麥當勞

營業中

休息中

西營盤 📌 麥當勞（皇后大道西）西環西營盤皇后大道西265號地舖 ••••• McDelivery 24小時麥麥送 •••••⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊰⁠⊹⊰⁠⊹⊰⁠⊹⊰⁠⊰⁠⊹⊰⁠⊹⊰⁠⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹豬隊友傻咗，本身晚餐已經食咗泰國菜，之後又食咗🍨無啦啦夜晚又話肚餓，話來一個 【 深宵食堂 】--- M記 🍟豬隊友心血來潮，記得可用外賣平台落單免運費就試一試佢，又真係免運費喎，淨係收咗平台費 $2 咁大把，又真係幾抵喎 😍🍔 自選飽一人餐 $56 ••••• Burger Lover Comb ••••••• 魚柳飽 +2• 麥樂雞（4件） • 中薯條• 熱帶菠蘿特飲 +$5 +• 脆香雞翼（4件）$26本身整個訂單應該係 $89而顧客實付 $91 😍 抵呀！🔅 用外賣平台落單到收到手 15 mins 又真係幾快手，而第一次見到麥當勞 pack 得咁好，咁妥當，咁周到、咁貼心，最緊要成個麥當勞餐送到手仲係熱辣辣🔥 脆口🤤 豬隊友大讚好滿意 🍟🍟🍟

早排喺隧道口見到麥記話「有好椰」嘅廣告，都估到同「椰」有關。早幾日終於見到新廣告原來出新品「厚椰奶鐵」，特別鍾情椰嘢嘅我梗係要盡快去捧場啦！新品有凍有熱，凍嘅就係 Iced Coconut Milk Latte，熱嘅就係 Hot Coconut Flavored Latte。今日先試咗杯凍嘅先。OK吖，雖然唔十分特別，飲落口就係一杯落咗椰奶嘅凍咖啡，但麥咖啡嘅咖啡我係接受嘅，特別係當我將佢同嗰兩間紅紅綠綠嘅大連鎖比較，何只有得揮，計埋性價比，直情揮低嗰兩盞紅綠燈啦。新品推出做Promo試飲價$9.90 一杯，我無睇清楚去到鋪頭先知原來要用app落單先至係九個九，就咁即場買就要原價34蚊杯！結果，我為咗慳番24個1，出賣咗我個靈魂、出賣咗我嘅私隱、出賣咗部手機嘅記憶體，download咗麥記個app，填咗一堆去旅行入境都未必洗填咁多嘅資料，落單，慳咗24個1，自嗨咗幾分鐘，都算係做咗件自己想做嘅事🙂我極少去麥記，今日先知原來香港麥記有珍珠奶茶飲……選擇多都係好嘅，不過，就好似失去咗某一種Character 😐 去到麥記，我都仲係想見到麥當勞叔叔、滑嘟嘟同漢堡神偷，而唔係杯黑糖珍珠奶茶。

They really take the advertising gap to the next level, never looks anywhere close to what is being advertised, but hey, its Mcdonald's. You know exactly what you are getting. I like that they pack the hash brown separately so it doesnt spoil the rest of the food. Eggs are surprisingly good for Mcdonalds. Pancakes with the syrup is good, probably too much syrup though, i dont need that much

This Mcd's is on my street, so i always come here for mainly takeaway or delivery. Food is always what you get, consistent food. There have been a few times when they have missed dishes in my order which have been really annoying as they do not have any real way of fixing this if you order delivery

昨晚中秋節，朋友約了在其中一人家裡過夜，但是我太累了所以沒去，答應了早上陪她們吃早餐。早上六點多我就醒了，最後八點才到的麥當勞😂。原本是想去飲茶的，可是她們說好久沒吃麥當勞的早餐了，所以就去了最近的那家麥當勞啦。火腿扒炒蛋漢堡套餐（$25.5）這款包是我比較喜歡的其中一款，因為火腿扒夠厚，肉也結實，鹹香鹹香的，特別開胃。炒蛋的份量也不少，多到都溢出來了，這也是另外一個我喜歡的原因。麥當勞的薯餅好吃是出了名的，很多時候去麥當勞吃早餐就是為了它。外皮炸到酥脆，咬開裡面是滑嫩的薯仔，還能吃到一顆顆的薯仔，口感豐富，還不會太鹹。飲料我選了熱巧克力，水平還不錯，濃郁，稍微甜了點。這個包的厚度比很多午餐的包都要厚上許多。

麥芝蛋飽是凍既！ 濃滑奶茶，茶完全過濃但奶又夠..............喼既！ 縱然我之後都有需要加左次奶......但平衡唔到個太過既茶..........這是我飲過最難飲的奶茶坐左半小時， 啲阿姐無心做， 全程一路做一路呻.........成餐背脊骨落實在我是新搬來西環， 今日純粹諗住就腳，食一下平日常吃的「超值早餐」 ，抵是抵既？ 但老實我是食過超值又好食的同一個餐！但而家覺得浪費時間及腸胃消化！ 呢間永不錄用。 人生在早餐時間是多麼重要！ 😢😢😢😢

麥記有唔少每年定時定候推出嘅期間限定，估唔到太平清醮期間長洲至有嘅素包，而家喺部分分店都有得食。第一啖咬到菇，好香菇味，正！可惜跟住幾啖得豆同粟米，整體感覺只係一塊好薄嘅雜菜薯餅。套餐跟凍檸茶，想收貴幾蚊啫...如果塊薯餅厚啲，多啲菇，咁就再貴少少都試得過...

麥記的眾多小食中，我最愛的就是香芋批，每一年也等待香芋批的推出。而每次也會買兩個，因為太喜歡吃，一個實在不夠。香脆的批皮，內裡是粒粒香芋，甜度適中，吃兩個也不膩滯，最近又轉了紅豆批，又要再等下次推出先有得食。

其實我差不多日日也麥記早餐，如果外賣的話，都係去同一間，仲要食同一個款，真係買到連啲職員都認得又記得我食咩，仲有我係要個包同飲品裝埋一齊。一來環保啲，用膠袋裝住，袋身滑下滑下，其實仲易瀉。反而我用一個紙袋裝住個包和杯熱飲，每次都好穩陣，唔會漏。今日依舊食超值早餐 $16，豬柳蛋漢堡，不過見可以唔駛錢轉豆漿，就買來試飲下。如果單買要 $11，以呢個價錢買呢個份量的豆漿真係唔化算。豬柳蛋漢堡同平時一樣，厚厚的蛋塊，配上黑椒的豬柳，很惹味。豬柳蛋漢堡同其他漢堡所選用的包不同，大概是用來減輕豬柳的油膩感覺。至於豆漿，飲開熱朱古力我轉飲豆漿，發現食完早餐好似有點不太足夠。豆漿飲起來有點像豆奶，豆漿味不濃，我還是覺得熱朱古力好飲啲。

有日好肚餓. 但唔知食咩好. 就去左麥記叫左個煙肉蛋漢堡. 因為唔太喜歡食熱溶左變成一PAT醬的芝士. 所以唯有走芝士.佢而家所有包都係即整. 我見到後面個兩個男仔好快手. 一個俾煙肉. 一個合埋個包.好快就俾到我. 開餐喇. 煙肉同蛋算係熱. 所以夾落個微溫的包度就覺得好好.煙肉咸左少少, 蛋做得唔錯. 今次個蛋黃都佔幾大部份. 我中意! 其實我覺得如果係配原塊芝士. 就真係好好食.

前日本來要補習，不過去到學生屋企樓下先話取消，無奈。剛好朋友仔搭緊地鐵，佢講入黎陪我，所以我就先去M記等佢。首先要杯凍咖啡，因為果度真係好鬼焗，似係無開冷氣。因為我係叫左杯野等埋朋友仔黎先飲，隔左3個字，D冰融曬，成杯都好水，所以感覺唔良好。後尾見墊盤張廣告紙話又出shake shake薯條同麥樂雞新醬汁，所以要9件雞套餐(和風紫菜粉+honey mustard醬+熱帶菠蘿芝麻醬)。其實薯條雞同汽水無咩野好講，所以今次只講醬。honey mustard因為上次有出試過幾好先再叫。至於熱帶菠蘿芝麻醬本身唔係我選擇之內，不過朋友仔想試，加上另一款又係芥辣，所以先揀呢個。唔揀由自可，一揀就死火。嘩，超難食，一撕開面頭張紙已經見佢杰他他有點嘔心，擺落口只係食到爛菠蘿既味，所以食一次就唔想再掂。

過期食評，其實應該係積埋幾次的食評。要積埋幾次先至寫，係因為我想試清楚佢d包係咪真係縮左水。前後幫襯左四次，首兩次要至尊漢堡餐，尾兩次要雞腿包餐。以前食過一次佢d至尊漢堡都覺得麻麻，塊肉夠厚，但仍保持麥記一貫的柴皮特質。但呢兩次再食，發現塊牛肉明顯較以前薄，而且肉質更乾更柴皮。無錯，兩次都係咁。於是告訴自己：至尊漢堡可以不理。那就試雞腿包餐吧，因為印象中的雞腿包那塊雞扒還不錯，起碼夠大厚夠，兼且有些肉汁。但連續吃兩次都令我失望。那雞扒又是薄薄的、乾乾的。沙律醬就有一大“劈”，也許以為這樣便可掩飾那塊又薄又乾的雞扒。無錯，又係兩次都係咁。價錢加了又加，但包的材料反而減了。如果只是牛肉、雞扒的面積減少了還好，但那是勉強把那塊肉造得更薄，以為可以瞞天過海，結果煮出來的肉變乾了。實在太過份了。最後又告訴自己：麥當奴，以後都可以不理。唯一要讚的是那班嬸嬸員工，每一位都很有禮貌，很努力工作。好過好多不知所謂的小朋友。

未到補習時間，肚仔又餓，一於走去M記食tea。要了炸雞餐，另加4件麥樂雞(有coupon，免費的)唔知係咪係正tea time，人多多，薯條炸雞剛剛炸好，熱呼呼的，唔需要點任何醬汁已經無得頂。近排我呢個kfc fans都為M記炸雞著迷，因為夠juicy，一路食d汁一路流落手指'lar'。食飽飽，就比心機幫人補習。

因為某些事情，不得不離家半天，小小的西環無地方可以俾我遊蕩，只好走去圖書館，不過內裡悶悶焗焗，就求其借本書到附近既M記繼續hae。出左紅豆批，見網上論壇評價不錯就買個黎試下，另加中汽水。紅豆味濃，甜度剛好；摸上手暖暖的，批皮仍脆。其實樣樣都幾好，但就是不太對胃口，所以試一次就夠喇。

好耐無食麥記，因為已經不喜歡他們的柴皮牛肉。最近聽人講個至尊漢堡幾好食，甚至可媲美mos burger喎，咁就試下啦。個飽係大d，有d菜，塊肉係厚d，感覺好過一般麥記包少少，但都係唔得。mos我就未試過，無得評論，但如果同burger king比，呢個包仍然差一大截。burger king既牛肉有質感，而且係燒既，但呢個麥記包的肉紫皮一樣，而且係煎既，無香味。麥記始終都係麥記。不過，諗深一層，$24.x一個餐，仲想點呀？咁多要求就唔好去食麥記啦。順帶一提，呢間分店的收銀嬸嬸態度好好，仲好過好多靚妹靚仔或所謂的經理。