麥當勞

營業中

休息中

閑來無事不想煮飯，連公仔麵也懶得煮，所以去M記吃個快餐一個鐵板雞腿包，安格斯牛漢堡餐，再加了杯雀巢檸茶同雙層朱古力新地鐵板雞腿包，曾經一段時間沒再出現過，雞腿是微辣的，沙律醬依舊的多，也是一塊生硬的生菜夾在裡頭，麵包軟熟，雞腿也算Juicy安格斯牛漢堡，不知為何每次吃都覺得有點Dry，無論麵包還是牛都不夠Juicy、鬆軟，賣相很好但口感較差薯條新鮮熱辣的，鹽剛剛好，不會太鹹至於雀巢檸茶，真的十年如一日的超甜，甜死人無命賠，好彩的是這次沒如落了十羹糖，喝多了也得糖尿病朱古力雙層新地，忘了叫走花生，果然依舊是M記的朱古力漿最好吃，其他地方的朱古力新地也沒法相比

呢一排麥當勞不停出layer cake，數下數下我都食曬咁滯（除左芒果，個賣相真係唔想叫黎食）今次係MILO SPECIAL，出左MILO口味既layer cake！咁我當然都買個黎當早餐食啦麥當勞既layer cake 不嬲都唔算多layer，今次我數過只有十層其實我覺得佢個味道真係唔錯，好香濃既美祿味，但係唔知放係雪櫃放得太耐，有d 乾⋯⋯首先係d cream啦，有d 乾好似mousse咁，我諗可能當佢係mousse 咁食應該味道係好d但係佢乾到我毎拎枝叉切一下，d crepe同埋cream 都分開同埋我毎次食麥當勞既layer cake 呢都覺得佢d crepe 好有千層麵既感覺$28一件蛋糕呢個質素我覺得都唔平呀，我寧願加多$10食過件更好呀

今日同媽媽去麥當勞high tea，終於可以試到新出既千層蛋糕啦！繼上次try 完朱古力個款（有d 普通，失望），今次就係士多啤梨味唔知點解呢排mcdonald's係咁出千層蛋糕呢？？講返價錢先，二十七個半，其實真係有d 貴感覺麥當勞既餅唔應該賣呢個價錢，過左心理關口 食個餐先係廿四蚊，食件餅仲要再貴d⋯⋯好啦唔緊要啦，即管試一次，唔好食都係一次啫食麥當勞既千層蛋糕當然唔可以同出面d 貴價餅房比啦，所以呢我地既標準要調低一d呢個cake 唔算多層，目測都見到佢有幾多層，九層，餅底再加top 既白古力碎cut 個section 再望下睇相可能感覺有d 乾，但係食落其實唔乾既呢度既千層蛋糕中間lay 個層cream 食落似mousse 多d，個種質感同埋佪密度佢同其他千層蛋糕中間有d fresh cream 既感覺係唔同的而我就無乜所謂既，兩個我都喜歡講返味道先，好濃士多啤梨味！其實我一向都好鐘意麥當勞既士多啤梨新地，而呢呢舊蛋糕就可以整返呢個味出黎！所以如果鐘意食士多啤梨新地既呢個蛋糕應該都岩口味餅底就普通清蛋糕，再搽一層士多啤梨醬，再增強返個味道個cake 係幾好食既，但係廿七個半又值

呢期mccafe 有兩款千層蛋糕，分別係芒果同埋綠茶紅豆～因為芒果千層蛋糕既外形真係好唔吸引，又細細件d 千層又扁，所以就叫左綠茶呢款雖然一睇就知件蛋糕放左係雪櫃一段時間，d 綠茶粉都乾曬咁，但係真係估唔到食落又有另一番驚喜其實我一向都唔太鐘意食千層蛋糕，因為中間個d 全部都係cream黎，無錯係好creamy，但係食多兩啖就好滯⋯⋯呢度既千層蛋糕中間搽既cream 既份量我覺得十分適中，除左奶油味仲有crepe 既味道係度，唔會俾d cream遮曬！好～講返綠茶紅豆味夠唔夠先，紅豆既數目唔算多既，只係crepe 同crepe中間有幾粒咁樣。不過我覺得都食到有紅豆味既～紅豆係有d 乾既，但係都不錯啦，未至於乾到咬落好似粉粒咁。綠茶味又好夠，因為d cream 都有綠茶味而且呢度既綠茶粉同cream 都做得幾好，唔會有股好假既化學味，仲有d甘味tim廿六蚊黎講都值得encore 架！

好耐無食過麥當勞做早餐啦，要到weekend 既時候先有時間好好地食個早餐到今日先知道原來有魚柳早餐，唔洗再去大家樂逼啦～～買外賣返屋企梳乎地吃！塊魚柳係魚柳包個魚柳，個醬就係魚柳包個醬，加埋個muffin 包就好似以前既芝士魚堡其實好喜歡芝士魚堡，但係老麥依家又cut 左食呢個餐就可以勾返起我食芝士魚堡既回憶>L<食左咁多年早晨全餐，我又唔鐘意食個塊豬柳，依家有魚柳㨂真係太好了！

由於爸爸不和我們食晏，剛好哥哥比左1張贈劵我，可以免費換一個豬柳漢堡，於是同媽來食個lunch先，我叫左一個雙層芝士漢堡餐，薯條轉粟米，加一杯乳酪。啲包真的愈來愈細咁，定係我又大食左?相隔多年味道都無咩變，都算係咁。粟米就又乾又無味，早知豁出去食薯條啦，杯乳酪就細左啲，唔值得買喔！

麥記久唔久都出新野，好多優惠促銷，有時都會食下過下癮有次行過見到麥記做緊新地蘋果脆買一送一，毫不猶疑就買左黎食，22蚊一個姐係平均11蚊一個新地配批，算算都唔差不過蘋果批唔可以轉其他批，平時真係唔多會食蘋果批，最鍾意就係紅豆批，不過算啦，當比個機會自己試下朱古力新地太膩，所以一般我都會揀番個紅莓味酸酸地中和下，點知落單既時候店員話得番朱古力，真係唔知好嬲定好笑🙄雪糕就有少少太快溶，朱古醬份量中等，比想像中冇咁甜由於我係外賣既關係，蘋果批係原舊另包裝比我，好彩唔係擺埋一齊，唔係食個時就林哂！蘋果批餡都算多，唔係空心勁吉，至於味道確實見人見志，我覺得醬比果肉多，外表都算脆，但我就唔喜歡蘋果批，所以就一般般了一啖蘋果批，好脆口，一啖雪糕，好軟滑。雪糕沒有好重奶味，都適合我，至於朱古力醬，計單食新地如果多d朱古力醬會更加好！

每次麥當勞出新包，我都總會忍唔住去試，因為廣告實在太吸引...可惜換來既只有一次一次既失望，上一次既蠻牛辣漢堡，牛肉唔似牛肉，完全無牛肉味，得個醬好味...到左今次既足球包，真係忍唔住要寫返個食評 睇個樣都還可以，個包面都真係足球樣...材料無咩，一塊雞，青瓜，菜同醬...一食落去，唔知自已食緊咩，由頭到尾都食唔出個醬係咩味...塊雞睇落都幾色彩繽紛，有好多一點一點，諗住係落左d野啦，點知都係唔知咩味...只可以講係岩岩整起，有d肉汁成個包完全唔夾，真係食到嬲嬲地，食個$21既脆辣雞腿包餐都無咁嬲 呢個芝士薯波最離譜...+$5，有5粒，如果好食都算，但係難食到真係無法想像...佢同早餐既薯餅一樣，入面係一粒粒既，但係加埋芝士，完全唔夾，怪味，難食

是日星期六，哥哥們既小朋友唔洗返學，加上琴日媽咪應承左佢地話今日食麥當勞，加埋男朋友，我地一行6人就起行啦！一去到，嘩，條龍長到呢，想唔排食過第二樣，不過既然應承左小朋友，咁就算啦，唯有排...媽咪就去左搵位！排左一陣，終於到我地，我地叫左3個麥樂雞餐，1個脆辣雞腿包餐，2個豬扭蛋包，餐飲要左1杯熱朱古力，2杯芬達橙汁汽水同1杯凍奶茶！等左一陣，意外發生，見到個收銀姐姐將我地d野食入晒落外賣袋...之後我問男朋友:你同佢講我地拎走?佢話無！之後我再問:咁佢有無問你拎走定係道食?佢都係話無！跟住男朋友就走過去同佢講話我地係道食喎！之後個收銀姐姐就拎返晒d野食出黎放係盤道...但係薯條就無拎，話驚跌晒，我話唔緊要，叫佢成袋放係個盤道就得！最西利既係個收銀姐姐全程無黑面，抵讚！搞完一輪終於可以開餐啦十分鐘意麥當勞既奶茶，落埋糖漿，味道岩岩好，唔會太甜，亦唔會太苦！包裝十年如一日外表完全唔吸引，令人覺得求其，d菜又係一打開包裝就跌晒出黎個隻重點既炸雞腿雖然已縮水，無以前咁大塊，不過表面仍然係脆卜卜，入面嫩滑，仲有小小肉汁薯條普通，雖然唔係熱辣辣，但亦唔會凍冰冰，好在無淋晒...麥樂雞唔熱，但暖

每當麥當勞有新(甜)品登場, 總會引發我那顆好奇又愛甜的心, 記憶所及近兩三年推出過的香芋, 還有焦糖布丁麥旋風, 味道挺好的, 創新得來又感匹配。這天甫從開工那刻, 頭痛一直未止, 幾經辛苦才等到下班的來臨, 本應以最快的速度回家, 奈何甜食總是比藥丸更有效, 雙腳已不由自主地向著甜品站進發。 其實每次點麥旋風, 真有碰運氣的感覺, 皆因配料下得不夠, 又或者攪拌得不均勻, 出來效果可以相差很遠的。香蕉加朱古力, 一向是穩當, 不會輸的組合, 不知怎的當聽到香蕉朱古力蛋糕麥旋風($13.5), 直覺得會是香蕉蓉跟朱古力蛋糕, , 甚至brownie的配搭, 未免想得太多吧? 見店員沒精打采似的, 隨便拌數下便交到我手, 已不敢抱太大期望了。成品看來偏白, 朱古力醬未跟軟雪糕充分融合, 朱古力味比預期中淡薄, 相比下新地還要濃味, 奶味反較濃重, 香甜軟滑依舊不減, 黏挺的質感很讚, 甜度還算接受得來, 混著粒狀的香蕉忌廉蛋糕, 入口鬆軟,蕉味被帶到裡頭, 將味道提升, 只嫌口感方面未夠豐富, 蛋糕只數粒, 如果多加些oreo餅, 說不定會更吸引呢!

記得當年有一款期間限定既咖喱薯仔批, 幾好食, 咖喱香香地, 回味之餘等佢出咖喱包, 一等就唔知等左幾多年, 終於俾我等到喇, 好興奮! 好喇, 叫左個珍寶餐, 兩塊包加兩塊牛加洋葱粒加咖喱醬, 唔駛問阿貴, 靈魂必然係咖喱啦, 皆因所有既味俾佢冚晒, 微辣 (好主觀), 微甜 (值得讚), 但有幾強烈既苦味, 咖喱可以整到有苦味, 究竟係咸到苦定係辣到苦, 不得而知, 可惜不快既感覺陸續有黎, coke zero 又係淡到苦, 薯條又乾又硬已經係指定動作, 唔覺得出奇....... 今次中晒伏, 冇辦法啦, 俾左錢唯有食埋佢, 好惡頂........

想試吃新出的超級隊長漢堡及洋蒽圈,但見新聞话食一個套餐等於攝取1,270卡路里,熱量等於啃下近6碗飯，需跑3小時才可消耗，食3餐即增1磅,恐怖於是只叫了一个脆辣雞腿包餐及加大轉洋蒽圈!脆辣雞腿包 雞腿香脆,調味料好香!配上爽脆生莱絲,吾錯!洋蒽圈洋蒽圈大大件,但份量太小,与BURGER KING相比,BURGER KING則為好味一點!汽水汽水太大杯,飲吾晒,囧!呢餐吾係太差,洋蒽圈份量有待改善,$33大洋,7/10分拉!

早上去快餐店食個早餐，估唔到都可以咁慢，唔通D人未訓醒？2個人在收銀機協助，都可以做唔次！現在M記的新系統真係.......慢！十幾二十人係收錢、囉野食，整野食，但出面收餐盤、抺台一個人都無！幾張台成台面都係垃圾都未人收！食物平平，不過即叫即做的新系統D野食又唔見熱得好多。

蝦堡已不算新產品, 早在去年已推出過。 本月再度登場, 因已先後試過將軍漢堡和黑椒漢堡, 獨欠蝦堡未試, 總覺有事情未完成的感覺。 那塊和包般大的蝦堡炸得香脆, 不會滿口粉。 混有為數不少的蝦肉, 尚算完整, 可看見一隻隻蝦, 不是霉霉爛爛的樣子。 但別期望會有太重的蝦味, 和雪藏蝦一樣只得爽口感覺, 無什麼味道可言, 非靠味似千島醬的和風醬汁吊味不可, 可是份量不夠, 吃起來難免較乾和淡口。 三款漢堡之中, 個人對蝦堡的評價最低, 相信日後翻試的機會將是零。

屋企人未食飯，足三兩，講左好耐都未去。今晩就去試啦。佢自己叫左一個double足三兩。佢話好好味，好正。好味過平時麥記的漢堡飽和孖寶好多。牛味好重，咬入口非常juicy。份量足，男仔黎講，食一個有7成飽啦。我就唔食牛的，聞左聞，嘩，好"so"，聞都頂唔順。