麻布茶房 (已結業)

練完歌的星期日, 拉大隊來了這裡.都唔係第一次來食, 都知道軟雪糕好得, 其他麻麻, 但未食飯, 都係先食點主餐先之後再來甜品.要了茶房風燒雞飯, 南瓜蝦餅, 厚燒蟹肉子, 同磯邊燒, 印象不太深了, 大致上都係一般.燒番薯霜淇淋- 焦糖: 9分, 軟雪糕依然係好滑, 帶點牛奶味, 唔會有陣雪味, 冰凍程度剛好, 加上熱熱的燒番薯, 一冷一熱, 簡單但精彩的配搭. 是日要了焦糖味, 小小甜, 為軟雪糕添上小色彩.服務係奇差, 全部侍應都好像係未經訓練.間唔中都會因為這雪糕再來, 真係好好味.

四個女仔，暑假一聚，選了麻布茶房，環境幾好，即使係dinner time 都ok靜。服務都幾好，頻頻斟茶。坐咗好耐都無趕我地走。叫了四樣野食：1)叉燒拉面：得兩片叉燒，有D日式魚片同荀，味道都唔錯ge，面彈牙，幾好味。2)麻布什錦燒烏冬麵：賣相好，味道都好，fresh combination。外面似燒餅，應該係蛋皮，裡面有一層係烏冬，另一層有帶子，口感豐富。3) 滑蛋吉列蝦飯：有4-5五隻吉列蝦，不過唔脆，可能因為有滑蛋將脆漿整淋。overall 味道唔錯。4)蕃茄蛋包飯：最唔抵食，因為正如佢個名所講，除咗蛋同tomato suace 之外，都無其他料，好彩都會見到d碎牛肉。飯唔係日本米，要扣分啦！份量雖足，但唔夠味，蛋香不能滲入飯，好似食白飯咁！

同好朋友仔c出去食dinna,N年冇見,想搵個地方可以hea得耐d!所以黎左呢度,因為上次o係tst果間都可以坐得好耐!今次既話題都離不開工作!><叫左辛味拉面<$43>幾好食,個塊肉就唔係好入味喇!..個湯底都ok...傾傾下又叫埋巧酥聖代<$38.5>我既最愛!cookie icecream好食!...加埋vanila加焦糖,仲有生果個配搭好match...d waitress 都好好人!同埋坐卡位好舒服!

同行7 個人去食, 諗住可以晚飯+甜品一齊攪掂星期日夜晚, 客人不多, 但郤有以下遭遇1. 客人唔多但都好難至叫到D 侍應生埋黎2. 我地影D 甜品既時候, 有位姐姐仔話佢D 食物係有版權, 唔俾影相3. 我地有7 個人, 其中有兩個人叫左個二人前火鍋SHARE 食, MENU 上話明D 湯底以每位計算, 咁我地落單時都已經同佢講明只會有兩個人食呢個鍋結果埋單時佢收左我地7 個人既湯底錢, 又講明係咩公司規定(SHIT!! 二人前火鍋收7 個人湯底錢!!), 要我地同佢爭論左一輪佢至肯收番我地三個人既湯底錢(咁最後實際又係有三個人食左既)雖然有靚仔待應生, 但我以後都唔想去呢間呀, 又唔係好食過人..

上個月同舊同學去旺角食飯,見到旺角都有分店就入去食,一入去7點都冇嘜人,都知有問題.叫0左一碟小食,炸豬軟骨,麻麻地,好淡,叫做食得入口.我叫0左雪糕,一拎相機影相就有侍應話唔可以影雪糕only.我男友就同佢0地理論,waiter:呢度唔畀影相男友：你又無寫明唔畀影，你拎條款出黎先講。轉頭有懷疑係經理既人過黎經理：我地既雪糕註左冊，你地盡量唔好影相。男友：點樣盡量呀？一係得，一係唔得。經理又離開，然後拎左幾張優惠卷過黎。經理：畀返幾張優惠卷你地呀。男友：可唔可以即刻用？經理：唔得，呢d只係for下午茶餐。男友：食物質素咁差，我都唔想再黎，你畀d優惠卷我都無用。之後就完全無再見過經理啦。搞到咁,大家都唔想係度食晚飯,食完雪糕就走人.

上星期日突然想食火鍋，朋友話麻布茶房有喎，我初頭都唔係好信，上到去原來有兼有分火鍋區，但只有三張枱食客＜食物＞１）茶房風什錦火鍋配壽喜牛肉鍋底（＄138）～首先講鍋底，甜甜地既豉油味，幾啱我口味，配料方面有青口、蝦、蟹腳、肥牛、鷄肉、金菇、菜、冬菇、魷魚等等，材料新鮮２）自家製麻布醬汁（每位加＄5）～有２種口味，有麻醬同酸辣汁，好獨家，必試３）穀飼肥牛（＄28.8）～只有８塊，但好好味４）芒果紅茶（加＄10一酌）～好好味，下次都叫返呢款５）雙莓聖代（＄43.8）～朋友好鍾意食，大讚二人共消費＄256

食飽要嚟食雪糕…一來麻布在我的心目中只適宜歇腳及食雪糕；二來貪佢坐得舒服一點又有杯熱茶清一清晚餐的飽膩感；三來我去發記食個榴槤酥皮都$35…一輪藉口嚟咗！叫咗：抹茶聖代+黑芝麻聖代雪糕都係咁啦！係唯獨裝飾的水果解凍得唔夠仍有點硬…還記得以前這裡的雪糕很有奶味，但竟然今日我渾然唔覺~像食M記的雪糕新地。究竟係我食雪糕愈嚟愈放肆而味覺失靈！？定還是心情影響！？因為今日入咗升降機才觀察四周猛然記起7樓的壽司亭係我五年前第一次同佢約會的地方…一段感情的過去~舊地重遊係必然要面對的事。共$87

去o左瓊華中心o個間食下午荼Order o左個鰻魚飯下午茶餐，成碗飯有一條鰻魚，下午茶餐算係咁。但係食落勁腥，同個侍應講，過o左幾分鐘，有個應該head d o既男侍應俾o左碟鼓油我，話點多d鼓油就無咁腥lar。條魚腥=唔新鮮，你叫人咁做同掩耳盜鈴有咩分別?我同佢講唔駛lar，你收o左條魚佢啦。佢收o左之後再無做任何o野，好似無事發生，佢真係由得我食碗白飯。先生，你點都應該俾d黃瓜伴菜我送飯啦。好彩佢無收埋碟鼓油，總算有o野撈飯食。唯一最高分係環境，好清靜，不過我知道原因lar。你搵支槍指住我都唔會再去。

好多年前去過銅鑼灣舊大丸(4-5年前啦)覺得食物同價錢好吸引(全部都HKDxx.8)好啦今次帶埋女朋友去食唔洗排隊好快有位叫左:牛肉豆腐屏屏麵咖喱溫泉蛋烏龍麵黃粉金粉刨冰南瓜甘薯軟雪糕係好食~除左牛肉老左少少俾個4分啦環境...太迫我孭住左一個中型size背囊都無位放要放腳底><2分!!乾淨問題食食下有隻烏蠅不過因為近商場入口無法子俾個2分你抵食:理論上呢d野唔值$190如果有套餐會好D1分!!!!服務問題黎喇!!!基本上落錯單係一件小事個侍應好有心機咁覆番我地一次心想都應該無事掛之後明明叫左牛肉豆腐結果俾左咖喱牛肉 同佢講番佢硬係要去部機部check下我有無叫錯野嘩...部機唔係我入架waiter入架唔俾佢入錯架...之後都ok佢肯換番但係問題又黎我女朋友點果個軟雪糕黎左食食下先發覺唔係掛又錯!?南瓜軟雪糕變左做蕉糖無計...食左成8成先覺最後冇換到個刨冰等佢N年都唔出同一個WAITER (戴眼鏡果個後生妹)講佢一句都無應走開左影都無埋之後過左10min叫個阿姐覆一覆佢行開10sec 之後答我「整緊架勒」再等多3min先出咁即係最初係落漏單跟住果個四眼waiter漏多

睇雜誌推介此餐廳，所以今晚走去試下．　點了一個”他他醬雞塊冷烏龍面”同埋咖哩炸芝士雞排．首先來了烏龍面（其實係烏冬）簡單來說只係烏冬撈左沙律醬加多４片雞肉，味道好一般．一面吃一面感到失望．而另外一個炸雞排飯比起個烏冬味道就好ｄ，最少賣相都好好好多．．．味道都ｏｋ啦，但並不是很特出！今次吃完我唔會再去吃，　味道ｖｓ價錢此餐廳attract唔到我．

兩個傻瓜去逛街，一個不能吃甜，一個不能吃牛肉，結果各有各叫。下午茶Set三十幾蚊有鰻魚飯，雖然條鰻魚得ＤＤ但個湯又真係鰻魚肉弄出來的，幾好味喎！個Tea Set仲包杯超巨型Size的烏龍茶，散叫了牛肉露荀卷，有點油，但人家打正招牌做茶房不能老是期待食物的水準有幾高，巴菲，慣常的好味，內裡有Cereal，有丸子，有類似芝麻做成的0者喱，有灑上焦糠的軟雪糕，再加芝麻雪糕，不過價錢貴過下午茶餐。這裡旺中帶靜，悠悠閒他他條，永遠有卡位坐，店員不太辛勤但很有禮貌，抵讚！為甚麼要去Pokka等餐死？去仙蹤林迫餐死？這裡不錯哇！

子細,人迫人....點了最愛的冷麵但味道不夠那個蛋飯我也知道怎樣做實在太簡單最愛的漢堡牛肉份量愈來愈少最好笑是遞茶的女侍應超好笑''唔好意思,家家茶'' 那把死人聲笑死我和家家還有一句''你地叫得太多野食啦'' 她在倒公司米嗎?我們只是點了三個餐,她幾乎同一時間上菜桌子又不是大,要放其中一個餐到另一張桌上原定要點一定會食的雪糕.但飽只好結帳

麻布茶房0既綠茶雪糕真係超級好味呀!!勁香綠茶味!!激推^^b而且侍應真係幾細心的!!事緣我同阿米2個人share一個雪糕，到雪糕上枱時竟然連埋2隻雪糕匙。但係上食物0既侍應同落單0既侍應係兩個人0黎架!!所以我認為應該係落單0既時候已經0係order到寫埋~~真係令我好意外，吃都吃得開心d!!至於熟食呢~~吃左咖哩芝士炸雞排飯，塊雞炸左都唔鞋口，中間有芝士漏出，好新鮮的!!不過芝士唔夠香呀!!同埋，麻布雜綿烏冬，有層蛋包住的!!烏冬煮得酸酸地幾好味，不過層蛋太多啦面積太大，所以有少少漏!!另外，之前麻布茶房0係pacific plaza 0既foodcourt有間分店，只得0個間有綠茶軟雪糕架咋!!現在執左... ...好唔開心T^T

今晚同朋友聚舊, 兩個人Order:麻布什錦燒烏冬麵- 外型似日式燒餅, 上層有木魚絲, 下層蛋包烏冬, 入面有海鮮... 味道唔錯!三色和風香腸- 一客三條, 十分香口.鰻魚玉子卷- 一客三件, 玉子好有口感, 入面夾有鰻魚.黑芝麻慕絲芭菲& 抹茶慕絲芭菲- 兩款賣相唔錯! 好重黑芝麻香味及抹茶味, 但食到最尾好甜...服務方面: 有禮! 主動加茶.

食左個朱柳雞蛋咖喱飯, 好味~環境一流我一定會再去呢!