麥當勞

營業中

休息中

新包包: 板燒雞腿蛋漢堡熱烘烘的英式muffin夾著微辣的雞腿肉蒸得剛剛熟的雞蛋﹝蛋白很嫩滑 蛋黃半溶﹞少量的生菜和沙律醬咬起來口感極豐富那極少量的黑胡椒碎令人吃起來超開胃的讚!讚!讚

夜嘛嘛食麥記係個好選擇!9點之後食double系列更是明智之選!麥當勞的魚柳包越來越細個,塊芝士重要等半塊"包大個乜"的情況經常出現,不過食burger不是這樣嘛...試試個double魚柳包,睇落好吸引咁可能係麥當勞依家即叫即做的關係,個包非常新鮮!魚柳厚厚的,相當吸引。加上"一整塊"有邊見得到的芝士,真係見到都流口水。一啖食落去...um!真係啖啖魚柳呀!新鮮熱辣,啖啖都係咁好味!唔好以為double真係好味得多,先似食burger!不過double魚柳包又唔係好大個,因為普通魚柳包實在太迷你了......不過沙律醬的份量不多,喜歡沙律醬的朋友可以叫多醬!

一向唔多食M記，但今日阿媽懶得煮午餐，每人買個m記餐。要了至尊漢堡 + 板燒雞腿包 share 食。至尊漢堡話用上了足三兩的牛肉。但其實唔算特別厚，又唔夠juicy；口感鞋鞋的，好在無牛羶味。仲加勁多醬，感覺幾膩。蕃茄切得薄薄的，乜蕃茄好貴咩？板燒雞腿包又係太多醬，多到咇晒出黎。都幾辣喎；雪雞幾嫩，有少許肥膏。薯條今次算炸得唔錯，有幾條有手掌咁長。有d脆有d淋。

買了個和風滋味蝦堡，再加多杯細strawberry milkshake。一個開d紙，就見到到好多生菜凸晒出黎，賣相就麻麻地喇。不過賣相始終係其次，味道先至係重點。塊蝦堡入面真係有好多蝦，一隻隻；充滿濃濃的蝦味，且口感不會淋patpat，但又唔稱得上係好彈。塊蝦餅同d 千島汁味道超夾，令口感無咁膩。會再encore~

暴食之一程。試新野~~軟心朱古力派：不錯喎，雖細小，但三角形的朱古力酥脆皮內藏著流出暖暖的朱古力，ok！薯皇：可能由於拎到返屋企：感覺、味道都麻麻，無特別！曲奇麥旋風：嘩，今次好嚇人，從未試過裝到咁滿架，真係到杯口咁滿咁多，瀉咁濟，相中已是食左啖架啦

呆等之時。HEA朱古力濃蛋糕：唔係成日有，好彩今晚還有最後呢個，終於試到，嘩！正呀！首先賣相可觀之餘，由外上至下，即表層起分別是朱古力脆面，分別與朱古力蛋糕相隔，口感十足，脆脆的，不錯不錯！美綠麥旋風：新口味。雖我對美綠無感覺，但新野當然要試，果然真係不錯喎。內還有脈粒粒，愛吃美綠的''砂雪黨''就明

義工過後，先食小小野，待配完眼鏡後去峰食壽司。報紙近期有coupon, $8 一個魚柳包 (走醬)，再加多個細strawberry milkshake。魚柳包味道依然，塊魚柳味道仍是這麼可口美味。肉質也好，不會太鬆散。可能有太多年無食，所以覺得特別好味！size 就大縮水，如果齋食個包一定唔會飽。加埋杯milkshake 就差唔多。環境唔太好，一路食一路有蚊滋飛黎飛去！

家姐係澳洲返黎…佢話要試勻所有包= =(講明先：我係從不吃包的，以下全是取錄自她的口述)=-~<<正包婆>>~佢至明架~~WAWAHAHA姐姐，記住丫你返左澳洲…我會時時刻刻都記住你個包X~尤其是一見到d包~= =脆辣雞腿包：姐姐最愛，話拍得住kfc喎~板燒雞腿包：無骨雞扒，嫩滑多汁，唔似其他包咁鬼乾身足三兩：好大舊，好濟，舊牛肉太乾啦…岩晒鐘意食牛味重既大男人/大女人…至尊漢堡：簡單版足三兩…足兩兩~~巨無霸：份量大，夠底食，大件頭魚柳包：媽咪最愛，姐姐話四四方方一塊魚柳，味道好…沙律醬酸酸地，幾醒胃~漢堡包：姐姐話一句講晒，好少料，無感覺..haha~~芝士漢堡包：''嘩~''>姐姐話就係多塊芝士，係咁先，講完雙層芝士漢堡：多左塊同芝士同肉肉囉…飽d吧豬柳漢堡：姐姐兒時的最愛，貪佢細細個，英式鬆餅，但嫌略''鞋''豬柳蛋漢堡：姐姐話多塊發，個口感豐富好多，可能大個大食左既關係將軍漢堡：甜醬令你一試難忘，簡直令你一試難忘玉子將軍漢堡：塊蛋分薄左d醬汁…變左唔夠醬嘩…佢呢個正一''包''妖后…佢就得把口講，我就打到手軟~~哈哈…曲奇麥旋風：我的最

紅莓芝士蛋糕：嗯…都ok ge朱古力新地：好多花生粒啊，脆、香、朱古力醬夠濃，雪糕夠滑紅豆批：好熱啊…脈，熱氣囉…小心！脆香雞翼：夠脆又夠香，必要配醬，有畫龍點睛之效，是我同姐姐至愛！(如果叫餐，必定叫脆香雞翼餐)

試食新出既"足3兩", 塊牛肉幾大塊, 有牛味, 不過嫌乾左少少... 成個包乾左dd, 如果多d汁, 同多d菜會好食d。以咁既價錢計, 牛肉咁大塊, ok ga~~宵夜黎講, 飽左dd, 如果9點前都供應會好d。

難得跟弟兄J詳談, 係街頭講也不大方便, 他就上來這裡飲杯野, 身為北極生物的他, 果然係要了杯大可樂, 仲係連冰都吞埋. 小弟二人就食雪糕.雪糕新地: 6分, 對麥記的東西, 已經沒了興趣多時, 但係雪糕除外, 不過是日吃到的雪糕吃落口係太大冰的感覺, 奶味不足, 當然, 加上了朱古力醬, 依然係幾美味的. 感覺上就好像退步了, 定係小弟的要求高了?其實從前去旺角場看球賽前, 也愛來這家店外賣個餐入場慢慢食. 不過好像真的係很久之前的事了. 現在, 都係乖乖地留係電視機前面看看632.

行到攰,同小牛入麥記坐坐,要左個美祿麥旋風加個意式芭菲杯...美祿麥旋風好食就唔使講,至於個意式芭菲杯,原來好濃味,個面有好多朱古力碎,食到最尾都仲有,下面少少又有好朱古力醬,所以好大朱古力同咖啡味,加左條脆脆,多左口感,但係一好細條,食兩啖無晒,不過我覺得杯雪糕幾大杯喎,食完都飽飽地...我地兩個都覺得,意式芭菲杯唔及美祿麥旋風好味呢!而且仲貴的添喎!

今晚21/6/05 , 大約8:30pm 經過呢間老M, 口痕痕咪買個紅豆新地食O下lor, 行到去個counter , 個肥妹o係度入緊jam, 我等o左一陣, 佢搞掂o左直到我叫o野食都無出過一粒聲, 啞ga? 唔好話service 啦, 禮貌都無!o甘我叫佢多醬啦, 佢係黑哂面, 極唔願意o甘lor,咩M 記D training 係教d 員工o甘對客ga?講真, 好o既M 記員工我見過好多, 你都算差喇! 哼!

嘩!!!!!全場最貴的雞扒早餐, 買了回來一打開個盒, 同男友仔一齊"嘩"的一聲叫了出來, 因為個塊勁似鞋底的雞扒, 個樣好核突同好細塊, 食落重要係超鞋口, 係勁唔好食個d雞胸咁囉.雖然電視廣告係參考圖片, 但都唔駛差咁遠啊, 好離譜!!!

今日食呢個芒果新地筒, 個味真係好似食緊鳳仙喎, 呢間野個芒果皮比好多好厚, 幾特別喎!! 不過可惜我唔鐘意食鳳仙囉, 不過$3係幾抵.........