麵包城

營業中

休息中

這間麵包城，不是用麵包的包字，而是用飽肚的「飽」字。進店之後，都沒有嗅到特別香的麵粉味，麵包亦都其貌不揚，但想不到竟然有幾個好評。有菠蘿的菠蘿包，但都不算好吃，餡料不多，似乎只有面頭那些少許幾粒菠蘿，味道微甜。員工收銀的時候亦都只顧自行聊天，完全沒有理會客人，即使在臨收工的時候有客人到，他們也不太理會，也沒有好像紅車厘一般，有臨收工特價時段。大埔區盡是麵包店，這家不去去別間不是舊麵包店一定好，這家麵飽城，不光顧也罷。

$4.5 一個手心咁細的合桃提子全麥包，應該有啲內餡吧！點知一撕開一睇,說好的合桃呢？？？？提子都多嘅，每個角1粒，加埋4粒！全麥粉可能都有2-3％嘅！一句講晒，未食過咁差嘅空氣包！

吃美心、東海堂、聖安娜的蛋糕，無論是磅裝還是切餅，外面的cream好吃，作為主體、支撐的海綿蛋糕卻總是口感粗糙。這家不起眼的麵包西餅店，賣著簡單、甚至許多人嫌棄的「傳統」水果忌廉蛋糕，基本卻做得紮實。這個迷你朱古力蛋糕，海綿蛋糕軟滑，配搭著厚厚的cream，完全能夠滿足我的蛋糕癮。可惜cream略嫌結實，若可拌多一些空氣增添蓬鬆感，便完美了。迷你蛋糕足夠六至八人吃 ，不過我這個忌廉蛋糕狂，一個人便可吞下四份一。

🥜花生糯米糍($4.5)▪️話說係有日翻工落錯車🚌早左個站落，而發現依間餅舖，不過一直覺得佢賣嘅糯米糍同椰撻仔都勁mini，係我見過最細size的🤦🏽‍♀️所以一直都無食嘅衝動~但為左擴闊我嘅糯米糍藍圖😎要食均全港花生糯米糍🤭其實買個時係朝早8:00，勁早就開店有糯米糍賣，一度懷疑係真係咁早搓好，定前日賣剩😂不過就..食左先講🤪見到得牛丸咁大粒，仲要比平時貴😤係可以一啖啪入口😂不過都要咬開睇下個餡嘅😗一咬~咁細粒都只係得小小餡露頭🤯唔係掛(?)不過𡁻落個皮都幾軟糯，都有少少咬口👌只係個餡有d偏甜，肉眼見到混左好多砂糖，餡係花生醬做基底再加入白芝麻和花生粒，間中都有食到幾粒算大嘅花生粒👍都夠香夠脆，食到後尾都有餡(原來d餡包到左一邊🤭)係走花生餡路線不是花生粉個種，我都喜歡嘅，但依個size好難想再食多次。

腦細是好喜歡食甜品的人，跟他一起食午餐，一定要來個飯後甜點。 今天又係跟同事們食完日本菜午餐後，經過一間麵包店，他就問我地想吃什麼甜品了。喜歡食甜品的，見到美美的甜品都會流哂口水，我地就買了3個芒雪菓子，2件忌廉蛋糕回公司吃了。 芒雪菓子 ：平時經過麵包店，都會見到白雪雪、滑溜溜的、皮薄的白色波波，好想買0黎食。今天有口福，可以品嘗了。芒雪菓子 ：白色皮薄薄的是糯米粉皮，搓得好薄。 內有白色忌廉，新鮮芒果肉及海綿蛋糕，好好食如腦細說，大埔有好多食店，同樣地有好多麵包蛋糕店。 以芒雪菓子來說，質素不遜色於大鏈鎖店。 最後起碼，是香港製造的，食得健康，也美味

成日經過呢間鋪頭都見到大大粒，名叫"雪之菓"的糕點，今日終於忍唔坐買番粒試一試味道如何。論外型的而且確相當吸引，雪白既圓球體，加上上面灑上甜麵粉，望落去十足巨型的糯米滋。將它切開一半，裡面有蛋糕，Cream同芒果，跟一般的凍餅成份一樣，不同的是用一塊黏韌的糯米皮包著，演繹著不同的口感。試食了，口感同味道都好有食雪糕糯米滋既感覺，糯米皮十分黏韌，口感十足，而Cream同蛋糕的份量適中，唯芒果既份量不多，如果多番D芒果肉就更加好。總括而言，以12元買一件特色凍餅黎講都算係中規中舉，如果芒果用料上可以多一點就更加抵食了。

一直都對拿破崙情有獨鍾，皆因系果層香酥既酥皮，入口酥化，非常好味，所以經常鉆窿鉆lar周圍穩好味既拿破崙，大牌又試，小食店又會試，因為我覺得某樣食物好味唔一定要有咩野名堂~~~ 今日系大埔度逛，發現好多西點屋，所以米入左去繼續穩食~~~ 居然俾我發現拿破崙，全部都系酥皮，完全沒有蛋糕成份~~呵呵 好啊~~~太好啦~~~ 我吃野比較偏，偏愛吃酥皮部份，所以依個完全符合我既口味~~價格非常公道，三個八，買翻一打翻去都抵啦~~

十月八日(星期三)今日的早餐由我負責,我買了一個原味蛋糕以及一個蛋白蛋糕我吃了原味!很鬆軟呢!雖然包裝不太精美,但是原來很好吃的呢!...而且不太貴,五元可以接受呢老公的蛋白蛋糕也好吃呢!!下次再試試其他蛋糕,因為試過麵包就一般呢!

前幾日諗住買包方包做早餐...經過麵包城...因為夠曬平...6蚊已經有8塊...所以就買左不過唔得閒食...足足放o係度3日...放到今日先食...以為一定會放到乾爭爭...點知仲係軟綿綿wor呢間麵包舖d方包都算幾ok...當然...同d貴價麵包舖d包仲有一段距離la