麥當勞

營業中

休息中

每次必吃雞翼😋好耐冇食得閒食下都唔錯 叫親雞翼餐都會轉全翼，而家已經唔可以咁做😢一定要有兩隻雞鎚兩隻雞翼。通常會去比較少人嘅M記，因為佢所有炸既食物一定要係新鮮炸先好食 *如果想有優惠可以下載佢哋個Apps會定時買嘢食送嘢食😍上次買一個餐可以送麥旋風

一聽到m記出左個新包 又咁岩經過呢面 就一於去試下佢個安格斯牛肉包 同埋佢而家都有新shapshap粉 我就要左洋蔥忌廉粉。調味粉好香 好重洋蔥味 而個個牛肉安格斯包就比較乾左d

麥記全新和風系列，除左出左南蠻炸雞包同吉列豬扒包之外，仲出左個菠蘿批添。🍍🍍🍍仲記得之前莉莉子試過麥記既栗米批、芋頭批，每次都好吸引，創意力好高☺️☺️是日莉莉子一個人行過麥記，見到黃色新批，當然以為出返粟米批啦，點知原來係新出既菠蘿批🧐🧐🧐新產品當然要試下，莉莉子一咬開個批，發覺入面原來係菠蘿果醬，一入口好似罐頭菠蘿甘既味😖😖😖而且仲要超級甜，甜度高到好似糖漿甘，味道實在太化學，莉莉子真係唔會太推薦😔😔😔😔

叫咗個新嘅南蠻雞漢堡，加 shake shake 薯條（蜜糖bbq 味）再加雞翼分享盒。彩虹地鐵站麥當勞出名多人，但有3，5，7部自動 order 機，所以都唔使搞好耐，快快手手俾錢開始等。大概2-3分鐘收到，時間可以。個包：微溫，唔算熱辣辣。入口嘅時候有少少怪味🤢，不過慢慢食落之後D after taste 還可以。雞肉算大塊，啲配料都足。整體都算合格。薯條：淋左，shake shake 粉救翻啲味，佢算合格，人多都唔可以對佢有太大期望。雞翼：脆，熱辣辣就唔輪到佢，但係味道保持水準。整體來講如果冇乜選擇可以去試吓，但係以呢個價錢應該有好少少選擇。

-是咁的，今日係麥當勞做十蚊兩個豬柳漢堡。今晚放工之後經過麥當勞，咁就諗住 冇咁早食飯，咬住兩個包先頂住檔啦。就入去買十蚊兩個豬柳漢堡咁。結果等咗成20分鐘先拎到包。我諗真係因為個promotion做得太成功、太多人知。有咁嘅優惠跟住個個都會去買嚟食下。現場真係多人到呢不得之了！！買完之後我就諗，其實本身豬柳漢堡嘅味道都係一般，但係唔知點解可能等得太耐，又可能好似賺咗咁樣，個豬柳漢堡好似比平時又好味咗。 所以話環境絕對係會影響食物嘅味道呀！！

2019 年度我喺麥當勞嘅第一擊,就係行過見到$10/9件嘅麥樂雞，真係減緊肥都好想食！每次都係因為比抵食所引誘，$10有九件同平時嘅價錢真係大左好多！不過淨係排隊落單俾錢都要等幾耐下，再過隔離排隊等外賣！所以冇理由淨係買一份㗎！呢個靚價錢淨係做今日，每人只係限買兩份！仲有兩盒醬汁自由選擇，我嘅永遠非法BBQ醬，甜酸醬，各一盒！就這樣平平哋食咗個好開心嘅宵夜！為2019打開美味廟的食平啲旅程！聽講聽日有$10兩個包又得閒你排下隊先

-2019年1月1號嘅第一餐， 我選擇咗食麥當勞2019 全日早餐嘅珍寶套餐 （$29）：唔錯嘅組合有2塊熱香餅、豬柳、炒蛋、脆薯餅、 muffin，超豐富吖！！再加上濃濃的Skippy花生醬 + 鷹嘜煉奶， 搽咗落去熱香餅到，好似以前細個喺街邊食嗰啲夾餅咁。當然如果花生醬同埋煉奶唔啱口味嘅話，都可以選擇一向嘅牛油同埋糖漿。

麥當勞今次出咗呢個 double Big Mac， 我諗好多年過40以上嘅人都好似我咁樣，滿心歡喜以為可以食到一餐好嘢，同我哋喺以前細路哥時代食嘅一模一樣咁樣， 不過希望越大失望就係越大，呢個係不變嘅道理，雖然我都知道不過都係失望。Double Big Mac 其實等於以前 80's 年代一般Big Mac嘅份量，唔知係咪心理作用嘅影響，總係覺得片牛肉冇以前咁大咁厚，個包又冇以前咁鬆軟，總之就唔係80年代嘅味道，如果冇乜好大隻特別，又冇以前咁好味，咁出嚟係為乜嘢呢？我真係唔明白。

經過mcdonald見有少少肚餓，就叫左2包細薯條配避風塘炒蟹味 shake shake 粉。食落似胡椒味多d都幾香口，本身薯條走左 salt，否則可能太鹹。不過試一次便夠了。

豬柳蛋漢堡 ($11) 麥當勞必食之選，呢樣真係我至愛，好抵食，個包夠熱，蛋夠大，豬柳又夠味，仲有半滆芝士，做早餐夠晒營養，perfect match! 每日一個都唔會食到悶。

因時間不多, 又在床上戰鬥一輪，又要食野,要快點先得咁就求其走落黎樓下老麥食個包. 買飛連排隊等候五分鐘攪掂哂！有點時間又有位索性坐係度食啦！脆辣雞腿包縮水左勁多!塊雞扒麻麻地啦。而且個包都算好熱!話就話脆辣雞腿包!但我覺得都唔算太辣，得一撮生菜絲不知為何, 覺得好乾, 沙律汁好似落得唔夠!芬達橙汁是機裝汽水沒有甚麼特別最緊要夠涷就可以..至於環境今天撞啱有小朋友開生日會, 感覺非常熱鬧. 老麥一向有區域做派對這一間非常乾淨, 地方大, 帶小朋友開生日派對就一流.

一般乘坐西貢往新蒲崗「采頣花園」專綫小巴的乘客，主要選擇下車的位置，通常是位於觀塘「坪石邨」樓下近着港鐵站入口的地方。「坪石邨」本來只是一個老齡公共屋邨，但是「坪石邨」被「領展」「改造」過後，商舖立刻有了重大改動。例如「坪石邨」原來用來作為停車場的位置，就被「領展」改建變成了商場，商場其中一個舖位就變成了「坪石邨」分店的「麥當勞」餐廳。而從「麥當勞」泛生出來，「咖啡店」版本的「麥當勞」，「McCafe」亦都跟隨着「麥當勞」，一同生存在「坪石邨」分店「麥當勞」裡面。我本來是想在坪石邨「McCafe」裡面，購買一杯「豆奶抹茶」，飲完「豆奶抹茶」再加一件「McCafe」層層疊千層蛋糕就返回西貢休息。怎料我上門光顧坪石「麥當勞」的時候，已經差不多是晚上十點左右，坪石「McCafe」的咖啡師都已經下班離開。等到坪石「麥當勞」店員告訴我的時候，我才知道自己來不及，錯過了坪石「McCafe」的「豆奶抹茶」。於是失望加失落的我，又不想再冒險，在附近的「牛池灣村」找尋其他食店，所以惟有在坪石邨「麥當勞」裡面，夾硬選擇購買一款「超值套餐」，吃完就回家算數。「麥當勞」餐牌經過了重組之後，原本的「廿蚊」，現在

今日兒童節食豪啲，麥當勞人見人愛。地鐵站行到上地面就見到這間麥當勞，入到食店內的環境尚箅舒適，桌椅擺位比我想像中寬闊，也有洗手間提供。收銀嗰個店員非常專業且有禮貌，畀完錢仲提我麥樂會有張coupon兒童節開始可以用得啦，讚讚今日比較肚餓，叫了廿四蚊蛋牛包餐，因為麥樂會送細薯條，所以改粟米，另加$1有即磨咖啡，再加$11要多個魚柳包，"慶祝"下兒童節要返工。個蛋牛包比一般嘅堡包牛肉味重啲，或者佩芝士茄汁(麥芝蛋)啱啲。如果薯條可以再熱啲會更理想，更香口，更脆 粟米pack返去做下午茶

白色情人節，源於日本，訂於3月14日。在日本，通常欲告白的女方會在情人節的時候送禮給心儀的對象，而收到禮物的一方，則會在3月14日回禮並告訴女方自己的心意。我就係見到廣告就諗到一定要去麥當勞食呢一個新出的批，象徵收＄3.1 ,真係10分10分10分超值！如果你好驚中伏，你都有另一個選擇就係食蘋果批，都係都係＄3.1！好抵好抵！由於當日好多人都買呢兩個批食，所以食嘅時候都熱辣辣！如果你問我呢一個野莓吉士批好唔好食，好忠實嘅答案就係話一試無妨，但係我就鍾意食蘋果批多啲啦！我第一口食落去嘅感覺係外邊嘅批皮係咸嘅，至於啲餡，不是太多，但係感覺唔太甜，感覺都幾新穎！一年先至可能推出一次，咁就梗係要應吓節試一試啦！加上價錢咁平，大家試吓都模仿啊！今次佢搞一啲嘅廣告就係有QR code嘅貼紙，比你嘅情人可以表示下對你嘅愛意，都幾有趣啊！

食完早餐唔夠飽， 好彩過咗十一點 ，去到麥當勞，食平價嘢24蚊餐， 麥樂雞6件配合最普通嘅芥末醬，味道一流 。最估唔到嘅以前嘅點jack係抽籤，而家要用電子化。 可能我個電話太廢，根本上都上唔到，諗都唔使諗餸埋張飛畀架呢個後生仔，唔好浪費。 麥樂雞炸得都唔脆嘅，不過好彩唔油膩，至於薯條脆身一向都唔係咁講， 不過24蚊冇咩要求啦。