麥當勞

營業中

休息中

每次麥當勞出新包，我都總會忍唔住去試，因為廣告實在太吸引...可惜換來既只有一次一次既失望，上一次既蠻牛辣漢堡，牛肉唔似牛肉，完全無牛肉味，得個醬好味...到左今次既足球包，真係忍唔住要寫返個食評 睇個樣都還可以，個包面都真係足球樣...材料無咩，一塊雞，青瓜，菜同醬...一食落去，唔知自已食緊咩，由頭到尾都食唔出個醬係咩味...塊雞睇落都幾色彩繽紛，有好多一點一點，諗住係落左d野啦，點知都係唔知咩味...只可以講係岩岩整起，有d肉汁成個包完全唔夾，真係食到嬲嬲地，食個$21既脆辣雞腿包餐都無咁嬲 呢個芝士薯波最離譜...+$5，有5粒，如果好食都算，但係難食到真係無法想像...佢同早餐既薯餅一樣，入面係一粒粒既，但係加埋芝士，完全唔夾，怪味，難食