麺処一家 (已結業)

三款拉麵分別係👧🏻妹妹推介（慢煮豬肩肉）👦🏻弟弟推介（火炙豬腩肉）👑店長推介（慢煮豬肩肉+火炙豬腩肉）❇️今次食店長推介😊🌀兩款肉都肥瘦均勻，恰到好處，溏心蛋好好味😋 反而係湯底較濃同鹹，食完比較口渴。✨但服務好貼心，會提供兩個鈎被客人掛袋，又會提供橡筋比長髮人士紥頭髮👍

餐牌上只有三款拉麵選擇，分別在於慢煮豬肩肉、豬腩肉和兩樣都有。✨食物妹之選擇 慢煮豬肩肉：麵條偏幼、軟硬度適中能掛湯。慢煮豬肩肉肥瘦適中，帶有黑椒味。拉麵湯底濃郁而不油膩，配搭紫菜和蔥花，味道更清新，最後整個喝完了。糖心蛋剛剛好，也很好吃。弟之選擇 慢煮豬腩肉：個人較喜歡豬腩肉的味道，經火炙後肉味較濃，帶有焦香的味道。湯底和麵條味道和上面一樣。✨環境地方不大，衛生可以，店員服務態度良好，提供橡筋給長頭髮人士使用。

*最近愛上了食拉麵，於是拉麵迷朋友推薦我食這間店。它總共有三款拉麵—「弟の選択」, 「妹の選択」, 「料理長の選択」，分別在叉燒做法不一樣。·🧑🏻‍🍳 料理長の選択· ✴️ 4.8 /5 ✴️拉麵選用了豬骨魚介湯底，味道濃郁，同時不油膩，魚湯香味也很突出。🐖「料理長の選択」有兩款叉燒，分別是「弟の選択」和 「妹の選択」各自配有的 ‘炙燒豬腩肉’ 和 ‘慢煮豬肩肉’ 。兩款叉燒肥瘦分佈均勻，厚薄剛剛好。 炙燒豬腩肉經過火炙後，添有淡淡焦香風味。慢煮豬肩肉顏色粉嫩，口感軟淋，調味充足同時不失肉本身的香氣。🍜麵底屬於幼麵，質地軟硬適中。配料有洋蔥粒、筍條、紫菜碎，溏心蛋要另+$10。·🌶️秘制辣醬· ✴️ 4.6 /5 ✴️ 自家製辣醬風味獨特，醬裏面有很多粒狀配料，味道辛香刺激，同時有花椒香味。(這是我食麵前怕膩才叫的辣醬，但之後發現完全不用擔心這問題）*事後朋友得知我食完這間店後，沒有叫到他認為好好食的「替玉」(即:另加麵底) ，嗯，會有下次的。*

平日lunch 放飯時間，見唔使排隊，就入去食碗拉麵再返去公司做嘢，我從未寫食評，為咗依間拉麵店，真係要破我處，從未食過咁肥淋淋同埋勁喊嘅拉麵豬骨湯底。真係一邊食一邊飲水。同埋只有兩片好細嘅叉燒，食咗好似無食過咁🙄🙄🙄同埋我真係覺得有洋蔥好奇怪，點解拉麵有洋蔥真係不倫不類。麵質地都算係唔錯嘅，個人唔鍾意太淋嘅拉麵。最最最攞命係碗麵，食完好口渴，之後全日飲咗好多水。應該係有唔少調味精。所以我唔會再幫趁😢

難得早放工，當然要食好d，決定食之前食過一次嘅「麺処一家」，印象中都幾出色，今次一個人去到等咗5分鐘就入得，全部麵都係豚骨魚介醬油湯底，然後揀肉類: 慢煮豬肩肉或者火炙豬腩肉 ，我揀兩溝要料理長之選，加隻溏心蛋 。拉麵嚟到聞到好香魚介味，試淡湯飲落唔算話好濃冇乜驚喜，麵就唔掛湯普普通通，慢煮豬肩肉幾好味， 火炙豬腩肉，食落鞋鞋地太實，整體叉燒一般，溏心蛋要加$10正常發揮。總結係期望太多注定難過，有小小浪費左次出街食嘅quota，份量唔夠食完好似唔知食左咩咁，仲係好肚餓，整體只係普通，食多次真係未必，質數下降左

在網上見到店舖的食評評分還不錯，於是與友人到該店享用午餐，知道平時都多人排隊，但今次的等候時間大約10-15分鐘。點選了妹の選択即是慢煮豬肩肉。等了大約10分鐘就有麵。拉麵湯夠熱，湯底味道過濃但無豬骨味，麵質無特別，未至於彈牙，而豬肩肉肉質略嫌少許韌，但未算差，不過紫菜碎上浸到湯已經好淋，不知道有什麼意義，寧願不要加還好。經過今次的體驗個人認為，食店整體未有別人所寫的好，可能有期望所以有點失望，試一次就好了。

朋友話成日經過呢間拉麵都排隊，今次行過竟然唔使排隊，上openrice睇食評都幾吸引所以決定一試!我地個日係平日大約6點半入坐，舖頭只有3款選擇，湯底一樣都係豚骨魚介，只係肉有分別。小朋友先要選擇，所以我地叫左料理長之選，即係兩款肉都有叉燒燒得好香 ，但係麵唔知做乜都幾硬，湯底偏咸又油，唔係講到咁出色，而且杯水有油喺面，如果係茶餐廳就唔覺得奇怪，但係呢到有返咁上下定價，就唔會預計係咁樣。總結，厚福街有好多野食可以選擇，可以試左其他先。

同事介紹講話尖沙嘴有間拉麵唔錯，話多人食要排隊，所以同約咗朋友一齊試試佢。閒日去唔洗排隊，店內都乾淨闊落。可以選擇嘅麵只有三款「妹の選択」(慢煮豬肩肉)，「弟の選択」(火灸豬肉)，「料理長の選択」(兩溝)如果想食辣可以加錢選擇辣湯，同埋可以加蛋。本人一向對拉麵要求唔算高，但無諗過收成一百蚊碗嘅拉麵，啲麵煮到淋到好似米線，同埋隻蛋食落有D酸，個湯底味道都係普普通通，食完之後又好口渴。可能太有期望，所以失望，試過一次就算，唔會再有下次

湯底夠濃，紫菜打碎可以融入湯中，糖心蛋味道和生熟到啱啱好，燒肉/叉燒生熟程度啱啱好，加上即磨黑椒味道非常濃郁，而且特別，棉質軟硬度適中，但如果可以選擇面嘅軟硬度就更加好

見到呢間拉麵店評分幾高，呢日趁得閒就黎試吓先～🤤 Menu好簡單，拉麵只有三款選擇，麵同湯底都一樣，分別只係在於慢煮豬肩肉vs火炙豬腩肉vs雙拼～ 心大心細唔知揀邊款？揀雙拼就冇煩惱啦！😝忍唔住第一件事食咗溏心蛋先～🙈 溏心蛋勁好食，蛋黃好滑溜，醬油味好香！😍豚骨魚介酱油湯底味道好濃厚，加入咗少少生洋蔥粒同紫菜碎，一齊食味道同口感更加豐富～👍🏼拉麵嘅麵質偏硬身，有咬口，都好掛湯～兩款豬肉我更鍾意火炙豬腩肉，因為更肥美、香口，而且佢加咗少少辣醬喺上面幾惹味～😋

每一次去尖沙咀諗唔到食乜，都會行去厚福街，睇睇麵處一家有無開門，有就點都入去食返碗🍽️🍜麵處一家只賣三款拉麵，湯底、麵底都一樣，三款麵只係叉燒做法唔同。慢煮既係妹の選擇、炙燒既係弟之選擇，至於兩樣都有既叫料理長の選擇。貪心既我每次都係叫料理長の選擇，一次食到唔同口感既叉燒。麵處一家既拉麵toppings會有蔥碎與洋蔥碎，外面比較少有，可以中和湯底既油膩感🙌🏻👍🏻雖然好多人都推介替玉，但每次食完個麵都飽晒😂食唔到

其實我本人對食拉麵都冇乜特別研究，亦都唔係超級粉絲😅呢一間純粹係經過，食午餐入去快食嘅一間拉麵。但係意料之外味道非常好😋👍同埋員工都幾友善，喺厚福街入邊嘅中間舖，地點方便。份量都夠我一個女仔食，但係我嗰日唔算特別肚餓，所以剛剛好。😌

今日係尖沙咀 想食拉麵 KK隊員提議今日食好啲🤭🤭 食佢係尖沙咀最中意既拉麵店 麺処一家弟の選択($105)糖心蛋(+$10)本人點左 腩南燒得好香 有脂肪層有肉層 一齊食感覺唔會好肥 會好香既肉味 好想食多幾舊 但剩係得兩舊🥺🥺食完第一舊 會想留住剩低個舊 慢慢食 但又會忍唔住 受到佢香味既吸引 食左😋😋糖心蛋🐣🐣感覺好好 感覺係用左醬油 味醂 等等個啲調製過 味道好吸引 蛋蛋生熟情度都好好 有糖心 就快流出黎既感覺 好有蛋味 蛋黃部分好香♥️♥️感覺自己可以食好多好多隻 一定好滿足😍😍但只係加左一隻 因為錢錢有界限🥺😂湯係 豚骨醬油魚介湯 味道香濃 唔會肥 自己本身唔大對魚介有興趣 但都感覺有驚喜 可以飲好多 本人已經飲哂😂😂如果可以加飯 感覺應該會更充實 幸福😍😍拉麵 軟硬度 唔可以揀 但佢軟硬度都適中 本人比較中意硬啲🤭😂今日拉麵既追求體驗都好好 好多人排隊 差唔多等左半個鐘 期間我哋都冇放棄 堅持今日想食好啲✌🏻😌✌🏻

本身個lunch 未落格，都唔算肚餓咁嚟食early dinner，但食完都唔覺得飽，肉同拉麵嘅份量都好唔夠，味道算中上，但唔係好似之前啲食評寫到咁眼前一亮。店員會好殷勤咁斟水俾你，但攞杯個陣唔會攞低啲，會掂到你飲嘅杯口位。然後係2023年，當AI都識同你傾相對論嘅今日，佢地都仲係只收現金。又唔係啲小本經營嘅隱世店，喺尖沙咀咁旺嘅區，租台八達通機都唔肯，實在難以理解。Hmm… 老實講，唔會再幫襯😵‍💫

成日經過哩間拉麵都排隊，今晚竟然唔使排隊，所以坐下試下！點咗碗店長推薦拉麵，慢煮叉燒OK幾滑，但系火焰叉燒好鞋。D麵都幾煙韌，糸有心做嘅，可能系肚餓的關係，我叫多咗個麵底，麵底都幾大，先加多$20,系幾抵嘅。不過湯底又咸又漏，食完第一碗，加底嗰個食唔到，太頸渴！足足連飲三杯水🥵，其實有心做豬骨拉麵，唔應該放咁多調味和味精。總結，食一碗可以，食第二碗就太漏，唔系令人食完又想食嘅拉麵。😢———————————————-