麺屋武蔵二天 (已結業)

馬鞍山新港城的沾麵店，食左第一次後，細路非常喜歡食，所以間中都會去幫襯。基本上，我們選的都是沾麵。我們喜歡那個醬汁（湯底），有魚介湯，擔擔湯，豬骨濃湯。三個濃湯都各有特別！ 味道吸引的！我們每次都order鰻魚海老沾麵，$89一份，其實價錢唔平，不過好味都無辦法，都會Order。這裡勝在即叫即煮，保持食炸物的脆度，麵質煮得不太軟也不太硬。座位也OK。等位也不會太長時間，大家經過馬鞍山搵食，都可以一試。

今次點咗二天沾汁麵、山賊汁牛舌煎蛋飯、吉列廣島蠔、北海道芝士薯餅，用Food Panda外賣。話就話40分鐘送到，結果等咗一個鐘。以下逐項點評：沾汁麵（$88）個湯稀冷冷，冇特色；啲麵黐埋一餅。牛舌飯（$68）個山賊汁基本上就係茶記黑椒雞扒飯個黑椒汁。薯餅（$38）以為咁嘅價會有兩塊，點知真係成個盒裝得一塊，仲要凍咗。廣島蠔（$55）好彩凍食都正常，唯一下到口。總之哩間嘢不可一，不可再。總分3/10。

推住bb車出街食飯, 人車都坐得舒服真係好緊要, 今日帶b去健康院之前, 就喺MOSTown食lunch先, li間喺12蚊店對面嘅拉麵店住左MOS咁耐真係未幫襯過😅最近見佢多左人等外賣先留意到, 咁佢外賣menu又真係好抵食嘅.🍜讚! 店內無論卡位定普通枱位都勁有空間感, 枱同梳化櫈都係大張舒服個種, 走廊擺到bb車之後仲有空間唔會塞住條路.🍜二天拉麵 (HKD75)原來堂食都有抵食SET, 本來一個拉麵送野飲$75我都覺得ok, order時先知有送小食: 炸雞/ 沙律/ 煎餃子. 拉麵等一陣就有得食, 湯底熱辣辣而且充滿濃香, 呷一口先, 味道豐富. 拉麵比較粗, 有彈牙口感亦夠哂掛湯, 豬, 雞肉煎/炸得好好味, 因為面頭嘅脆漿厚薄恰到好處, 所以啲肉咬落啖啖juicy, 溏心蛋好味!! 推介!🍜二天沾麵 (HKD78)老公個沾麵份量感覺好小, 可能湯/ 麵分開所以一上枱就睇到個份量？食完就未係好飽.🍜武藏炸雞 (SET)好好味呢! 新鮮炸起熱辣辣, 外面勁脆, 雞肉嫩滑, 仲OK大件添, 食食下就聽到lunch set炸雞賣哂lu.🍜飲左忌廉同熱薑蜜, 熱薑蜜非常夠薑, 正.

拉麵嘅價錢一向都比較貴所以基本上除咗好想食嘅時候會食之外平時都好少去食但今次經過麵屋武藏見到佢做緊優惠只要讚好社交平台第二碗拉麵就即刻半價所以忍唔住即刻食返碗日月炸蝦和鰻魚拉麵 $80炸蝦同平時食嘅天婦羅有啲唔同佢係吉列嗰一款炸粉相反鰻魚就係天婦羅嗰一款炸蝦其實都算好大隻而鰻魚就得兩細舊拉麵嘅湯底可能因為係豬骨湯嘅關係湯底比較油膩我自己反而唔鍾意太過油膩嘅湯底而且我覺得拉麵嘅份量有啲少半熟蛋的確做得幾出色入面完全係一個流心嘅蛋黃味道亦都啱啱好整體來講我覺得拉麵嘅份量比較少而且湯底亦都太過油膩不過炸蝦同鰻魚的確係幾好食半熟亦都做得好出色第二碗半價嘅情況下都幾抵食但相反如果要原價嘅話就有啲貴

很久沒出街飯餐, 趁放寬食店限聚令政策, 又有1張商場禮券, 外出進餐。參考openrice, 見食評知道這間多了些新款式, 於是選擇麵屋武藏。到達時尚早, 不用等位, 我們點了「壽喜牛肉鰻魚飯」, 「吉列蝦餅併吉列豚定食」套餐和「吉列廣岛蠔」小食。當時大約另外有一枱人, 等餐時間頗耐, 食物 dish present幾好。「壽喜牛肉鰻魚飯」 ~ 鰻魚和牛肉也好味   但食材份量比餐牌照片顯煞然然少。「吉列蝦餅併吉列豚定食」 ~ 定食包括味噌湯、和風沙律、主菜和白飯。吉列蝦餅彈牙, 有鮮蝦味    吉列豚肉是柳梅肉,  肉質腍, 吉列好鬆脆不膩, 飯的份量很多。「吉列廣岛蠔」 ~ 蠔肉肥美, 炸得剛好, 很juicy, 蠔肉鮮甜不腥, 大滿足  食店內部環境很有日本風格, 椅下有蕂籃供客人放置手袋和擕帶物, 這點好細心, 值得一讚  

•二天炸雞豬扒拉麵🍜日式炸豬扒同日式雞件炸得好脆又香口 雞件郁整得好入味好滑配埋拉麵一齊享用 湯底濃度岩岩好🤎·二天沾汁麵 配擔擔濃湯🍜將麵沾落去一齊食 擔擔麵醬帶有芝麻香 少少微辣日式豬扒加炸雞件都做得好好香口鬆軟脆口 •南蠻炸雞炸至金黃炸雞 肉質仍好嫰滑配埋他他醬及甜酸醬 解膩開胃•汁燒鯖魚加點檸檬🍋 成個感覺再昇華呢個我都幾鍾意食 燒完都唔會乾哂仲保留住應有既魚汁品嘗🐟

行過見到佢嘅午餐都幾抵食75蚊有一個拉麵再加一個小食同飲品就入嚟試下啦我呢個係二天拉麵 有炸雞同炸豬扒有黑芝麻嗰個係炸豬扒炸粉唔厚 但浸左入湯嘅關係 個皮淋咗炸豬扒幾好 外層嘅黑芝麻配搭好香口隻溏心蛋好好味2個餐有兩款小食煎餃子 炸雞餃子好味 個皮唔會好厚 底部煎得香脆 入面亦有肉汁炸雞比較偏乾仲有另一個選擇係麻醬菠菜 但食肉獸嘅我地就冇揀到喇😂朋友食嘅係二天沾麵我就冇試到喇 不過佢話沾麵好好食 好掛汁等我下次試吓先

話說呢 真係好耐都無入去馬鞍山食好嘢啦喺呢個地方 真係到處都充滿咗好多回憶咖今次帶咗母親大人 食我呢幾年至愛嘅沾麵哈哈 分享自己中意食嘅嘢順帶佢哋入坑先-二天つけ麺 ($78/全分, $45/半分)二天沾汁麵 ($78/全份, $45/半份)以高溫將日式豬扒（豚天）同雞件（雞天）都炸到金黃色 入口好酥脆 面上有黑白芝麻作點綴而且肉質鮮嫩 而溏心溫泉蛋好入味 麵質爽口彈牙另外 仲會提供呢三種嘅沾汁湯底 可以俾您揀添咖魚介醬油湯 魚介醤油スープ擔擔濃湯 担々スープ濃厚豚骨湯 濃厚豚骨スープ我就揀咗魚介醬油湯以大量嘅鰹魚 熬出淡麗清甜嘅魚湯配上秘製醬油 滲出淡淡嘅魚油清香可惜個湯太稀 麵上沾嘅汁好快滴翻晒落去個湯唔太熱 做唔到平時食傳統沾麵嘅效果-鳥南蛮風唐揚け ($38)南蠻炸雞 ($38)金黃又香脆嘅雞件 配上混合咗南蠻醋特製嘅醬汁有甜酸醬同他他醬 刺激到味蕾嘅同時又夠晒開胃-広島カキつライ ($45)吉列廣島蠔 ($45)日本直送 以高溫炸到金黃色蠔身香脆 肉質鮮甜入口即溶-ナタデココりんごユース ($15)蘋果椰果特飲 ($15)パイナップルドりンク ($15)菠蘿特飲 ($15)

▶️ 天婦羅大蝦🦐炸鰻魚沾麵$85配有原隻天婦羅大蝦，炸得夠香脆；另外仲有炸鰻魚，炸鰻魚外脆內軟，入邊又夠鰻魚汁，味道唔錯。沾麵汁揀咗魚介醬油🐟，魚介味幾香，但係魚油較多。沾麵質感唔錯，係粗身嘅麵。點埋魚介醬油幾好食。▶️燒鰻魚炸蝦拉麵🍜$80呢個燒鰻魚幾香，而且夠多鰻魚汁。呢個拉麵質感都唔錯，湯底都幾濃。▶️南蠻炸雞$38呢個炸雞賣相雖然普普通通，但係食落估唔到味道幾香，炸得夠脆，而且雞夠滑。▶️芝士海老魷魚卷$45好多芝士，個配搭幾特別。飲品叫咗巨峰及蘋果椰果特飲🥤

沾麵時間🍜🕒·二天沾汁麵 配魚介醬油湯🍜日式豬扒加炸雞件 鬆軟脆口 香口又入味 揀左魚介醬油湯 用鰹魚魚湯加醬油令到成個湯底好鮮味🤎·日月沾汁麵 配濃厚豚骨湯香脆天婦羅大蝦 加 炸醬汁鰻魚個鰻魚真係好味 推介配埋濃厚豚骨湯做沾麵湯底 選用大量豚骨 蔬菜同小魚乾 味道濃郁🤎小食·南蠻炸雞🍗炸至金黃色炸雞 咬落肉質嫰滑配埋甜酸醬加他他醬 酸酸甜甜易入口·武藏煎餃子🥟當然唔少得我最鍾意既煎餃子香口入味 喜歡🤎

落街買外賣，見呢間沾麵未試過，就買嚟試吓。叫咗兩個沾麵同小食。芝士海老魷魚卷 - 好多塊芝士鋪面，幾得意嘅口感，好似係春卷再用芝士包住，幾可口。吉列廣島蠔 - 好juicy，同埋好幾有鮮味。二天沾汁麵 - 配魚介醬油湯，豬扒上面有黑白芝麻，好香。糖心蛋好滑，好香甜。醬油湯好清新，配坑紋麵好食。日月沾汁麵 - 配擔擔濃湯，好杰身，同個麵味道好夾。坑紋麵掛湯力強，麵條好入味。一塊塊嘅炸物原來係鰻魚，好驚喜。隻海老好大隻，肉質彈牙。原來Foodpanda外賣有優惠，滿$100減$30，下次再叫先。

我同媽媽分別叫左鹽味灸燒豚肉清湯麵同二天拉麵。另外舖頭做緊感謝祭，叫主食可以半價叫小食/野飲，我地加左和風蘋果沙律同埋武藏炒野菜。再散叫兩杯野飲🔅鹽味灸燒豚肉清湯麵鹽味湯底好啱我，唔會好油膩！拉麵軟硬適中。火灸豚肉燒得好香，肥瘦啱啱好。員工仲教我地落天婦羅碎同拉麵一齊食，又增添左另一種風味🔅二天拉麵即係炸雞塊豬扒拉麵，湯底濃厚，唔會太咸，炸雞咬落好有肉汁，不過因為我浸左落湯，所以食落唔脆啦。而豬扒有黑白芝麻包住，食落好香！有成隻用醬汁煮過既溏心蛋，完美既流心太正啦🔅和風蘋果沙律呢個沙律真係勁豐富，有蘋果條、青瓜條、火腿條、蟹籽、生菜。甜甜地又有d微辣，好清爽開胃🔅武藏炒野菜份量好多，蔬菜新鮮，味道岩岩好，面頭有木魚絲，唔錯！🔅蘋果椰果特飲 & 菠蘿特飲大大杯，味道偏甜。有椰果同雜果食下，幾好另外我仲知道，家下Foodpanda 外賣武藏二天有獨家優惠，就係滿$100即減$30，唔好錯過啦

麵屋武藏好耐好耐以前食過拉麵覺得ok啦。因為我本身鍾意食沾麵多，所以都無乜去食。不過今日啱啱同事講起人地有沾麵嫁，我o左！竟然？放工同佢嚟左食！武藏炒野菜 $45由無色到紫色蔬菜都有。茄子、蕃茄、蓮藕、青椒、甜豆、雞髀菇、冬菇、粟米芯、洋蔥、椰菜和芽菜。好少炒雜菜係會有埋蕃茄，以為怪！又ok喎，juicy濕濕地好易上口！粟米芯非常好食！炒得嚟多軟多帶左d粟米粒粒！整體佢比相片靚，同埋出奇地多款式！吉列廣島蠔 $45三粒，講下沙律幾爽口！吉列廣島蠔既炸粉唔太厚，岩岩好！無沙頭！比想像中好食，因為有時好怕食到油壓味道，所以都少叫！日月沾汁麵之炸蝦和鰻魚 $85湯底有得揀濃厚豬骨湯、擔擔濃湯、魚介醬油湯。由濃到淡都有，一定有款岩！麵款有d軌道咁，可以掛更多湯，更濃味！糖心蛋超級好食，蛋黃留汁蛋白軟水嫩嫩！炸蝦超脆，近蝦頭既肉精華所在！炸鰻魚都好好食，炸粉唔厚！比平時鰻魚飯嘅鰻魚博新，但係大塊。燒汁冇因為有天婦羅既炸粉而乾身左，唔錯既！蕃茄豚肉片拉麵 $80豚肉片多！少肥多肉，健康！有蕃茄。。。。。。都有薯仔，又中又日咁！幾岩hk人？大家對蕃茄薯仔湯情有獨鍾咁，哈哈！麵質軟硬剛好既！店員推介加

二天沾汁麵：以「炸物」為招牌的拉麵店。日式豬扒和雞件炸至金黃色，豬扒還灑上黑白芝麻更加惹味。雞件入口酥脆，啖啖肉而且有雞汁流出。果然是招牌拉麵。還有三款沾麵汁選擇，愛辣之人一定要選擔擔濃湯。日月沾汁麵：原隻天婦羅大蝦及鰻魚，鰻魚炸至金黃色，外脆內軟，肉質鮮嫩。這是很少機會吃到的口感，令人一試難忘。沾麵麵質既粗又長，容易沾上擔擔濃湯，味道濃郁而且豐富。入口微辣帶點芝麻香。另外，餐廳枱上附有天婦羅花可以加入濃湯之中，不妨試試吧！芝士海老魷魚卷：厚厚的芝士完全覆蓋大蝦魷魚卷，蝦肉和魷魚肉配搭很妙，爽口彈牙之外，配合芝士更能突出鮮味。用筷子夾起可以看見拉絲，一定是芝士控必選。炸蝦餅：日式炸蝦餅一疊有四件，大大塊分量十足，蝦餅彈牙度十足，而且蝦肉多又香口。絕對是抵食之選！

在家懶得煮又懶得洗，就近近地來到新港城的麵屋武藏二天外賣沾麵帶回家。馬鞍山分店不如坊間拉麵店般窄小，坐得寬敞舒適，位與位之間保留一定的距離。餐牌主打拉麵及沾麵，還有多款小食供應。外賣自取不收加一服務費，比堂食更划算。今次就點了兩碗沾麵、兩款小食和兩罐汽水。芝士海老魷魚卷 $45表面鋪滿厚厚芝士，烤至金黃色，芝味極濃郁，肯定可滿足芝士控。份量澎湃的芝士可以造出拉絲效果，香脆外皮包裹著彈牙的魷魚滑。武藏煎餃子 $38吃麵配餃子可說是永垂不朽的經典配搭，餃皮煎得焦香脆口。一咬開內餡扎實多汁，菜肉比例得宜。日月沾汁麵 $85各款沾麵提供三款沾汁湯選擇，這碗就選配了散發鹹鮮魚香的魚介醬油湯。採用獨創粗身的坑紋麵，麵條質地份外緊緻彈牙，提升入口的嚼勁，令每一條麵都容易沾上濃郁湯汁。大蝦夠厚肉，外殼脆香，內裡肉質爽彈。將鰻魚混合炸漿以高溫炸香，魚肉嫩滑。二天沾汁麵 $85這碗則配上經大火熬製的濃厚豚骨湯，淬取骨髓中的膠質，令湯身略帶濃稠，香濃但不膩口。沾麵是拉麵的變奏，將麵跟湯分開擺放，但食法、味道、風格均與傳統拉麵截然不同。將日式豬扒 (豚天) 及雞件 (鶏天) 炸至金黃色，雖然頗香口，但炸漿就略