麵飽廊

營業中

休息中

路過「麵包廊」，聽到店員大叫﹕「剛剛出爐既蛋撻呀! 買4送1 架! 試下啦~」就係因為聽到佢話係剛剛出爐，所以我就入去睇睇喇 但我無立即買蛋撻，因為我見到佢地d麵包都好似好好味，幾吸引 所以就揀左幾款喇~孖寶菠蘿油﹕最出名既 菠蘿油當然唔係呢度所賣的啦...不過我見佢表面有兩片牛油咁...所以就買左喇~ 唔...食落去到唔錯，牛油都幾香，個包都夠軟熟~ 不過，個菠蘿脆面就緊係唔夠 「金華」出品果d啦~ 但都唔錯架喇~洋蔥雞肉包﹕買佢，因為係平日d麵包店少見有呢款包出售 d餡....真係有雞肉同洋蔥既~ 不過d味就...淡左d 係一個只得個名少見，味道就無咩特別既包啦~蛋撻﹕一個原本 $ 3.5，買4送1，原本真係幾抵既~ 不過我食唔到咁多呀!! 我仲要去 牛頭角下邨度搵食，所以唯有買貴少少啦~ 曲奇皮同酥皮既，各買了一個。食左後既感覺就係...曲奇皮既唔夠鬆脆.... 酥皮既又唔得酥皮.... d蛋又無乜蛋味..... 唉...好彩無買5個咋~ 阻住哂我胃納 下次都唔會再買喇~我個人覺得今次剩係得個孖寶菠蘿油較好味啦~

初初見到真的很odd...估不到這兒竟然有cheesecake.......anyway,即管試一試吧它的texture很滑,很乾,不過芝士味不太突出,餅底不是消化餅,我覺得是自家製的.很有heart呢.而蛋糕上的blueberry很新鮮,不過也coated with 一層薄薄的啫喱.不知是否因為吃時不太餓,吃很有少許滯的感覺

芝麻-just baked,個邊少少脆,中間個心都ok黑.咬落去有少少芝麻,好有口感芝士-都係just baked,texture同芝麻味一樣,但係唔知點解次次食親都覺得咬落去果一下有d似肥膏味.???無咩芝士味

又係中式糕點.分4層,原用返馬拉糕的糕.中間並沒有蛋黃,但係佢o既custard幾香.食完成個,個人覺得好滿足,好warm,好smooth!唔好同茶樓比較呀..因為係兩種唔同的做法!

size好似比之前細,但係味道都keep得到,濕度啱啱好,軟綿綿,係食食下feel到個lips有油.custard味道好比酒樓.

藍田滙景商場分店.兩日早上都因為要開會而選擇買這裡的三文治做早餐(飽肚些嘛).蛋治即時整, 熱辣辣, 雖蛋不算很滑, 但也算有蛋味和質感, 好過有些蛋治只有其色無其味.茄旦治我反而覺得麻麻, 很怪, 一冷一熱.

對我嚟講，唔理乜包物包，新出爐就是好包──熱辣辣，想難食都難。這附近，蛋撻王午市主打外賣飯盒只有麵包三兩隻；Panash大概跟我八字相沖讓即使是我從剛廚房托出來的盤中夾取還是永遠夾著凍包；但這裡一時至二時總有出爐麵包，總是先出咸包如叉燒包吞拿魚包肉鬆包腸仔包，再出甜包如椰絲卷菠蘿紅豆菠蘿奶黃，味道雖不特別出眾但都算水準以上且取價公道（我還在金鐘某新張超市吃過味道平平但價錢絶對不平的$4.5普通尺碼菠蘿包呢），惟一要彈就是紅豆包和雞尾包饀料太甜。

面包非常鬆軟,好有蛋味同埋奶味.係我食過最好食的排包. 而且都係$7.5 ,都幾抵呀!

因為要做蛋治,所以就去左茜廊隔離呢間面包店買方包. 一入門口就見到一排全白巳去皮的白方包. 通常全白色的食物,如蛋糕,椰汁糕......係最能吸引到我的. 厚厚的面包,(真的比起普通方包要厚),有八塊,食起上黎好軟熟,煙煙un un,唔會有面包醉跌出黎. 夾蛋治一流呀!價錢又平.

見佢芒果布丁做特價只係$5即買一杯來食..點知十分失望...個布丁既味道好假又無咩芒果肉又唔香又唔滑, 食多啖都唔想既感覺..要食完一杯都幾吃力下..絕對唔會再買

依期成日都食pizza包, 今次食粟米火腿薄餅包, 佢個餡真係好rich, 超多粟米同火腿, 而且有好多沙律醬, 暖暖地都ok wor, yummy

等o左好耐, 一口氣食o左3個包. 整體都ok, 但唔係wa一聲o個隻lor.肉鬆腸包: 有d spicy的肉鬆, 有d磨菇腸, 都ok多wor. 但我估熱d會好味d.甜之之: 佢又係有好多肉鬆係面, 所謂甜, 我估係因為佢內面有d lemon味的cream, 不過真係好少, 少得可憐, 如果多d我覺得會好好味.另外有一個特價品, 全蛋xx, 其實係double version的蛋tart, 但係我覺得太滯la, 同埋因為係高身d所以中間d tart皮會淋d, 所以食番蛋tart重好.好多人問有冇菠蘿包, 可能好好食, 下次try try sin.

回家時，到茜廊隔鄰的「麵包廊」買幾件西餅回家。付錢時，看見那有關咖啡恐龍蛋包的推廣，才知道這兒是「聖x娜」同集團。跟著就知道呢幾件餅唔會好食。經過半小時車程，回家立即把它們放入冰箱，便忘記了。直至翌日早上，小表弟妹來我家玩，打開雪櫃隨便挑了件吃，頻呼「好味」。小表弟吃的「德國芝士餅」（$5.5）：有濃厚檸檬香精味道，味道微酸，芝士醬軟滑。居然價廉物美。小表妹吃的「芒果蛋糕卷」（$5.5）：賣相漂亮，得小妹妹歡心，蛋糕部份鬆香滑溜，芒果忌廉部份不差，唯頂部的杧果略酸，但都算價廉物美。老爸的「紐約芝士餅」（$8）：呢個味道唔差，但顏色黃得好誇張！！我挑了「雜果忌廉蛋糕卷」（$6）：賣相味道跟「東海x」的差不多，價錢平兩蚊。算食得過。以連鎖餅店而言，比「聖x娜」和「君x」好些少，亦算平。但應該冇下次。

近來試過佢地既蒜容多士都幾正. 個包夠軟d蒜容又夠多同香. 仲有佢地有d QQ芝士波同幾抵食只係一元一粒仲有紅豆同芥辣味. 宜家只要買滿10元就有一個印花, 儲夠11個下次可以減6元.

我去既係黃大仙分店因為屋企o係附近不時都會幫襯買麵包其中五穀方包係我既至愛片片都切得厚厚加埋包本身有既五穀種子好有口感至正係放左一晚先整奶醬包食包身仍然好軟熟好味道又滿足蕃茄包亦好香蕃茄味又軟熟搽吞拿魚醬黎食好夾