麵館皇

營業中

休息中

此為自費食評，無收任何優惠，酬勞平安夜的午餐，小絲選擇推薦我喜愛吃的刀削麵。由尖沙咀坐渡輪到中環碼頭再步行到銅鑼灣，到了這裡已經好攰，所以入到店已急不及待坐下點餐。麵館皇最出名就是藥膳湯底，所以平常不吃藥膳湯底的我都點來試試。花雕醉雞配藥膳湯底自家製米粉$68藥膳湯底清甜之餘，帶有淡淡的藥材味，容易入口，保身暖胃。自家製米粉比平常吃到的米粉更加幼更加滑，但不算很結實，所以彈性一般。主菜花雕醉雞有點失望，以這個價錢，雞的份量不多，雞肉同雞皮之間呈啫喱狀況。雞肉嫩滑程度一般，最可惜是花雕酒味存在感薄弱，再加上藥膳湯底互相抵觸，令花雕酒味蕩然無存。鮮肉北京水餃$12/2隻豬肉水餃餡料用上所有豬肉，無加入任何菜類。豬肉帶有胡椒同薑，所以味道同上海小籠包非常相似，水餃皮薄身，韌性欠奉。特級手切牛頸脊配芫茜刀削麵$85刀削麵麵芯富彈性，麵兩邊呈波浪形象，更容易掛湯，非常適合藥膳湯底，做到應刀削麵應有特徵之餘做附加芫茜味。手切牛頸脊形狀有點像打邊爐一片一片的肥牛，欠缺手切那種隨意感，當然牛味比普通肥牛重。份量都只是一般。另外就是要稱讚這點用來乘載食物的器皿有很好的保溫能力，吃完整碗麵，這個碗依然微暖

去開銅鑼灣行街，見到間幾出名嘅刀削麵麵店，好想試佢嘅特色刀削麵🥘。面底選擇好多，有拉麵、手擀麵、自家製米粉、米線等。湯底🥣除咗清湯、藥膳湯，鍾意食辣嘅你都可以揀太子湯底（小辣/中辣/大辣)，選擇繁多🙆🏻‍♂️ 想食飯嘅你都可以揀湯飯，跟餐仲可以用優惠🈹嘅價錢加小食同特色飲品🥤～總有一款啱你。*每個餐+$12 - $15 可以加配一個小食🥢.《叔嫂傳珍糖醋魚刀削麵》 🍜 $68糖醋魚好香口同多汁，酸酸甜甜嘅開胃👍🏻 咬落去魚塊幾脆，配健康嘅三色椒🫑！今次呢個刀削麵揀咗藥膳湯底，偏淡味，較健康。《五香鹵水豆腐乾》+$15有五大塊豆腐乾，豆腐軟身，有蔥花同豉油點綴。幾入味，香甜！《家郷祖傳豬軟骨刀削麵》 🍲 $68豬骨湯底清但入味，有豬軟骨肉🤩 好 juicy、多軟骨多肉！啖啖肉，有滷水味👍🏻 配椰菜。刀削麵比較厚身，飽肚。《黃金豆沙鍋餅》 🫘 $48六塊，豆沙鍋餅個皮幾脆😋 入面個餡都幾多紅豆🫘！好少係麵館食到呢個小食《零系可樂》🧃+$8

這裡以其獨特的藥膳湯底和雞肉而聞名，我係點了一碗落湯雞米粉。這碗雞米粉的底湯清澈，卻擁有深厚藥膳味道。每一口都能品味到濃郁的雞肉風味，口感滑順。米粉本身軟嫩入味，與湯汁的結合完美無缺。除了鮮雞米粉，還點了一份鮮肉水餃/菜肉雲吞。雲吞皮薄而有彈性，每一口咬下去都能感受到細緻的口感。內餡則是由新鮮的豬肉和香料混合而成，味道鮮美。每個水餃和雲吞都相當豐滿，充滿了肉汁，搭配餐廳特製的醬汁，更能提升風味，十分美味。麵館皇提供了清淡口味的麵食又有濃郁風味小食，選擇多，質素也不錯。特別推介藥膳湯底，麵食入味，用料足，鮮味非常。

今晚來到了一間地道平民小店，餐廳環境不大，樸素裝修，勝在員工親切友善，氛圍十分輕鬆自在~我點了白切雞，豬軟骨，肥牛藥膳砂鍋米粉，見到一上枱，砂鍋還是滾燙的，米粉好吸湯，要吃快點，湯底藥膳味濃郁👍🏻 配餸份量好足，豬軟骨好入味，而且好有口感。這個餐我們有額外加了蒸炸雲吞，北京水餃好吃，好推薦！男友點了特色口水雞芫荽刀削麵，口水雞份量非常多，十分惹味，刀削麵口感好好，滑溜溜，好特別，而且口味清新😋

Recommended by my friend as I was craving for a bowl of hot soup noodle. My friend brought me to this restaurant claiming this place could satisfy my crave. Restaurant wasn't as big as those commercialised noodle restaurants, but definitely crowded. Menu served different types of noodle, sides and rice sets. We ordered drunken kitchen in Chinese pappardelle, vegetarian in sliced noodle with added Chinese bakchoi and cabbage wontons and crispy red bean pancake. For drinks, we asked for their suga

呢日食lunch去麵館皇，有藥膳湯麵或飯餐定食揀❣️ 而我就想食麵，麵類都仲可以揀：拉麵、刀削麵，手擀麵、米粉、河粉… 幾乎乜都有～ 然後餸類都應有盡有～ 而我選擇困難唔想揀，於是點咗「成年人不作選擇」嘅刀削麵，全部都要😆 所以有齊晒雞牛豬（切雞件、豬軟骨、牛頸脊片）～ 唔夠再加碼要多兩粒白菜及小棠菜蒸餃～藥膳湯麵成鍋上不得了～ 藥膳湯好清甜，加有雞件，令湯味更鮮，真係好適合呢個天氣漸涼嘅時候食，好補身～刀削麵有咬勁，彈牙好食～ 最正係豬軟骨夠大件又炆得夠腍～ 雞件好有鮮雞味，唔似冰鮮～ 牛脊肉爽口～ 樣樣都有仲份量十足，真心抵食！而蒸餃都唔味精，食到白菜清新味，唔油膩～ 好健康～

銅鑼灣暖笠笠藥膳湯麵館皇 呢間係呢一區都開咗好多年 主打藥膳湯刀削麵 最多人鍾意 因為佢哋每一鍋都熱辣辣咁上 藥膳湯清清地 而且藥材味幾香 如果冬天食會加分（餐牌圖片會放OpenRice）.⭐️豬軟骨藥膳湯自家製米粉$68👌🏻豬軟骨好大舊 係比較爽口嗰款👍🏻刀削麵都值得一題 師傅一條一條削出黎所以口感會粗又不一 帶煙韌口感.⭐️太子雞翼3隻$26 👍🏻炸得好重手 所以一定好香脆 如果滿$200會送.⭐️口水雞$68👍🏻越食越辣 雞皮下面仲有啫喱👍🏻可以見到啫喱嘅雞 肉質一定唔會差.⭐️餃子$12 2隻👌🏻正常水平 不過都幾大粒.#hkfunfoodrecord窮遊香港#hkfunfoodrecord_銅鑼灣.#麵館皇 (銅鑼灣)地址：銅鑼灣登龍街32號地舖.⭐️評分：味道：3.8/5環境：3/5 服務：3.8/5抵食：3.8/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長

麪館皇傳承傳統手工藝，佢哋堅持新鮮製造，自家製無添加，除咗有招牌刀削麵，仲有手擀麵、菜飯同年糕等多款選擇😋🍜秘製麻辣口水雞藥膳灌湯麵 💰6️⃣5️⃣麵底揀咗呢度自家製刀削麵，另外又新推出芫茜刀削麵，麵條煙韌有咬口！湯底濃而不咸，飲得出唔係味精湯呢！最特別嘅係麻辣口水雞，大大件肉質嫩滑，口水汁夠香夠辣🔥🐔藥膳灌湯鮮肉雲吞&水餃 💰6️⃣8️⃣有四款餃可以揀，10粒可以選兩款口味！韭菜雲吞香氣四溢，而鮮肉水餃則飽滿多汁，餡料足料十足！湯底仲可以轉酸辣湯添太子雞翼 💰3️⃣6️⃣太子雞翼炸得皮脆非常香煎蔥油餅 💰2️⃣9️⃣鍾意食蔥嘅朋友就必點，即叫即整，蔥嘅味道特別香，唔會太油膩仲可以加$3加配雞蛋🎈麵館皇🎈銅鑼灣登龍街32號地舖

記得有一年自己做嘢好凍，食晚餐嘅時候誤打誤撞入咗呢間餐廳，之後從此就愛上咗，因為佢嘅湯底係用咗藥膳，飲落肚非常之暖胃而刀削麵亦都非常之煙靭，口水雞都十分之足料，加埋杯豆漿就真係一個完美嘅上海菜！

麵館皇 地址：銅鑼灣登龍街32號地舖Lunch想食刀削麵～食咩好呢🤣？特级手切牛頸脊(刀削麵)藥膳🍜$75牛頸脊質素真係好好，兩者肥瘦適中花紋條理分明，牛味香濃😜，加上藥膳湯底味幾重又香濃清甜唔肥膩，感覺好健康好開胃，再配上口感彈牙刀削麵，好特別呀😜。秘製麻辣口水雞(刀削麵)藥膳🍜$68大大份口水雞十分惹味😎，件件雞唔單止滑嫩十足而且仲好夠香辣，再配上藥膳湯底味香濃清甜唔肥膩，好開胃呀😊。炸鮮肉能京水餃🥟12隻隻餃子都滿滿餡料皮唔會太厚🤩，豬味好香鮮肉好夠肉汁🤣，口感不錯CP值幾高。熱/涷豆漿🥛$9豆漿香濃絲滑，啖啖都飲到有少少豆香味😊，而且唔會太甜，不錯😙。#nicefoodie銅鑼灣----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #delicious #breadfast #dinner #lunch #restaurant #eat #phtoof

每次來到銅鑼灣想不到吃甚麼的時候都會過來登龍街看看這次就來到一家主打藥膳湯底的刀削麵館😁週日晚上人來人往，感覺很受歡迎👏🏻‣ 成年人不作選擇 ($80)菜名頗有趣🤣其實就是將三款最受歡迎的餸菜合三為一分別是香滑落湯雞、家鄉祖傳豬軟骨和特級手切牛頸脊而這碗刀削麵採用藥膳湯做湯底湯底就藥味不會太重濃度合適，喝完很暖胃🫶🏻刀削麵做得不錯切得夠薄、口感煙韌彈牙‣ 藥膳灌完湯鮮肉水餃 ($68/10粒)水餃很飽滿🥟餡料很新鮮、有汁❤️皮也很夠薄，很好吃‣ 香煎葱油餅 ($29)葱油餅加了雞蛋(+$3)煎得挺香的口感也夠煙韌‣ 即磨豆漿($9)豆漿口感綿滑不會很甜能喝岀是新鮮磨的‣ 香滑奶茶 ($9)茶味突出、甜度適中茶和奶比例剛剛好💭 C͟o͟n͟c͟l͟u͟s͟i͟o͟n͟餐廳位置不多上菜速度非常快食物質素不錯價錢也挺合適值得回訪❤️💰Total: $198 ($99pp 無服務費)📍麵館皇銅鑼灣登龍街32號舖

今日去咗銅鑼灣行Sogo，thankful week掃完貨好肚餓🙆🏻‍♀️夜晚天氣涼咗唔少，好想食返碗熱辣辣湯麵暖暖身🍜諗住行去登龍街搵野食，見到有間新開嘅刀削麵坐滿晒人，標榜新鮮製造藥膳湯底，咁養生，岩哂我😋用熱鍋原鍋上，食到最後都依然可以保持熱度，抵讚👍🏻🔹雙拼水餃及雲吞（10粒）要咗韭菜雲吞、大白菜及小棠菜水餃各5粒～粗身韭菜味道香濃，半肥瘦豬肉鮮香又JUICY❣️水餃內餡係大白菜拼小棠菜🥬甘甜可口，食落爽口清甜，不油不膩。🔹香滑落湯雞配自家製米粉原本想試招牌刀削麵，但係見到米粉係自家製就叫黎試吓～香滑落湯雞大部份都係雞髀肉，啖啖肉好嫩滑，份量又多，好足料🍗自家製米粉索滿藥膳湯底，幼滑得黎仲好彈牙，再飲啖熱辣辣藥膳湯，暖胃一流💖🔹藥膳糖心蛋糖心蛋呈現完美流心狀態，賣相吸引🥚🥚帶有淡淡藥膳香～🔹太子抄手六大粒抄手，鮮香麻辣夠哂惹味🔥 皮薄潤滑，餡料飽滿，飽肚之選🤝🔹自家製無糖茶茶味清香唔苦澀，飲落清爽又解渴🙌🏻麵館皇✨📍銅鑼灣登龍街32號地舖

麵館皇位於銅鑼灣登龍街，店鋪選用新鮮優質食材，採用傳統烹調方式，提供一碗碗具質素的刀削麵。週末下午到訪仍然座無虛席，可見深受客人歡迎。<家鄉祖豚豬軟骨> $68豬軟骨揀配搭刀削麵+藥膳湯底，亦可以配搭普通豬骨湯底。藥膳湯底味道不重，刀削麵口感煙韌，豬軟骨煮得入味，雖然不算骨肉分離，但幾有咬口，而且份量很多，有三大塊。<葵花獅子頭> $66自家製米粉是店員推介，這個選擇了太子湯底小辣。詢問店員時得知太子湯底其實是藥膳湯底再加辣，小辣的辣度比想像中強，且帶有輕微酸味。自家製米粉口感確實不足，獅子頭肥瘦適中，嫩糯的丸子和辣湯底挺相襯。<藥膳溏心蛋> +$12 (加配價)溏心蛋帶有輕微藥膳味道。<大白菜及小棠菜雲吞> +$12 (加配價)雲吞可選擇炸/蒸，蒸雲吞飽滿，內餡充滿蔬菜。<涼拌青瓜> +$12 (加配價)小份青瓜切成不規則形狀，並加入醬油和蒜頭粒，爽脆開胃。<鮮肉北京水餃> +$12 (加配價)鮮肉北京蒸水餃啖啖肉真材實料。<豆漿> $9/1鮮榨豆漿帶淡淡豆香味，入口順

應該係2015年左右第一次食麵館皇當年係港島區返工 好多時收工唔知想食咩就會去麵館皇食佢嘅藥膳湯同手擀麵都真係好正 價錢亦唔貴 咁多年我都無變每次都係食呢個麵底呢幾年無係港島區返工 都一段時間無嚟 原來已經裝修咗 餐牌都換咗新 亦多咗D菜式咁岩病同喉嚨痛 唔敢食辣 就試左個新野【成年人不作選擇】有雞有豬有牛望落都幾好啊呢個成年人不作選擇嘅雞牛豬係連埋個窩上 唔係分開上個雞嘅油已經浸左落原本藥膳湯度 個湯油左就無咁好飲啦甘好似都係叫返單一個款式分開上嘅好D另外叫左個糖醋魚菜飯加左個白灼時菜 鮮肉背景水餃2粒 同3杯熱豆漿滿$200送雞翼 都係好食嘅如果唔係病左我一定會叫秘製麻辣口水雞 成隻雞髀上 啖啖肉麻辣豬肚、涼拌海帶、豆沙窩餅都好食另外要提一提佢嘅豆漿係即磨嘅 新鮮又好味

✅ Located at Tang Lung Street, only take 3 minutes walk from Causeway Bay MTR station. Super convenient.✅ The menu offers a wide variety of mouth-watering noodles with Chinese herbal soup ✅ Food is flavourful and delicious.✅ Good value for money✅ Portions are generous✅ Good food at affordable prices, a wide range of choices✅Nice place for a quick meal✅Can’t wait to return✅Servers are also great and always efficient, happy, and polite