麥當勞 (已搬遷) 新店位置

m記又出新包，今次是久違了的rice burger。上次沒有試過，今次一嘗心願，結果我買完跟朋友說，個個都話上次的米飯漢堡是非常難食的。結果，我懷著中伏的心理準備打開我的rice burger。m記今期主題是蛋黃哥，盛裝著rice burger的盒好cute，打開中間的紙條，還有一層牛油紙，很緊密的包裝，真的會散，都不怕食到天一半地一半。親子，即是炸雞扒加雞蛋的配搭。上下包著的竟然是香菇飯，未食已聞到好香的香菇味，一啖咬下去，炸雞還好脆，香菇和炸雞食起來，感覺肥而不膩，啖多啖才食到蛋，三重口感加起來好豐富。蛋餅中又有粟米等配料和蛋黃醬，蛋黃醬略咸，如果可以少醬就好。只是食完包，就飽了，粟米已經沒有空間食。同場加演蛋黃哥奶茶，見到你已經好 relex總結，沒有中伏，值得一試。

今日下晝嚟新城市廣場行街，之後去咗麥當勞食嘢。必食嘅薯條，唔熱又唔脆，失望。菠蘿滋味蝦堡太奇怪，菠蘿同塊蝦堡太唔多夾，但唔係太差嘅. 整體嚟講我比六分.....魚柳包，越整越細個，但包身尚算軟。炸雞翼還不錯，皮脆，肉質都ok,唔乾身。

平時放工都見mcdonald排滿sai人就費時排，今日見到d人驚左大陸d食材，無乜人排，我就抱住勇字當頭既心態走去食M記。去到見平時減價食開既麥樂雞餐無得食，揀左加大既雙層芝士孖堡。梗係la，加大有得shake shake粉送吖嘛。我自己個人最鍾意和風紫菜味，鹹得黎又好夠味，比港式燒烤同泰式柚子都好。而且可能因為少左人食麥當勞，薯條係即炸既，比平時嗰d淋sai既薯條好食好多。

閒時都鐘意和朋友去麥記食朱古力新地，今天單叫了「黑加崙子新地樂」$13.5，不錯！ 黑加崙子汽水有提子肉，上面有雪糕，好match！夠凍又好味！跟餐會抵D！只需加+ $3.5去咗幾間都售罄了，終於為同事買到了這款全個樣既「海綿寶寶」為食咭！好開心！自己也買了一張！買「A區」任何一款，即免費送「B區」其中一款，間吾中和朋友簡簡單單食下雪糕，都係一樂事也！

五月天, 落雨天, 落足差不多一個月雨水! Happy Friday, 一早到麥當奴食個靚早餐, 點了Cafe中既榛子泡沫咖啡, Wow... 好意外呀! 他替我杯咖啡拉了個太陽公仔, 見到後心情超靚, 他真知我心意, 落了咁多日雨, 真係好想見到個太陽! Thank you 麥當奴職員, 真了解我啦! Happy Friday ^^ Happy Morning!講返杯咖啡先, 甜度適中, 不用再加糖, 榛子味沒有蓋過咖啡香味! 鍾意呢~ 

我來到沙田第一城中心商場的麥當勞叫晚餐外賣，看到宣傳板有黑與白漢堡套餐，當然我第一時間先購買黑色雙層牛肉漢堡先帶到家裡品嚐。回到家裡食黑色牛肉漢堡味道方面：我就覺得牛肉是啖啖肉而且肉質是結實可口的配著煙肉和薯蓉咬起來有厚的層次感，整體是合格有餘；麥當勞的黑色漢堡牛肉套餐算是誠意之作。我覺得麥當勞的服務效率和食物的質數與款式比起KFC好得多！

去完街食完晚飯返嚟, 但感覺意猶未盡, 所以去食多杯朱古力新地, 雖然佢仲做緊特價, 只係賣$6杯, 但都冇理由縮水縮到咁呀? 唔通真係一分錢一分貨? 定係每個人的手勢問題, 視覺同感覺上都少咗, 唔通咁啱果個係trainee, 所有手緊d, 驚比上層話? 雖然係細杯咗, 但味道不變, 依然係最愛佢熱辣辣的朱古力漿, 淋响凍冰冰的雪糕上, 兩樣都要同時食到先覺正~~

很久很久以前吃一次將軍漢堡，當年對這新產品沒有特別喜惡，見最近老麥又再推出此包，一於黎食下，反正未試過加埋蛋嘅版本。是日午飯時間來到離公司最近嘅麥當勞，超級人多，全部都係中小學生，好好彩地比我與友人揾到位。二話不説出去排隊先，叫左一份玉子將軍漢堡餐同一份魚柳包餐。人多嘅關係，啲食物超熱，咬落去燙咀！將軍漢堡加左隻蛋都係無乜特別，甜甜地嘅燒醬汁加上入面有少少嘅沙律醬都幾夾嘅，仲有少少生菜，食起黎無咁漏。不過醬汁略微過多，不停咁滴落黎，食得有點狼狽。魚柳包一向都係我至愛之一，是日的好熱好新鮮，融掉的芝士加埋他他醬真係一流。炸薯條意外地份量多，又係熱喇喇，正！汽水要了可樂和雪碧，今日佢同冰嘅比例剛好，有驚喜。是日真的人太多，全部枱都放滿吃完的餐盤，垃圾桶也滿掉了，想自己執枱都有難道，只好在有限嘅空間KO左成個餐。讚一讚啲服務員，啲工作多到做唔切都無黑面，有幾位仲有少少笑容，算係咁。

昨日BB去了打針，針完一路都不太舒服。時至早上5時，同BB探熱，發現BB已發燒至40度。我倆當然要急急的帶BB去看急症。看完醫生，証實了沒什麼大礙。我們拿了藥，也要先回家作個小休。不過，我們也無心機整早餐食了，太太說買老麥回去食就算。在醫院附近，最方便的，就是第一城。以前的麥當勞就在大街大巷，我泊好車，行去搵老麥時，發現第一城的商場正在進行大執位，老麥在那兒呢??? 原本搬了去商場的深處，周圍又有圍版圍著，不熟地方的，少來的，一定搵餐懵。麥當勞食乜好，要乾手淨腳，豬柳蛋漢堡永遠是好味道的根源。 包得算是公整的包，蛋夠熟。我少吃的薯餅亦夠脆，是可口的一個麥早餐。奶茶，麥當勞一向都沖得出香港的好味道。吃了早餐，BB開始退燒，一切安好後，我上班去..

老麥不斷陰D陰D的加價是大家都知道的事情。所以這次要了$20餐的其中一個，巨無霸餐。巨無霸是比從前的細少，不過生菜仍多，漢堡扒就和漢堡包的一樣。加上沙律醬，算是這樣。薯條新鮮炸好，脆口的。加上小小的鮮橙汁，就是一餐。不過，懷念小時候那個大大的巨無霸........

一點都不好吃的滋味珍寶蝦堡估唔到佢真係好脆得黎乾巴巴的醬不是沒有, 但就是少得可憐!!!而那個加6.5的忌廉蘑菇粟米湯, 都ok, 是暖的, 還可以吧...但那個蝦堡真係試過一次就夠了!

想試下個蝦包.要一個jumbo的滋味蝦包.二十幾塊先有個包.如果你幾個richness同飽的程度,要double quarter pounder會好很多.蝦包在廣告中的賣相好幾萬倍.蝦包中的確有不少蝦,彈口的!但是其實又點會好像廣告中的分蝦跳一跳尾巴出來同你say hi?蝦餅中應該有不少豬肥糕當成蝦.包身不會脆的了,而千島醬很少,有幾個moment是食齋包+齋蝦,好dry.都係double quarter pounder正d,但都係無剛推出時般有肉汁.

這里的意大利泡沫咖啡二十一塊一大杯比星記平時塊有多只是苦了一點還有實物的m子裝飾比廣告的小點工作溫習都能來一杯不妨一試

下午茶時間.好餓待豬豬女友一聽到我提議去麥記, 就已心花怒放~好快去了, 買了個麥樂雞餐.但今次一試蒜蓉辣椒醬.雞今次炸得好食, 夠熱, 唔油, 內又多肉汁唔乾, 很好.蒜蓉辣椒醬味係似冇咁辣的泰式辣椒醬, 即係點炸雞比/翼果款;茄味都重.個人都係不太特別喜歡, 但尚算ok 既.

2008年12月18號 - 夜晚9點幾左右最近看到麥當勞出左, um, 應該話再次出左個雙層魚柳包。 開頭不想試的。 但是心血來潮就去左買來食。試試先 (不過都大概知道它的味道)。 Um。 如我所料。 其實同單層魚柳包無分別。 只不過加多一塊魚柳。 大致上都係gimmick。 而16個半一個包都可以用貴同不抵來形容。