麵包城

營業中

休息中

曾幾何時麵包城係馬鞍山區開到7間，區內居民無人不識，但執吓一間執吓又一間，現在只剩下3間，確實有點可惜屈指一數恒安邨呢間都開咗超過十年，總算最捱得，最記得以前每日下午新鮮蛋撻出焗，總有班街坊排住隊買，但今時今日已經被街市另一間麵包舖搶走不少街坊客呢日心血來潮想食蛋撻，阿姐又好熱情咁”兜售” 埋雞批，最終各樣買咗3件▶️酥皮蛋撻 - 先講層酥皮，的確無出面好出名賣蛋撻好食，當然都無人哋嘅幾十摺。而蛋漿亦都失色，唔太有蛋味，似乎用嘅蛋唔夠多，但$4 件算係平有平食嘅！▶️雞批 - 呢個有驚喜，餡料豐富，味道一流，阿姐果然無介紹錯！總括來說食物就以平制勝，無太大要求，過口癮的話都係一個好選擇！

麵包城在馬鞍山原本好多分店，不過不知道是否地產霸權的關係，近幾年一間間的執笠。其實相比其他例如美心/聖安娜的連鎖店，我更愛這種地區小店。吃貨喜歡食栗子。麵包以外，就好喜歡這裡的鮮果栗子蛋糕。適逢家中有人生日，當然要買一個賀一賀，齊齊Enjoy下!鮮果栗子蛋糕($128)這裡的鮮果栗子蛋糕，忌廉打得輕身，不太甜也不太膩。這是外面非常平實的蛋糕，它沒有像連鎖店的用糖霜和朱古力畫公仔，相反，師傅用了很多鮮果鋪滿蛋糕面，這樣看上去比糖霜公仔更吸引呢。細心想一想，今時今日，你還能在連鎖店找到這種蛋糕嗎？吃貨就是因為這個而寫下這篇食評的。唱畢生日快樂歌，切一件蛋糕咬下去。一如既往，栗子分量也足，和蛋糕層層相隔，食落啖啖都是軟屬而微甜栗子，栗子控感覺好幸福呀。地區小店支撐了許多星斗市民的生活，亦可以為地區增添特色。很多屋村人都一樣喜歡小店樸實的美味。希望僅餘的幾間小店不要換成連鎖店就好了。衷心祝福。Encore 度8/10。

今日學校義工last day，買左一小袋蛋糕比學生食，順便自己試一個。小小既甜，無甜得太誇張，都算ok，一口一個，無乜特別驚喜。d學生可能因為肚餓，一搶而光。買既時候叫佢比一個袋我，阿姐唔肯，不過態度唔算差，至少同我解釋尼一種蛋糕比袋要加五毫子，聽話頌安商場既麵包城阿姐態度超差，恆安ok，至少無咁誇張（可能係因為我心理預期降低左）

一早去到新娘子住既恆安邨，先去左商場既「麵包城」度買定個包包，以免有d咩事，肚餓時都有d野頂住先~ 買左個 合桃包~合桃包﹕買呢個包包，因為被佢咁多合桃及麥所吸引 用夾夾起個包包時，感覺到個包真係好軟熟呀!! 待我一啖咬下去時，嘩~~~ 好香既合桃味呀!! 合桃既份量都唔少喎 而呢個包包又有好多麥，所以真係好有口感~~ 呢個包包又唔會好甜，真係唔錯唔錯~ 價錢又抵，$ 4~~ 如果上水都有 麵包城 就好lu.....