那文昌雞及三位同事的意粉也沒有來....三催四請下, 共過了四十分鐘, 那雞及意粉終於來了, 我的米粉已經泡漲了此時我們發現原來枱上只有兩套餐具...之後同事唯有自己去取...這店的甩漏情況真的無話可說...由於只剩下十五分鐘便過午飯時間, 我們便爭取時間開動...忽然醒起原來飲品還沒來我們一路吃一路追, 到我們吃完飲品才來...已經一套火了....最後...付款時還找錯錢... 經過今次之後, 我們再也不會來這店了... 強烈建議不夠人手就應該請人吧!!

咸豐年食過一次印象中麻麻地今次再戰麥理浩去一去相, 睇下我地叫左咩~各同事與我既食評同事A叫左茄汁焗豬扒飯 價錢: $32同事食後感: 豬扒很軟賣相: 一睇就知焗得唔夠時間同事B叫左咖喱雞扒飯價錢: $30同事食後感: 味道普通賣相: 汁多可以撈飯同事C叫左吉列豬扒司華力腸大碗飯價錢: $30同事食後感: 豬扒炸得偏乾身賣相: 大碗飯都唔係好大碗同事D叫左越式三寶 (扎肉, 豬扒, 庶蝦)價錢: $32同事食後感: 咸左些少賣相: 還可以我自己朝早食左個Heavy Breakfast所以唔想食咁多就叫左香草白菌汁香煎巴西雞扒價錢: $28我的食後感: 伴碟既椰菜偏硬, 可以煮軟些少更好唔似係香草白菌汁, 似係蒜容汁, 唔好味薯條係即炸, 很熱辣辣~雞扒相信我自己煎會好過佢賣相: 還可以其他-奇怪定價去一去相, 睇睇麥理浩個餐牌價錢定得好奇怪公仔麵餐同焗飯午餐相差$2其他-餐廳環境每張檯都排得好密玻璃檯面有好多一滴滴汁積

琴日同左d同事來左呢間店食晏,成個場得幾個人,我地幾乎包場,但平時多人到要等位.我就叫左個石頭飯,冇錯係石頭飯,其他人就叫左意粉呀焗飯呀,甚至係扒,份份都係king size,而且味道不錯,我果個石頭飯都好足料,而且幾好味,美中不足o既就係冇豆辨醬,如果唔係會更加好.埋單連野飲都係一人$30,你話抵唔抵.

中午食晏沿和宜合道行,經過一個社區中心,發現裡面有個餐廳招牌,半信半疑之下走入去.原來真係有間餐廳用作訓練再培訓學員.地方光猛清潔但似飯堂多過似餐廳.本來揾位唔難但係無人執檯,張張檯都杯盤狼籍,坐低好耐都無人理,D阿姐又好忙碌落單傳菜,有D叫都唔應,有D應你話唔得閒,咁嘅服務真係要再培訓至得.叫咗個午餐,西冷牛扒配薯菜,凍奶茶($29),牛扒不寄厚望,果然揾梳打粉招呼過,但末致過份,薯條新鮮炸仲熱嘅,最正反而係杯奶茶,有茶味又夠滑,價錢唔算平與一般餐廳無異,食物質素尚可,改善吓D服務就掂.

星期六大多數返返石籬食早餐，呢排愛上去麥理浩餐廳食早餐，果度ｄ早餐真係唔錯，而且少味精，食完感覺都好舒服，唔會覺得好口渴，加上佢ｄ牛油多士都算幾好食，仲要係麥包黎ｇａ，杯飲品都幾好飲，正呀！！

前幾日同同事黎食lunch發現價錢貴左但都可以接受叫左lunch set 4:黑椒煙鴨胸豬扒意粉拼中湯中湯係粟米瘦肉湯幾清唔油有住家feel黑椒汁較少意粉好多食唔晒煙鴨胸一般貨色豬扒有骨但煎得唔韌,ok本來覺得整得唔油都幾好但點知食到尾d油菜好似油浸咁,唔ok服務可以

佢出左好多特色飲品例如島椰香又新出左d炒粉麵飯咩天多利雞炒飯比以前用心左加上服務態度比以前好抵讚既之前叫到會試過佢既菜膽雞雖然雞味唔算好濃但就好滑另外有個麵包布甸都唔錯可以一試

唔使$30，比貴價的韓國餐廳好食。好熱，食完成個飯，個石頭仲出緊煙，鍾意食飯焦既必試！有牛肉、豬頸肉、雞扒......但每星期只有一款揀。本人覺得牛肉最正，豬頸肉香，但太油膩。芝士焗飯都正，一樣唔使$30。咖哩，味道夠濃；蕃茄，清新；白汁，幼滑。芝士超多，wow !! 但勿叫魚柳，好乾好粉。本人推介牛扒啊~　

同事o係我唔知情既情況下叫左呢度既到會騎虎難下既情況下唯有照食今次食物出色左味道好左配料份量好足楊州炒飯出奇地少油肉醬意粉面頭舖上份量不少既芝士, yummy麵包布甸唔太甜夾埋提子乾幾好味係有個西芹班塊就油左少少overall不錯服務亦好左如果以後都keep到呢個水準可以有下次