麥當勞

營業中

休息中

食個m記諗住正正常常，但收銀員黑面，態度甚差。😶😶😶一大開個包張紙好油膩，整到手都油。最離譜係個豬柳蛋包都食到有蛋殼。。。咬落沙沙聲😵😵😵仲要食幾啖都有蛋殼，感覺唔衛生lol。。。 真係令人失望，食到一半已經冇哂胃口食落去。。。雖然出餐快，但質素真係食過最差既一間，好彩朋友既麥樂雞冇事，但薯條都幾林同多油，感覺唔新鮮。。。。😳😳食沙田m記去第二間好過，依間人又多，質素又參差。😤😵

去沙田辨事，辦好後來尋食，但心裡只是想平平地，輕快地吃好就算。又要快，又要不貴，又不想想太多，《麥當勞》就是最簡單的飲食點。所以，我來了希爾頓中心的《麥當勞》。本來，以為這一間《麥當勞》會靜靜地，但，中午的那一個時段，原來是一個學生飯堂。直接令到這《麥當勞》一位難求。我好不容易才找到一個地方，安好地食漢堡包餐。我點的是 signature 的磨菇漢堡，一層肉、一層芝士、一層磨菇片、一層生菜，來得比以前出過的磨菇漢堡好吃得多。而且份量夠，一個餐，可以說，比起巨無霸更飽肚。此漢堡好味，但該《麥當勞》店，地方就比較細了。

一向也很喜歡謝霆鋒,所以今天特地到麥當勞買了一個鋒味洋蔥吉列豬扒飽試試。看見宣傳單張上的飽已被它吸引了！原塊吉列豬扒聲稱外脆內軟,但吃起來的時候豬扒竟像魚柳，一點也不脆！芝士味已被沙律醬的味呑食了！幸好還吃到少少乾洋蔥碎和香炒洋蔥，但可惜分量不多！軟軟的玉米圓麵包尚算滿意。實物和宣傳單張上的圖片確實有很大出入。二十八元的一個豬扒飽，吃起來竟像一個普通的魚枊飽,我可能真是高估了謝霆鋒的口味了！喜歡吃豬扒的我相信亦不會再買這豬扒飽了！

今晚約了六點半在沙田做facial，所以在附近找東西吃。記得年頭申請了麥樂會會藉，送了一些美食卷，就快到期，剛剛行過這裡用了它吧。美食卷上有四件麥樂雞，一杯熱朱古力及一杯雪榚新地筒。現在時間上早，人不是太多，二三分鐘就送上了。麥樂雞不是太熱，是溫溫的，所以不夠脆。熱朱古力味道都可以，如果再濃一點會更加好。新地筒很好吃，可能是很久沒有吃。現在天氣有點涼，所以雪榚不會很快溶。這間麥當勞味道不過不失吧，要快當然是最佳選擇。

對比沙田中心間mcdonald，哩間真係少人好多。不過佢仲未有mcdonald自助服務機同無mccafe但如果只係買嘢食呢間真係快好多！今日嘅$24餐優惠有脆辣雞腿包，麥樂雞餐同埋玉子牛堡餐，$24來講真係好抵食！我嗌咗玉子牛堡餐外賣，玉子牛堡又幾好食喎，個玉子熟度適中。佢唔似豬柳蛋包嗰種雞蛋而係比較軟熟嘅。而家食飯$24真係算好抵，唔會要求咁高😂仲有粟米同一杯野飲添順帶一提呢度嘅朱古力真係好好味

呢間M記出名人多，店面細，員工服務態度差。不過地點真係好緊要。叫左個板燒雞腿包餐，等左10分鐘都總算攞到。返到屋企，吃完個包再食薯條，先發覺薯條真係唔多對路，因為真係實在太咸，望真啲會發現上面有好多好多鹽粒，多到好似唔洗錢咁。唔知係咪太咸的原因，杯汽水好似好淡，似係溝左好多水咁，大佬，想平平地食個LUNCH，都唔洗咁卦!順帶一提既係，呢間野既衞生情況真係唔係幾好，我成日見到個地下好多垃圾無人清理，客人留下的食物包裝也沒有人收拾，小心小心。

今日lunch 同同事去食平價快餐- 麥當勞，去到發覺都幾多人，用左15分鐘左右等位。今次食左超值24蚊餐(板燒雞腿餐), 蜜糖shake shake 薯條，加左兩隻雞翼。今啲啲雞翼都幾高質，外脆內軟，仲好juicy。但係今日個薯條麻麻，好凍又硬。今日消費左37蚊，係沙田黎講算係平價！

沙田食早餐好似有好多選擇，但其實格完價之後都係覺得 McDonald's 最掋食。加上依加冬天時份，朝早更寒冷，早餐都係想有啲湯落個胃到。原來依加麥記又有新搞作，今次早餐扭扭粉竟然有羅宋湯湯底，比普通扭扭粉貴二蚊雞，盛惠 $30.8。最後我嗌咗個火腿扒蛋羅宋湯扭扭粉，個羅宋湯勁淡味，好似溝咗過多水咁。下次都係慳返兩蚊食普通湯底算喇火腿扒同蛋就一向都好好食，但其實食完個餐我都唔係話好飽哈哈，係我太大食嗎？

今天早上幾份免費報紙，大大小小的廣告都在宣傳麥當勞這兩天分別推出的兩款特價包——四重芝士孖堡及芝牛蛋小麥圈，全日發售，每款只售$11。個人對麥記食品一向興趣不大，但對芝士卻情有獨鍾，且此次價錢吸引，不妨一試。十一時多去到樓下商場麥當勞店門口，已見人龍，店內更是人頭湧湧，不敢怠慢，立即緊貼龍尾。由於幾乎人人都是單一買此款包，流程暢順，不消十五分鐘我已兩包在手，座位難求，外賣上樓嘆！四重芝士孖堡是用雙重 white Cheddar 芝士夾著兩層漢堡牛肉，最上層加些酸瓜醬汁，中和肥膩感及提升芝士香味，真的口感層次豐富，滋味無窮，跟吃普通漢堡包乾乾癟癟的感覺完全不同。十一元買到此種美食，確是超值，可惜只是「閃」一天，不知未來訂價如何，若合理，會再買的。😋

呢排見麥當勞嘅開心樂園餐做緊換Thomas 火車，只欠最後一隻Percy 未換到手（無錯... 我承認我嘅喜好係比較冷門嘅...），就梗係要襯得閒就去換埋佢啦！好可惜.... 今日去到嘅時候已經部部售罄！咁唯有改食第二樣啦... 好！一於試吓佢最近推出嘅signature collection 先！之前試過佢嘅蘑菇安格斯牛都唔錯，今次揀左佢嘅泰脆洋蔥安格斯牛。就咁睇落...個飽嘅賣相都唔錯。但可惜佢隔黎嘅薯條就好唔掂囉⋯炸到乾過80歲呀婆！連作為薯條控嘅我都唔想食喎⋯再試埋個飽..... 個忌廉芝士汁真係超級唔掂喎！完全係緊嘔吐物嘅味道！真係接受唔到...... 不過唔計個醬，塊扒係比佢一般嘅漢堡排Juicy 嘅.... 但配呢個醬，就真係無下次喇！

今日去左沙田shopping,正值中午就去左希爾頓嘅麥記買左個開心樂園餐，普通漢堡簡簡單單已經好好食，牛肉軟稔，煎得好香口，麵包就燶左D，配埋鲜濃缩橙汁，先係$15.8非常超值，抵食

最近網絡上都出現不少有關m記的評論: 麥當勞出碟頭飯? 幾時出牛河?幾時出牛河, 咩咩就唔知啦. 不過今日咁岩得咁橋, 係m記開餐個陣遇上麥趣飯的試食推廣! 麥當勞請食飯, 應該都係第一次咩咩試既係牛肉飯~主要材料有: 漢堡扒, 粟米粒, 飯, 西蘭花 4樣!漢堡扒 - 就係平時burger入面既漢堡扒...一如以往...好味栗米粒&飯 - 正常味道~~算ok西蘭花 - 唔得...感覺好老...唔好食汁 - 唔知咩汁黎, 有少少甜味, 麻麻地總結: 不過不失, 唔係特別好食, 但又唔可以話難食. 由於今次只係試食size, 唔知真身有幾大碟. 如果真係食得飽既話, $25 (coupon價) 算係咁. 起碼好食過波仔!

一向鍾意食蝦 , 但經驗中麥當勞o既蝦堡係唔好食o既 , 不過今次出左新口味 , 係我好鍾意o既芝麻沙律醬 , 於是決意一試另外 shake shake 薯條都係我超愛o既 , 難得有新口味 ,可惜我唔係幾鍾意 wasabi 味 , 擔心攪到成包薯條都好 " 哽 "所以都係叫返紫菜味 , 穩陣 d ^^ 今日包薯條幾大包又夠熱 , 正 ~蝦堡比我想像中大個 , 個包面有 d 黑白芝麻粒 , 不過對味道同口感都無乜增加分數 , 生菜今次唔係得少少 醬汁有足夠 , 味道幾好喎 , 雖然無芝麻粒 , 不過都好香好滑估唔到芝麻醬做漢堡包都有唔錯o既效果 , 可以o係屋企整下 xd蝦堡同樣令我改觀 , 熱辣辣好香脆 , 咬下滲出o既係汁而唔係油蝦堡本身個味道唔錯 , 加里芝麻醬就更加香更好味 ,中間唔係好似蝦餅咁打到 d 蝦肉碎晒 , 而係咬落去會感覺得完整蝦仁講唔上係好彈牙 , 但以充當漢堡扒黎講呢個爽軟程度經已洽當 ~## 次次加大都飲唔晒杯汔水 ><" 但係又好鍾意食 shake shake 薯條喎我應該會 encore 呢個蝦堡 , 留意下各食家o既食評 , 參考下個 w

在附近的「香港文化博物館」看罷「彼思動畫展」，已是中午時份，又是時候開餐。假日的新城市廣場附近，遊人多得嚇人，附近的希爾頓中心，雖然也有不少到來逛街購物的街坊，始終人流較少，覓食也較為容易。想到最近「麥當勞」大事宣傳，只要購買加大碼套餐便可以免費換領的「可樂罐型可口可樂玻璃杯」，自己雖然甚有興趣，始終仍未換領，便想趁著這天吃個麥當勞加大碼套餐，好換取一隻收藏。來到希爾頓中心的這間麥當勞，雖然這間麥當勞正在裝修中，仍然生意滔滔，自己好不容易才能在購買「雙層芝士漢堡加大碼套餐」後，找到最角落的一個座位坐下，享用這頓廉價的快餐。不知從什麼時候開始，自己發覺自己的嘴刁了，以往在讀書時代認為是美味的麥當勞食品再也不覺得美味，漢堡包覺得質素甚為普通，薯條也覺得只是稀鬆平常，並非什麼美食。這次所吃的這份套餐，給自己的感覺正是如此，所以到了最後，自己竟然把那加大了的薯條吃剩了差不多三份一，便已沒有再吃下去。也許這只是因為自己這天的胃口平平才會這樣，但要是麥記的出品真的非常美味，那麼我還會吃剩嗎？說到底，這次幫襯，無非是為了自己希望擁有一隻的「可樂罐型可口可樂玻璃杯」而已。雖然自己沒有在這推廣宣傳活動的

今日放工後...約左朋友出來傾野冇咩時候諗食咩同等之下...就黎左呢度...又平又方便快捷嘛 綠茶紅豆新地: 見到新推出...試試...味道不錯的綠茶醬份量好多...紅豆反而少...如果balance番d就好啦薯皇: 有薯味...外頭香脆...本身有d調味(!?)係度...唔駛點茄汁Double足三兩:個包有酸瓜,洋蔥碎,茄汁,芥末醬,芝士x2,漢堡牛肉x2 拎上手夠熱..好厚肉...同d芝士溶到岩岩好....夾埋一齊食真係唔錯食到一半...朋友岩岩好到....傾埋...行得!!!!