麺匠 真武咲弥 (已搬遷) 新店位置

今日下午我們喺灣仔做完嘢之後，周圍行吓睇吓搵邊間店舖食下午茶，行到去春園街見到一間好有日式感覺嘅拉麵店叫「麵匠 真武咲弥」，所以我們就入咗去食下午茶！我們叫咗灸熱醬油拉麵同灸熱味噌拉麵，拉麵嘅麵質係比較粗身，同平日食開嘅唔同，質感非常煙韌彈牙，而叉燒嘅肉質第一啖食落去覺得比較乾身，所以要浸喺湯入面一陣先食會好啲啲，至於湯底方面醬油湯底嘅味道充滿著醬油嘅鹹香，而且相當香濃，而味噌湯底嘅味道超級濃郁，雖然有濃濃嘅豬骨香味，但感覺有啲過鹹！由於係下午茶時段嘅關係，所以拉麵嘅份量祇得半份，感覺好似唔係好抵食！

唔知係咪落雨影響，6點半左右入席，店內都只係得一位客。甫入門就有店員招呼，感覺都幾主動。店內都幾細，而風格都偏日式。本身係因為呢幾日挑起左舖拉麵癮所以先去食，去到見到有章魚燒就順便叫埋。落左單之後都好快上枱。不過個拉麵真係普通。個人感覺湯底咸左少少，麵都可以再軟身啲，叉燒都只得一塊。不過要贊既係配菜，炒完之後都幾香，筍亦算林。Btw個湯有少少辣，不過絕對食得落。另外既章魚燒都合格既。sorry食到一半先醒起未影相(笑喊連埋飲品一共百五左右。睇返其他食評，焦點都似乎落左價錢到，的確係偏貴，不過我自己覺得一餐半餐冇所謂啦。

是晚到灣仔閒逛，途經一間日本拉麵店，看進店內滿是人，便決定試試新的餐廳。拉麵款式不算多，只有辣、不辣和醬油味也有涼拌的：也有飯類選擇的，但我一心想試試拉麵，便沒有留意飯類有甚麼。我點了灸熱味噌拉麵，是我吃過最好味的味噌拉麵，也可能是我真的比較少吃味噌湯拉麵，因我一向鍾情豬骨湯這個湯底雖然有點油，但味道不錯，配上我很喜歡的蔥，很香很濃友人點了灸燒辣味噌湯（大辣）加蛋，他說愈吃愈辣也點了小食：炸章魚丸是街邊章魚丸的「淋身」版，味道也不錯！總括而言，是會再來的小店

之前睇到有食評，介紹話碗麵勁好食，今日同朋友專登嚟試嘅，期望都幾大。我地下午4點幾黎到，想試佢個下午茶餐，黎到仲有好多位，見到主餐牌主要有三個面俾你選擇，我同朋友每人叫一個面，四十幾蚊一碗拉麺，都真係幾抵嘅，同埋有時下午茶真係唔想食咁大個麵架嘛，所以佢製造呢個下午茶餐都幾好。　汤底好重味，味道普通，吸引唔到你嗰隻囉，飲左一淡唔会再飲第二淡，食完会口乾，佢套餐包一片叉燒，口感唔錯，肥瘦適中，我就加左一隻蛋，蛋太熟冇蛋汁，完全唔流心，唔合格，拉麺係粗麺，正常，不过不失，朋友加左义燒，都加左2片，唔錯既！基本套餐包半個麵，一片叉烧，小小配菜，可樂一罐，下午茶算ok啦，都好難搵到咁平嘅拉麵，但抱着找美食既心態就免了！

某日小弟去灣仔報稅後，心想難得過過海一趟，便在附近閒逛。過了幾條馬路，走進小巷，便發現一間拉麵店，門口有位十分可愛的店員用奇怪的口音向我推薦拉麵和丼飯。恰逢下午茶時間，我便隨着一聲口號進入店內。點餐時，店員好親切地向我介紹各款食品，細聽之下完來是一位日本人。(梳嗲私呢）於是乎點了一碗味噌拉麵，另加煎餃子和玉子。在等待的時候，我留意到玻璃牆後的開放式厨房。忽見火光沖天，心想：看來這間拉麵店有點意思。片刻，就見一碗熱騰騰的拉麵隨着一陣濃郁的味噌湯味來到面前。這碗拉麵讓我十分滿意。首先在賣相方面，我第一次見到有製成品跟餐牌是一模一樣的，不造假，不花巧，好像在說：我就是這樣一碗純粹的日本拉麵。其次在味道方面，淺嚐一口湯，濃郁甘香的味噌味在口中回蕩。跟市面一些連鎖品牌不同，沒有味精湯料的感覺。而且湯，麵和配菜互相配搭，咬一口漬筍，吃一口麵，喝一口湯，是正宗的拉。值得一提的是拉麵彈牙有嚼勁。即煎餃子，外皮香脆，內裹肉汁飽滿，十分新鮮。再來是糖芯玉子，蛋味跟味噌湯互補，是熱湯中的清泉，冇得輸。原來麵是這樣一回事題外話:日本姐姐這係好親切有禮，好可愛

From a Japanese blog, I had a high expectation for this place but unfortunately the quality wasn't even close to my standard. You don't feel dashi flavour from the soup, texture of the noodle of too soft, and small thing but there's no wifi even they have a "free wifi" sticker on the wall.

星期日 PP 睇完戲三點幾最啱就係行返落灣仔嚟食佢哋嘅下午茶 set , 四十元一個下午茶set , 有一碗細拉麵同一個凍飲送！一個字抵! 雖然店仔細細但裝修都有日本小拉麵店嘅風味，再加上女廚師係日本人，仲要係一個好有禮貌嘅日本人所以更加加分啦！今次試左佢啲嘅味噌拉麵同醬油拉麵，兩款都各有各精彩，味噌拉麵湯底比較厚身，好濃嘅味道，最啱我依啲重口味嘅人！而醬油拉麵你不只會食到醬油味，仲會做到佢有獲氣嘅味道，因為廚師會用猛火炒啲配料再放上去，令到個湯多左啲層次感！再加上佢啲麵嘅質感非常好，叉燒更係入囗即化，隨下午茶 set 更可加$12 要餃子兩件或炸雞兩件！餃子可以做到皮薄而用水半煎蒸的做法令餃子底側煎到燶燶脆脆嘅感覺！正！炸雞更食到熱辣辣新鮮炸嘅感覺！更加埋冰凍嘅氣水！幾十元可以食到佢嘅功架同美味！真係冇得輸！

This compact restaurant sells miso-based soup ramen. The location is great and perfect for a quick meal. The miso soup was rich and would warm you up on a cold day. They used a think noodle type which is not my preference but it went nicely with the soup. Overall, a good meal. However, Wan Chai is a competitive area for Ramen and there are other places in the area I prefer.

路經灣仔，同太太行完街，經過呢間拉麵店，門口似乎好地道！入去試下先！因為太太真係好鐘食拉麵！！點左個醬油拉麵，湯底夠晒熱，麵條夠糧射能彈牙，叉燒都好口好大塊，係半肥瘦！忽然之間令我有一種去咗日本嘅感覺，因為咁啱坐隔離嘅乘客係日本人。熱辣辣嘅拉麵，點少得煎餃子，餃子嘅底墊得好脆，皮薄肉汁多！冰凍啤酒亦係食拉麵必須嘅配塔，難得呢廣居然有七寶！坐喺呢一種咁日式風味嘅鋪頭食下野傾吓計，真係日本機票都慳返。

今日咁啱要攞啲嘢俾朋友，平時鮮有過海嘅我，既然都經過灣仔，冇理由唔係灣仔食埋野先走架嘛。經過呢度嘅門口，已經吸引左我餐牌都冇睇就走咗入去！因為本身係一個拉麵迷，喺香港食過好多拉麵都令我好失望。真係要去到日本食橫濱拉麵先係最開心嘅時刻！今次就抱住一絲絲嘅希望入咗嚟呢間拉麵店。二話不說，點左個炙熱辣味噌拉麵，唔知道呢度嘅辣度如何，於是保守啲要左中辣！拉麵上枱熱辣辣大堆頭，又紫菜，又叉燒。。仲有溫泉蛋同埋我最鍾意嘅芽菜！麵條夠晒粗，呅落口十分彈牙！湯底唔算好辣，建議鍾意食辣嘅朋友真係可以去到盡叫最辣，但係整體來講成碗面都好有日本風，講真我真係會再返黎。小丸子嘅皮軟林林，咬落口面頭有少少脆口，值得一試，唔似得街邊小食店嗰種粉團小丸子。正，唔使去日本都食到正宗拉麵！

好一般時間沒來灣仔，才發現這裡又多了幾家拉麵店。在春園街隱伏的這店，主打北海道味噌拉麵，定價在$80-$95。是日星期五晚市早段時間到來，人流不多，輕鬆就座後也很快作出選擇，一試招牌味噌拉麵。等待的過程中，聽到廚房傳來爆炒的聲音，加以聯想，便得出店家遵從地道做法：先在鑊中炒香料頭，加以熱湯和味噌調味，讓湯頭熱油煮得沸滾，從而為拉麵保溫。本來目的是因為北海道天氣冷而發展這種有趣做法，正好遇上凍天氣，能嚐到熱辣的拉麵非常恰切。拉麵呈上來後，碗身也是微微燙手的，可見廚師細心把麵碗加熱過。湯底的味噌味道非常香濃，偏重的味道也帶有豚骨湯的香味，配以粗條彈牙拉麵，效果非常突出，惟麵身彈牙，許是添加多了鹼水--味道因而重了一點。至於，火炙腩肉亦是鬆化，味道不濃，就是吃到油化消過的香味，粗身筍條味道也不錯。推薦指數：4.5/5整體來說，拉麵店煮法地道，湯頭做得對板，特別是坊間供應味噌口味的店較少，絕對會再來的一家拉麵店一解口癮。

我特登開OpenRice Account都係為咗你，lunch 收$88一碗拉麵，俾得個大半塊义燒，湯底麵質普通，無量無質素，俾得呢個價係iSquare 嘅山頭火拉麵好食得多，係灣仔食lunch食咗廿年有多，從來未食到咁火滾

麵匠Being a massive fan of ramen, I always explore the town and try all kinds of ramen places. This time in Wan Chai, 真武咲匠 is not a new one. Yet there is always a long queue appears outside the ramen place.Ordered the roasted miso ramen which costs $80. After about ten minutes the ramen was placed in front of me! $80+10% is a bit pricey but the portion was generous. The miso broth was tempting. The taste was strong and rich with fragrant meat flavour. The pork was tender. The ramen was chewy. The

超喜愛食拉麵嘅我，最鍾意就係濃濃嘅拉麵湯，食物不多款又不花巧，真想試勻全港九嘅地道拉麵。 今日嚟到呢間真武咲弥，已經開咗好耐，每次經過灣仔都好想試，因為一望門口已經好日feel。 入面都係一般拉麵店嘅格局，有調味料自己添加，水杯自己斟水。 店內主推炙熱味噌拉麵，點餐紙只有一張，簡單易明。 炙熱味噌拉麵 $80 +粟米$10店員提醒炙熱味噌已經有微辣，所以不吃得辣的我沒有選擇辣味拉麵。拉麵只配有叉燒，如需加其他配料要另外加錢，喜歡粟米的我只加了粟米，湯底濃郁，帶有鹹香，滿滿的豬骨味，入口感覺天然不含味精。 而麵底是粗麵，比平常吃到的較為粗，烹調得剛好，麵質彈牙，掛湯力亦不錯。至於叉燒，感覺較為乾身，沾着湯吃會較好。 侍餃子 $45餃子被煎到外脆內軟，皮薄，而且入面餡料豐富，入口又香又脆，拉麵配餃子實在是絕配。越專心於一碗拉麵，湯底會比有各花各樣的拉麵店更加出色。

講起炸雞，而家應該都係韓國既天下。食炸雞既餐廳開到成行成市，緊有一間係左近。不過想食炸雞又唔一定要去呢d餐廳。今晚去左一間灣仔既日式拉麵店。鋪頭細細，可選既食物唔多，數款拉麵及小食一眼睇晒。炙熱辣味噌拉麵 (普通辣) $85加紫菜 $10 半熟蛋 $11略紅的湯已經是最少的辣，不過依然聞到陣陣辣香。辣味入口相對溫和，不過在天氣冷的時間，吃辣就可以暖一點。拉麵與平常吃的相比，較為粗身，更有口感。外加的紫菜和半熟蛋令到拉麵變得更豐富。自家制炸雞 $55雖然拉麵店和炸雞好像兩個世界的人，不過食過炸雞後你會發現有驚喜。炸雞外層的口感似十足炸軟殼蟹，而且冇骨肉又嫩。這個自家制炸雞比得上炸雞專賣店，什至更好吃。今次的確比呢度既炸雞吸引住，炸得溫和的嚟又不失炸雞應有既感覺，真係要搵日嚟淨係食炸雞，飲啤酒。