麺匠 真武咲弥 (已搬遷) 新店位置

​ 中午係灣仔有啲野做，所以都決定喺附近食啲嘢， 我都算係好鍾意食日本嘢嘅女仔，所以拉麵都係我必食之選。 依家香港地有好多唔同嘅拉麵店鋪， 每間拉麵店嘅質素着眼點都唔同， 有啲就着重拉麵湯底，或者拉麵本來嘅質素， 叉燒材料質素亦尤其重要。 煮干醬油拉麵$70+半熟蛋$11 平時嘅拉麵價錢大約係80幾蚊， 但係見到有一款係一日只能夠買20碗， 主打湯底用咗沙甸魚加埋醬油。 本身包咗一塊紫菜同埋一件叉燒， 湯底如果加上旁邊的柚子鹽和姜蓉， 反而會更加清甜好味。 未加 已加 如果唔加嘅話本身會更加又鹹香濃味。 叉燒其實都OK，不過唔算好入味或者好滑，變左唔係重點。 麵質也正正常常，賣點是湯底！ 啲香蔥其實都可以算係重點，吊起成碗面嘅鮮味。 加埋個流心蛋真係一流，因為個蛋同出面嗰啲唔同， 起碼真係成隻但都好甜，有好多都係外面好鹹裏面好甜⋯ 食過就知有幾滑！食呢度嘅拉麵一定要加！ 綠茶$15 麺匠 真武咲弥 灣仔春園街10號

常常帶媽媽周圍吃的我，因上班和媽媽去旅行，已很久沒見媽媽了今天上班前，特意過海，一齊吃個拉麵吧。大食的我，單單一碗拉麵也要加料。更加點餃子和炸雞哦炙り味噌拉麵$85炙り味噌拉麵包括:1塊叉燒，荀，+10粟米，+10紫菜，+11玉子，拉麵玉子做得剛好，咬下濕潤滑溜蛋汁爆開，實在令人興奮。唯蛋味不算太濃味噌拉麵可選辣度。我點選普通，想不到也幾辣的哦味噌味咸濃重，湯底略油，甚重囗味。入囗真的有重鑊氣的感覺，名不虛全，令我感驚喜哦！另一令我想再來的原因是，那煙靭Q彈的粗曲麵條軟硬適中，掛滿豬油和蒜的味噌湯頭，實在令我想加替玉阿！餃子$45一客5隻的餃子，味道令我有回到日本的感動餃子皮煎至焦香，帶鐵板熱烤的味道，煙靭豐滿肉汁，值得一點。

來自日本的拉麵，以鑊氣湯底岀名，帶點中式的味道。今天友人帶我來，一齊吃午餐。雖只有有3款拉麵選擇，但客人可是超多呢炙熱醬油拉麵 $80炙熱醬油拉麵，內有叉燒一片，芽菜等等，另+10紫菜，+15叉燒，+11半熟蛋。看上去非常豐富哦，紫菜約有5片，芽菜清甜飽滿，叉燒厚肉大片，唯不屬太過軟腍入味，但也很滿足呢。醬油湯底較味噌湯清，入囗有醬油的咸，甘醇香濃， 但也有炒過的鑊氣感，非常特別，非常值得一試。炸雞$55自家制的炸雞也非常值得一點，炸皮超薄，炸得不油，滿佈炸雞香氣。入囗脆薄，和一般的炸雞不一樣哦。每賣一碗炸雞，更會做慈善去，值得支持支持

今晚同閨蜜相聚，大家都想食拉麵，就決定一試這間受歡迎而又未嚐過的拉麵店！店子坐位不多，剛巧門口有2人座，順便可透過玻璃欣賞廚房內的製作。有3款拉麵選擇，貴精不貴多，望著門口廚房入面廚師泡製湯底既鑊氣，真心款款拉麵都想試勻。配料勻可追加。我選擇《炙熱醬油拉麵 $80》，再追加《紫菜+$10》、《粟米+$10》、《味付玉子+$11》、《叉燒+$15》、《綠茶+$15》。麵條比一般粗，有嚼感。湯底質感及味道濃厚，但又不至於咸，相反地好香口令人愈食愈起勁，拉麵連湯底一併入口更是一流。但，切記要襯熱食，因為放涼後湯底會略為油膩。然後再點多碟《餃子 $45》。餃子皮薄餡多，咬開仍有湯汁。離開時店外已開始等位～天氣轉涼吃碗熱騰騰的拉麵真是不錯的選擇！服務：有禮貌！

同朋友去完利東街影燈飾佢話附近有間食拉麵好好味話個湯底好濃味所以我哋就走咗過嚟食環境光猛，見到都有唔少外國人食緊叫左碟餃子兩份食餃子皮都薄，表面煎到少少脆而且唔算好油膩餡料亦唔易散，唔錯唔食辣既我點左炙り味噌拉麵旁邊係廚房，隔住玻璃可以見到廚師將湯底炒過先在倒落麵嗰度，所以個湯底係特別濃郁麵嘅份量都啱啱好，我就另外加左蛋同紫菜所以食完成碗都已經好飽食完咁濃味嘅嘢，飲埋支綠茶清清個口腔味道啱啱好

近排天氣開始有小小涼意, 一個人o係街行到肚餓既時候就想食番碗拉麵~ 呢間拉麵店門口就可以睇到師傅o係度煮湯底, 點左呢度既主打-味噌拉麵, 再加多隻半熟蛋~拉麵熱辣辣, 個湯底超濃郁, 帶點稠身, 味噌味好香, 唔會太咸, 湯底令人滿意, 而拉麵無得揀軟硬度, 好彩都夠彈牙同硬身, 而且係Vi中意既粗拉麵, 拉麵份量都唔少, 叉燒肥瘦適中, 不過半熟蛋就唔流心, 有小小失望, 但整體依然係好味既拉麵~

一直經過灣仔時, 都留意到這間拉麵, 今日一個人, 就入去食個拉麵先日式餃子, 一份六個, 份量看起來不多卻很有飽足感, 食起黎外皮酥脆，內餡有嚼勁, 煎餃皮薄柔軟，內餡汁多, 真係停吾到口咯一碗拉麵由湯、麵同配料三大元素結合而成叫左個醬油拉麵, 先飲一飲個湯, 味道幾清新甘甜, 太濃太重, 岩晒追求健康既我再食個麵條, 麵質曲身, 口感彈力, 而且掛湯能力好高, 值得一讚五花腩肉肥瘦度平衡得好好, 口感柔軟, 正👍👍😋

辣味噌湯底的濃郁口感，加入了大量的豬油和蒜, 湯頭甘醇香濃, 食完口腔充滿香氣, 辣辣地又夠惹味, 麵質更爽口彈牙, 配合埋個湯頭係絕配黎, 腩肉叉燒鬆化美味, 入口即溶, 另外用11蚊加左個流心蛋, 係完隻黎, 蛋白的口感Q彈細緻，半熟的蛋黃也挺順滑入味, 香濃既蛋味非常吸引人, 高水準!睇睇個海報, 原來每賣一碗麵, 都會捐畀慈善團體,一間細細既拉麵店都有企業責任, 實在難得, 我以後都要黎多啲先得!

假日要上堂 因此又來到灣仔用餐同行友人提議嘗嘗這間上次經過的拉麵店眼見店來都有數台食客心想中伏機會不會太大因此便入內用餐這店只有三款拉麵和兩款小食作選擇我們各點了一碗灸熱醬油拉麵$80和一客餃子$45分享小妹第一次吃醬油拉麵湯底顏色十分深色但湯頭卻咸度適中 喝後不會口乾舌燥麵條屬粗身 十分彈牙爽口拉湯能力強叉燒就普普通通 沒有什麼特別不會鞋口和韌味道就普通豬肉味～餃子都是普通貨色 內裡的是豬肉 尚算鮮美

下雨天，有點冷，總是想吃點熱呼呼的東西，於是找到公司附近的拉麵店進食午餐。一點左右來到，店內人客不算多，店舖不算大，但一個人坐4人枱也ok，對我來說吃得蠻舒服的。看過餐牌選擇不算多，這次叫了炙熱味噌拉麵($80)，麵條為粗曲，到吃完湯還是熱熱的，只是覺得有點咸😓，價錢略為貴了點(還要加一)。

去過唔少拉麵店，今次不得不分享感受第一，大部分拉麵店都唔會收加一，第一次食拉麵要俾加一有D愕然，而且全程自助，那有收加一之理第二，講食物質素，叉燒薄如紙、筍沒有味道、加大左仲好少、湯實在太滾第三，醬油湯底幾香，鹹度適中，麵亦彈牙，但第二既缺點令每一啖麵都有辣囗感覺，幾彈牙都破壞左最後，價錢，$80，加大加$15，加埋一要成$105，$105食咁既質素真係唔會有下次

一個人晚上係灣仔諗唔到有咩好食，行行下見到依間拉麵店門面唔錯就走左入去，客人不多可隨便坐。食物選擇不多，主食拉麵只有三款：味噌、辛味噌、醬油；而小食則有炸雞同餃子，方便有選擇困難症的我。最後點了一個味噌拉麵(HK$80)+大(HK$10)拉麵不用多久就煮好，味噌湯底濃郁又不咸，拉麵富有彈性，叉燒軟滑唔硬，整體優良。要扣分的是我加大(1.5x)了拉麵也僅僅夠食，分量偏少，另外要加一的關係感覺價格定位有點高呢。離開前見這間店有下午茶優惠，如果有機會會再試一次。

自從上次去了銅鑼灣某家拉麵店食過味精後，一直跟男友喋喋不休地抱怨香港吃不到好拉麵，日本過江龍也不過如是，諸如此類的問題，男友見我為此事悶悶不樂一段時間後，終於在某個午後，拉我來到這家店。店很小，所以之前門口大排長龍，我們也寧可換第二家店光顧，可能因為那天是假日，沒有人龍，更可算是稀疏，不過檯面擺設，真係好有茶餐廳feel。Anyway ，食咗先講！下午茶餐的拉麵都是半份上，對於早餐午餐一齊食，下午茶餐時間醫肚的我們，真實不太夠，所以都叫多咗兩份跟餐嘅小食！自家製炸雞，好厚炸粉，似乎還炸燶了，沒期待也不算很失敗！侍餃子～普普通通，不過都算煎得幾好，口味則一般。辛味噌拉麵～加芽菜$10、加蛋$10，已經選了大辣，但都係不夠辣，辣度可能只係取決於辣粉給了多少，心裏暗暗念，不如自己落七味粉。傳統拉麵必備嘅筍干，敝人覺得似罐頭產品；不過個拉麵質地幼滑，睇落以為係皂水面，食起來卻有天淵之別，口感很好，彈牙煙韌，頗具吸引。男友的醬油拉麵，整體上，係個湯底累事。吃完離開的時候，見到廚房裡有兩個小妹妹在忙活，不禁令人擔憂，麵是自家製，醬是自家研製，手藝是自家傳承嗎？對於一家歷史悠久的拉麵館，是凝聚了多少

今日行過春園街, 見到有個姐姐派傳單宣傳炒拉麵, 咁入去試下啦!原來價錢都幾貴下, 我叫咗炙熱醬油拉麵, $80 仲要加一。碗麵大小正常, 有1塊大义燒、2舊豬肉、荀, 好多芽菜同蔥。其他配料就要加錢, 不過最少都要$10, 我梗係唔加啦!個湯底味道都幾重口味, 係有陣炒過味道比較特別, 啲麵用咗曲麵有口感。啲荀有苦味。我之後飲咗2 大杯水呀!最後仲免費加咗清湯, 加完之後個湯底算係正常啲。環境唔好坐, 迫到呢...... 加上性價比唔高。服務都唔錯, 叫店員加湯無黑面。

得知已間拉麵店每碗拉麵湯底用鑊炒，同一般拉麵店非一般做法，襯住冇飯帶，約埋兩個同事去試下。因為我地1:45pm先到，冇需排隊-即入，店鋪細細，都係木枱、木椅，坐位較狹窄。因為我地太肚餓關係，每人叫一碗拉麵加兩個小食味噌拉麵及辛辣拉麵，味道一般，辛辣唔係好辣，拉麵係粗麵，較鍾意，但可能湯底炒的關係，湯較油，半熟蛋另加錢，餃子同炸雞冇咩特別，炸雞算大件