麻布茶房 (已結業)

今日同frd黎呢度食lunch~出左新menu,有好多都想試下,不過都係等夜晚先,有lunch set,叫左"細芝麻海鮮冷麵",ok啦,個芝麻醬唔錯,麵都ok,唔係彈牙果隻但係我鍾意食軟麵,仲有mustard比人加黎食,幾好味~但係海鮮只係得蝦同鰻魚...三個人再share個"金時刨冰",即係有紅豆同黃糖?!or黃豆粉,我覺得好好食,個雪糕好滑~但係我frd話黃糖好怪...well...service好唔得...個個好似未訓醒咁...

係香港好少可食到宇治金時刨冰呢間宇治金時用好濃既抺荼同好甜既紅豆做好好味!!!另外, 佢地既梅飯都好好, 好開胃

4月29日下午3時45分，媽媽與朋友們一行7 人到達次店喝coffee小聚。由於大家都是上海人的關係，所以一路都以上海話交談，不知該店經理以及服務生是否已為我們是“自由行“，對我們的父母態度極差！他還用帶有斜視的眼光看我們，好像看不起我們似的！其中一位朋友的coffee放得過多牛奶，要求加多一點點coffee中和，但是那位男經理怎樣都不答應，我們沒有要求重新換過，只是加多一點coffee而已，難道這個要求很過分嗎？之後我們要求拿他們辦公室電話，打算打電話投訴，但是該位經理怎樣都不給我們。作爲 一位經理級的服務生，用這樣的服務態度對待客人實在不能忍受！即使以爲我們是“自由行”，但是大家都是中國人，有必要歧視同一民族的人嗎？狗眼看人低，以後都不會再光顧次店！

次次去麻布茶房,唔係食tea就晚飯過後食既都係甜品或小食一直都好想試下主食今次6點經過,reception姐姐話仲可以食tea於是點了燒雞肉麵配餐茶set燒雞肉一般,麵不錯,不過除了芽菜外,竟然有生菜作配料(食咁多日式麵都未試過,但我覺得ok)由於個人口味,覺得湯鹹了一點多間麻布中,景觀最靚就是這一間所以當日都有幾個係咁拍照

看拉丁音樂會前來此吃飯。坐位都算舒服。點了新產品鰻魚蛋飯，薯仔絲沙律。朋友點了牛肉飯。份量都足夠，我的鰻魚蛋飯都幾大碗，吃不完。沙律很清新，不錯。試了朋友的牛肉，尚算好味。

唉!又話怕肥唔敢食咁大份甜品, 但係食完個crepe後, 行到黎太古廣場, 忍唔住又黎左麻布茶房買軟雪糕食!又係要霜淇淋白玉豆沙, 不過今次就要原味軟雪糕. 食完覺得, 始終都係原味好味d! 原味有好香o既牛奶味, 同豆沙亦夾d!

之前睇左呢度的食評話d雪糕好好味，星期日就特登去左試下。十二點幾到，唔係好多人，但係我地坐低一陣，就有八成full。我地坐個位可以望海景，幾好wo，不過夜晚黎一定仲靚，但係我諗要book同埋要求坐望海景位先得啦。3個人叫左3份餐，分別係咖哩烏龍麵、泡菜牛肉飯同埋雙色雞肉飯，再加一個小食(唔記得咩名，係菇同肉碎)，食完呢d已經好飽啦，但係唔可以唔試甜品，所以都點左一個宇治金時。講下d野食先，我自己就好鍾意個泡菜飯，d牛肉好香，加少少泡菜調味(有少少辣)，好好味；之後個烏龍麵，聞到好香咖哩味，但係唔辣，個個都岩食；之後個雞肉飯就有乾左少少，我諗如果好似牛肉飯咁有隻蛋會好味d；個小食就麻麻啦，一黎冇咩肉碎(基本上我見到一粒)，二黎冇香味，唔係好吸引；到左甜品，真係同display一樣樣，d雪糕絕對同m記唔同，佢係好有奶味的，而且又好滑wo，所以好好味，不過就好滯，如果想試呢個甜品，之前一定唔好叫咁多野食。侍應服務態度一流，一見冇茶就即刻加，而且叫菜的時候，會話你知辣唔辣同埋有d咩肉碎，顧及有d客人係唔食豬肉或者牛肉咁，good呀！

...實在太鹹喇...但係d蟹肉都ok甜既~另外個芝士豚肉都冇我想像之中好食,味增飯團都冇咁多醬...唔好食...唉...唯有食返個牛奶刨冰啦,點知d煉奶有加得少左...唯一冇變差既就係service.......

前幾日係度食晚飯,病病地,叫左個好清啖既蟹肉湯蛋包~好多大蔥,ok好食~跟左個新出既燒味增飯團,好好食~麵豉燒過,好甜好有味~食左個牛奶刨冰, 都係咁有奶味~好食~

年初三，睇完戲便到’麻布’食雪糕，由於早前試過呢間（Ocean Ctr)的分店，知道並不好食，但Miramar 的那間又實在太遠，結果無奈地又再次光臨．事原：我叫咗抺茶聖代，開始時，已經覺得雪糕的顏色有點怪，伴碟的生果亦都好似放咗好耐，但也不以為然，後來越食味道越苦，低頭一望，發現雪糕球表面出現白點點（毛菌），而且有點固體（白色）加細冰粒！！非常駭人，本想要求服務員更換，叫咗好耐都無人理，他們三五成群的聊天，眼看只有一位比較勤力，不停的為客人道茶，但最後唔知去咗邊？我嚾各位唔好再到呢間食府喇！！

同d同學黎呢度食lunch~ 星期五有set lunch食~我叫左個咖哩蛋包飯既set lunch,個蛋包飯整得好靚呀,日式咖哩ok啦,我自己鍾意食東南亞果邊既咖哩多d,份野好大碟,要share比人我先可以食得晒食左牛奶刨冰,煉奶好似落多左呀,超正~我地幾個share黎食,由於太好食既關係,另外果個香蕉custard刨冰冇人理~~

霜淇淋好吃，夠滑和口感夠密，配搭也多，份量適中，不會吃後過飽漏。吃飯後一試坐坐也可以。

今日行街行到攰攰地,坐低食點品~~~叫左個custard雪糕燒番薯,個味係好似haagen dazs既custard pudding~不過我已經唔再鍾意食番薯喇...好似好飽咁...牛奶刨冰真係好好食~d煉奶好好味,下次一定會再叫

每個星期三我都要上法文,要早食飯...同frd叫左:1.野菜牛肉卷,唔錯~加埋檸檬汁好正2.咖哩烏龍麵,原來幾好食wor,大碟兼有咖哩味3.鰻魚柳川鍋飯,呢個都唔差~鰻魚唔腥,d汁又岩岩好,都係ok大碗下我叫左杯凍朱古力牛奶,貪佢上面有舊雪糕~價錢居然平過可樂+雪糕...我frd叫左雪糕+梳打,杯野好青,佢話都ok好飲次次行夜街都會見到好多人黎食...睇請況應該唔幾迫下...但係而家我地5點幾黎食,好正~

麻布三間分店我都有去食過，計服務係大丸最好，計食物的美味就呢間最好，而美麗華就正好係呢兩間中間，甜品係我去麻布的首選，再來就係烏冬啦，三款我都試過，而最鐘意係辛口味果兩款，湯吾錯不過有個烏冬清湯就差Ｄ了，無咩特別。飯我只試過”鞋”肉飯，但吾知係太新鮮定係Ｄ員工無洗干淨竟然有”鞋”殼，如果係員工問題咁就希望可以改下啦！服務就超差了，仲有啊有一次仲飲到一隻杯係有口紅印都吾知有無攪錯，唉不知所謂，咁樣嘅收費有咁樣的服務，好心啦做好小小啦！如果吾係我鐘意你地公司ｄ綠茶口味雪糕，我相信由果次之後我都吾會再惠顧了。