麥當勞

營業中

休息中

伏，半溶狀態要求更換但話加左糖漿係咁唔肯換$14.5香芋麥旋風難食太甜不冷不熱香芋味好假本來想食奶茶新地但連續幾日7點已無得賣唔係壞機，就話無貨好差咁大間麥當勞都唔入定足夠的貨唔知點做生意

我哋去食咗麥當勞嘅早餐一個叫咗豬柳蛋漢堡再加薯餅🍔我就叫咗佢嘅新餐肉漢堡再加薯餅豬柳蛋漢堡正常發揮，但係份量好似越嚟越少😅新餐肉漢堡食得出係素肉，食得出有用大豆同埋香菇嘅食材黎整不過調味幾好，幾有驚喜 🤤最好嘅就係熱辣辣出爐嘅薯餅，再加埋橙汁😍係一個good start to a new day☺️

早幾晚諗唔到食咩晚餐，經過麥當勞，咁就去食左個Big-Mac餐！🍔比起之前個Big Mac細左好多😔味道都係依舊，都唔差嘅！紫菜味嘅調味粉係最正！同薯條🍟好夾😂

因為好奇，因為健康，因為貪新鮮換來後悔！餐肉好似炸到燶晒同乾晒，但食落又無燶味，唔知點解會咁！食落唔似餐肉，但唔知似咩味！下次食返豬柳好了！用左$3優惠卷就無左消毒濕紙巾，真係唔太公平

雖然麥當勞開到周圍都係🍟🍟🍟,但其實要遇到間好既麥當勞一D都唔容易, 我去過D服務態度好差既,又去過D野食超油既,但新墟呢一間都冇令我失望過每次黎到,都唔知點解好多人🧑‍🤝‍🧑🧑‍🤝‍🧑🧑‍🤝‍🧑🧑‍🤝‍🧑不過而家可以用APP訂餐🤩🤩🤩 錦就唔洗排隊點餐, 員工效率好高就算好多人佢地都好快手!!, 野食唔會話好多油, 每次都保持水準 同埋佢地都好勤力執野, 我好怕有時去到冇人執野又要自己執😰😰😰

見到有新出黑糖珍珠奶茶，特價$15，就想試，但係v city個間冇mc cafe，所以第一次食呢間屯門麥當勞食，今日黎既時候唔多人，所以用點餐機買完，5分鐘就有得攞，本身mc cafe d 飲品都伏伏地，點知呢個奶茶有驚喜，珍珠夠淋夠熟，又圓滑，點點都好平均，唔會有d生有d熟咁，奶茶似平時麥當勞飲個隻，但加左奶香，又有少少泡，口感唔錯，可惜既係叫左少甜，但仍然偏甜，如果冇咁甜就好，但$15比起出面個d大路珍珠奶茶平一半，非常抵飲。

2020.8.25(二)點解食麥當奴? 因為陳奕迅。點解食麥當奴? 因為童年回憶。點解食麥當奴? 因為鐘意漢堡神偷。點解食麥當奴? 因為款式常變, 但我的選擇無變。最喜歡食咩？嘩! 好多(其實唔多~一直都係個幾樣)... 早晨全餐/pancake/芝蛋包... big mac/磨菇安格斯牛扒包... 蘋果批/朱古力雪糕新地... 港式奶茶/即磨咖啡/可樂... 今日挑起條根, 係因為平平平, 食左咁多野=仲有個big mac 都無影相。 好飽

見到麥當勞門口有廣告牌寫住新出口味阿華田雪糕🍦對一個仲意食雪糕的人是一件難以抗拒的事情😂之前一直有食超市買的阿華田雪糕杯同阿華田甜筒🍦本身阿華田味仲要系我一直都好喜歡💕食的味🤩所以第一時間沖入去買🤪今次一次過試左2款口味-脆脆新地同新地大窩夫筒🍦2款味道差不多😁香濃的阿華田味👏比之前超市買的阿華田雪糕杯稍為甜😄脆脆新地面有焦糖，食落有口感，但仍是我喜歡💕的味道✌️$10脆脆新地好抵食👏值得推介👍

經濟不景連麥當勞都出下午茶餐呀反正外賣.唔需要飲佢杯可樂點咗兩隻雞翼加細薯條17蚊算係咁啦．過下口癮．薯條都脆嘅．雞翼可以畀包泰式辣醬我真係好啦🥰唔知有冇人一樣好似我咁鍾意麥當勞辣雞翼配泰式辣醬呢😜

喺香港疫情影響下，香港規定咗每間餐廳都要探熱先至可以入去，但係唔知點解呢間麥當勞，好得意去到排隊畀錢嗰陣先探熱， 一堆人排隊嗰陣有乜嘢要中嘢都中咗啦， 不過唔緊要而家 疫情好似稍為放緩。 差唔多夜晚九點過到嚟特登為咗食個雪糕。 而家幾蚊食到一杯雪糕嘅地方我諗真係冇幾多啦。 講咗咁多廢話講番杯雪糕先， 性價比超高， 阿華田味好香個統亦都好脆外面嘅朱古力脆皮亦都到位， 但係都有脆皮軟雪糕嘅通病就係啲雪糕喺裏面 用得好快， 男仔 大淡食冇問題，女仔慢慢食就好快溶灑。

我每次係屯門新墟利到同朋友消遣完，都一定會黎麥當勞食個醒神早餐，好鐘意佢早餐先有既炒雙蛋牛堡😍當然唔小得佢早餐先有既薯餅😋加埋杯熱朱古力，成個人暖苙苙，勁正😋😋😋

好開心新出玫瑰系列，本人一直對玫瑰情有獨鍾，現在下午茶時間，有下午茶餐選玫瑰朱古力和1件蛋糕(千層朱古力蛋糕) 只是$33。 我朋友單選一禁凍朱古力泡沫咖啡也要$32.5 朱古力上面拉出心心形狀，放上漂亮玫瑰花朵，真的很吸睛，漂亮♡在現在只有11度，喝一禁熱玫瑰朱古力真的很溫暖，而且朱古力味道很濃而不甜，而且附上一粒LINDOR朱古力，比原來麥記熱朱古力好多多聲。 有圖有真相，玫瑰系列很驚喜，水準很高!千層朱古力蛋糕一直都喜歡所以選了。下次會考慮新出玫瑰芝士蛋糕的。

上個月26號出咗榴槤雪糕🍦一直都想試終於比我經過嗰度有甜品站嘅麥當勞啦！喺入面食咗個開心樂園餐就出去帶咗個榴槤雪糕，十級好味呀！一杯麥旋風嘅份量再加多一球D24榴槤total HKD40，好重嘅榴槤味我覺得+1球榴槤已經夠啦，雖然有啲貴但係我覺得好值得～😋

一個人吃晚飯 但求快和平麥當勞就是最好的選擇屋企附近梗有一間芝味蘑菇安格斯餐Cheesy Champignon Angus Burger Set用上一塊大大的漢堡排 安格斯牛就是肉味特別濃再加上大量蘑菇 還有芝士和生菜用料十足 只吃包已飽了九成

🍔紐約風味安格斯套餐 配🍟洋蔥酸忌廉shake shake粉 ($46.5)個包有三層 有煎蛋🍳安格斯牛扒🥩同洋蔥薯餅🥔醬係Hollandaise🥚加兩三條生菜🥬🤔本身以為自己成日睇少麥記啲漢堡包可能都有驚喜呢包就麥記包 太軟 亦無點烘過 同包身乾塊肉太乾了😶 食左大半個乾到頂唔順因為食完要睇Endgame唔敢飲太多汽水😂靠Hollandaise濕番 個醬偏甜食落似honey mustard多🍯洋蔥薯餅脆喎😲係油左少少 但好味蛋意外地有少流心😯 同夾味如果真係Christian Yang親自煮👨🏻‍🍳個醬可能會酸番啲杰啲 肉又多汁啲 成件事就唔同晒😀 因爲睇得出個組合係用心同夾嘅😄👍🏻到shake shake粉 太濃 太酸了 好口渴😯都係鍾意紫菜味🤗整體黎講 $50唔洗埋單 乜都有 就唔好要求太多😀