麺屋武蔵二天 (已結業)

閒時食個新午餐，都會黎二手食個拉麵，平日午餐仲跟埋飲品，價錢都合理。二天炸雞豬扒拉麵 ＄75有齊炸雞同炸豬扒，試晒兩樣，炸物脆脆地，炸皮唔算厚，不過浸左湯淋晒了。浸底係豚骨湯，清清地，唔太濃。拉麵唔算硬。個人就鍾意重口味同硬麵多啲。反而溏心蛋有驚喜，半熟都入味。ok！二天沾麵 ＄78都係相當嘅配搭，炸物無沾過湯明顯香脆左，好味左。沾汁味道更濃，揀左魚介湯都食得出魚介味。麵條係粗身，都幾掛湯。沾麵明顯好食啲。當然比唔上出面嘅拉麵名店，味道算正正常常，貪佢近近地，平平地。

其實都無對個飯有乜野期待但係第一啖我放落口我差啲以為自己中左肺炎啖飯除左面頭啲蔥之外係完全無味架點做到架?我以為啲飯無落到汁啦望落有色個播點樣可以做到無味既呢?我食過甜的濟既牛肉飯食過啲牛肉有臭味既牛肉飯但係一碗得蔥味既牛肉飯我食都未食過連諗都無諗過會食到我叫個牛肉飯都係覺得來來去去個係差唔多味出事極都有限點估到你係乜味都無?你間鋪改名做麺屋武味算啦一個飯埋單74.8食到我懷疑人生

晚市時間得一個人係入面真係有理由既，叫左一個拉麵，一個沾麵，一個單骨雞翅，先講拉麵，湯底味道確實唔錯，拉麵就麻麻。沾麵個餸係好食，好香口，但麵底同湯底完全唔掂，麵硬，湯唔熱，味濃而唔好味，再講雞翅，d 油都唔知翻用幾多次。難食都算，個女冇食雞翅，我地兩個大人肚屙到pk.應該雞翅出事，唔會再去，完

心血來潮想食拉麵，馬鞍山又好似得呢間，於是就入左去食… 點知伏伏地叫左個擔擔濃湯二天沾麵，有半份同全份揀，因為肚餓所以叫全份。一來到，嘩，得兩舊豬同兩小舊雞肉… 個麵呢？應該有兩至三住？份量極少。麵條仲要好硬… 個濃湯係濃嘅，但一丁點辣味麵無，仲要唔夠熱，食丁我好崩潰。服務態度方面，真係有待改善… 首先啲人西聲得好緊張，我想要兩杯熱水，問左三個職員個個麵話好，然後無回音，最後問左個疑似店長嘅先得到兩杯熱水😅 今餐真係有點失望…應該唔會再去了

以前黎過幾次覺得唔錯，有段時間無黎食，今日午餐黎食下，決定以後唔再黎食。出面服務員只有兩三個，麵店約八成滿，由開始入門已無乜人帶位，最後自己搵位，念住點餐舉手舉左成兩分鐘都無人應，最後點左個二天沾麵。等左十幾分鐘終於有麵送到，但一食個麵又唔熱、沾麵汁又唔熱、炸雞同豬都只係暖，懷疑係師傅整好左無人上菜（因為隔離台遲我五分鐘叫都前後腳送到），而且碗邊啲汁完全無抹。沾麵食完叫人加熱湯，但待應離個碗成尺加，啲湯汁四濺，彈左好幾滴落我個身，但一句唔好意思都無就走開，見到杯水無哂都唔加水，又無壺水俾人自己加，呢啲咁既店以後都唔再黎！

啲麵條痴埋哂，都唔係一條條分明。同埋麵條冇剪開，要少少咁放入沾麵有難度，因為啲麵拉唔開。啲炸豬扒多筋，唔算梅頭肉，有啲食唔到。個拈麵汁個味就幾好，我要嘅係魚介湯，都幾重魚味，呢個就唔錯。另外要咗杯好似咸甘桔味嘅特飲，個味道都唔錯，只係冇得走冰，要來到上枱自己整走啲冰。整體感覺OK, 不過麵條嘅處理上，有待改善，同埋啲豬扒，唔好咁多筋會好啲。服務都可以，因為疫情關係，餐廳都比較少人，可以保持到同其他枱1.5米距離，都幾安全。

8月消費券效應， 新港城商場有消費券優惠$30。見咁耐冇幫襯， 試試質素如何？ 結論・・・真的一般星期日12點時段， 人流4成， 即到即有卡位。一打開餐牌menu, 仲有隻超級迷你小小強🪳🤨🤨😔😬 即刻用紙4拍死🪳點了1）炸雞+豬排沾麵配豬骨湯$78 ＜7分＞豬排炸粉好乾及鞋口， 肉乾， 像番炸再番炸。炸雞比較好些， 冇咁乾沾麵ok.2) 鰻魚壽喜燒牛肉飯$78 ＜4分＞鰻魚多骨， 質量好一般貨色。牛肉冇牛肉味， 牛肉片好碎。日式飯盒上， 內籠好淺， 飯少鰻魚及牛肉質量好差，完全唔抵。個飯$78真唔抵食， 貴而差。3） 餐可加配 青檸梅子梳打 +芝士餃子 $38像普通7up 一杯， 沒有青檸及梅子味。 芝士餃子同相Size 有出入。 芝士味唔香， 茄汁就好多。＜5分＞食食下， 見到有個女員工在汽水櫃旁邊換制服， 雖然佢有著背心top. 但食客前換衫開工， 有點不雅。

讚1.無乜人，坐得舒服彈1.食物實在難食，沾麵汁油得黎都算，但竟然都係無味，同埋果種溫溫吞吞既感覺真係好難受，沾麵唔知點解好多水份，炸雞係極差，油得黎唔脆，簡直浪費食物2.拉麵店要求乜嘢服務？坦白講真係無，只希望佢地唔好黑面，舉手搵人時好快就有人理，但都係做唔到

男人べ浪漫!武士"日月沾麵"つけ麺!肥美鰻魚,原大隻炸蝦!豪!承接上幾集食評探"武藏"虎洞驚喜外, 今集來到"二天"!看看又怎樣?(麵屋)他們把分店分4大類:麵屋武藏Menya Musashi : 武骨Bukotsu /虎洞Kodou /二天/神山相承之餘,也有少許分別 ,打破悶局.該分店位於屯馬站.連接購物中心和住宅樓。 這與他們的典型威武風格略有不同。他們商店的大部分燈光基本上都是暗的.充滿神秘感!但這店比較光和親民的鄰里感覺。店外店内還是有非常現代化日本武士感覺.環境有足夠的空間和衛生.對立式長桌椅.還有4人卡座椅,和沿著半開放式廚房的吧台.店員也很友善.這家店菜單非常漂亮細節東方木製.請注意他們的每個分店都有一些不同的菜單。如果你想要傳統的日式白黑紅湯拉麵，抱歉這家店沒有。這家店的招牌菜是炸雞豬肉，吉烈炸的食物最好吃。之前已經嘗試了很多很多"武骨"豚角(腩肉)湯拉麵.所以今次選了我最愛的沾麵-命名"日月沾麵"tsukemen。 太浪漫了!吉烈炸鰻魚海老(炸蝦)-沾醬汁: 豬骨濃湯 /擔擔湯/魚介湯賣相不俗也很有武氣!在這個打咭時代, 賣相是很重要!肥美鰻魚,原大隻炸蝦,份量十足

本身都覺得冇乜期望，香港嘅拉麵點樣都係同日本差啲！而且係連鎖嘅鋪頭～ $80左右一碗，個碗好大但係面唔算好多，另外個湯底好明顯係非常之油！相信落咗好多豬油佢條仔，食到個人好油膩感棉質好好，非常彈牙！不過啲料都係預期中少呢度嘅小食同埋湯底都係比較多鹽分，不過就食得唔係太多味精～ 食完之後係會一啲飲水解決到嘅口渴不過好好嘅一點就係佢碟炒菜唔多油呢度嘅座位都好寬闊好舒服😌唔知係咪因為疫情，而家去嘅餐廳通常都比以前感覺冇咁迫舒服

📍麺屋武蔵二天📮馬鞍山鞍祿街18號MOSTown 新港城中心(4期)2樓2110號舖.家住美食沙漠既foodie, 要搵好野食真係唔容易🥲行行下發現係角落頭一間拉麵店, 都幾多人食餐廳有拉麵沾麵, 仲有唔同既定食set同埋牛肉飯/鰻魚飯俾客人選擇, 咁多款實搵到鐘意食既野啦至於拉麵沾麵既配料有慢煮豚肉之外, 餐廳仲有炸物俾客人揀, 🐽炸日式豬扒+🐤炸雞件.二天沾汁麵配魚介醬油湯 HKD78💁🏻‍♀️重口味既我鐘意沾麵多啲, 無揀到慢煮豚肉揀左二天, 二天意思係豚天同雞天（炸日式豬扒+炸雞件）麵條比平時既拉麵粗少少, 食落好彈牙, 魚介醬油湯咸左少少, 糖心蛋好入味, 二天炸即叫即炸, 上枱仲熱辣辣脆卜卜, 粉漿控制得好好, 平均地包著豬扒同雞件, 而雞扒豬件仲好嫩口好好味😋鰹魚豚骨湯拉麵 HKD78🙎🏽‍♂️鐘意清淡啲就揀左拉麵配傳統既慢煮叉燒🐷麵條比沾麵稍為幼少少, 比較韌度, 湯底充滿濃濃既豚骨味, 唔會太咸, 豚肉有入口即溶既感覺, 肥瘦適中.拉麵沾麵各有千秋, 價錢合理, 身為美食沙漠既受害者, 呢間拉麵店絕對係我會pencil mark再返去食既餐廳🤣.整體環境💭💭💭好味道：🧑🏻

話說有日做完gym 突然想食拉麵 咁岩記起馬鞍山正正有一間睇落好似唔錯既拉麵鋪 就黎左試其實呢間野都幾有趣 因為同樣鋪位 之前係一間叫麵屋武藏既拉麵鋪黎 但無幾耐執左 但同樣位置竟然出現番呢間麵屋武藏二天 果陣我以為佢裝修完改下名 點知佢仲係商場到賣廣告話「全新開張」... 大佬啊呢到馬鞍山黎 黎得呢個商場多數都係住呢頭 你真係以為改下名d人就唔記得你咩...不過唔緊要 呢間其實聽過呀媽講幾伏下 但始終家母係食唔太慣拉麵既人 所以可能佢覺得比接近100蚊食碗麵好唔抵(因為佢果陣都係覺唔抵多過難食) 所以就照黎試下做完gym就緊要補充蛋白質 門口見佢個排 招牌二天沾麵有咁多舊肉 心諗呢次正啦入到去坐低就叫左 碗二天沾麵 配自家製擔擔湯底結果等左15分鐘先黎...其實都唔太應該 拉麵呢d野suppose一早準備好 上菜洗幾耐?好啦我當你即叫即炸果幾舊肉算啦上到黎一睇 個份量我哇左出黎少到呢...講真我唔會期望d肉好似佢廣告咁大舊架啦 問題係佢d麵都係咁少份量想講我仲見到佢個牌上面有半份既二天沾麵揀 呢個份量細路仔都未必飽啦 仲要再減半?你講笑咩...好啦都算啦 份量少可能味道好呢一食 果兩

夜晚7點幾行完馬鞍山揾地方食晚飯，好多餐廳開始有人龍。可能呢間位置偏僻，只係等一張枱。。。咁就決定喺呢間食喇！食物選擇好少，只有幾款拉麵同定食；小食都唔多，而且有一兩樣已經賣晒，而時間都只不過係8點左右。兩個人，叫咗炸蝦餅拼鰻魚定食、吉列豬扒定食同魷魚蝦卷(個名唔太記得)。整體嚟講，味道唔錯，蝦餅同吉列豬扒一啲都唔油膩。鰻魚略嫌太薄，魷魚蝦卷就兩種食物味都唔多食倒。珍珠米唔係太黏，唔知係咪溝咗啲白米呢？不過價錢尚算經濟，每樣嘢都係幾十蚊，算係咁。

好耐都無食過拉麵， 又難得馬鞍山開左好多新食肆， 我亦不妨一試新野。 如果喜歡拉麵中的淡湯底， 就不妨一試。 拉麵🍜本人覺得有少少偏硬， 但可以接受的炸雞豬扒各兩塊， 半蛋不是溏心蛋， 所以性價比唔算好高😅， 但勝左個湯底唔算油同埋味淡， 如果四件炸物分開放， 效果會較好。 而定變左炸物太冧。 😩😩吉列豬扒飯會較拉麵為優勝， 即炸的豬扒， 外脆內外鬆軟， 同時配上雜菜沙律， 相對比較少有。 定食整無論在咬口質外觀， 體感覺同質素較拉麵為優勝

午市外賣便當，58元起。感覺少貴，不過，一試再試。今次寫食評，已是第二次光顧。點了個鯖魚牛肉便當，68元。等了不足15分鐘就有。便當內各樣食品也不錯便當有5格，芝麻醬前菜，香腸片沙律菜，炸薯餅，鯖魚，牛肉飯。沙律菜，菜片細切剛好，醬汁配搭好牛肉飯，不肥膩，少少汁，剛好。薯餅微熱，不太熱氣。另外，包裝精緻穩固，餐具都是該店的包裝。比之前都試過堂食拉麵或定食的，不過相比下，個人較欣賞午市款式多樣的外賣便當。