麻王 (已結業)

在灣仔找麻辣小店，這間麻王在小巷。有少量座位供堂食，大概十幾個位。他們的麻辣菜有三個特點：特點一，不同的菜色，辣味都不同，反映他們用不同的辣汁煮。紅油抄手，$32 六粒，抄手好大粒，紅油只是小辣。我平時唔食辣。口水雞，$32，一人份量，辣汁的味不同，幾好味，我得是中小辣。水煮魚，$69，一人份量的魚，不是太多肉，卻有很多菜，非常辣。我把辣湯留下來，第二晚買了魚再食，都好味。特點二，辣味程度，不是太辣，唔食辣的我也可以接受。特點三，雖然這間小店叫做麻王，但是食物不太麻，主要是辣。其實，正統四川菜，主要是麻，多多麻，少少辣。總評味道：好食，麻王，不麻，小辣。環境：舒適；服務：店員有禮貌；衛生：可以。

性價比極低 係個汁食得下人一打開好似好正咁？其實得個樣！雞多骨都算 仲要食到有舊雞頸同雞屁股咁大個人重未試過出街食 會食到呢兩樣野囉飯又少 仲要收45蚊啲份量同平時食無骨海南雞飯啲輕量裝一樣 你唔計骨 可能仲少過人地 隔離食無骨雞嗰間 平過你 飯同肉又多過你 仲有啲飯係凍架 暖都稱唔上怪不得無客啦俾左錢食唔飽嗰下慘我重未係openrice寫過食評 今次專登為你間野而寫真係好差呀！！

非繁忙時間幫襯，得兩位店員掛住傾偈玩電話。落單態度敷衍，問多少少都叫你自己睇，無客都咁。仲要一路煮一路玩，衛生令人擔心。食物方面正常，服務態度有待改善………..

睇網上介紹話麻王好正，我都真係想食好耐了，咁啱早幾日係灣仔有野做，終於有機會去試一試佢。麻王所處位置有些少難搵，係嚮條巷仔入面，我地唔熟嗰頭，兜咗路，去到嗰時仲有唔夠半個鐘佢地就要收舖了，好彩大啖啲食快啲，都係趕得切堂食的。之前上網啲覺得最吸引就係佢嘅自選式麻辣燙，有淨餸揀，啱晒想避開粉麵飯嘅keep fit人士同低碳一族，我就係揀呢個嘅。最得我歡心嘅係啲萵筍，估唔到清香撲鼻嘅萵筍同麻辣竟然好夾，個豬紅都好嫩滑惹味，但其他配料就還好，冇話比到好深印象我，不過個湯底極正，雖然油咗啲，但啲麻味食到我好爽，bb辣又唔會太over ，所以氣管都係舒服嘅。男友個水煮牛肉就再好食啲，跟一碗白飯，我試咗少少，香到我都忍唔住破戒食咗啖飯，好滿足。

平時食水煮魚都係要係餐廳一大盤咁叫依度有$68的水煮魚餐！仲要係唔錯的！超適合一個人辣癮起，可以一個人食水煮魚我叫左中辣，辣度對我黎講岩岩好魚片滑，唔腥，無骨雖然係一人餐，但係魚的份量都好足夠應該都有十片，不欺場！個底就有芽菜、海帶、大量娃娃菜稍嫌娃娃菜份量太多，我個人鍾意芽菜、蓮藕多d另外加左$22轉做套餐送一款小食同一包紙包飲品小食揀左蜂巢豆腐另外見到餐牌有麻辣魚蛋($10/5)，忍唔住都叫了一份可能因為我要左中辣既水煮魚所以小食都起勢咁落左好多辣椒粉比我蜂巢豆腐浸落水煮魚湯底度食，比就咁食好食麻辣魚蛋都ok，正正常常咁，又唔算辣餐廳有小小的吧台可以堂食不過方便的話都係外賣回家吃，比較舒服

🌶 水煮魚配白飯 $68魚片好鮮嫩不過份量唔多 食到底仲都有唔少配菜(蓮藕、芽菜、娃娃菜）😍湯底係麻香味好重 但愈食愈淡味咁 同埋可以再辣d會更好👅不過呢個湯汁撈飯係幾唔錯😍🌶 五餸 $38<萵筍、白蘿蔔、肥牛、凍豆腐、雞柳>朋友叫左小辣 湯底無我食個個咁濃味～配餸好多選擇 唔洗驚無野岩食😂

@spicy_kingdom 灣仔想食麻辣又有一個新選擇😍湯底鮮甜入味，食落真係好開胃，一定係ol外賣之選😋👍🏻.水煮蜆水煮湯底微辣之餘，搭配埋粒粒蜆真係好特別。.酸菜羊肉酸菜湯酸味好出，羊肉鮮甜可口，豐富的配件，蓮藕片，海帶絲，同白菜都好入味。.紅薯寬粉我最鍾意一定係呢個麵底！彈牙晶瑩剔透，撈埋湯汁更加入味。.拉麵拉麵彈牙，頗有口感。.麻辣蜂巢豆腐軟熟之餘好入味，可以吸收湯底醬汁，纖维感比滑豆腐特別。.紅油抄手抄手落料豐富，大大隻鮮蝦更彈牙，紅油調味更可口。.豆漿甜度適中，清涼解渴。

早已聽過麻王大名終於有一間分店係附近於是決定一試成個重點係個湯底今次拆開黎分析麻：有辣有麻坊間太多米線只辣不麻真係好麻麻反觀呢度以麻為主一入口從嘴唇到嘴角到舌尖到舌頭表面到舌根一路一路麻下去大呼過癮辣：自己唔想太辛苦自己所以叫咗小辣色香味都很足食食下開始出汗但都不忍心停下來不對不對追個湯底飲蒜：其實蒜同麻辣湯底係好夾的你試試就知店家刻意把蒜拍爛使得蒜味更加突出也帶出了那一點點獨特的輕輕的甜增加香氣口感的同時帶一點點解辣吧黑醋：可以揀攞唔攞個人覺得按店家推薦原本個比例已經很好一點點的醋唔會太容易膩在你大汗淋漓的時候給你一股清泉不足：肯能灣仔店外賣為主堂食座位麻麻地吧

之前同朋友去過銅鑼灣麻王食麻辣嘢覺得好好味 原來灣仔附近都開咗間分店 所以買咗外賣返Office慢慢食😋 之前食過水煮魚 今次就試吓新推出左水煮大硯同埋涼拌大蜆 咁就要試吓😛1️⃣水煮蜆 $72麻辣味好香濃 鍾意食辣嘅人一定鍾意 蜆份量都多 仲有好多配菜 例如娃娃菜 蓮藕 芽菜 旺菜2️⃣涼拌大蜆 $42味道甜甜地辣辣地好惹味 蜆肉新鮮 如果怕辣嘅人就建議食涼拌大蜆 因為水煮蜆真係幾辣 配菜再浸麻辣湯好辣 但辣得好過癮去試下啦😋😋😋

呢間小店一直都喺我個bookmark list入面。尋晚太懶唔想煮晚飯食，要買外賣返屋企一諗就諗起「麻王」😆😆▫️招牌水煮魚 (HKD68)呢個價錢係跟一碗白飯，但我就加咗$8轉紅薯粗粉。拎緊袋外賣返屋企嘅時候覺得幾重，返到屋企後終於知道點解喇😝😝因為碗水煮魚真係好大碗 - 有魚片有菜有芽菜有蓮藕片😱份量十足。魚片肉質好滑溜，最緊要嘅係冇骨👍🏻辣度我要咗小辣，對我來講足夠喇。我將啲麻辣湯倒入碗粗薯粉，等薯粉吸收咗湯底先食，越食啲麻辣味越重，好刺激😝😝所以我覺得加錢將飯轉做薯粉係值得嘅。▫️麻辣魚蛋 (HKD10)只係食水煮魚我覺得唔夠，買5粒魚蛋做加餸都唔錯喎😁😁

“水煮肥牛配白飯”($68)想試呢間麻王好耐🤣見佢開咗分店喺灣仔所以放工走咗去食🤣叫咗份水煮肥牛🐮面水煮系列係會配埋白飯嘅🍚辣度方面揀咗中辣🌶🌶碗水煮牛紅卜卜咁賣相好靚😍食落口唔算太辣!不過好香口惹味🤤肥牛大大塊入口幾嫩滑🐮入面仲有好多配料😆好似蓮藕,津白,芽菜,海帶咁🤤配飯真係一流🤤

灣仔道內街新開嘅黃店，店子吾算大，雖然只得幾個坐位，但坐得都算舒服。$68大大碗有4個餸，有酸菜魚，同3款蔬菜，仲加多一碗白飯，量份非常足夠，lunch嚟講，又抵食又滿足

之前試過酸菜魚、味道不錯、但魚片份量不多只有6-7 小片、酸菜魚可有其他選擇；今次試了4餸1麵、其實應等如麻辣燙、$45性價比高、餸的份量很足夠、味道也好吃、值得再試

有時鍾意捐窿捐罅搵平價嘢食，經過呢間小店見到門外都有好多人等緊外賣，而且仲有一陣麻辣香味，睇餐牌價錢相當經濟！麻辣蜂巢豆腐，豆腐索晒啲麻辣醬味、非常香，嗰種麻香好正！口水雞亦都相當唔錯，一碗份量兩個人食都夠好多。口水雞嘅辣味又係另一種風味，鍾意食辣野嘅人就啱！酸菜魚我最鍾意食，呢度嘅酸菜魚與嘅肉質夠滑，而且相當大碗。酸酸地又辣辣地，越食越滋味。再叫咗個薯粉，可以用之前叫嘅食物加少少麻辣味，本身想叫麻辣，不過怕太辣，所以揀咗豬骨湯。薯粉選擇咗幼身，好食！

呢間餐廳平民價錢可以食到水準唔錯嘅食物，份量仲夠多主要做外賣，亦都有四個座位堂食。選擇相當豐富，揀左▶️ 口水雞呢個都幾辣，而且辣得來幾香，雞肉尚算唔錯，有蔥花、辣椒等配料。▶️ 酸菜肥牛 呢個真心推介！酸菜味夠香，而且非常足料！肥牛非常之多，超級抵食，辣得來有有麻香。▶️ 紅油抄手雲吞夠爽口，大大粒。又係充滿辣油，幾好食！▶️ 自選配料薯粉由於都揀咗幾款辣嘅食物，所以薯粉揀咗豬骨湯。薯粉煙煙韌韌，味道幾好。配料揀左豆腐、墨魚丸、魚皮餃、萵筍，真係食到飽飽。