麻甩爐海鮮雞煲私房菜 (銀座廣場)

營業中

休息中

香港人最鍾意就係打邊爐，聽說呢間火鍋店係由大埔開到黎旺角，主打雞煲、海鮮盛宴、牛肉盛宴，仲可以任食3小時，一於去試下特濃花膠雞煲雞煲既雞件都係無限添加的，揀左特濃花膠雞煲，湯底唔算有驚喜，而花膠真係好似食緊舊膠咁，淡而無味，唯一可取既係雞件夠嫩滑豪華牛肉盛宴揀左卜卜蜆鍋，卜卜蜆幾惹味，食完後就開始打邊爐，牛肉圈放上了6款牛，有手切A5豐後牛、手切美國安格斯牛肉、手切頂級封門柳、A5和牛粒、安格斯牛肉粒 & 薄切牛舌片，d牛肉看似好好味，但食落無想像中咁好食，有d仲偏韌，可能同切得太厚有關，有d失望$3xx 呢個價錢3小時任食我覺得唔錯，不過食物味道一般，環境一般，試一次就好了

平時都好鍾意食火鍋任食，今次都係第一次寫食評🥰，經過見到呢間麻甩爐個名幾得意喎 🤔幾朋友就睇下個menu先😉 ，咁啱大家又好鍾意食海鮮見到有海鮮任食😱 梗係試下啦🤭 落到嚟個環境都企理 又有卡位坐都幾舒服跟住點餐就點咗花膠雞🫰 之後可以轉其他湯底 ，不過我哋見啲湯底又唔係好啱食所以冇轉湯底 用返花膠雞個湯底打邊爐 一開始會出個刺身拼盤 有我最鍾意食嘅 三文魚😍 之後仲可以任食添🥰 食完刺身之後食花膠雞煲啲雞超級滑好好食，個湯都好好味食完雞之後就會出個海鮮拼盤打邊爐😱鮑魚扇貝蝦仲有多款海鮮有得任食 牛肉有牛板腱好有肉味 🤭出面其他配料都好多選擇， 之後仲有häagen-dazs雪糕😍飲食仲有好多其他甜品 ， 最後大家都捧住個肚走超級飽🥰 358呢個價錢 真心覺得值回票價 一定會再返轉頭食其他套餐😍

同朋友慶祝生日，見咁多好評諗住試下點知叫左2個雞煲 個招牌啲雞好大舊好鞋花膠雞尚算ok,之後叫湯底 一個卜卜蜆一個豆腐湯，卜卜蜆用豆瓣醬整 陣味勁奇怪又咸，要加湯先食等落口，但一山還有一山底🤮豆腐湯係呢一世人食過最難食既湯底 根本就係牛奶加水 仲要溝到勁稀果種！！啲牛難食到6個人都可以食唔哂，啲牛靭過普通雪花肥牛，第一次任食可以一次都冇加野食，300幾完全唔知食左啲咩 ，旺角任何一間都好食過佢除左碟牛可以打下卡 冇野值得黎食

最近喺ig見到有個post推介呢間餐廳，就諗住book埋位同朋友一齊嚟試下。當日去到餐廳講電話number，職員話已經有人講咗我個電話number拎咗枱，但2個人都係陌生人，搞咗一輪先安排另一張枱比我地。個位好凍，我地諗住佢可以安排另一張枱，但係職員話其他位都比人book哂。當時只有3-4枱人，佢都唔肯比我地調去其他空位，唔係好明'比人book哂'係咩理由...我地首先叫咗個藥膳醉雞鍋，呢個味道唔錯。之後就叫咗個蕃茄豬骨湯打邊爐，好快就聞到燶味，我唔知係佢地未洗乾淨定點，因為冇理由會咁快燶，啱啱先開始食第一輪...然後d牛肉上得好慢，我地食咗個半鐘先上，嗰陣已經飽咗7-8成，同埋d肉唔係真係咁好食。中途仲不斷滴血水出嚟，滴到成枱都係，我個frd條裙都濕咗。唔會再有下次，三百幾蚊可以去其他地方食得更好

💛麻甩爐海鮮雞煲私房菜💛想試好耐，但成日都無機會，中秋終於約埋屋企人去試咗😂😂佢地有3款食物/價錢選擇，3款都想試🥹🥹最後選擇咗個「甩牛盛宴」嚟打下卡🤣🤣🤣其實佢地主要係打邊爐任食😋流程係：1.先食雞煲（有幾款雞煲可以選擇）2.再打邊爐（打邊爐湯底都有好多款選擇）今次雞煲選咗椰子雞煲，濃濃嘅椰子香味，淨係飲個湯都飲咗幾碗🫣正👍🏻之後打邊爐就選擇咗個卜卜蜆鍋，個湯底相當出色🤤基本上用呢個湯煮完嘅食物都唔需要再點豉油果啲嘅調味料👍🏻👍🏻唔夠飽嘅話，佢地仲有啲任食嘅牛、豬、炸物可以任食，外面都有其他火鍋配料可以拎，見到有啲餃子、丸、蔬菜等等但係我地食完個雞煲再食埋呢盤牛宴已經好飽了😅😅所以都係向雪糕櫃進發😂😂🍦🍨雪糕同雪條夾夾埋埋都有成10款，唔錯唔錯🤤

昨晚試咗「麻甩雞煲」，真係好好味！😍 呢道菜唔用味精，完全係用真材實料，食完之後口唔會乾，真係好驚喜🤤。呢個雞煲嘅味道比外面一般雞煲更加香濃，聽聞係老闆親自調味，果然名不虛傳😍。雖然有少少辣，但嗰種辣勁啱啱好，令人食指大動，忍唔住一口接一口😂。啲雞肉同薯仔都吸滿咗醬汁，雞肉大塊又滑，完全唔似啲瘦瘦無味嘅非洲雞（平時食嘅任食雞肉通常又瘦又硬），另外，海鮮質量都相當唔錯。以呢個價位嚟講，性價比真係高，值得推薦！

本身和朋友一起行街shopping，剛剛經過銀座廣場，見到有一間任食雞煲同火鍋，價錢合理，就和朋友試吓，自己只係抱住好就好，唔好就冇下次嘅心態去食。殊不知一食雞煲之後，覺得非常美味，雞肉嫩滑，麻辣味道恰到好處，食了兩轉後就食火鍋，怕食得太多雞肉就吃不下火鍋了。火鍋湯底有很多選擇，我們就選了薯茄豬骨鍋，湯味濃郁，薯仔好食，牛肉肉質不錯，又有任食炸物，真係大飽口福，最重要係除咗飲品任飲之外，雪糕有Haagen-Dazs任食，非常滿足。而店員招待亦很有禮貌，介紹適合我們的餐。總括來說，我和朋友會再次幫襯。

同屋企人慶祝生日個牛肉擺盤好靚 打卡一流D牛肉都好高質😋另外麻甩雞煲都好惹味，仲因為個雞煲食左碗飯😂😂打邊爐湯底我揀左牛奶豆腐湯真係有牛奶味😋清清地都幾好甜品方面，有榴連炸彈都好正仲有haagen dazs 雪糕任食正👍🏻

不論食物，環境，衛生情況，都是不堪一擊……. 海鮮刺物不太新鮮，雞煲算是可以，環境很簡陋，網絡跟Wi-Fi接收都很差…… 本來眼見好評如潮，滿心期待去試一試，非常失望，食了一小時左右立即離開了….. 洗手間的衛生情況更為惡劣，女廁只有一格，9秒9走了！如果以人均400港幣消費，真係好多選擇。

Local朋友推荐的一家鸡煲海鲜放题之前开在大埔 现在旺角也可以吃到了🥘点的是和牛海鲜鸡煲光是套餐里的食物就丰富到可以吃晕还有冰柜里满满当当的食材只能浅尝了鸡煲本身是酱香和麻辣的口味现场炒制 等着等着香味就四溢了鸡肉很嫩 还有土豆块在别家鸡煲都很少能吃到 特别入味！海鲜部分有冻蟹、刺身拼盘和香辣螺肉质新鲜紧实 尤其香辣螺料汁超香炸物的南瓜饼我个人很喜欢！要是可以单点该多好🐚鸡煲吃完之后会换成卜卜蚬锅加入白白的浓汤 煮到蚬壳开口就可以吃了蚬子很多，吃完以后还有一盘海鲜可以煮大只鲍鱼、鱼肉块和蛤蜊套餐里还包括M7和牛、牛板腱黑毛豚肉片和牛胸爽质量、分量都没得挑暗暗下决心下次要饿一天再来吃🍦自选区域还有丰富的食材可以选各种丸子、蔬菜、饮品和雪条这些都是晚市任食三小时的听我的大胃王朋友们必须来试试可以吃肉吃到爽👍

上網見到啲人推薦，所以嚟試，但點知就中伏😂個招牌雞煲勁甜，同得個麻字，未食過咁難食嘅雞煲....連啲豉油同燉湯都係甜，懷疑啲糖入貨唔使錢，而刺身啲蝦好唔新鮮。真係同網上啲推介差天共地! 廁所又得一格同勁污租，入到去打冷震。總之都好失望，根本中伏

呢間店之前賣廣告，一枱難求，過咗幾個月，終於訂到位立即去試，俾佢擺盤吸引住好想去打卡，加上評語唔差。我哋叫咗個花膠雞煲牛盛宴。先食雞煲，後打邊爐，但佢唔係用雞煲加湯，係另外再揀湯底 真正兩食。可能我哋太早，未夠時間火喉，個花膠雞煲較淡，佢唔係其他邊爐店咁用黃油雞湯底，不過，清清地飲2碗清雞湯再打邊爐都唔錯。 花膠都唔太似平時食到嘅花膠，佢好挺身彈白😅 不過，我本身唔太好花膠，所以無所謂🤷🏻‍♀️ 雞同花膠嘅份量都多，四人食都足夠。之後打邊爐就叫咗個卜卜貝湯底，個煲上枱先要炒香佢跟住加湯再煲，呢個好好味好香有啲似麻辣雞煲個醬，可惜嘅份量就太少得11粒咋，不過真係好好味又大粒，如果可以多啲就更滿足之後就到食牛啦，上枱牛肉款比Menu上面寫嘅還要多，我哋就想知道係咩部位肉就問侍應，侍應居然請咗廚房師傅出嚟同我哋介紹，實在太有誠意，值得嘉許啊廚師話牛肉係按當日食材而出（唔知真定假🤣），未必一樣，我覺得好似去咗中式Omakase😂 大約有7款牛肉，唯一美中不足係個牛肉花用封門柳，太黑色唔靚見其他枱係用鮮紅嘅肉整成靚好多😂 呢一盤無refill，但佢有其他打邊爐食品牛肉、豬肉、丸類小食、菜等等任

一個圓圈⭕️的牛肉盛宴食完都不用任食都食飽飽了一開始先食一個招牌雞煲啲雞煎香再煲又香又濃，雞🐓肉好多，又好入味三個人食，好足了雞煲都可以叫佢加雞食完雞煲就可以打邊爐啦今次同朋友食牛肉盛宴一轉火鍋就會有一個圓盤放滿不同部位的牛肉擺盤一流食肩位置好滑，又軟熟但有啲部有筋就有少少韌，咬唔到。但整體黎講啲牛肉都好新鮮另外任飲任食套餐仲有炸物可以叫榴槤波波同出面果啲有少少分別，好香榴連味，好似高級版榴槤波波芝士年糕都係，唔同平時食開果啲扁身，佢炸到圓轆轆，個年糕皮好薄，芝士仲流心👍🏼👍🏼👍🏼👍🏼👍🏼估佢唔到炸物都唔錯整體食方面係可以的但環境就真係有啲一般，不是污糟，但我個人不太喜歡黑漆瀨同有太多黑位既地方，光啲會好啲服務員質素都不錯，不停提醒幾時可以吃，不錯👍🏼

🥢由大埔開到旺角的一間超瘋狂乜都包曬嘅火鍋店，主打雞煲、生猛海鮮盤、牛肉盛宴，仲有自助區火鍋料，罐裝啤酒汽水同任食Häagen-Dazs雪糕，裝修環境幾有情調氣氛，啱曬同朋友飲傾計飲啤酒，每張檯都係卡位坐得比較舒適，之前已經食過幾次真係幾多嘢食CP 值高，每次嚟都會食到勁飽🥢極上時令刺身海鮮拼盤坐低時會按人頭安排刺身盤 ,會提供時令刺身，今日就有大赤蝦，厚切帆立貝，八爪魚，北寄貝及三文魚，味道新鮮鮮味，鐘意食三文魚仲可以無限量任加，刺身整體來講都好新鮮鮮甜🥢雞煲五選一招牌雞煲上次嚟食已經試過，係即叫即炒，味道整得夠香辣惹味，今次試試佢地嘅椰子雞煲，奶白色的湯底，散發住清新椰子嘅清新香氣，最估唔到雞肉係好滑，就算係煮耐咗都可以保持住滑溜口感，仲有椰子肉喺入面，可以先飲湯後打邊爐，滋潤又順喉🥢煲底八選一食完刺身同雞煲後可以轉換湯底，呢到提供8款湯底，之前嚟過已經食過卜卜蜆，同沙嗲湯，卜卜蜆大隻湯底鮮甜，沙嗲湯係自家炒製特別嘅味道夠曬香濃都好惹味，加個公仔麵係絕配，而家天氣咁熱就試吓「上湯金柳素翅冬瓜鍋」用上大大件冬瓜，加入了金華火腿及素翅，煮腍後嘅冬瓜好軟熟，飲落順喉清清甜甜咁，配海鮮同牛

前幾日，朋友想打邊爐食雞煲。佢第一間諗到嘅就係呢間。當日天氣超熱，我亦有叫朋友不如食其他，三十幾度打邊爐實在不太吸引。最後喺佢堅持下都係落左去食。好彩食品環境服務質素都非常滿意。第一時間，落到舖頭一坐低，就會有職員過嚟介紹點樣落嘢食。因為有三個，內容都唔一樣。(海鮮餐，牛盛宴和烤魚)當中海鮮餐和牛盛宴都是食雞煲的。我地果斷揀左海鮮餐。只要358海鮮和三文魚任食，當中竟然包括鮑魚。海鮮同刺身亦相當新鮮。海蝦上到枱面，啲腳仲識郁。是非常不錯。雞煲方面，揀咗招牌麻甩雞煲。當日坐嘅枱，可以望到廚房嘅窗口。見到職員落完單廚房就開始炒嘢。大概10分鐘後雞煲就落到枱面，肯定是即叫即炒的。樓面職員也有幫手炒雞煲，服務非常好。(食過唔少雞煲都係要自己計時自己炒，有時真係唔清楚幾時食得）雞煲味道鹹甜適中。叫左小辣，惹味得來唔會辣道食唔到。非常適合香港人口味。薯仔同芫荽更是非常入味。仲可以無限加雞。食完雞煲嘅時候就轉湯底打邊爐。我地揀左冬瓜湯。果然冇揀錯，湯底非常鮮甜。食海鮮一流。食完重口味嘅雞煲，用冬瓜湯打邊爐。成件事非常舒服。自助區和飲品，亦都非常足夠。有啤酒任飲。自助區仲有一格係全部都係甜品同埋水果。