麻布茶房 (已結業)

因為唔想等位，所以星期六下午六時多就去食dinner:1) 焗芝士漢堡定食- 有個焗芝士漢堡、配三文魚飯團、湯、前菜, 整體都ok...2) 炸鮮蝦小包- 個皮係糯米皮, 炸左之後個皮有少少脆, 好好食, 但個餡係咸既, 同個皮好似好唔夾既咁...3) 花生燒年糕- 呢個係新出品, 係燒年糕上面加咗好大pat花生醬, 都幾"漏"... 味道ok, 但我都係鍾意食佢舊款個d多d...4) 白玉霜淇淋蜜豆沙- 呢個係我最鍾意既甜品之一~btw, 要彈一彈d服務, 埋單要$184, 畀$200佢地, 佢地竟然諗住唔找錢(柜枱明明無人, 但等咗好耐都無人找錢, 但一催佢地就有啦)... 唔係諗住咁樣屈tips嘛? 唔知係佢地太忙, 定係有心呢??

睇到上兩篇話無人加茶,我都有小小同感.記得上個月十幾號,我同男朋友係新港睇完電影,9點幾諗住去食d野.去到等左10幾分鐘就有位.都幾快.入到去個feel幾好,有海景!d人叫歡迎(日文,應該係)都幾親切^.^仲係沿途有staff見到你就講,好過和民,和民叫得好長,好煩!我男朋友叫左個什麼牛柳定食,佢話食就幾好食,不過等得耐左d.我叫左個什麼....小包拉麵.個湯清清地有小小海苔味.小包都ok好食,夠彈牙.食食下都無咩野,d severice都ok(甘多人食飯我睇d waitress都幾busy).不過我地食完飯睇緊dessert個陣我叫左個箸黑色衫,無圍身,高高地既人加茶.佢應完我好就行左去.一陣後佢又行過,我又叫佢加茶,佢應完我好又行左去!但係我眼見佢只係企係度or同cashier呀門口既人有講有笑甘.喂,我係客人呀!ok!我知你應該係d高層(全間shop只有佢一個箸黑色衫同埋唔駛做)但客人有要求唔係應該第一時間完成咩?我只係叫加茶!經理就可以唔理客人感受?其他staff就要賣力地工作?我火火地又叫多佢一次,呢次有d改善,可能佢知我叫左佢3次.佢立即叫一個攞住兩盤野粗身大細,一睇就知唔

星期六lunch係呢度食,1點去兩個都好彩唔駛等唔想食飯, 就叫左個冷麵食,呢度冷麵唔多選擇,叫返上次食過既辛味棒棒雞絲冷麵,個麵一樣好好食,個汁既味道好豐富,同埋雞絲,青瓜絲加埋都唔少,唔求其另外叫左個豆腐牛油果芥末沙拉,個汁好清,d材料又清,夏天食就岩,我都係比較鍾意食其他款沙拉...仲叫左個黑芝麻燒番薯霜淇淋,d黑芝麻汁好鬼杰身,但係麻布d霜淇淋又真係好鬼好食......

好耐無去啦!星期一去完漫畫展,順路咪去囉,因為之前都好想去食冷麵ga la, 去本來好地地, 我想叫人加茶,舉手幾次都無人理我ga, 如果你普通waiter/waitress都算la,but 佢係副經理wor,之前因為個manager 成日黑口黑面唔去ga la,點知個副理仲衰,唔止黑口黑面,仲七下七下,已經無野做gala,仲好係盲既咁,我舉晒手都見唔到,都唔知點解d 咁都升到AM,可能係黑口黑面先可以升到職!Anyway,我都係讀management 既,我知對住下屬都要有軟有硬啦,對住你既客人點可以黑口黑面.....不知所謂!To the manager,selecting employee is most important step in the Human Resource Management,and aptitude are including in this step!Your sincerely食物依然好好,我有機會都會去既.

星期五晚去左果到食，排左好耐，好多人呀，等到呆左，同d朋友都等到憫憫地，不過好在佢地接待既禮貌好好，幾靚女的。終於可以入去喇，入到去，個feel幾親切，沿途入去，d員工都好大聲嗌d日文，負責帶人入去果個員工笑容好warm，入到去開始點菜啦我地三個都點左d定食，今次d野食好快到，都ok啦，不過好似唔值咁貴囉。之後我地又嗌甜品啦，全部都係個waitress介紹既雙莓刨冰/草莓新地/芒果新地個刨冰唔夠汁，d藍莓勁少。個草莓&芒果新地好好食，好正。值得一提既係我地考個waitress我地講個menu上面既number，講左十幾個，但佢竟然可以講得出個食物既全名，勁長，好犀利﹗走果陣，佢地都好nice咁講再見，唔錯唔錯。

行完書展, 對腳真係...搭左船就黎食~記得呢度既蟹肉拉麵好食,新menu冇,但係有蟹肉飯,都係好食wor,蟹肉新鮮(雖然食到有d殼),汁夠,加上肚餓,覺得特別好食我唔太鍾意食烏冬,咁就叫左個棒棒雞冷麵,好少好少辣,比想像之中好食,因為個醬汁整得好,麻醬得黎甜甜地,我好怕食d個汁唔好食既冷麵,但係呢個得~上次食果個番茄吞拿魚沙拉好食,再叫,吞拿魚好似少左d...不過佢碟底d菜加左杏仁片,ok好食~ 只於個芒果刨冰...煉奶少左好多,下次都係淨叫有雪糕既野...

真係食到我成肚火!已經幾次都係咁!!所以我都忍唔住要上黎留個意見比大家!!!!最不滿係佢地既態度!其實我已經成年冇去過依間野度食!!因為之前lunch去次次都等好耐(起碼20分鐘..我真係唔明點解d set lunch會咁耐)到左上年的6月..男朋友仔生日..同佢去食dinner..唸住會好d啦..夜晚人手係多d..不過d野都係咁慢..算啦~dinner又唔趕~咁我男朋友叫左個蟹肉飯(全名唔記得喇)..等左好耐..黎到啦!!食落去好多蟹殼!!我叫男朋友換..佢又話算啦..點知食食下..佢都頂唔住..太多殼!之後叫人換啦!黎到..都係咁多殼..不過冇喇..佢食左幾啖飯都冇食..個次真係搞到好唔高興...個次之後我都冇再去食喇!到左今日..同一個同事落去食(因為我地公司好近)..唸住咁耐冇食..點都有進步d啦!點知仲衰..我地去到都好快叫野食..(因為預左佢慢)..點知我個set就等左15分鐘度啦~都可以..但個同事等左成半個鐘都未有...已經吹左佢地好多次..但每個人都係耍我地..話會跟就走左去(因為之前見到後邊張桌送錯左set...我唸係送錯左我地o個個啦!但係d人唔知點解唔會跟番送錯

同個老友行到地，去嘆個tea。每款雪榚都好吸引，樣樣都想食，不過驚食唔落晚飯，所以揀D份量唔多的。老友食宇治金時刨冰，份量好多又大碗，抺茶味好濃、紅豆又不會太甜，如果連埋雪榚、抺茶冰同紅豆一齊食，口感好正。我就食鮮檸檬刨冰，同宇治金時刨冰d軟雪榚一樣，好香濃軟滑，但又唔會太甜太溜，而檸檬汁加了蜜糖，所以唔會太酸。

一聚又一聚，大學同學聚後知道另外有朋友在此處，所以趕來一聚。我點了宇治金時，是我的最愛，細緻的軟雪糕，加上甘香燒蕃薯，再綴上淡香的綠茶，口感豐富，一冷一熱，牛奶、蕃薯、綠茶的香味很配合。朋友叫了綠茶聖代、紅豆蕃薯及哈蜜瓜聖代，都很不錯。冷氣很強勁，加上冰凍甜品......大家都覺得身處「凍」感之都﹗

到尖沙咀入貨後，約了老媽到這兒吃茶。點了冷麵、兩款飲品、芭菲。埋單$165，好味！茶房風中華冷麵（$48.8）：一人份量，配料不少，麵條軟靱剛好。熱抹茶牛奶（$31.8）：約兩佰毫升，份量少，但足料，抹茶味超濃，全脂奶香滑。冰抹茶（$29.8）：大大杯，抹茶味濃郁，解渴降溫。抹茶葛軟芭菲（$43.8）：招牌甜品，大人都著迷！抹茶葛凍滑滑，雪糕香甜，賣相超精美！（圖示）好一間日式洋食茶室。

上星期六,一行四個靚女去到TST搵tea食因為有人未食lunch所以我地叫左2樣野share食:棒棒雞冷麵- 冷麵都彈牙又夠凍, 醬汁都好好味雞絲沙律- 不過不失啦..有蝦同蕃茄係面..都幾好食我地每人仲叫左檸檬蜂蜜味番薯軟雪糕(新野)同埋抹茶雪糕..檸檬蜂蜜味好似無咁甜..都ok喎..服務就OK啦..都唔駛等好耐就有得食.. 不過係等位就等左幾個字咁啦..

之前0係呢度食過晚飯，覺得普通，今次專登入去食甜品。叫左個番薯芝麻軟雪糕，雪糕個底有層厚厚的番薯，而且仲係暖的，溝埋d軟雪糕，口感好特別，幾好味。

5月16日入座人數以及時間:三人,下午四時許當天的上菜速度算慢,尤其是筆者所叫的飲料,當日我點了一杯抹茶咖啡,但很遲才到來,而且侍者沒有詢問本人,是餐前還是餐後才來,所以我便以為在餐前來的,怎料是在我吃定食至八九成才來,其實呢個也不是最大問題,不過最弊之後發生了一些意想不到的狀況.話說我本來打算吃畢定食,才悠閒地享受飲品,豈料已經遲了一步,因為正想飲時,已經被蒼蠅搶先一步,空降在雪白的忌廉上(其實我地進食任何東西前,那隻蒼蠅已經不斷滋擾我們,任憑我們怎樣驅趕也徘徊不走,怎料終於出事!),那麼我當然找來侍者換過一杯予我啦!因為我恐防他換湯不換藥,因此我故意把一半忌廉整進杯內,幸好最後也端上全新的一杯給我,但又是等了很久啊!使我幾乎想叫結帳才來!另外,某侍者的服務有點古怪,明明我在進食我的定食當中,竟然前來詢問我是否還要?啊!不要玩弄我吧!我可是拿著餐具進食中的,又不是停下來沒有吃,為何還會前來問我呢?完全理解不能!最後想說的是,其實這食店的出品頗有水準的,算得上是好吃之列,但奈何是衛生便不敢恭維了!

lunch,一人叫一個lunch set, 再加個番茄吞拿魚沙拉我食果個係碎蔥汁味增燒雞定食,比我想像中好,食得出d雞係有味增去燒,同埋個碎蔥汁整得香個沙拉好好食,係一個番茄刮空再釀d吞拿魚沙拉,salad入面加左d洋蔥,同番茄幾match,造型都係幾特別今次唔太覺service差~

我也曾受到這間食店的歧視眼光!時間在五月七日(星期六).我，媽媽，婆婆和一位朋友，到這店光顧，我婆婆和她的朋友是來自台灣，她一心到香港探親和遊玩，她的朋友就想到香港試下香港和台灣有別的食府，所以我和媽媽帶她們到香港的麻布茶房試下，嘗嘗和台灣的有什麼分別!婆婆和她的朋友全程都說台語，這間食府的服務員好似當我們是怪獸般看，有個年約三十至四十歲的服務員，全程都目露兇光般，當我們想點菜時，佢就命令某個服務員招呼我們。她的普通話亦不在話下，就連我用廣東話對她說，佢也好像不願意般。期間我們想要茶，亦要好長時間才有服務員為我們服務。最不幸的是在結帳後，我們並沒有多給小費(付了十圓內)，她們的眼光就... 好有狗眼看人低的感覺!婆婆的朋友說了一句，我聽了也覺得有點醜!