麥當勞

營業中

休息中

塊牛肉好似比人咬左啖咁，都唔知食唔食得，上層牛肉好似比大人咬過咁，下層牛肉就好似比小朋友咬過咁，牛肉都已經變細塊左，仲要咬過，唔知會唔會係老鼠添，整飽個員工點樣解可以咁都照出品，係咪要加強員工訓練，真係好失望

今次，「食得開深」是要分享一次不「開心」的食麥記經歷。從前，一個人去光顧麥記，通常都是兩個原因：「快」及「便宜」。今天，我也是希望可以快快吃完，才去光顧麥記。一進入店內，忘了觀察環境及四處的人流，怱怱的走去自助購物機，買了一個菠蘿黃金雞堡、扭扭薯條、熱朱古力、再加一條蜜糖BBQ麥炸雞，成為港幣64大元。價錢一點都不便宜。買完後，才發現四處為甚麼那麼多人呢？看看提示可取食物的顯示屏，還有二十多個號碼才到我。噢！想快快吃完離去都不大可能了！原來是這間麥記的人手不足：前台只有一位男店員，大有一夫當關，萬夫莫敵之模樣，收錢是他 (有不少食客不是用自助購買機付款的)，檢齊已弄好的食物，放在食物盤、或外賣袋中，都是他一人包辦。他一副任勞任怨的樣子，手法也相當純熟，但依然來不及處理他背後已弄好的一大堆漢堡飽、食物、飲品等。而背後勤的同事，也是風風火火的，炸薯條的炸薯條、弄飽的弄飽，…..，沒停過手。其餘的食客竟然也很有耐性，只聽到一人自言自語：「死啦！得他一個人，有排都未執齊啲食物......」又聽到一個等外賣的學生：「一會兒又要跑回學校，是堅跑才行......」看來，常光顧這間麥記的食客，早已習慣

香芋麻糬曲奇麥旋風賣相：🐧🐧味道：🐧🐧🐧🐧賣相方面認真麻麻，香芋、麻糬跟麥旋風隨意混合，拌作一堆混合物，外觀欠佳，跟廣告賣相相距甚遠。味道方面，香芋味濃，香芋醬平均混進麥旋風中，香味十足。迷你麻糬煙韌有咬口，加上oreo 口感更為豐富。麥旋風保持水準，奶味濃郁香醇，甜度適中，口感順滑。外賣等候時間：🐧🐧🐧🐧🐧在平日下午2點幾下單，等候約5分鐘便能領取。🐧❤️結語：味道不錯，值得一試。

今期Ｍ記又推新包，放工屋企無煮飯買個包返去食。次次去親依間，都會遇上個問題就係上網特別差，用自己4G數據上網因地底關係接收有點困難，要走到近梯間才收得好，用店內WIFI個訊號又勁弱，為左「麥麥聽」App 食夠$20送新地一杯優惠，我都堅持唔放棄上到網為止，今次又花左點時間，成功換到新地一杯感覺都幾抵。菠蘿脆辣雞腿包套餐 $33個包雞肉好炸好脆而且相當辣，肉味被辣味蓋過，個人覺得板燒雞腿包雞肉比較好味。加片菠蘿令個包大啖食起來多汁是不錯的配搭。

連鎖快餐店係老友記聚腳消遣既地方不時都見到，本亦無傷大雅，但係呢間真係誇張。一到夜晚就有啲中年或老年黎帶飯食，洗碗洗筷，剝花生，除哂鞋訓梳化，已經係自己屋企。黎過幾次都係咁，唔評論對錯，但夜晚餓餓地真係寧願去第二間，見到都無胃口。

因趕時間，今日走咗入麥當勞快吃一個lunch，麥當勞好多時都會有其中好幾款套餐做特價，而今日就揀咗其中的板燒雞腿包套，配中薯條及細熱即磨咖啡，一共$25。鷄腿包的包食落夠鬆軟，鷄腿夠入味，肉質都幾嫩滑仲帶有少少爽口，包入面仲夾有新鮮嘅生菜，以沙律醬及少許黑胡椒調味，食落juicy得嚟辣辣地，味道唔錯！即磨咖啡質感同味道都幾好，而薯條亦中規中矩！總括嚟講，雖然雞腿包嘅size略為細咗少少，不過呢餐都味道唔錯又抵食！

收工去到觀塘，行過呢間麥當勞，突然好想食，行落地庫，樓底唔矮，都唔太侷促，型格風格，先去自助機落單，再去取餐處等！好快出到餐板燒雞腿包餐（$31.5）麵包已經細件咗，麵包鬆軟，雞扒淋身唔嚡，醬汁酸酸的開胃，生菜爽脆，好味！大薯條：揀咗泡菜味味粉，搖完即食，好開心薯條係剛剛炸好的，夠熱又脆，入面唔乾，泡菜粉雖然顏色橙紅，不過一啲都唔辣，只有蒜香，因為薯條夠熱，香味好刺激食慾！好味荔枝特飲：荔枝味唔假，不過唔夠強，反而比啲菠蘿肉攞咗，似飲菠蘿特飲多啲！好在雪碧清爽！幾好而家自助式服務，同店員接觸少，只有攞餐時嗰一刻！服務正常耐唔耐掛住麥當勞叔叔

今日同女友食麥當勞早餐，佢好揀唔揀，揀左個早幾個月出左名有蟲即豬柳蛋漢堡bell chan!!好在今次食既豬柳蛋漢堡一條蟲蟲都無！配埋個香炸薯餅真係不得了！個薯餅真係麥當勞既精髓！

麥記新包推出左一段時間，都未有時間食，見今晚屋企無飯食，買番個北海道三文魚堡餐，打開個盒見到個包，同魚枊包有人啲唔同，新包有生菜，洋蔥，三文魚枊帶有微辣，加埋有個似千島醬汁變得味道好好，雖然新推出，但欠缺驚喜。

地庫麥記，特別之處是入口的迴型樓梯，全黑色，如沒有望清楚便踏級而下，很容易會「差錯腳」。原本想點些小食便算，排隊購票時望見Minions 出了新包，難道是為補鑊？因為有網民發現「儍蛋堡」與上次推出的「Batman堡」是一模一樣的。騎騎笑煙肉雞堡套餐 $29.80 , 另加$4轉眼柑柑梳打。打開盒蓋，一個很乾淨的漢堡包在眼前，麵包白，芝士白，醬汁沒有四圍流，念頭浮出一個詞語 ……「乾淨」。包內夾入麥香雞的炸雞扒、兩片多肉少脂並煎香過的煙肉、一片不是車打的芝士、生菜，醬汁是麥香雞醬加一隻似燒烤醬但味更甜的啡色醬，整體味道……因為我並不太喜歡麥香雞，兼且醬不夠吃著乾口，所以它不吸引我！

一間好靜局嘅麥記，唔使排隊，燈光紛暗，地方又大，想一個人靜靜地食野嘅好選擇。叫了麥飯卷餐，上次新出無試，今次返出即刻要食下啦。有雞肉同牛肉揀，今晚揀左牛肉。牛肉麥飯卷套餐配雪碧 （$28）飯卷意外地大卷，好重。打開一看，啲飯多到擁出黎。牛肉切成幾小塊，排滿整條飯卷。醬汁有啲似將軍漢堡，甜甜酸酸又少少鹹。飯吸左汁後變得有點爛，太軟身。而且個皮包唔住啲汁同飯，一路咬一路跌，怕啲汁滴到周圍係，食得好狼狽。薯條很少而且炸到很黑，但勝在夠熱，ok啦。雪碧正常。第日又黎試另一款新野，同樣係無人排隊買野，正。黑森林脆脆新地 （$7）其實係朱古力醬加士多啤梨醬，無左花生多左脆脆，而啲脆脆感覺似係新地筒整碎左咁，無驚喜，好處係當揀唔定要朱古力定士多啤梨味時可一次過要哂兩種。麥飯卷真係好飽肚，感覺上飯嘅份量仲多過麥脆飯。呢間啲雪糕夠凍，唔似上次間一買就滆哂。唔知係咪少客，店員態度異常地好，哈哈。

經過觀塘見到呢間新既地庫麥記, 點都要落去見識吓. 落到去我就問個櫃台姐姐一杯大既檸檬茶幾錢. 佢 dead air 一兩秒我就問係 $10.8 定 $11.X. 跟住佢答 $11.8. 我心諗: 出面麥記魚柳包賣開 $13.1 嗰啲大O茶就賣 $10.8. 賣開 $13.8 嗰啲大O茶就賣 $11.1. 賣開 $14.3 嗰啲大O茶就賣 $11.5. 賣開 $14.8 嗰啲大O茶就賣 $11.8/$12. 佢呢間麥記魚柳包賣 $13.8, 但大O茶就賣 $11.8? 都唔係無可能既, 不過比較奇怪. 於是我到附近既裕民坊分點比較吓啲價錢. 嗰度魚柳包賣 $13.8, 大O茶就賣 $11.1. 我好好奇咁去番呢間新瓊林麥記, 叫個姐姐攞張 menu 嚟睇, 大O茶既價錢係 $11.1! 唉, 你唔知幾錢咪睇吓 menu 或者問經理, 又可以 check 吓部機睇攞, 唔好亂咁嗡吖嘛! 跟住我又問佢呢間嘢開咗幾耐, 佢話幾個月. 真係唔係好信佢! 之後有個男顧客 order 個 meal set, 佢同個姐姐講話飲品要"減肥可樂". 個姐姐聽到竟然即刻當住個客大笑, 真係不知所謂, 十分