麥當勞

營業中

休息中

剛早上十一點前，還趕得切食個芝士火腿扒飽，但不知是否d員工未訓醒定係素質下降，態度求其，沒有禮貌，呢頭話個飽未有，叫我坐低等（心諗得一條友食，坐低咗點行開呀，杯野點呀），於是我問要等幾耐，好唔耐煩答話要等兩分鐘，咁我話企喺度等，點知兩秒唔使另一個員工就飛個飽埋黎，咩都沒講！唉！最慘個飽又唔熱的！唉！跟住仲好笑，由於今天落雨，搞到地下有水，有個阿姐拎住地拖，一路拖地，一路發嘮蘇！係都唔好比人聽到丫！點解呢，係個別事件定係員工素質下降？

Maybe too late at night, there are not many choices. We have chocolate mud cake, raspberry cheesecake and chocolate cheese cake. Taste not bad but not good. Here is full of people even after midnight. If go for cake in Mongkok, I prefer starbuck but already closed.

好耐冇去M記食喇!我諗都成半年有多.因為實在太耐冇食喇,好掛住D HAMBURGER!!今日食左個至尊漢堡包餐,今次係我第2次食咋,以前去M記都係食麥樂雞餐或豬柳漢堡,or只食雪糕.我覺得呢個至尊漢堡餐都幾抵食,$24.8,而且食得飽!個至尊漢堡包真係好大個,而且落足料,有好多生菜!好爽好好味,仲有2片蕃茄!反而d千島醬汁就多得濟.不過食落去真係好正,口感好好!另外我覺得D薯條就太鹹,落得太多鹽,食到條利好唔舒服,不過可能係我太耐冇食的關係.我仲飲左杯熱奶茶,普普通通!整體上OK!

今日下午上課前,試下近期推廣緊嘅雙層魚柳飽+綠茶紅豆新地. 雙層魚柳飽食落同平時嘅魚柳飽冇咩分別,不過食起來好多魚柳同芝士,都唔錯! 綠茶紅豆新地就好少紅豆, 好彩綠茶幾好, 食起來感覺比平時食新地冇咁甜, ok啦!!

今個星期三~~~~又又又又又presend喇..好討厭presend...今年已經是N咁多次Presend喇...約左我組group出黎度屎橋...相約左M記裡等...每人只叫了杯飲品...座了一小時...當時沒有太多客..全場還有3分2既枱餘下....我地沒有太嘈吵...但我總覺得有對不受歡迎的眼神成日望過來...是否因為我們消費不夠嗎?後來那個侍應直接地企在我們面前，好像趕我們走似的，幸好我地傾掂晒...我們就像遭人歧視似的，好心你啦...哥仔..冇睇廣告咩...好似文叔咁以禮待人麻...趕住收工咩???

其實我覺得麥記食物除左唔係好健康之外, 食物質素一向都唔差! 數得出包我冇邊一款唔食, 但係都冇邊樣會令我沉迷, 不過最近至尊漢堡就真係令到我好似中左毒咁, 好多時都會好想去買黎食!點解咁好味? 真正答案我唔會知, 但我淨係知道佢個包好鬆軟, 配埋一塊厚蕃茄同兩片青瓜, 酸酸甜甜咁再加埋d好似千島醬汁, 唔乾身, 仲有塊幾厚下漢堡, 啖啖肉真係好好味, 又開胃又好味, 攪到我成日心思好想去買黎食! 不過薯條由始至終我都覺得好差, 冇薯仔味, 而且又幼又硬唔好味, 不過冇辦法啦, 佢地唔會改善架喇, 都咁多年啦! 所以去到都唔知叫唔叫餐好, 唔叫又好似唔抵, 叫左又會浪費, 真係矛盾!其實除左呢個包外, 有一個耐唔耐都會出黑椒漢堡又係一絕, 又香又辣, 黑椒汁又多, 漢堡又厚, 好好味架! 希望呢個包可以快d番黎啦!

今日唔係食麥記,而是McCafe!叫小龍蝦芒果三文治同埋Latte.小龍蝦雪到冇乜味,但加埋芒果又幾ok喎!!Latte麻麻地太多奶,不過太甜!!價錢頗貴. 最唔好就係居然俾冇幫襯McCafe人坐,搞到周圍吵!

本身係幾鍾意食豬扒包既人，亦係熱愛食咖哩既人，所以見倒有廣告話有呢個包都好有期望，不過食之前係各大飲食討論區見倒好多人講呢個包，劣評如潮，不過正因為咁令我更加想試下係咪差成咁。食落我覺得其實都ok，汁量適中，塊扒都算有咬口，之不過呢個價錢我不去茶餐廳或茶檔食返普通既豬扒包算了，例如勝香園果度既豬扒包我覺得好食過佢好多。

今日0係呢度0既McCafe 食0左件新出的caramel brulee cheesecake.第1 啖, 好好食; 第2, 3, 4 啖, 都ok; 食到一半, d texture 變得愈來愈流質, 亦愈來愈覺得佢超級甜. 不過無辦法, caramel 梗係咁0架啦. 不過唔明點解texture 會咁流質? 口感其實不太好.似乎佢d cakes 真係靠唔住. 下次又食McCafe 的話, 都係食返crayfish + egg mayo 三文治或者chocolate brownie 好d.

見最近麥記廣告有飯burger於是叫o左個牛肉飯tastic餐.其實係牛肉片漢堡飽,不過係用飯做個飽.D飯用香米加蘑菇及其他調味做成,食落口發現個"飯皮"唔係脆而係"林"o既!牛肉片就係賣緊果D韓式牛肉薄餅果種.個飽唔係幾大,但味道ok.口感都幾得意,不過一D都唔平!

想食三文治，但係ｓｔａｒｂｕｃｋｓ　ｄ　三文治又賣晒喎～所以黎左搵食～雖然款式少～只有兩款～龍蝦仔碎蛋同埋煙三文魚～但係ｐｒｅｔ　ａ　ｍａｎａｇｅｒ一樣～有得買半份～幾好～心多～所以兩款都要左半款～味道都ｏｋ～但係ｄ碎蛋就乾左ｄ～佢係用多穀包～感覺健康ｄ～

(31/12/05) 好想食cake飲咖啡,但男友又唔肚餓,咪要左件,個樣好靚o既肉桂提子酥。唔....太甜喇!加上太多提子,又甜!失望。想要咖啡,但覺得佢d咖啡底,好似茶餐廳咁味,唔抵飲。過另一邊,要杯鮮橙汁好過。

同姨姨果d一共5人因為有免費飛所以落左去食麥記,經過見到McCafe見到有d cake好似幾正,買左個藍莓cheese cake食,都幾大件,芝士味唔太夠,但都好滑,但食完好濟,總括黎講麻麻地,都可接受。

行吓個朋友仔話想食芝士餅，見到McCafe就落去睇吓，點知有幾款，要咗一件platium cheese cake同一件栗子蛋糕。芝士餅外貌平平，點知好好味，好味過好多cafe，栗子蛋糕就麻麻地啦，好似雪得耐咗咁

囝囝鍾意超人特工隊公仔,攪到我牛龜咁大,竟然要個開心樂園餐,好攪笑,有時真係好服M 記,單係同人合作可以題高生意同形象,諗下早幾年既SNOOPY同HELLO KITTY就知啦,唔知下次有乜?