麵屋黑岩

營業中

休息中

老顧客幫襯左5次up😂今次的起心肝出下食評～個人推介海老拉面呢一款加底👌🏻因為鍾意食偏濃既口味，每次黎都一定係叫海老呢一款，櫻花蝦米出黎效果非常咸香惹味😋另外可以自選叉燒或肩肉😋每片都厚厚的，但我個人是推介選叉燒～肥瘦度剛好又唔會太油膩。原隻溏心蛋生熟度岩岩好🥚麵底係正常拉麵既粗幼度。對比其他地區食既拉麵，下下都$100up一碗仲要勁少料，有時仲要連半隻雞蛋都冇或者得一片肉😥真心呢個價位都算係咁了，但唯一唔好就真係樓面店員既態度確實係不太友好。但除此以外，過開去深水埗區都係會再去的🤭真心好食CP值高既拉麵🍜

普通拉麵簡「慢煮叉燒」的話正常會跟2塊叉燒。叫左個加大套餐（紫菜，叉燒，蛋），諗住食多塊叉燒拉。點知黎到得1塊慢煮，1塊火灸，total 2塊。問佢點解明明加大左都同冇加大既一樣，得2塊叉燒，個staff 話因為火灸叉燒厚過慢煮，所以原本簡左慢煮既2塊會減一塊，話係公司policy，真係吹漲。個logic 完全錯晒。比extra錢要個加大套餐就係想食多啲，點知連原本應有既份量被剝削，真心_9！仲有，雖然未去到嬲但都想講…我同朋友2個人12:30左右去到，完全冇客人。佢叫我坐兩個人位勁逼勁窄，明明仲有好多位。好聲好氣問佢可唔可以坐四個人位，佢就話因為中午繁忙時間所以要留位。咁我就話如果一陣真係有好多人嘅話先轉枱，之後就被西面。但其實我食完走咗佢間舖頭都係冇客人嚟。 呢個都算，最嬲真係佢個搵笨加大套餐！

同個囝去食一人叫一碗下午茶餐，好難食，送既炸物小食完全唔熱又淋，每人食左半碗有野落肚就算，男服務員態度ok，廚房2個女人，不值一提服務，無服務可言，個囝一出黎就講以後唔好黎食

𓌉◯𓇋【深水埗 麵屋黑岩】上次去深水埗一心一意諗住食丸京，點知佢突發性休息😑😑打開open rice 見到附近呢間黑岩好評甚多，將錯就錯試一試▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 黑蒜拉麵〔$82〕拉麵共有七項選擇，但感覺都係換湯唔換藥，叉燒可選擇炙燒同慢煮豬肩，麵質可以選擇軟硬度，若然抗拒蔥類亦可選擇椰菜，非常彈性！我選擇硬麵、火炙叉燒，等候時間大約10幾分鐘，對於拉麵而言等候時間有點長。 拉麵上枱賣相唔錯，但一試之下就….首先Order 硬麵，但麵條明顯已經浸軟，重鹼味，而且湯頭唔熱，應該係店員煮好拉麵，落埋湯再去燒叉燒湯底蒜味還好，但極極極咸，一向食拉麵會飲湯既我完全無從入口肥瘦適中既腩肉叉燒係唯一成功之處❀加配 紫菜、味玉、叉燒 〔$20〕三樣野共加配$20 都ok, 叉燒係火炙叉燒，而朋友碗麵選擇慢煮豬肩再加配亦都係配腩肉叉燒，味玉有味而熟度剛剛好❀唐揚雞 〔午市加配+$5〕有1.5 件，味道冇咩好投訴▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃埋單之際，發現男店員兼顧上菜、煮麵、插飲管、收銀、收拾、以至洗碗，雖然全能，但手上手套從一而終，衛生問題堪

見到禁多好評，愛食拉麵既我又見近近地當然唔會錯過，點都食左先講入門口，無人招呼，自己搵位坐，坐完先有人問你幾多位，仲要係無乜禮貌果隻我揀左最受大眾歡迎既櫻花蝦拉麵加$20大盛（紫菜、蛋、叉燒）揀左火炙叉燒如圖湯底還好，有滿滿既櫻花蝦叉燒算係有驚喜，好淋，唔算好肥拉麵無特別，份量正常最失望係隻蛋，佢同普通係屋企自己煮既白烚流心蛋無分別，而且仲要係你加錢先有得食最後，如要飲水要自己倒，另外叫野飲，最平都要$9蚊支仲要係細枝裝既汽水無咩服務，但全單會收你9%服務費🤣收完錢連基本禮貌多謝都無句總結，可以試但唔好抱太大期望，性價比低，接受唔到無服務既應該會幾燥底

麵屋黑岩地址: 深水埗長沙灣道219號地下#yauyau_深水埗以前打波嚟食過一次覺得好好味，價錢又ok，五年後再番嚟食都覺得好好味，出咗名都冇差咗，值得大家去食番碗。🍲🍤海老蝦湯接麵 $82 + 加底$20我叫咗加底，佢有多一隻糖心蛋，一塊叉燒同埋一塊紫菜，個湯底又好重蝦米味，係濃到會有少少甘甘呼呼地嘅口感，整得相當之濃郁厚身，拉麵亦都好掛湯，連埋我一路食一路飲少少，最尾都係得返好少湯係底，佢隻蛋有一個好出色嘅糖心，蛋白全熟，只有個蛋黃會留一啲半熟蛋液出嚟，咬一啖就成個口都係蛋黃香味。佢嘅叉燒都有好認真咁樣燒過，食落超香，油脂同肉比例好靚，甘香鬆化。🍲🍲辛辣味拉麵 $80叉燒同個面，就同上面嘅形容一樣。佢嘅辛辣湯底精華係在於中間嗰一堆肉醬，食入口好香辣味，有一種七味粉嘅鮮香，但係又唔同米線舖種辣味，係種比較清新嘅辣，即係辣得來想繼續食你會想飲水，但係呢佢係唔需要飲水，你都好可以繼續享受住嗰種辣度到繼續食落去。味道: 4.2/5服務: 3.5/5環境: 3.5/5番兜: 4.2/5#深水埗美食 #美食 #好吃 #instafood #foodstagram #foodphotograp

好耐無食過拉麵🍜心血來潮想食一下首先揀咗湯底先😌 叉燒可以慢煮肩肉同火炙叉燒二選一，配菜可以揀蔥或者椰菜辛辣/慢煮肩肉/椰菜 $80追加 紫菜，溏心蛋，叉燒 +$20食頭幾啖覺得辣到都可以接受，之後會越食越辣🤪肩肉好淋，仲有少少入口即溶嘅感覺唔多拉麵店可以轉椰菜，所以都即刻轉一轉爽口嘅椰菜配彈牙嘅拉麵，口感好豐富海老/火炙叉燒/蔥 $82櫻花蝦嘅份量超級多😍 湯底熬得十分濃郁火炙叉燒好厚身👍汁煮蘿蔔 $12用鏗魚汁煮到啲蘿蔔入曬味除左拉麵，餐廳仲有幾款唔同嘅小食比大家追加，仲有日本生啤🍺 唔係淨食拉麵咁齋

本人首次光顧呢間店舖，但將會係一生中一個最難受的一次用餐體驗。本人跟友人各點一碗拉麵，首先入黎淨係問你幾位，我地睇完餐牌諗住下單，店舖態度怠慢，完全冇提過話用qr code落，要人問先講。上餐速度正常，拉麵麵質正常，但湯底偏咸，最原味個款都係偏咸同好油膩，約夜晚8點幾光顧，本人同友人事前根本唔知道呢間店舖收2100，落單店員完全冇提及過，又冇講用餐時限，本人慢慢食，食到咁上下店員開始收走友人既碗盤，但本人仍然進食中，後期一放下筷子，個女店員竟然問我「你唔要架喇嗎？」，趕我同友人走，態度又西又串，仲揶揄人話佢地店舖就黎收廚房要洗碗咁，阻佢收工，又話「通常拉麵食好快，唔會搞到d麵發晒先食」，我從來食飯未受咁既氣，「要食下次早點黎」，大佬我們點知道你收2100，其實落單可以提醒客人，或者明確標示用餐時限，店家都可以選擇唔接order，last order過左，客人又唔一定要幫襯，店家都無權規範客人中意d麵浸淋少少咁食定即刻食晒，口味人人唔同。如果事先樣樣列明及提醒，就可以避免事情的發生，大佬幫襯你仲要受氣，呢d店舖幫襯之前諗一諗，我就唔諗，一定無下次。如果香港得佢一間拉麵館，我會寧願以後唔食

起香港 要搵間正常味道 口感 湯嘅膠質感其實都幾難黑岩係我覺得所有野都正正常常嘅一間佢最好嘅地方係可以比你揀叉燒一係燒 一係慢煮我比較鐘意燒完d油脂感 所以食左4次都揀佢面都有得揀軟中同硬我覺得食拉面最好揀硬 會彈牙d今次揀左櫻花蝦 味道都幾濃 我身為重口味拉面湯底人士係好鐘意但係 成個面82蚊 你唔加20蚊係無蛋同紫菜得2舊叉燒其實係好失望講真 蛋呢d咁基本配料都要加錢先有 仲要本身個拉面算中價位都仲要加錢呢一點真係好扣分但佢隻蛋係唔差 入面蛋心食到微甜 應該有用過味林浸過 呢一點就好過其他拉面店另外一點想講下 就係佢地d 員工唔點理你但又唔係無禮貌個種整體嚟講 味道正常 性價比中下

💎總評分：6.5/10 個日突然想食拉麵，所以經過見到呢間拉麵店又唔洗等位就入左去食叉燒可以揀火灸/ 厚切咁我地就2款都揀曬，火炙叉燒大半塊都係肥膏，不過火炙後有啲焦香味咁幾好食至於厚切叉燒顧名思義都係會厚肉啲，不過肉質就比較乾身拉麵就比較硬身～🦐海老拉麵 $82有大量櫻花蝦係面頭湯底應該有加埋蝦殼一齊熬煮，所以蝦湯味幾濃，我覺得好飲過黑蒜湯底🧄黑蒜拉麵＄82呢個我另外加咗溏心蛋，咬開都有流心，煮得啱啱好。呢個湯底嘅黑蒜味十分濃，我覺得有啲鹹，比較啱啲重口味嘅人我覺得整體不過不失，湯底可以稍微調淡啲，因為食完之後都keep住好口渴，應該就唔會再黎lu~

📍麵屋黑岩今次試下呢間喺深水埗既拉麵店🍜店舖唔係好大間 但成日經過都見到幾多人所以都吸引左我入去試試▪️拉麵有多款可以揀：原味、辛辣、醬油、黑蒜、海老、鏗魚同蟹肉～▫️麵可以揀返岩自己既軟硬度▪️配料可以揀慢煮肩肉或者火焰叉燒但溏心蛋想食就要追加～今次揀左黑蒜同蟹肉拉麵🔹黑蒜拉麵$82呢款喺豬骨湯底加大量既黑蒜，黑蒜味道非常濃郁一上枱就見到滿滿嘅黑蒜，其他拉麵店通常都無咁多😳 自己揀既慢煮肩肉好嫩滑 唔會好硬好厚黑蒜湯底真係好濃郁～加埋岩哂鍾意重口味既我😆🔸蟹肉拉麵 $86估唔到蟹肉拉麵都有幾多蟹肉仲有埋蟹膏好正 價錢差幾蚊我會推介大家揀蟹肉拉麵！試埋佢既叉燒真係幾正 肥美但唔油膩追加左溏心蛋～拉麵有蛋開心啲😆呢到拉麵款都算多，如果假日都有套餐就更好，因為食完黑蒜拉麵會想配下飲品～📍 麵屋黑岩 (深水埗)深水埗長沙灣道219號地下#happy_foodie_深水埗#hkfoodie #hkfood #hkfoodblogger #hongkongfoodie #hkdaily #hongkong #hkramen #japaneseramen #hkfoodshare #foodlove

黑岩拉麵深水埗長沙灣道219號地下📍如果想食拉麵，千祈唔好揀呢間：🙈🙈🙈1️⃣湯唔夠熱2️⃣性價比低出去平時食拉麵，會包半隻糖心蛋，依度係冇包既（淨係包一塊叉燒），要加（$12），或者加大（$20 包紫菜、蛋，叉燒）1️⃣原味拉麵湯底淡，冇咩豬骨味，唔建議2️⃣蝦拉麵淡淡蝦味麵質：硬麵，小小彈牙整體：普普通通，想食清淡d可以試下。價錢：💸💸75～85總結：有小小中伏，口味既野好個人，我唔鍾意食姐，不過個湯真係唔夠熱。

發現一個洗碗阿嬸洗完碗可以直接去燒叉燒，就算唔夠師傅都冇理由由洗碗阿姐頂師傅個位。如果你人手不足，乾脆唔好開門。對日本飲食文化最基本嘅衛生都冇，完全唔識尊重自己同客人。裏面嘅黑色筷子，用紙巾抹完會發覺佢甩色，用佢食麵都唔知會唔會中毒。另外最離譜係碗麵裏便發現有鋼絲刷啲鋼絲，個女收銀同我個仔講下次補返舊叉燒俾你，連最基本嘅對唔住都冇講和退款都冇，我唔報衛生署係因為想早啲返屋企，一間咁唔衛生污糟邋遢嘅舖頭，留返大家去冒險啦。

這間深水埗拉麵店，位置好方便，C1出口直行兩分鐘便到達。除了方便外，還要好有水準。我每次來，都是食名叫海老的蝦花蝦拉麵，價錢$86。今日帶埋小朋友來，所以追加$20有替玉+紫菜+叉燒。店員服務態度真係好，没有要求小朋友都要自己點一碗麵，另外比多個碗我們分享。湯底富香濃海老味，櫻花蝦份量又多，慢煮肩肉又冧又滑，炙燒叉燒厚身有口感。另外，拉麵店還有提供玻璃樽裝，可口可樂出的一系列飲品，都只是$9。餐廳裝修企理，整體很滿意。

第一推薦——海老。櫻花蝦好香份量又足，湯底鮮味令人念念不忘，每星期都想食一次。原味豬骨湯底清甜，配上慢煮肩肉，不用多咀嚼，入口即溶，小朋友最岩食。「黑蒜」對我來說則有點鹹，對比「原味」及「海老」略遜一籌，但蒜味十足，「蒜頭控」可能有另一體會。拉麵價錢夠親民，基本價由$74至$86。另加我最愛的玻璃樽裝汽水、檸檬茶或桃茶，每樽都只需$9，值得大大加分，比膠樽裝好飲好多架。目測餐廳坐位不多於30個，但比某些出名的拉麵店已多出一半位，很好👏🏻👏🏻👏🏻👏🏻。最重要是不用在門口食塵呆企等待⌛️。不要以為門口排長龍的食店便更加吃香，實情是質素相若或較差，只是某些拉麵店只有10餘個坐位。而且食店裝修企理，枱與枱之間距離恰到好處。可以一班人光顧，一邊食，一邊有傾有講。