麵館皇 (已結業)

我想在相隔幾個舖為某出名拉麵店排長龍的人們也許不曾考慮過這小店，但我總是毫不考慮就走進這店。沒有特色的裝修，有的只是平實的木台木地板，有的只是平實又親和的阿姐。價錢還是大眾化的，我點了一份口水雞拼刀削面，飲熱檸水，也只是52蚊。而份量是很大份的，口水雞十分入味，咬落雞味彼濃，雞皮夠曬滑，沾上辣椒油吃，真是風味上佳，而且大大份，唔洗就住就住吃。值得講的是刀削面，伴隨著滾燙的充滿著藥材味的熱湯而上，面身爽滑，放久了也不怕脹起，聞著撲鼻而至的藥材味，喝一口熱湯，食一啖滑do do的刀削面，不用趕時間，真好.

因門外寫著“牛腩灌湯”不知為何物決定一試。原來只不過是一碗雞湯米線放在一個人家吃石頭飯的鐵鍋裡。煮牛腩時沒考慮到會放在鍋裡再一次滾熟，出來的結果是牛腩淡而無味，有如在吃㷛過湯的瘦肉。如非在登龍街鄰近的食肆爆滿，這間食肆連作果腹的選擇都不如

小肥其實已經好耐冇叫外賣食，今次叫都係因為自己朝早趕住返工，漏咗個飯盒喺屋企。為咗要寫食評，所以特登揀咗一間每日返工必經而自己又未試過o既「麵館皇」。XO仔好怕等，故此叫親外賣一定會預早十分鐘打電話落單，夠鐘先去自取，慳埋貼士 。細細間o既「麵館皇」，大約有四至五張四人枱，燈光較暗，地方不大吸引，好在接線生夠醒目，效率高，十分鐘內嗰麵已經準備好，小肥比完錢即閃。 小肥叫咗碗水餃雲吞刀削麵（$45），湯底味道正常，冇乜特別。刀削麵份量都算多，水餃雲吞各三隻，不過因為水餃同雲吞層皮發到好脹 ，所以雖然看似好大隻，但似係食麵粉多過食餃子，加埋咁多刀削麵，感覺自己喺度食緊麵粉餐咁，食到個肚又飽又脹，結果更飯氣攻心，喺公司度狂放蚊 。除咗有效率高o既伙計只外，「麵館皇」o既食物真係未能取悅到小弟 ，下次如果要再叫外賣，個人會選擇試其他餐廳囉！

今晚食上海菜做中秋, 經過麵館皇就入去試試.  叫咗一個酸辣水餃麵餐,一個糖醋魚客飯再加一個甜品豆沙鍋餅. 一間小店黎講, 真是十分不錯.酸辣湯麵足料, 有點Surprise好大碗.糖醋魚客飯不過不失, 可讚是魚肉是新鮮, 我覺得唔鮮先會去炸.菜飯不夠菜, 多少少會好D.甜品做得幾好, 不是好油.

好幾個星期前的事了,和識在微時的高中同學一同上教會後決定吃點午餐閒聊一下,都是希望嘗試新的食物就走到教會附近一間小店吃吧吃的是上海麵食,友人點了一客酸辣湯麵,我就點了一客灌湯牛腩拉麵,我們再加一客小籠包,飲品當然是豆漿了!灌湯牛腩拉麵很大的一碗,和韓國石鍋飯的感覺相像,一整頓飯麵裡麵食都能保持熱度,牛腩煮得很淋很入味,湯底加有一點藥材,感覺像在飲補湯拉麵,加上荐和牛腩,雖然很熱但是不錯的,不過份量真的太大了,我吃了7成左右吧!友人的酸辣湯麵我也淺嘗了一點,也是不錯,沒有過酸,吃了2口還是不錯的!小籠包皮有點厚但多汁,油份又不多,小店水準來說不俗,而飲品豆漿豆味十足,只恨不夠大杯在熱天一飲再飲吧!

上星期經過見到佢有刀削麵就好興奮，終於好兩日來試試啦 炸豬扒刀削麵麵：刀削麵個麵本身麵條厚道不一，有啲地方好似煮唔熟，重有麵粉味湯：味精 + 水豬扒：似煎多過炸 青瓜涼伴 - OK la...

星期一晚8pm搵地方開飯, 經過麵館皇, 有位阿姐企喺門口宣傳, 就入去試吓. 8pm繁忙時間都係得兩檯客.我哋兩個人叫咗兩個餐再加一個細籠嘅小籠包同一碟菜. 上海水餃拉麵 - 一碗水餃拉麵連一杯豆漿係$36. 都算價錢合理啦. 一碗有四粒水餃, 份量適中, 味道不過不失. 寧波三絲冷麵 - 一碟冷麵連凍飲係$38. 三絲係指雞絲, 火腿絲, 同青瓜絲. 我鍾意佢夠多麻醬, 幾好味. 小籠包 - 小籠包就一般啦, 略嫌個皮太厚, 不過$20五粒嘅價錢嚟講都算ok㗎喇. 蒜茸炒時菜 - 一小碟炒時菜係$20. 是日時菜係白菜仔, 幾新鮮, 唔會炒得太老. 至於服務方面, 啲阿姐都好殷勤, 會介紹話套餐抵食, 亦好勤力咁喺門口拉客. 總結: 食物品質同價錢都合理, 一試無妨. 不過唔會突登去幫襯, 如果經過都可以再食嘅.

正式回到港島區工作了, 第一天上班, 總是早到目的地的. 時間有多啊, 那就先行找一家未吃過的地方, 輕鬆食返個早餐, 好讓自己精神一下.不記得以前這是什麼店了, 反正這店已一早準備好, 有奶茶咖啡有麵. 那就無妨的試試看, 同試試新店.服務的人, 是一名國內的佳麗, 她只懂皮毛的廣東話. 這樣, 我只好用國語同佢溝通. 看過MENU, 都是叫一碗麵食較好, 而且, 這店實際上是一家上海麵店. 那當然要一客上海麵, 配上港式茶餐的煎雞扒.在上海式的麵店, 食港式的早餐麵, 這樣的配搭, 的確是香港獨有的. 雞扒, 是加了少許蒜蓉去醃製, 食落帶點香口. 帶點香蒜味. 麵底, 今次是上海麵, 而且是幼麵. 幼, 但一樣帶煙韌, 湯底比較清, 令到整個麵, 最突出了, 就是蒜香味的雞扒了. 可是, 其沖調的港式奶茶, 就不太好飲了.吃飽, 行去新公司, 開始人生的新一頁.