影片
更多
2018-09-16
1056 瀏覽
食厭左葵廣/新都會，一於行出少少搵食！離葵廣五分鐘路程就有一間小小既拉麵店。午飯時間黎到，坐位不多，但不致於要等位。繁忙時間，二人需靠邊坐。唔似大型拉麵店買弄湯底/賣相，睇menu時看上去幾乎差不多，一眼睇哂有四五款。都係在於有蛋無蛋、多肉少肉😂加一款招牌主打。湯底簡單分為清湯/濃湯。「清湯」係指豬骨清湯加上醬油，而「濃湯」係清湯之上加上背脂(脂肪粒)去還原濃濁油脂。另外，丸京主打日本最先端科技真空低溫調理叉燒都十分吸引，但今次就先試個普通款先！．🔸濃湯極上拉麵 $88極上拉麵較真叉燒拉麵平少少。價錢已包括叉燒、溏心蛋同筍，相對抵吃。叉燒份量絕對係一大賣點！足足有成六大塊，氹氹轉舖滿哂拉麵上蓋！每一塊都切得好薄透光，口感柔軟。麵底一般。對於我依啲重口味人士，幾時都會揀濃湯。濃就夠濃喇，但未夠厚。不過對於拉麵黎講，都可以接受。如果係沾麵，湯就未必掛到麵。．by VIN環境分數: 6/10食物分數: 7/10
唔似大型拉麵店買弄湯底/賣相，睇menu時看上去幾乎差不多，一眼睇哂有四五款。都係在於有蛋無蛋、多肉少肉😂加一款招牌主打。
湯底簡單分為清湯/濃湯。「清湯」係指豬骨清湯加上醬油，而「濃湯」係清湯之上加上背脂(脂肪粒)去還原濃濁油脂。另外，丸京主打日本最先端科技真空低溫調理叉燒都十分吸引，但今次就先試個普通款先！
．
🔸濃湯極上拉麵 $88
極上拉麵較真叉燒拉麵平少少。
價錢已包括叉燒、溏心蛋同筍，相對抵吃。
叉燒份量絕對係一大賣點！
足足有成六大塊，氹氹轉舖滿哂拉麵上蓋！
每一塊都切得好薄透光，口感柔軟。麵底一般。
對於我依啲重口味人士，幾時都會揀濃湯。
濃就夠濃喇，但未夠厚。
不過對於拉麵黎講，都可以接受。
如果係沾麵，湯就未必掛到麵。
濃湯極上拉麵
$88
148 瀏覽
0 讚好
0 留言
濃湯極上拉麵
$88
98 瀏覽
0 讚好
0 留言
．
by VIN
環境分數: 6/10
食物分數: 7/10
張貼
