麥當勞

營業中

休息中

由於要到旺角處理銀行事, 初到貴店, 草草食個早餐, 哇, 朝早9點左右明係繁忙時間, 唔明呢間點會返咁少人, 完全唔full man, 6個counter 條條長龍, 觀察到服務員手腳速度參差, 呢個手快, 個手慢, 乜train 人train 到咁? 入面又支援少, 經理得一個後面幫手. 好唔慣, 但自己公司附近間店都唔會咁. 同一麥記個名都係. 魚柳包餐只能果腹, 談不上美味, 如佢飯餐重出江湖咁就好, 皆因佢水晶米勁好食. 諗諗佢啦. 麥記賣飯無乜唔妥.

下午五時，肚餓但唔想食太飽，想起近來熱賣的廣告- 麥樂雞神偷。撗掂好耐冇食麥樂雞，又去試試新醬的味道。一盒九件雞，套餐連中薯條、中汽水盛惠$24.9。九件雞的餐可要兩款醬，由於先前已收到風沙嗲味唔掂，蜜糖醬同泰椒醬又沽清，所以唯有要日式咖哩醬同舊款o既香芥醬。雞件食落同以前一樣，比較削，個人唔係咁中意，日式咖哩醬好香咖哩味，唔辣而且有少少甜。香芥醬有芥辣味，亦係唔辣。未食過可以一試，試過一次就唔會再食了。可能又要等麥記下次再出新款式才會再去了。

去左試個點jack, 要左個馬來沙dad醬同日式咖哩醬, 2個醬都杰撻撻, 日式咖哩醬同平日個d日本咖哩都好似, 點nugget都ok啦! 沙dad醬就真係唔係好掂, 超級咸, 又杰個賣相又唔好,真係有d渣........對於呢個點jack, 我同上次個食家有同一諗法------"比番舊個d我啦唔該"