4
3
1
等級1
1
0
有無攪錯
2010-11-30 95 瀏覽
經過觀塘見到呢間新既地庫麥記, 點都要落去見識吓. 落到去我就問個櫃台姐姐一杯大既檸檬茶幾錢. 佢 dead air 一兩秒我就問係 $10.8 定 $11.X. 跟住佢答 $11.8. 我心諗: 出面麥記魚柳包賣開 $13.1 嗰啲大O茶就賣 $10.8. 賣開 $13.8 嗰啲大O茶就賣 $11.1. 賣開 $14.3 嗰啲大O茶就賣 $11.5. 賣開 $14.8 嗰啲大O茶就賣 $11.8/$12. 佢呢間麥記魚柳包賣 $13.8, 但大O茶就賣 $11.8? 都唔係無可能既, 不過比較奇怪. 於是我到附近既裕民坊分點比較吓啲價錢. 嗰度魚柳包賣 $13.8, 大O茶就賣 $11.1. 我好好奇咁去番呢間新瓊林麥記, 叫個姐姐攞張 menu 嚟睇, 大O茶既價錢係 $11.1! 唉, 你唔知幾錢咪睇吓 menu 或者問經理, 又可以 check 吓部機睇攞, 唔好亂咁嗡吖嘛! 跟住我又問佢呢間嘢開咗幾耐, 佢話幾個月. 真係唔係好信佢! 之後有個男顧客 order 個 meal set, 佢同個姐姐講話飲品要"減肥可樂". 個姐姐聽到竟然即刻當住個客大笑, 真係不知所謂, 十分
更多
經過觀塘見到呢間新既地庫麥記, 點都要落去見識吓. 落到去我就問個櫃台姐姐一杯大既檸檬茶幾錢. 佢 dead air 一兩秒我就問係 $10.8 定 $11.X. 跟住佢答 $11.8. 我心諗: 出面麥記魚柳包賣開 $13.1 嗰啲大O茶就賣 $10.8. 賣開 $13.8 嗰啲大O茶就賣 $11.1. 賣開 $14.3 嗰啲大O茶就賣 $11.5. 賣開 $14.8 嗰啲大O茶就賣 $11.8/$12. 佢呢間麥記魚柳包賣 $13.8, 但大O茶就賣 $11.8? 都唔係無可能既, 不過比較奇怪. 於是我到附近既裕民坊分點比較吓啲價錢. 嗰度魚柳包賣 $13.8, 大O茶就賣 $11.1. 我好好奇咁去番呢間新瓊林麥記, 叫個姐姐攞張 menu 嚟睇, 大O茶既價錢係 $11.1! 唉, 你唔知幾錢咪睇吓 menu 或者問經理, 又可以 check 吓部機睇攞, 唔好亂咁嗡吖嘛! 跟住我又問佢呢間嘢開咗幾耐, 佢話幾個月. 真係唔係好信佢! 之後有個男顧客 order 個 meal set, 佢同個姐姐講話飲品要"減肥可樂". 個姐姐聽到竟然即刻當住個客大笑, 真係不知所謂, 十分無禮! 我叫咗杯大雪梨茶喺度飲, 我攞咗杯嘢既時候同個經理講唔該 (我排另一條隊), 佢竟然同我講 "再見". 講 "再見"唔係唔得, 不過真係有啲怪同唔習慣. 如果我係經理既話, take away 同 dine in 既客應該一律講 "多謝". 之後坐低飲, 其間都無咩客. 聽到個男經理同啲員工係度大聲講大聲笑, 直情當咗間麥記係佢既一樣.

總括嚟講, 呢間麥記既服務質素未夠專業, 有待改善.
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
用餐日期
2010-11-29
用餐途徑
堂食
人均消費
$11.1 (宵夜)