麥當勞

營業中

休息中

忘了從何時開始，麥當勞每年都會推出配上多款醬料的麥樂雞，而每款醬料都有種魔力吸引你去試一下。 是日來到青衣城探訪可愛的minion，不知道是minion的魅力太強或是風雨所致，青衣城裡擠滿了人，水洩不通。 在大部份食肆都要等位的情況下，去麥當勞好像不用等太久，那就順道試一試今年的醬料有甚麼特別。麥樂雞用了可愛的hello kitty盒裝著，hello kitty迷一定會愛不惜手。 打開盒子看到18件麥樂雞，突然明白何謂眼闊肚窄，還好有人可以包底。 四個口味的醬料，分別有星洲咖喱、蜜糖芥末、韓式辛辣和味噌芝麻。 星洲咖喱是微辣的，亦帶點花生醬味，就像平時吃串燒時用的醬汁，味道不俗。 甜甜的蜜糖芥末一向都最合胃口，香甜的蜜糖應該沒有人不喜歡吧，不過芥末味就不是太特出。 韓式辛辣有濃郁的蒜頭味，如果怕吃蒜頭後會有強烈口氣的話就不用試了。 另外，光看這個醬料紅當當的樣子，就知道味道偏辣，不過卻又未至於辛辣的程度。 味噌芝麻就和日式芝麻醬的味道相約，酸酸的很開胃，可以減去麥樂雞的膩感。最後吃完18件麥樂雞，各款醬料也消滅得七七八八。 吃著吃著，都已經嘗不出口裡吃的是不是雞塊，只知道自己把很多醬料

計麥麥開飯後，麥記又推出左新漢包，就係黑漢堡同白漢堡!，光看賣相好像還不錯呢。麥麥飯小妹就冇興趣試喇，不過呢個黑漢堡據說麵包是以墨魚汁做的，好像滿好味! 黑漢堡: 配以墨魚汁麵包、生菜、2小片煙肉、2塊薄身純牛肉，松露蘑菇風味醬及薯蓉白漢堡: 配以黑芝麻白麵包、生菜、2小片煙肉、2塊脆香雞肉、黑椒磨菇風味醬及薯蓉喜歡吃黑松露汁和牛肉的小妹選擇了前者，跟薯條及飲品 $30.9，不算貴! 很多時有感麥記的新產品都令人有中伏的感覺，不知這次的又如何? 抱著應該不太差的心態去試。外盒以白黑型格設計，打開外盒，看到完完整整的一個黑漢堡，賣相挺吸引。(慶幸打開後不是東歪西斜，亂疊一通的製成品)拿著一口咬下去，還真感受不到麵包有墨魚汁的味道..看報章還有人說吃到海鮮的味道，認真誇張! 小妹卻只吃到普通麵包味...隱約中竟然還嚐到微微的黑松露醬味呢，算是一點驚喜吧? 煙肉在整個漢堡中只感到愈食愈硬，中間兩塊100%純牛肉，肉味很淡很淡...薯蓉卻愈食愈咸。真係..好麻麻! 但求一試過癮吧..

28-4-2013(日）是日下午，替德國老外型男補習廣東話後，很想吃點冰凍食物，涼涼一下我的喉嚨。在 麥當勞 買了一客朱古力新地，我對它的要求不高，只須夠冰凍，沒有即時有溶化的跡象，朱古力醬濃郁而不稀，這所分店做得到！ 花生粒也不少呢！

那天和媽媽到表衣城商場逛（自從爸爸死後也沒有來過這商場了）！媽媽忽然話好想來麥當勞喝咖啡，我十分贊成，因我又可以吃我最喜歡的黑椒漢堡了。今次我叫了黑椒漢堡套餐，（基本上我是不會叫套餐的，因為我不愛吃炸薯條），但間唔中吃一包也沒所謂！不過我不愛吃的原因是除了見到爸爸的病外，另一個原因就是不明白為何麥當勞炸的薯條是永遠都不熱的！（上個月我和媽媽到一個街坊在天平搞的慶祝中秋晚會，在等候入席期間有個姨姨叫我去麥當勞買一個套餐，我買了豬柳蛋漢堡套餐，那兒的薯條又是不熱的，我吃了幾條便給了其他姨姨吃了）！至於那個黑椒漢堡，則是十分好吃，好香黑椒味，亦好多洋蔥，，很多黑椒汁，正！但服務真是不行，店員慢吞吞，有個職員連套餐可以跟鮮奶都不知，要另一個職員提點！令人扯火，令外，最令我發火的是就是地下全是飲管的沒有職員去掃乾淨，在我和媽媽吃的十五分鐘內，完全不見有職員清潔及把飲管拿走！，而枱上的垃圾亦不見有職員收拾和整理！

今日天氣好好, 約了朋友到青衣城食番個豐富早餐。早上10時多, 餐廳客人人數不算太多, 都坐得好舒服 。見一個珍寶套餐,相中極吸引, 食開中式多, 吃下西式也無妨 。當中包括了pancake、 熱香餅、漢堡扒一塊, 雞蛋, 配以香滑奶茶及薯餅,看來真的好豐富。先吃了pancake, 不太熱, 軟軟哋, 加以牛油, 吃到第二塊頓然有飽的感覺。熱香餅:加上果醬, 果醬一包剛剛好, 原來要趁熱吃先至好食, 可惜太遲, 凍了勁難吃 , 食完又再飽。漢堡扒, 好好多, 一小塊,少少鹹可以接受。雞蛋:份量都算多, 但少少滯 。薯餅:香口、夠熱,配茄汁好好味 。奶茶:茶味ok, 但茶包穿了, 臨尾還有多少茶葉碎。試左一次便夠, 真係會膩 !

尋日23-7-2011(Sat)朝同男友起身後食早餐,由於呢日又要去機場亞洲國際博覽館做o野,而且要搭大會安排o既穿梭巴士,為免預唔到時間等車去青衣,於是先同男友搭車去青衣,然後至食麥當勞,咁就易啲控制時間啦.但會唔會好多人都好似我咁諗,因而會好多人,攪到我遲o左?唔會o掛?如果係咁咁準,我就買六合彩喇.有車喇,上車吧啦.o黎到,嘩!!!!好多人呀!搵個位先,男友去排隊買o野食.我坐低等,睇睇錶,9:23am,睇吓男友,嘩!佢前面排o左好多人,等吓等吓,等到9:35am,,9:40am佢至買到o野過o黎,耐到呢….男友買o左$24.50o既熱香餅餐同$24.40o既板燒雞扭粉餐,由於我趕時間,唔食熱o野喇,食熱香餅餐啦,熱香餅餐有兩件熱香餅,兩件鬆餅,豬柳同炒蛋,男友見到炒蛋o既樣好靚,黃加白紋,但我冇時間欣賞同慢慢食喇,樣樣o野都只食一半,留一半畀男友,呢個餐都係不過不失啦.而佢o既餐呢,我只食兩件板燒雞,微辣o既.而o係我塗牛油o既時侯,發覺牛油得半盒仔,麥當勞好慳皮喎.我太趕時間喇,而且唔記得帶水,要去買o野飲,所以食o左唔使10分鐘,我就走人.由於Openrice唔接受呢個食評

繼之前既CBD漢堡之後，M記再推出新產品。呢次仲要俾到我又無限驚喜，就係法式凱旋堡。姑且莫論有無法式滋味，呢個包既配搭俾到我有種創新既感覺，真係唔錯。smile法式凱旋堡雖然真係食到有足三兩既感覺，不過食落既口感又有小小分別。個包就有幾多既茄醬同少許既沙律醬。始終有唔明白點解會加上沙律醬，但個味道又唔錯。而個牛肉都唔差既，真係好新鮮。至於洋蔥就算絕爽口，食到"索索"聲。真係好正。而蕃茄都算好鮮甜，食落都唔差既。而個歐陸麵包都唔錯，好鬆軟。而呢個包分別有兩種芝士，佢地係車打芝士同歐陸芝士。呢兩隻芝士既作用係為個包升呢，因為個味真係出奇不意咁夾。整體上，個包既味道同份量都配合得幾好。講番之前個CBD漢堡，呢次食就差啦。個汁又唔係太多，雖然個炸雞排係幾好食，但汁少既緣故，食落有小小熱氣。期望下一次再有新野出，呢期M記出左好多好多新野食。

想當年，當漢堡內的芝士還是一塊的時候，當魚柳還是比較厚的時候，我是很喜歡吃魚柳包的。上星期看到食友的照片，是去了麥當勞Food Studio & Quality Centre試新產品，就是Sakana Supreme 日和特盛魚堡！我就是看見長形魚柳很juicy才來試的…首先這包除了是形狀跟魚柳包不同之外，還用了新的玉米長麵包和配以秘製日式香濃芝麻醬。新的玉米長麵包跟其他的包沒什麼分別。日式香濃芝麻醬的芝麻味不重（真的，我們吃腸粉下的芝麻醬有芝麻味得多！），帶點酸味和醬油的味道，其實魚柳配沙拉醬比較夾！至於我最期待的魚柳，是炸至皺巴巴的…有點乾…跟食友的照片相差很遠！以$17.8一個包來說有點貴！我知道生菜不會是很新鮮的，但芝麻醬可以放均勻一點嗎？我的包只有右半邊有醬…可能工資太低，員工都沒有心思製作食物吧？相同的工序，用心做的分別可以很大。總括來說，這個包不是很「日式」，味道是可以的，只要魚柳炸得好的話，應該是好吃的。後記：到香港站看到魚堡的廣告，這個廣告就真的很「日式」！

呢間嘢真係自從今次之後，冇咩都唔想幫襯佢ge新地。我同我男朋友行街行到好攰，諗住搵個地方坐下食少少嘢，點咗︰ 兩個新地，一杯朱古力，一杯士多啤梨。order 多花生碎！嘩，好唔得！ 啲雪糕都只係到杯的三分二，仲有，啲cashier唔識整新地，朱古力同士多啤梨雖然都唔少得去邊，但係啲花生多到成座山咁，鋪滿哂個雪糕，雖然我哋幾鍾意食，但唔等於可以倒到滿到咁！再食，更覺得搵笨，中間雪糕係空心的，即係成杯得花生囉！以佢新地愈加愈貴的價錢 (7.8 一杯，兩年多前係5個幾6蚊)，但質素咁差，我覺得真係食新地寧願行去長發麥記幫襯算了！

呢日遲左起身，就呢度買左個早餐食。講真，我都唔係成日食佢地既早餐，因為價錢既問題。不過今日有優惠券，就食佢。魚柳包個份量越黎越細，個魚都唔算太差既。都唔會食到啖啖粉，但沙律醬太多啦。食完好滯呀，唔係太好。薯餅都係無乜特別，新鮮炸起就好好食啦。熱朱古力係好好飲，唔會太甜。又好滑既飲品。都十六蚊架呢餐，無優惠券真係唔會食架。

記得對上一次飲新地樂已經係八年之前既事之前好鍾意飲新地樂,差唔多去親m記都會買黎飲今次Order的新地樂,味道沒甚麼大分別,一樣係咁甜同咁滑不過唔知原因我覺得雪糕味冇以前咁出可樂的甜味蓋過晒雪糕的味道~仲有個提子味新地樂,我諗有機會都可以試埋既~~~不過$11.3一杯新地樂,(貴)我會prefer飲Mccafe既$12 泡沫咖啡多D

呢一日放左工，就好肚餓啦。唔知食咩好，就呢度食個甜品啦。士多啤梨kitkat麥旋風呢個都幾好食，有粒粒既kitkat，好好味。而士多啤梨就有小小酸，呢個就差小小啦。不過個麥旋風算唔錯啦，算幾大杯。

需然我唔知我地個order會係青衣城出or長發出,不過都係對麥麥送作出一個投訴only!!!今日成班同事本來高高興興諗住食麥麥送...明知比walk in貴d都無所謂啦..我地大約12點半個時打去hotline落order點知個女仔話搵唔到我地個地址要check 一check轉頭call back,本來都已經唔多like點知佢要check幾耐呀!! 過咗大約7-8分鐘佢地就call back同我地落order,咁我地照落and佢confirm話會40分鐘內送到..咁我地就等..等...等...一直等到1點半再收到佢地電話以為d嘢食已經送到啦..哈~點知佢地竟係45分鐘後話比我地聽我地個地址唔within佢地送貨嘅area..真係火都嚟埋 一早你唔講到45分鐘後先出聲!!! 我地返緊工o架唔係喺屋企等你地呀!真係分分鐘連飯都冇得食..佢地仲好似當冇事發生咁...咩services呀 ???too bad!!! 仲有想直接同麥當奴反映點知佢地竟然冇地方比人發表!!!so poor!!!!

陪寶讀書所以寶特登買左我好耐無飲食既麥樂雞俾我 有幾款新既醬不過有d已經無曬lu!!最後要左隻蜜糖芥末醬同麥樂雞都幾夾!!不過如果可以一次過試唔同款既醬就好了~

尋日同同學黎呢度食午餐，見有足三兩食。就試下佢啦，估唔到比我想像既好食。double 足三兩個包比我好耐之前食既大個，而牛肉就無咁乾。都有肉汁，又幾夠肉味既。而配料都唔錯，仲有陣洋蔥味。個包又幾好食，個份量真係夠大。脆薯皇都唔錯既，個薯角好脆口。又唔算太鹹，唔錯既。仲有下次既，因為今次出比上幾次好食。