麵屋丸京

營業中

休息中

偷偷放自己假，約咗朋友一齊去新都會hea下，我哋好似發現新大陸咁，喺嗰度坐下hea下咖啡，感覺好寫意，事前我已經喺openrice 先search咗葵芳有咩好嘢食，最後被麵屋丸京既叉燒鋪面吸引住，決定來試下，我哋大約7:30來到，舖面細細，眼見得20個坐位左右，格局好似日本舖頭，可惜我唔記得影相，難怪見openrice 的食評都話要等位，我哋好幸運不用等位，不過要搭枱，感覺同陌生人坐一枱，說話有點唔自在。我哋各自點咗一碗拉麵，我點咗濃湯極上叉燒，係唔係好吸引呢？濃湯真係好濃，而且食到最後有點而咸⋯我一來就飲咗湯，所以半熟蛋味道已被濃湯蓋住咗，但係睇到都覺得好靚⋯好治癒🥰朋友點咗地獄真叉燒拉麵，其實係我哋唔想搭沉船，而同都想試兩款湯底同叉燒既分別，最終結果大家都比較喜歡假叉燒🤣，真叉燒應該係慢煮，保留肉汁比較滑，但食到有點筋，不過好似未熟既感覺，至於地獄湯底，試咗一啖覺得偏辣，可能我比較怕辣，所以我都揀濃湯。

葵涌就是一個奇怪的地方，出名的拉麵店多，數得出的就是麵屋丸京，没有其他賣拉麵的地方嗎，有是有的，就是新都會廣場內的俺流塩，但作為第四間分店其獨特性就及麵屋丸京的首間店鋪，這三年丸京在葵芳一支獨秀，你可以在Openrice或Google搜尋，丸京的好評較俺流塩的多。近期如果有細心打聽有關丸京，丸京的店舖目前有三間，但口碑一，而與丸京有相關的一京早前在長沙灣開了第二間店舖，過丸京和一京的餐牌巳再相同，一京多了京風炸雞、兒童餐及伊比利亞豚烤腩肉拉麵。麵屋丸京的真叉燒清湯拉麵我每次到來必吃及推介，過今次到來想試地獄湯拉麵，加上真叉燒拉麵有6塊叉燒之多，實在驚慌過飽，另外要了自家製餃子。值得一提，我星期日晚上六時入座已經九成半滿座，丸京五時半開始經營晚市。地獄湯拉麵到來，蕃茄般的紅色湯底增進食慾。拉麵濃湯呈半漿狀態，外表整體錯，但是辣度只是很普通，如果要有地獄體驗便要自己用枱面的辣粉加辣。叉燒只是普通叉燒，有肉味但不及真叉燒般肉質細嫩，由於用切肉機切片厚度較薄，用筷子一夾很快斷開成小塊。溏心蛋也是一樣的鬆軟，又是用筷子一夾就散，蛋黃全呈溏心啫喱狀，口感錯，滿口蛋香。整個地獄湯拉

朋友介紹話葵涌廣場對面馬路間拉麵好得，好多朋友都話好食,但每次經過門口都排隊，有時見佢八點到就收咗😱😱😱😱今次好好彩,8點幾左右唔使排隊,但只系得翻清湯最後叫左清湯半熟蛋拉麵($68)最初諗住清湯會好淡冇乜味果種,但係濃度又適中唔會太淡，叉燒都好鬆軟唔會太鹹，而D麵質都幾彈牙。最欣賞係半熟蛋做得好好😳😍食落真係流心有蛋汁，完全覺得只蛋係依碗面嘅精華😂😂美中不足系因為地方較細，本人比較大份😂,搭台同對面有D頂到腳，要屈住個人坐,有少少辛苦。總體感覺都唔錯，下次可以再試下其他湯底。大家去開平葵芳不妨可以試下

朋友間一直瘋傳吹捧牛頭角間丸京好食，夜晚係葵芳行街發現呢邊有分店就非常期待地直接入去入去店員介紹有個真．叉燒拉麵，係採用日本最先端技術——真空低溫調理(慢煮)烹調，咁特別，張相又鋪晒粉紅叉燒咁就試下啦★★★真．叉燒拉麵先講賣相，Umm....只能夠講圖片只供參考...？慢煮製成呈現微微粉紅，不過想像唔到係非常吸睛(?)嘅玫瑰花瓣我影呢張就已經自己執過同落咗filter可能我唔識欣賞，口感唔似叉燒反而有d似厚切Parma ham口感...? 肉質睇落鮮嫩但咬嚟係好唔習慣嘅又咬唔斷嘅感覺，真係唔識點形容。個人感覺原本嘅叉燒可能仲比較好食=,,,=拉麵份量中等，唔算太掛湯，味道偏少少鹹同會有口渴感但據聞係無落味精？！總結嚟講試下就好。。。係一碗好有風格，好睇個人口味...嘅拉麵會搵機會試下牛頭角果間睇下有咩分別嘅......麵屋丸京整體評分★★★地理環境★★★★葵芳站行5分鐘左右都易搵到普通日式拉麵小店，都幾多人嚟食有D擠逼服務★★★★店員Nice有禮食物★★★唔太合個人口味...會鍾意普通叉燒多d價格★★★日本拉麵嚟講係咁上下啦試下都ok嘅......

成日聽人講丸京既拉麵好好食局長我一直都等緊機會去試下到底係有幾正到左今日終於有機會去試下 睇下到底係咪吹大左先先講下鋪頭 好典型日式拉麵店既格局 有吧枱方便一個人坐低食 亦都有兩張四人枱 咁我今日一個人去就被安排左去吧枱坐啦！四周望一望d環境 發現店內都幾企理 題外話 其實每次局長我去哩d日式餐廳 不論係咩野類形 居酒屋又好 拉麵店又好 壽司店都好都會仔細聽下佢間鋪頭係播緊乜野background music  因為如果入左日式餐廳 但係bgm唔係播日文歌 成件事好奇怪 唔知大家有冇同感呢局長我成日覺得一係你就唔好播 一係你就播純音樂 一係你就播日文歌局長我最唔喜歡就係係日式餐廳聽到韓文歌果d 明明食緊日本野 你話我去食韓國野就話姐！而今次丸京就係播緊日文歌 仲要有幾首都係我自己好鐘意既 加分加分講返正題 佢地menu好簡單 得4款basic 拉麵再加一款每日限定既真叉燒拉麵湯底分濃湯同清湯 食得重口味既我緊係揀濃湯啦 而局長我咁岩又比佢既限定兩隻字吸引住所以就揀左真叉燒拉麵濃湯啦 一上到黎見到真係好多叉燒呀因為佢既真叉燒係用低溫既方法去煮 所以真係非常之嫩滑 仲有種溶係口既感覺 局長

係葵芳睇完戲，又掃下附近有咩好食。呢間拉麵好似幾好食，又唔係離商場好遠，行過去試下啦。去到6點鐘左右，又唔係好多人唔使等位，睇Comment話平時好多人排，可能我地早到啦😆。呢度拉麵有分濃湯同清湯，我個人最愛濃味野，所以一定揀濃湯。佢仲有個限定既 真。叉燒拉麵，好似每日得好少個，又仲俾我叫到，一於試下先。好鬼多塊叉燒，感覺非常良好。叉燒粉紅色好似未熟咁，原來係因為真叉燒拉麵啲叉燒係慢煮出來，所以個肉好嫩口好淋身，豬肉味仲好重。整體來說係幾唔錯。

之前一直經過都見到出面排哂隊有日興喜想食拉麵，時間仲早就去左試麵屋丸京啦價錢都唔算貴 又唔洗等位所以就啦啦臨入去坐低啦我地叫左一個濃湯豚骨拉麵同一個濃湯極上拉麵濃湯極上拉麵我地落左單太概幾分鐘就有得食啦，上餐既速度好快佢個濃湯真係好好飲，好濃厚既豬骨湯味，飲飲下會食到應該係豬既肥膏，但整體唔算油膩麵係中等粗幼，麵質係我中意既偏硬另外個麵底都唔少 普通食量都夠飽極上拉麵個賣相好吸引，有成6塊叉燒咁多佢啲叉燒係薄片上好腍好易入口，唔會乾到好似食柴咁貼心抵讚係如果唔好食蛋既話，唔要蛋仲可以平10蚊㗎，所以我地個極上拉麵就只係$78如果食到中段覺得湯有啲濟，可以加佢啲醋，個感覺會冇咁油膩㗎枱上面都有凍檸檬水可以自己斟啲staff都態度都唔錯 面帶笑容整體黎講會有下次

1號公眾假期的中午，踏入新一年，加上是日公眾假期，中午時分街上仍沒太多人，店內中午1點仍只有 2位客人，比起平日lunch time人頭湧湧是二個天地。分別點了“豬骨濃湯义燒拉麵”、“無义燒濃湯拉麵”义燒拉麵有3片燒义，不肥不膩，流心蛋香口軟綿，配上竹筍和濃湯，美味可口無义燒拉麵比想中美味，不想吃太多肉的朋友是最佳選擇，濃湯配上粟米粒香甜，加上紫菜、竹筍、流心蛋，口感也很豐富飽肚 店內雖小，拉麵款式不太多，但味道取勝！

天氣凍凍地 最啱食啲熱辣辣既野5點半睇完戲 就諗下食咩好諗起平時搭車經過見到排晒長龍既拉麵店咁今日不如趁早食啦咁就實有位小店真係好細 大幾20個座位有兩張枱同一行吧枱入到去見到最入果張枱已留座而我已經要坐吧枱Menu得4種選擇 都係關於叉燒既黎得呢度當選要食六塊叉燒見到自家行餃子漲卜卜幾靚 就心動叫埋食物好快送到 大概5分鐘見到咁多叉燒好開心雖然話6塊 但1塊叉燒就好似其他拉麵店叉燒2塊叫左極上叉燒拉麵 同真叉燒比 係個叉燒煮法唔同不過呢個都好好食 係無咁淋 但都有肉味湯底叫左濃湯飲落好濃豬骨味麵係硬身既 好有咬口 係我鍾意既（menu無得揀麵硬軟）至於餃子好juicy 應該係白菜餡唔會話好勁肉味 菜係多啲既皮薄 多餡 多汁店有日本飲品賣或檸檬冰水滿足既一餐

呢間鋪頭仔係葵芳嘅另一邊，近球場同街市。一般人都比較難搵到，的確幾隱世。我住咗呢頭咁耐都第一次食。見佢個真·叉燒拉麵咁巴閉，一日只賣廿碗，就嚟試一試佢。再嚟多個正常叉燒拉麵PK一下。1. 真·叉燒拉麵淨係個份量，都已經值回票價啦！由於佢係慢煮嘅關係，叉燒粉粉地色，相當之腍同好嫩滑。配上濃湯，簡直係上品之作！2.濃厚半熟蛋拉麵相對上，呢碗嘅叉燒係冇咁腍同嫩，但都比出面嘅好食。佢隻糖水蛋蛋汁豐富，好香蛋味。整體上成個拉麵都配合得好好。但麵底相對地普通，以葵芳區嘅拉麵嚟講，佢都可以算係第一。呢間鋪頭雖然相對葵芳主流食店難搵少少，但絕對係值得一試。其實除咗葵廣、新都會之外，葵芳都有唔少隱世小店值得去發挖一下！

今日食男朋友話全香港最好食嘅拉麵🍜咁誇張！真係咁誇張呀！我哋每次黎都會叫濃湯極上拉麵🍜😍😍因為真係好食過清湯好多😂😂濃湯有啲油脂好正，我一定會揀埋隻流心蛋🍳！！個湯底雖然係有啲濃，但唔會好鹹，而且幾大份，每次我食到差唔多最尾剩返少少都會俾我男朋友食埋佢😂😂而且價錢都算合理，同其他拉麵差唔多👍🏻👍🏻，大概100蚊一個人就搞掂😍😍不過，座位有啲少，晚餐就要早啲去排隊等位啦😝😝

對麵屋京丸既背脂念念不忘，我又黎啦！一星期食兩次又系半生卵拉麵$78，葵芳呢家分店既湯頭比九龍灣既油啲，叉燒肉質柔軟，好食系好食，但太薄片，對食肉獸黎講真系攝牙罅！

呢間係一間不過不失拉麵鋪首先佢地方唔算好大 如果二人同行就要靠邊坐 環境都尚算乾淨 不過雜物很多 要走動都不是太方便當日試咗 真。叉燒拉麵 佢推廣話係用最新嘅真空低溫技術處理 令到肉質外表似半熟 但徹底加熱消滅細菌可以安心食用 作為一個不斷試新野嘅食家 見到咁嘅廣告點可以唔試食拉麵當然要試過湯頭先啦 第一啖佢嘅湯頭算係清甜 但越食個感覺越嚟越喊 個嘴唇有少少麻痹 不過佢嘅拉麵幾有口感 值得一讚另外佢呢碗麵嘅主角真叉燒 我係第一次食半熟嘅叉燒 個肉質好嫩滑 味道唔錯 鍾意食叉燒嘅朋友呢個值得推薦總體來講 6.5分 如果諗唔到食乜嘢又鍾意食叉燒嘅朋友 可以嚟呢度一試Angielababy上

葵芳拉麵選擇吾多,朋友非常推介呢間👍👍我一早就到 唔洗排隊真係好點知一試就愛上了,呢間餐廳算抵食, 個個都話必點濃湯但我仲點左個清湯佢既豚肉咬落同拉麵味道好夾😂😂👍👍湯底好飲....我會encore

食厭左葵廣/新都會，一於行出少少搵食！離葵廣五分鐘路程就有一間小小既拉麵店。午飯時間黎到，坐位不多，但不致於要等位。繁忙時間，二人需靠邊坐。唔似大型拉麵店買弄湯底/賣相，睇menu時看上去幾乎差不多，一眼睇哂有四五款。都係在於有蛋無蛋、多肉少肉😂加一款招牌主打。湯底簡單分為清湯/濃湯。「清湯」係指豬骨清湯加上醬油，而「濃湯」係清湯之上加上背脂(脂肪粒)去還原濃濁油脂。另外，丸京主打日本最先端科技真空低溫調理叉燒都十分吸引，但今次就先試個普通款先！．🔸濃湯極上拉麵 $88極上拉麵較真叉燒拉麵平少少。價錢已包括叉燒、溏心蛋同筍，相對抵吃。叉燒份量絕對係一大賣點！足足有成六大塊，氹氹轉舖滿哂拉麵上蓋！每一塊都切得好薄透光，口感柔軟。麵底一般。對於我依啲重口味人士，幾時都會揀濃湯。濃就夠濃喇，但未夠厚。不過對於拉麵黎講，都可以接受。如果係沾麵，湯就未必掛到麵。．by VIN環境分數: 6/10食物分數: 7/10