麵家

營業中

休息中

呢間位於銅鑼灣嘅麵家係一間好有心思嘅港式粉麵小店！餐廳主打招牌雞白湯，聽講呢個湯底係每日至少用8個鐘頭熬製而成，工序繁複，絕無添加任何味精，可以放心飲哂成個湯底！店內裝修以木系嘅簡約風為主，環境乾淨企理～✨招牌櫻花蝦雲吞麵櫻花蝦雲吞特別大粒，因為係餐廳自己每日新鮮包嘅！皮薄餡靚，散發住濃郁嘅海鮮鮮味！雞白湯清澈而鮮甜，質地順滑，係進店必點！幼麵係選用咗「永樂」呢間超過50年老字號嘅品牌粉麵廠！麵質同味道都好經典，充滿港式情懷～✨秘製慢煮牛腩拼牛丸河慢煮牛腩亦都係餐廳自家炆嘅，肥瘦均勻，肉質軟腍！牛丸爽口彈牙！大地魚雞白湯就多咗一份魚嘅鮮味，味道甜美！而河粉都係香港制造嘅，選用咗超過70年歷史嘅呢個品牌「雙喜」！河粉比一般嘅偏幼身，質地柔滑細膩～鍾意食辣嘅人，千祈唔可以錯過小店嘅辣椒油同埋辣菜脯啊～✨時令油菜-菜心苗呢到嘅油菜可以自己選擇配蠔油定係腩汁，今次揀咗配腩汁！微甜嘅腩汁同菜心苗嘅清新口感相得益彰～✨壹品豆漿✨檸檬可口可樂

銅鑼灣美食集中地燈籠街原來有間港式粉麵🍜 雖然呢條街有幾間麵店 但係佢嘅定位都幾唔同‼️ 呢度將港式粉麵提升咗好多✨ 飲到雞白湯 又用香港老字號永樂同雙喜嘅粉麵🇭🇰❣️咩都有麵 $78個名簡單直接 有雲吞 墨丸 牛丸 魚蛋 貢丸 牛腩💦 咩都有啲好豐富🔥慢煮牛腩係自家炆 仲可以揀肥啲瘦啲 肉味濃唔柴🐄 招牌櫻花蝦雲吞自己新鮮包 皮薄餡靚成粒乒乓波🦐魚蛋同魚片都有 好彈牙🐟 另外墨丸我念念不忘 新鮮到食到墨魚粒嘅膠質🦑麵底揀咗幼麵 配上大地魚雞白湯 湯底有平時粉麵店兩倍濃郁但唔咸💕真係清淡得來又好食 仲可以加啲辣菜脯或者辣油變化下🤌🏻🤪❣️秘制慢煮牛腩拼牛筋 金錢肚 撈麵 $96撈麵仲另外有碗湯 招牌雞白湯感覺到熬咗好耐 擺咗一陣面頭有啲膠質💦 唔似係日本拉麵嗰種雞白湯比較中式 有啲蜜棗嘅甜味又唔會有肉臭味🐓呢個價錢雖然貴啲但係反映咗係肉量🐄🐄🐄真係俾咗超級多料‼️牛筋係超級軟腍入晒味甜甜地 冇牙婆都食得超好食‼️呢碟嘅牛腩仲靚 肉質再結實啲 加上醬油肉味濃到一瞬間以為食緊嘢野味🤣金錢肚好靚仔 處理得乾淨 爽口彈牙又入味🌟❣️時令油菜-菜心苗 $22鍾意佢蠔油分開上可以食得健康啲🙂‍↔️🥬條菜本身已

🇭🇰 Causeway Bay 銅鑼灣｜Min Gaa 麵家New noodle place alert! This restaurant may look like the other noodle 🍜 place but what’s so special about it is their unique broth that is used for the noodle! It takes over 8️⃣ hours to make their wonton noodle broth! Even the wonton are made by themselves everyday to ensure the quality and freshness! 😆Here are some noodles that I tried:•𝐒𝐞𝐜𝐫𝐞𝐭 𝐒𝐥𝐨𝐰 𝐂𝐨𝐨𝐤𝐞𝐝 𝐁𝐞𝐞𝐟 𝐁𝐫𝐢𝐬𝐤𝐞𝐭 𝐍𝐨𝐨𝐝𝐥𝐞𝐬 (𝐂𝐨𝐧𝐜𝐞𝐧𝐭𝐫𝐚𝐭𝐞 𝐂𝐡𝐢𝐜𝐤𝐞𝐧 𝐒𝐨𝐮𝐩)The beef brisket 🥩 is perfect in terms of texture and I love the

呢間粉麵一直都好想去食，今日終於有機會啦！招牌櫻花蝦雲吞拼牛筋粗麵先講咗個湯底，濃郁而不油膩，味道清新。雲吞皮薄透，口感鮮美，人手包好大粒。牛筋軟嫩，好入味。再加埋永樂麵家嘅粗麵，整體出色，連個湯底都完全飲哂。秘制慢煮牛腩拼牛筋河粉自家製嘅牛腩同牛筋炆得好嫩滑入味，河粉使用了超過70年老字號的雙喜河粉，口感十分滑順。香脆魚皮魚皮香脆，搭配燒烤味Shake Shake粉，讓魚皮的脆感更加突出。呢一餐雖然簡簡單單，但所有食材都好高質，絕對值得一試。

麵家位於銅鑼灣登龍街一條好多拉麵同中式面食嘅集中地選址就已經好大競爭我好想試佢哋嘅牛腩但不幸今日OT太夜已經賣晒我叫嘅係麵家嘅雙拼撈麵叫左碗櫻花蝦雲吞魚蛋蝦籽麵個蝦子麵係本地老字號面廠出品加上時令油菜整體感覺幾好暖笠笠而且個湯底好味蝦籽麵麵質好彈牙有嚼勁上面都有好多好多蝦籽特別係麵底醬汁設計得幾用心麵係食嘅時候唔會太乾保持左適當嘅濕潤感 碗麵亦配上左大地魚雞白湯雲吞放入湯令熱度釋放雲吞的皮薄但入面超級足料內餡有鮮蝦和豬肉碎味道不錯大地魚雞白湯味道比較濃成個撈麵好有層次感期待吓下次再黎可以食到佢最出名嘅牛坑腩啦

呢間麵家主打雞白湯底拼港式粉麵~佢哋嘅雞白湯🐔用超過8小時熬製而成，濃而不膩~飲完唔會口乾真係心機之作招牌櫻花蝦雲吞撈粗加牛筋（雞白湯底）- 個雲吞真係超大粒，一啖真係食唔曬~入面用新鮮豬肉配上蝦仁同埋櫻花蝦味道更加豐富~🦐特別推介佢哋嘅牛筋係超軟腍QQ又夠入味，滿滿嘅骨膠原~秘製慢煮牛腩麵加金錢肚 （大地魚雞白湯底）- 加入咗大地魚嘅湯底味道更加濃郁~牛腩有得揀肥瘦好貼心，食落夠腍~（悄悄話：好食過好多所謂嘅名店特別係歌賦街嗰間，十幾年前仲係正常依家不知所謂，排隊貼錢買難受，唔建議）乾麵用咗永樂粉面廠嘅質素有保證~ 撈粗真係爽口又彈牙，加埋甜豉油同埋少少佢哋嘅自製菜脯 yumyum ~ 💖幾欣賞呢個港式小變化，為平日簡單嘅一餐注入新驚喜~而且店鋪夠乾淨，食都食得安心啲

之前Bookmark想去食這間小店，因為好多人食，要避開人潮！我們一試愛上這個雞白湯底(⁎⁍̴̛ᴗ⁍̴̛⁎)無論食材、用料都比足心機，值得支持用心製作食物的小店！ 首先雞白湯用了大量雞骨雞殼雞肉熬煮8小時以上，第一啖有被驚艷到，湯頭非常鮮甜，而且雞味濃郁！！店員告知飲完可以再添飲，湯怪表示好開心！另外自家製慢煮牛腩更是有別於一般粉麵店的做法，無論是肥瘦也好，口感也是很Juicy！自家包的雲吞也是很推薦，裏面滿滿的食材，一整隻蝦、蝦籽、豬肉，口感很紮實！而且面底的用料是採用香港製造的老字號永樂粉麵廠，河粉亦是本地老字號雙喜，整個就是很Local香港的感覺( ´▽` )ﾉ我很喜歡這個期間限定的火辣紫薯咖喱撈麵，真的有紫薯的味道，而且不算太辣，咖喱的味道很好，希望這個期間限定可以轉為長期菜式就好了！炸魚皮也是非常適合配這個雞白湯！價錢參考：

新派港式情懷粉麵店主推兩款港式粉面，分別有自家炆製慢煮牛腩和自家製新鮮雲吞。招牌櫻花蝦雲吞全自家製作，加入了櫻花蝦，食落較平時的更鮮更香口。除了使用整粒蝦外，雲吞的size是平時的兩倍，粒粒都又大又足料。自家炆製慢煮牛腩可揀肥腩或瘦腩，配上來自本地有半世紀歷史的永樂粉麵廠所製的面，滿滿港式情懷，配上秘製帶甜的頭抽醬汁，非常美味。不論點了湯麵或撈麵，一定要試佢地個每日堅熬8小時嘅雞白湯，湯頭鮮甜又美味，鐘意濃味少少嘅，可以點加大地魚雞白湯，鮮甜更加突出。湯頭全用新鮮食材，不加任何味精，可以全部飲哂。餐廳有個shake shake炸魚皮，有三款調味粉可以選擇，分別有BBQ、Wasabi、梅子粉，餐廳會提供紙袋供客人自己shake。依加只要follow佢地IG，就有一份免費炸魚皮。餐廳的自家制辣椒醬和辣菜脯都一定要試埋，雲吞和牛腩點上自家大辣椒醬，提鮮之餘又令胃口大增。辣菜脯鹹鮮又惹味，如果有得買返屋企就好啦。招牌櫻花蝦雲吞麵 ($48) 秘製慢煮牛腩撈麵 ($66) 時令油菜 ($22)炸魚皮

好耐冇嚟登龍街，咁啱見到有間新開張嘅餐廳就入咗去試叫咗一碗招牌雲吞大地魚雞白湯粗麵另外一碗招牌牛腩雞白湯幼麵啲雲吞入邊嘅蝦完全唔爽，粗麵Overcook淋到好似發泡膠咁，大地魚雞白湯係OK嘅有大地魚味同雲吞幾夾牛腩麵嚟到見到個樣已經心知不妙，食落口真係成嚿擦子膠咁，呢舊肉真係慢煮？普通雞白湯冇乜特別，唔係日本拉麵嗰種風味，反而成碗嘢最好食係個麵出到嚟即刻入去OpenRice望吓，原來新開張已經有80幾個好評，早知就做咗功課先🫣平時都懶得出post，但係呢間太伏，要行動表達下

麵家嘅環境好舒適，服務員態度和藹親切！我鐘意佢哋嘅乾麵選用近半世紀歷史的”永樂粉麵廠”，而河粉係超過70年的”雙喜”，絕對係香港制造，香港🇭🇰口味！我同朋友的都叫咗無味精嘅濃厚雞白湯，慢煮熬製超過八個小時，湯頭真係美味十足，真係湯底都唔好放過！我叫咗碗咩都有麵，選取蝦籽麵，入面有雲吞、墨丸、牛丸、魚蛋、牛腩、貢丸，本人最愛佢嘅墨魚丸，真係鮮味爽口而且好彈牙。我朋友叫咗招牌師傅親手包嘅櫻花蝦雲吞拼墨丸和魚蛋，選取幼麵，雲吞大大粒，而且有櫻花蝦嘅鮮味包你食過返尋味。時令油菜係菜心苗，好嫩有光澤而家Follow 社交平台贈送香脆魚皮呀，大家唔好錯過啦

銅鑼灣登龍街呢間雞白湯粉麵，麵底係採用香港製造嘅永樂同雙喜製麵廠。招牌櫻花蝦雲吞拼牛腩$65第一碗就揀左大地魚雞白湯招牌櫻花蝦雲吞拼牛腩，櫻花蝦雲吞好大嚿，咬落多汁啖啖肉。大地魚雞白湯同雞白湯相比，多左層魚味，飲落鮮甜。枱面仲有菜脯任加。火辣紫薯咖喱三拼撈麵$106另外揀左佢嘅限定紫薯咖喱撈麵，呢個撈麵咖喱汁同出面嘅好唔同，混合咗紫薯喺入邊。食落甜中帶香辣。搭配埋牛味濃郁嘅牛腩、牛筋同牛丸。而蝦子麵係用本地永樂粉麵廠！撈麵唔乾，推薦大家可以揀蝦子麵。撈麵仲會送埋雞白湯，仲可以添飲，充滿骨膠原。

麵家價錢: $48/ $48好味程度: 3.7/5服務🍴: 3.7/5環境🗾: 3.7/5性價比🥢: 3.7/5回頭率😚: 3.7/5-位於登龍街的麵家，係新式d的餛吞麵店，湯底特別用雞白湯熬製，同平時嘅就咁大地魚湯唔同。麵條又揀選香港本地出品嘅永樂麵家同埋雙喜，誠意十足。-✅招牌櫻花蝦雲吞麵。湯底主打雞白湯，飲落去感覺清爽，味道偏甜，有別於平時大地魚嘅鹹鮮味，呢款係容易可以飲晒嘅湯底👏🏻麵條雖然用上本地品牌，但當日叫咗嘅幼麵比粗麵出色，幼麵尚算爽口，鹼水程度可以接受。但粗麵就比較軟同一pat pat，可能只起咗一段時間，有人叫嘅時候再加湯落去導致知口感冇幼麵咁好🥲-成碗最出色嘅一定係雲吞！大粒！有平時雲吞的1.5倍！皮薄，做到金魚尾的收尾，證明包得唔錯。咬開入面見到原隻蝦好有驚喜🤩加上豬肉餡料都有落到櫻花蝦同埋蝦子，成粒雲吞好濃先，好食🤤-✅牛肚麵。佢哋呢度係有分牛肚同埋金錢肚，今次傻豬揀咗牛肚🙂‍↕️牛肚比較腍身，不過入味嘅程度會比金錢肚更高。金錢肚就比較爽彈，呢隻草肚味道正常，口感差啲。呢款牛肚麵嘅湯底都係同雲吞麵一樣。-去開嗰頭想食啲傳統嘅麵，呢間都可以回頭，不過下次就可以試吓撈

平時唔知lunch食乜好，可以試下雞白湯麵🍜真係好吸引！我試咗佢哋嘅咩都有麵，有瘦牛腩，肉質嫩滑，配搭上自家新鮮包嘅大大粒雲吞，真係一口咬落去，好大隻蝦。仲有慢煮牛腩，經過自家炆製，味道更加入味，絕對係肉食者嘅最愛。佢哋嘅招牌雞白湯工序繁複，日熬至少8小時嘅湯底，湯底清澈，味道濃郁，可以飲哂，真係一絕！另外，佢哋嘅撈麵都唔少得，配上大地魚雞白湯，味道清新。撈麵細幼，吸收咗秘製頭抽醬油，咬落去唔會膩，反而令我越食越開心。飲品方面，我選擇咗紅茶花伝檸檬紅茶，酸酸甜甜，啖啖清新，正好可以解膩。再加上冷萃烏龍茶，清香四溢，飲落去心情都好好。值得一提嘅係，呢間餐廳仲保留住港式情懷，佢哋嘅麵係超過50年老字號永樂製造，而河粉係超過70年嘅雙喜，香港製造，真係讓人感受到濃濃嘅本土味道。

見到火辣紫薯咖哩雙拼撈麵，特別試吓！真係好驚喜！咖哩醬香濃，微辣帶甜嘅口感絕對令人食指大動。裡面嘅秘制慢煮牛腩軟滑入味，牛肚嚼落去有彈性，味道真係一絕。另外，想方試吓呢個出名無味精濃厚雞白湯！湯頭濃郁鮮味，完全飲得出有幾多雞嘅精華喺厚度爆出嚟！原來係每日用咗50公斤嘅雞新鮮熬製！非常出色，一定要試！招牌櫻花蝦雲吞皮薄餡多，蝦仁鮮甜；而墨魚丸咬落去充滿彈性飲品方面，紅茶花伝檸檬紅茶，完美中和咗咖哩嘅火辣感，如果有港式凍檸茶更加好！最後，香脆魚皮作為小食，口感極佳，咸香可口，絕對係開胃之選。整體而言，呢一餐不單止味道出眾，食材搭配亦好有心思，佢嘅辣椒油仲有菜脯都好好食！非常推介！

「麵家」喺銅鑼灣V Point地下，裝修企理又光猛，白色磚牆配木系枱凳，成間店乾淨到反光！晚市衝過嚟食碗熱辣辣嘅粉麵，簡直係打工仔救贖～ .🔥🍠火辣紫薯咖哩三拼撈麵限時新品！紫薯蓉溝咖喱汁竟然超夾，幼滑得嚟帶微甜，辣度夠哂過癮（食得辣必試！）。三拼揀咗 慢煮牛腩（瘦一點版）＋貢丸＋雲吞，牛腩係自家炆足鐘數，咬落鬆化唔黐牙；轉咗蝦籽麵超聰明，掛滿咖喱汁嗦嗦聲！貼心提供咖喱汁另上，唔怕浸淋麵～ .🐔 雙拼（櫻花蝦雲吞＋牛筋）配招牌雞白湯老實！日日熬8粒鐘嘅湯底真係無得輸，飲落濃到黏嘴唇，成碗清晒仲想encore！配櫻花蝦雲吞幼麵，乒乓波咁大粒嘅雲吞係每日新鮮包，蝦仁爽彈＋粉嫩豬肉餡，鮮甜到震～ 牛筋煮到半透明，啜落「咻」一聲溶喺口，配永樂50年麵廠嘅幼麵，港式情懷滿分！ .🥬時令油菜揀咗腩汁菜心苗，菜心苗嫩到無朋友，腩汁鹹香吊出菜甜，簡單但高質！ .🥛豆漿解辣一流～ .總結：慢煮牛腩同手包雲吞真心高質，細店用心做嘢，環境舒服到可以hea足成個下晝。午市快食、下午茶輕量、晚餐輕食都啱key，銅鑼灣搵食記住mark實！