麵家

早排有朋友介紹過呢到係新開張，帶左男朋友嚟試下個牛筋好唔好味因為新開鋪關係，果陣做Like 就送左個炸魚皮都幾好食，好脆🍜我叫左個2餸牛筋，牛丸配大地魚雞白湯米粉個湯就正正常常，味精唔算重牛丸都普通，但都算大粒牛筋真係全筋冇咩肉，而且好爽彈口個米粉我覺得份量有d少，有少少唔夠飽😂💫我地叫個油菜(蠔油菜心)，有d細碟🍜男朋友係食蝦子麵配牛腩但牛腩太多肉，麻麻地以車仔麵嚟講，佢價錢貴左dd不過餸都比得足料同埋新裝修，實乾淨但米粉份量我係女仔都覺得唔夠飽不過牛筋真係幾好食下次順路應該會淨叫牛筋食

今日去咗銅鑼灣V point 嘅麵家，佢嘅麵係用超過50年老字號永樂, 河粉係用超過70年的雙喜，招牌雞白湯工序繁複，日熬至少8小時嘅湯底，香港制造，有心小店，靚裝修, 乾淨企理, 環境理想。我哋叫咗咩都有麵，牛腩要瘦啲，轉咗蝦籽麵，用招牌雞白湯，多青，共90蚊。好牛腩好靚好嫩滑，個雞湯好夠鮮味一流，蝦籽麵好爽彈。雲吞好大粒，餡料豐富。秘制慢煮牛腩撈麵78蚊轉咗蝦籽麵，多腩汁，用招牌大地魚雞白湯，多青。個慢煮牛腩非常夠味，好軟嫩，大地魚雞白湯非常鮮味。嘢飲就叫咗紅茶花伝檸茶15蚊加豆漿12蚊再叫咗碟時令油菜菜心，22蚊

🙋🏻‍♂️餓底探員去咗銅鑼灣調查呢間港式粉麵店，餐廳裝修新淨企理，環境舒適，乾麵選用超過50年嘅永樂粉麵廠，河粉選用超過70年嘅雙喜粉麵廠，兩間都係堅持香港製造嘅老字號品牌，充滿港式情懷，湯底用雞殼雞腳等食材精心熬製超過8小時，非常有心嘅一間小店👍🏻🦐招牌櫻花蝦雲吞麵 $48 (轉蝦子麵+$12)🙋🏻‍♂️表示蝦子麵用本地老字號品牌，麵質彈牙，麵條滿佈蝦子，味道鮮香濃郁，雲吞超大粒，每粒都足料飽滿，包住原隻鮮蝦，豬肉同櫻花蝦，食落充滿鮮味，配上濃厚雞白湯，湯底味道清甜鮮香，無加味精，好味到可以飲晒，一滴不留🥩秘制慢煮牛腩撈麵 $66🙋🏻‍♂️表示粗麵同樣用本地老字號品牌，麵質爽滑，鹼水極少，食落有天然麵粉味同蛋香，牛腩經慢煮處理，口感鮮嫩肉汁豐富，配上蔥油撈埋一齊食，更加香口惹味，仲配上大地魚雞白湯，清甜又帶有魚鮮味，味道好正🥬時令油菜 $22🙋🏻‍♂️表示菜心苗翠綠鮮嫩，味道清甜，配上香濃腩汁，令菜心苗食落更加提鮮入味🥤玉泉忌廉 $10🍋紅茶花伝檸檬紅茶 $15📈吃貨指數😋好味度 9/10🔙返啅度 9/10

早前見到網上推銷這間麵家，標榜用本地麵廠生產嘅麵，剛好路過銅鑼灣便入去試下。當日係星期六接近下午一點，麵家依然有許多座位，只有我一人，店員便示意我坐吧台位置。掃了QR code後，因為我想揀三個食材配料，但要搵了一陣，好不容易先搵到三拼麵嘅選項(注意：枱上嘅餐牌係無三拼麵呢個選擇)，然後就揀咗秘制慢煮牛腩、牛筋、墨魚丸和幼麵，湯底就揀大地魚雞白湯。坦白說，係有點失望，秘制慢煮牛腩嘅肉係好韌而且無味，亦根本無法咬爛，要整塊吞入口，差D梗親，其實餐廳本身識唔識煮牛腩？另外，餐廳係孤寒到連一杯茶或水都無俾客人，就係想你幫儭佢買汽水和豆漿，但啲豆漿唔係新鮮整，亦無熱豆漿供應，因為係膠樽裝。以呢個價錢、食物質素和選擇，我寧願去番附近麥奀記食正宗嘅雲吞麵和牛腩麵，起碼人地啲牛腩係入味啲和易食，同埋有新鮮豆漿飲。

今日係銅鑼灣食左間港式粉麵，同一般既粉麵鋪頭好唔同，呢到感覺乾淨企理!招牌櫻花蝦雲吞魚蛋面店員話呢到既雲吞係新鮮每日即包! 上台時見到雲吞係平時既3-4倍咁大，入面有原隻蝦，加埋豬肉餡，皮薄餡靚，好鮮味。面款可以自己簡，睇番餐牌介紹見到麵係用左由50年老字號永樂，而河粉就係用有70年歷史既雙喜，我自已簡左幼面，完全冇鹼水味，反面有蛋香味而且爽口彈牙! 仲聽到隔離台食客話河粉好食!湯底係用左每日熬煮左最少8個鐘既雞白湯， 飲落唔會咸，但好清甜，直情飲曬個湯底都唔會口渴個種。秘制慢煮牛腩撈面 呢到既慢煮牛腩都係佢地自家炆，可以簡肥D或瘦D! 牛腩炆到好軟淋又入味。呢款就簡左大地魚雞白湯，好鮮甜，湯底濃郁到係feel到少少漿住嘴既感覺，好足料又豐富既味道。而家做緊promo，follow佢地社交平台就會送香脆魚皮，魚皮好脆! 感覺呢間小店好有誠意，用創新手法做香港傳統式粉面，值得欣賞!

登龍街一向係我發掘美食嘅地方自從興建咗好多新大廈之後 就好多餐廳進駐今次就專誠嚟拜訪下呢間雞白湯cross over港式粉麵😎港式粉麵點少得牛腩呢？呢度嘅牛腩係自家炆嘅慢煮牛腩食落入味得來 真係完全唔會黐牙最貼心嘅係可以揀肥又得瘦又得招牌雞白湯經過8小時熬製 真材實料 濃郁得來唔口渴 食完飲晒成碗湯都唔會有罪惡感除咗湯麵之外 仲有蔥油撈麵添 鍾意香口嘅啱晒撈麵都會跟一碗靚靚嘅雞白湯俾大家㗎櫻花蝦雲吞真係成個乒乓波咁大除咗大櫻花蝦嘅香味之外 充滿大地魚嘅鮮味蝦肉大大隻 爽口彈牙而且用料非常抌本 麵條係用超過50年老字號永樂真正香港制造 我平時自己屋企都係用永樂 食得好放心鍾意食辣嘅 就一定要試埋店家嘅自家製菜圃又多一種食法 多一重滋味腩汁菜心食落香口 一啲都唔油膩 值得一提嘅係呢度嘅環境好企理仲有大玻璃可以望住熙來攘往嘅街道 一個人食都唔會有壓迫感

不太幸運的一餐！本來趕時間諗住隨便食碗麵，看見價錢尚可便試試看。叫了碗牛腩麵上枱接近全肥及薄切(牛腩分量亦較少)，詢問後才知可在下單app內選痩腩，但也不至於給我全肥吧！可能店員看見肥成咁所以另外比返幾片瘦腩給我便算了！湯底話係冇味精，面質一般有啲似蝦子麵。份量比較少，看見其他男士兩三啖便吃完了，估計唔夠飽！我之後都要另外買個麵包先夠飽。都係習慣傳統一嚿嚿嘅牛腩，所以如非沒選擇，應該不會再去了😓

位於銅鑼灣登龍街既麵家裝修乾淨光猛加開放式廚房環境坐得舒服 !而餐牌上係主打食港式粉麵配以特色雞白湯底招牌雞白湯工序繁複 精心熬製8小時嘅湯底湯頭風味濃厚兼無味精 真係可以飲晒個湯💯🌟秘制慢煮牛腩撈麵店家自家炆既慢煮牛腩肉質軟腍且保留到肉汁而湯底揀左鹹鮮甘香大地魚雞白湯麵底係採用🇭🇰超過50年老字號永樂麵廠 超有香港情懷撈埋一齊食好好味🌟咩都有麵揀左雞白湯同河粉湯底色澤呈現奶白 味道清甜鮮香而河粉係採用超過70年既雙喜粉麵廠河粉滑溜且吸收晒湯嘅精華👍🏻而配料有店家自家包既新鮮包既雲吞雲吞好大粒夠晒足料加上櫻花蝦嘅香氣更特別另外仲有墨丸,牛丸,魚蛋,牛腩同貢丸夠哂豐富😋絕對係用心製作嘅小店 值得一試👍🏻

呢日放工行過銅鑼灣登龍街😜見到呢間新開嘅麵家好似唔錯💖我同朋友都第一次食，所以貪心啲每人都揀咗一碗乜都有嘅麵🥰咩都有撈麵面底好爽口，蔥油嘅味道食落好香🥰裏面嘅餸菜有勁大粒嘅雲吞，裏面有原隻蝦仁之外，仲有陣陣鹹香嘅櫻花蝦味道😜仲有肥瘦適中，唔會黐牙，炆到好軟腍腍嘅牛腩✨丸類方面有魚片同埋彈牙嘅魚蛋🫶另外有好香菇味嘅香菇貢丸、好Juicy嘅牛丸同埋墨魚丸😋咩都有麵另外朋友就叫咗碗湯米，更食得出呢度嘅雞白湯底都唔錯👍過嚟呢度食麵一定要落埋呢度嘅自家製辣辣地嘅菜脯，令到成個面更加惹味啊😇

今日同朋友去左銅鑼灣食麵，覺得呢間有人情味嘅小店。我哋叫咗-招牌櫻花蝦雲吞麵 -牛筋麵 同埋時令油菜招牌櫻花蝦雲吞麵雲吞是自家包，新鮮櫻花櫻花蝦，搭配彈牙麵條和清湯。湯底清淡而鮮美，讓整碗麵的味道更加突出。自家熬製湯底，可以飲晒碗湯。慢煮牛筋麵是自家炆特別適合愛好濃郁口感。牛筋燉煮至軟爛，與彈牙麵條形成絕妙的搭配。牛筋：肉質鮮嫩，醬汁濃郁。佢哋日熬少八個小時嘅湯底，湯底濃厚牛骨湯，充滿肉香，讓整碗麵更加美味。他們用既麵係超過50年老字號永樂, 河粉係超過70年的雙喜，香港制造。今次服務員非常之有禮貌，下次一定要再幫襯。Today, I went to Causeway Bay with my friend and found this little shop to be very warm and welcoming. We ordered:- Signature Sakura Shrimp Wonton Noodles- Braised Beef Brisket Noodles with Seasonal Choy SumSignature Sakura Shrimp Wonton

今晚喺銅鑼灣想食粉麵，見到有間新開嘅麵店。店內靚裝修，乾淨企理，環境幾好。再加上麵係用超過50年老字號永樂粉麵廠，性價比高。雙拼麵自選了雲吞和秘制慢煮牛腩，自家炆的牛腩的肉質非常嫩滑，慢煮的工藝讓肉吸收了湯底的精華，味道濃郁。雲吞的皮薄餡多，超大粒！搭配日熬至少8小時的湯底，招牌大地魚雞白湯湯底清甜，非常誘人。粗麵吸附了湯汁，口感十分滿足。三拼撈麵自選了雲吞、牛筋和秘制慢煮牛腩，牛筋同牛腩都軟腍入味，雲吞另上跟雞白湯，濃郁卻不油膩，忍唔住飲晒。總的來說，這兩款麵各有千秋，湯麵與撈麵的多樣化都值得一試。

走入登龍街揾下午茶嘆，看見有新店「麵家」，裝潢光亮簡潔，再看看窗櫥的餐牌，嚴選老字號麵粉廠各款乾麵，湯底熬製超過八小時，而且還有新張三重優惠大放送添，蠻吸引啵。我的下午茶湯麵：招牌櫻花蝦雲吞麵~先呷幾口招牌雞白湯，喚醒沉睡的味蕾，爽滑的蝦籽麵掛起濃郁雞白湯吃， 味道鮮香無比。比乒乓波還更大的櫻花蝦雲吞，櫻花蝦味道香濃細緻，鮮蝦爽滑，還有咬落脆卜卜的蟹籽，口感清脆，櫻花蝦雲吞麵揉合港日的味道，將傳統的美味保留，添加入新元素，將雲吞麵變得新穎，更具時代感。家人的下午茶三拼湯麵~牛丸~鮮味彈牙。秘製慢煮牛腩~肉味濃郁。金錢肚~不靭不爛，炆得火喉剛好。菠菜麵 ~麵質軟滑。招牌大地魚雞白湯~鮮香味甜。腩汁菜心~可選蠔油或腩汁。我們同選紅茶花伝檸茶~很喜歡櫻花蝦雲吞，外賣回家煑給家人享用，家人都喜歡櫻花蝦雲吞。

二刷雲吞麵，上次食蝦子麵都好食👍🏻兩個湯都好好食，不過個人更偏愛大地魚雞白湯，湯頭係好濃好足料係會有記憶嗰種！食完之後愛上食雲吞麵，唔似平時嗰啲湯底咁淡茂茂，再另外加醋都好好食，雲吞勁足料👍🏻👍🏻 新寵雲吞麵愛店❤️

雲吞麵嘅湯通常係大地魚 但佢竟然有雞白湯😳✨慢煮牛腩撈麵 大地魚雞白湯 $66本身揀左腩汁撈面 但發現再沾下個湯仲正😍好香大地魚味 最正係牛腩 肥瘦均勻 超腍完全唔洗咬😱✨櫻花蝦雲呑魚蛋河 雞白湯 $63湯底好清 雞湯味重 配麵飲左幾啖都唔會覺得口渴🤤難怪店員話個湯熬左8個鐘 試得出真材實料 無味精😋雲呑好大粒😱河粉係採用70年香港老字號雙喜😆📍地址: 麵家銅鑼灣登龍街18號V Point地下3號舖

《麵家》發掘到一間位於銅鑼灣登龍街，用🧡經營嘅麵家。餐廳主打自家製濃厚雞白湯🐔每日用超過8️⃣小時熬製湯底，冇味精，唔洗怕食完會口渴。鋪頭仲採用香港永樂粉麵廠製造嘅乾麵👍🏼👍🏼🍜咩都有麵(配招牌雞白湯) $78一碗入面真係包羅萬有，雲吞、墨丸🐙牛丸、魚蛋、牛腩、貢丸都齊曬。鋪頭最出名嘅櫻花蝦雲吞🦐大大粒，入面除有蝦仁，仲有蝦籽，真材實料😍入口蝦味濃郁，值得一試🤤🍝秘製慢煮牛腩撈麵 $66（配招牌大地魚雞白湯）慢煮牛腩睇落肥瘦均勻，入口軟淋，牛味啱啱好，零牛膻味。淋上自家製蔥油+小量大地魚湯🐟容易啲撈之餘，仲令成個撈麵味道升華🤩鹹鹹香香，一啖又一啖，越食越香🤌🏻🌟Tips1.湯怪注意‼️可以免費加湯噢🥰2.可以加埋自家製惹味鮮辣菜脯🌶️入面有加櫻花蝦，小小辣，真係更加惹味😋🥬時令油菜 (配腩汁)$22🥛豆漿$12☕冷萃烏龍茶 $15📍地址：銅鑼灣登龍街18號V Point地下3號舖