麥當勞

營業中

休息中

麥當勞自知要保持競爭力keep住不停都會更新下Menu！不過今次就黎個Comeback雙層巨無霸返黎啦！！🤤唔好再話食老麥食唔飽啦🤣雙層巨無霸 Double Big Mac餐 $34真心算係有人性既定價😭普通Big Mac$28咋！就係一樣咁好食既巨無霸醬不過雙倍滿足感🤘🏻飽到上心口芝味藍莓批 $9上網見人講得好有保留，都驚佢大伏😫點知又真係估你唔到咁有驚喜！藍莓醬同芝士醬本來就夾食落去甜而不膩係敗筆在藍莓醬有啲啲藥水味者大致上係好食既甜品👍🏻熱焦糖雪糕新地 $9一食落口，有陣好熟悉既感覺🤔食多幾啖，終於悟出個真締來！花生加焦糖🤤仲唔係Snickers士力架😋就係Snickers雪糕🍦好味指數：

今朝返工早左出門，見有時間就可以去麥當勞食早餐！一向食m記早餐都會叫麥芝蛋包加熱朱古力，$14好抵！熱溶芝士配蛋加茄汁，配埋香濃熱朱古力，成為左一清早能量來源！

今天2017年4月7日，此麥當勞卻不能用5蚊優惠券，而且每樣食品，都比其他麥當勞貴1蚊，富昌居民慘被每天劏，另外，火腿扒扭扭粉的蛋是沒有蛋黃的，而且不會提供額外餐具，例如有匙羹就沒有叉

其實我買呢間唔止一次汁錯野，我要麥樂雞就俾左包我痴線，仲買埋$1甜酸醬，我好唔開心！我上次買雞奕餐就咩醬都無真係好廢！激死我啦，想食餐M記都咁難！我好唔開心，我從來唔會點呢個包！

麥當勞出左新野，阿華田扭紋新地，同事們call齊人一齊去食，喜歡阿華田的我當然幫襯。阿華田扭紋新地，側面睇唔錯，充滿了層次感，個扭紋好靚，但由個頂睇就唔靚，好似屎...又係盆栽𠴱啲泥...美感上就真係無乜架啦..講講個味道，好重手的阿華田味，睇佢既外觀都知道阿華田粉勁多，味濃，雪糕都係照舊啦，軟林林，幾滑。除左個外觀，其他都OK的

Old style mcds. Quick service and clean restaurant. sweetcorn cup is most popular dish here. clean tables. fries need cooking a little better

小朋友在商場內有興趣班,送左小朋友上興趣班後,小妹只能周圍行下到麥記坐下,等待小朋友放學;中午12點,正值午膳時間,店內好多學生同街坊可以話係人頭湧湧,由排到到拎到食物大約都要8分鍾左右。是日小妹買左個雙層芝士孖寶餐飲可樂仲有張"美式手撕烤豬堡"減$5嘅Coupon送(乜手撕豬堡銷路唔好咩?小妹未食豬堡,但上次嘅手撕雞堡有試過,覺得十分唔錯呀!!不過手撕豬堡之前都一直想搵次去虐上,依加有埋coupon就更加要搵日試食啦~)之前一直覺得麥記嘅汽水好似溝左水咁,唔夠罐裝嗰d咁好似,而事實上的確係咁,佢地嘅汽水係糖漿加水加co2,當中嘅CO2成份唔夠罐裝汽水勁,但當小妹認真飲埋同樣係杯裝嘅百X (x事) 後,覺得麥記汽水又凍又夠汽。因為人流多,所以包薯條除左面頭有幾條凍左外,成包都仲保持到脆身,入面嗰尐仲熱辣辣小妹唔鍾意雙層芝士孖寶內嗰d脫水洋蔥粒,所以叫呢個包嘅時候會順便叫走洋蔥;今次嘅牛肉算新鮮啦~ 雖然未至於有肉淬流出,但都仲係濕潤的,唔似人流少時,放到變成乾爭爭嘅肉亁包內嘅酸瓜變成偶然增加一點刺激的點綴,唯獨芝士唔夠濃香唔夠滑以及茄汁少左尐..........

早前專程去富昌邨麥記食呢個包因為呢個包,我打咗去好多間麥記問最後揀咗去呢個我從未踏足過嘅富昌商場分店食物造型師真係唔簡單...將扁塌塌嘅包整到咁豐富嗯...都有可能係我走咗洋蔥所以佢扁晒好鍾意食薯餅嘅我對呢個包好感十足薯餅仲係外脆內軟架,唔係炸定擺喺度.可惜就近麥記都冇呢個包,唔係一定會再食